#gfmurmur6574 終極超長文 我知道佢有follow依個ig。 因為愛，我和她走在一起， 也因為愛，我必須離開。 先交代一下背景:我本來系一個直女，因為我一直都系中意男仔，而佢系一個細個已經出櫃既tb。我地各自都有過一段一齊左4年幾既感情，我同佢就一齊左一年幾，系網上面識既，初時我並吾知佢原來系tb，只系普通傾下計，但日日傾多左開始有少少好感，咁大家都當玩玩下咁一齊左，不過佢就成日玩失蹤既又好易嬲同發脾氣，我覺得都吾會認真就由佢拉。過左個幾星期我地第一次約出黎見面，佢黎接我收工見到我咁高其實有啲卻步（我呃佢我得15x，事實我16x而佢真系15x），蠢到核爆既我又真系睇吾出佢吾系男仔，我竟然比佢成功瞞左我3個月。 依3個月入面我地差吾多每隔幾日就會一齊去食野然後送我番屋企去到樓下，有時傾到好夜甚至天光先真系番去，傾下感情觀，大家都對男女朋友好好，只系後期被冷落令我好灰心，而佢就忍受吾到女朋友同男仔fd行得好埋而分開。自從了解多左之後我開始放左感情（我自己都覺得好不可思議因為我從來吾會揀矮過自己細過自己既另一半），不過佢就中意周圍flirt女，慢慢我變到無論佢點樣吾理我點樣令我吾開心我都好似默默承受咁。 但系突然有一日我吾知癡左邊條筋系wtsapp status打左一句:我決意要讓你愛我愛到死心塌地。由果一日開始我做左好多好多野去令佢覺得我值得佢對我好、值得佢愛，例如無論佢錯定我錯我都會做主動氹番佢果個，佢衣櫃亂我幫佢執足全日而佢系度訓教，整野食拎比佢，佢想做啲咩買咩要即刻有我都會撲比佢，就算去旅行都不忘買衫比佢上網買埋佢最想要既遙控車仲要驚寄吾切去酒店，又特登貼易碎品驚整爛拎番香港比驚喜佢，吾中意我有男仔fd我全部del哂block哂包括識左8.9年既，只系為左佢開心，而最後我都真系打動左佢，同時隔左一排我巧合下睇到佢張身分證上面寫住既性別:女。我重複睇左幾次想確定自己無睇錯，我到依家仲好記得當時心情系:身高年齡我接受左，性別我要點跨過？（睇到依度既你地會覺得咁我應該會同佢分手拉，但我無咁做到因為我既感情系真系付出左吾關佢系咪男仔事） 我沉住氣扮咩都吾知等佢坦白，系一次鬧交之中我終於忍吾住話我知道左，問佢想瞞到我幾時？估吾到佢轉身就想走，我追左上去佢問我仲可以講咩？我真系喊左出黎，佢話其實本身諗住差吾多準備講我知，系我先知一步。我以為我地會就咁完，但清醒後先系錯誤既開始，我竟然接受左仲反而比以前更加恩愛。 只不過盲目過後，開始覺得依段感情系咪由我一個不斷既付出去換番黎呢？出街洗費大部分系我比，不停要求我買呢樣果樣，相反即使我生日我都無要求要禮物，花啲心思食餐飯就夠，吾講我差啲以為我先系男朋友。我開始嘗試溝通問題，但佢態度好快就打回原形。依個時候我屋企果邊又出現左啲變化，因為對我保護意識最強既家姐系外國番黎香港，我爸其實系極虔誠既基督徒，我媽就思想傳統到爆，總之全家都無可能接受到我有個「男朋友」，增加左我想逃避依段感情既意欲，於是我提出第一次分開，我知道我再拖落去都未必會有好結果，長痛不如短痛。 分開果段時間大家都仲有留意對方，但我知道想佢幸福我就要遠離佢，我將最後一件佢借比我既褸都寄番比佢，最終佢主動wtsapp我後，我又忍吾住心軟覆左，本來我想令佢放棄，於是我特登話如果佢肯為我改變我會考慮比多次機會大家，因為我知道佢從來吾系一個浪漫既人，踢佢先會郁，但估吾到佢真系book場同班fd夾手夾腳佈置，我當時諗:話吾定今次佢改好令我堅定到呢。佢應承我會改共識一齊努力為未來，我就咁應承左一齊番。 我兌現左話同佢去澳門去睇pakho演唱會既承諾，亦一齊去左旅行，但系事情並無突破，佢既態度依然系咁，仲嚴重左既系管埋我沖涼時間吾可以太耐、番到屋企入門口即刻要講遲左都吾得、每日見到面第一時間系要拎定部電話比佢check等等，如果我地鬧交佢就會搵fd一齊分析，但明明女朋友系自己既點解要其他人去幫你氹？我認佢啲fd系講得岩，佢始終吾系男仔我都努力迎合，佢成日都話我吾比機會佢改，根本連佢啲fd都清楚我如果吾比機會佢我會每次都吾走企系條街度聽佢解釋咩？去到最後我真系覺得好攰不斷既包容變左縱容，我狠心提出第二次分手。 今次系我最失望心痛既時候佢先解釋同我講話因為太緊張我太怕失去我先會咁，佢ex既陰影加上之前我同ex有啲錢銀既瓜葛未還清要聯絡令佢心入面有條刺，但我同番佢一齊之前我ex已經還哂錢比我無再聯絡，我每日都不斷比信心佢，相反佢講過無數既大話我咪更加有陰影？我其實都已經好迷失，或者我同佢都吾夠了解對方大家既觀點都好吾同，我感覺佢要既幸福我比吾到佢了，可能有人會覺得我只系為自己既自私掩飾，因為當初我發現佢系tb既時候應該要諗到以後，就吾好再錯落去令回憶更傷，但作為魔羯座既我自問系依段前所未有既關係入面我已經盡左力，我好想信佢改到但吾敢再信。 雖然依家既我無論對男仔定tb都已經再無勇氣去愛，但我真心希望我比吾到佢既會有一個人比到佢，吾知佢會吾會睇到依個post佢亦未必會睇哂，而如果佢真系睇緊，我想同妳講:希望妳吾會後悔識到我，而我亦都無後悔過愛妳，吾好求其搵個人就一齊，唯有睇到妳過得幸福，我先會覺得幸福同放心。我地無可能做得番朋友因為畢竟深愛過，我依然愛妳，只系換左另一個方式。 -- #hkig #couple