🇹🇼 #wcfhkliuqiu
《Taiwan Liuqiu island / 台灣 小琉球》
小琉球飲食篇 (打左好耐咖 俾個like save低佢 去小琉球跟住食啦😋😋)
——————-
1. 琉球腸😋 本身上網搵咗,想食”鄭記琉球香腸”, 但係好似冇開門, 所以就咁喺碼頭附近食咗一檔, 已經好...
🇹🇼 #wcfhkliuqiu
《Taiwan Liuqiu island / 台灣 小琉球》
小琉球飲食篇 (打左好耐咖 俾個like save低佢 去小琉球跟住食啦😋😋)
——————-
1. 琉球腸😋 本身上網搵咗,想食”鄭記琉球香腸”, 但係好似冇開門, 所以就咁喺碼頭附近食咗一檔, 已經好好食! 琉球香腸係好正, 類似台灣腸咁樣, 再香口啲, 一定要試!
.
2. 小琉球飛魚卵起司烤餅😋位置: 民生路🗺係類似超薄嘅Pizza咁嘅, 我哋試咗兩隻款, 實在係太好食啦!!!超級推薦佢嘅主打”飛魚卵起司烤餅”, 好味到爆!! 另外仲試左”香腸起司烤餅”, 好好似唔係好食得到香腸果哈哈. 我認為係呢一度係一定一定一定要食嘅嘢!!
.
3. 小琉球海龜燒😋 位置: 民生路🗺 佢唔單止睇得, 仲食得lol 即叫即燒, 外脆內軟🤤我嗰日係食咗雲呢拿味, 超好食! 聽講有時仲會有特別味, 可能我係淡季啦, 所以冇咁好彩. 不過都已經好好味啦~~超級推薦!!
.
4. 統香滷味😋位置: 民生路🗺 就係正好客多生鮮超市隔離, 一個夜晚先至會開嘅檔仔. 佢嘅滷味真係超好食, 揀完餸佢會即時幫你整熱, 用埋佢秘製嘅醬汁! 我哋重加了辣, 如果你鍾意食辣野, 一定覺得超超超好食!!!我哋連續食咗兩晩😂
.
5. 蔡媽媽麵店😋位置: 民生路🗺 近住海邊不過係Google Map搵唔到。我記得當日係食咗一個撈麵一個湯麵. 都唔會話唔好食, 但係又唔係真係超級好食, 正正常常咁啦. 同埋發現呢度好多鋪頭都係叫媽媽姨姨伯伯叔叔😂
.
6. 陳家鹽酥雞😋位置: 民生路同本漁路交界🗺 不過不失, 因為台灣食嘅鹽酥雞都唔會難食得去邊😂一定係香口多肉多汁👍🏽
.
7. 小琉球二代水餃😋位置: 民生路🗺好可惜, 我哋去到嘅時候, 水餃已經賣晒, 所以淨係食咗佢嗰個香煎肉餅, 類似生煎包啲friend, 都已經好好食! 同伯伯好好傾haha推薦!!!!
.
8. 相思麵😋位置: 上杉路🗺 我哋試咗相思面同埋麻醬乾麵. 其實我覺得麻醬乾麵係好食啲嘅, 因為真係個醬好香, 同埋我哋比較鍾意食撈麵多過湯麵. 而相思面嘅湯底雖然清清淡淡, 但係又唔會話好淡味, 所以呢一間我都係推薦嘅!
.
9. 蘇媽媽碳烤bbq吃到飽😋 位置: 上杉路🗺 網上面超級多人推介, 但係我自己就覺得係非常之普通嘅一餐. 好多款嘅肉, 但係我覺得燒完出嚟都係唔好食嘅, 雖然有蠔有蜆, 味道都係一般. 熟食更加掂都唔想掂, 因為好凍, 同埋唔好食. 環境係唔錯嘅, 我哋坐室外, 係一個草地, 如果唔係天黑晒, 仲可以望到海景添! 不過我就唔會想再食, 哈哈!
.
10. Mr. Bartender 巴坦德創意酒吧😋位置: 民生路🗺應該係到上面唯一一間酒吧?佢嘅飲品都算有特色嘅, 因為係自己發明同加工. 例如你叫一杯啤酒, 佢會問你使唔使加工做佢嗰啲款, 味道都幾好!
.
11. 洪媽媽😋位置: 和平路🗺 由於佢淨係做早餐時間, 而且好早閂門, 所以要一早去買. 我哋買咗好多款, 大概10款都有, 有啲係真係好好食, 但有啲又真係好難食. 我記得左邊個條香口蔥油條係唔好食嘅, 因為好硬好難咬. 右邊既蔥油餅琉球裸花枝丸痴飯嗰一類就係好食嘅!
.
12. 小蝌蚪起司餅😋位置: 三民路🗺 呢一間一定一定要預定先可以買得到. 每一間民宿都已經會有佢嘅電話, 朝早10am就可以打去落訂, 大概3-4pm左右就可以拎, 如果你當日冇訂到, 基本上冇可能食得到. 我買咗吞拿魚同牛肉味, 兩隻款都好好食! 建議一定要去食, 一嚟係特色野, 二來真係好好味!!!
.
無圖. 阿對麵店😋位置: 民生路🗺我哋喺呢度食咗鬼頭刀炒飯! 鬼頭刀一種魚, 叫鮪魚. 係小琉球來講好出名!! 我哋都係第一次食~炒飯炒出嚟好好味, 好香. 從來未食過, 所以我覺得一定要試吓, 推薦呀!!!
———————
Drink
13. 茶的魔手😋位置: 民生路🗺 呢間好好飲, 推薦!! 位置又方便, 我哋係咁飲佢嘅布丁奶茶. 同埋有大大杯, 正!! 小琉球來講, 呢一間會係我嘅第一位~
.
14. 鮮茶道😋位置: 中山路🗺呢一間我哋係飲佢嘅珍珠奶茶. 應該係連鎖店? 總之都係好飲嘅
.
15. 茶水印😋位置: 中山路路🗺 呢一間我哋係飲類似檸檬茶咁. 清甜解渴, 好飲哈哈!
.
16. 相思麵😋位置: 上杉路🗺 係相思面嗰度仲飲咗呢個洛神花茶. Eugene覺得超好飲, Dean覺得超難飲. 買嘅時候佢係結左冰, 然後你就等佢一邊溶一邊飲, 佢就keep住都係凍嘅
.
17. 清心福全😋呢一間已經出返去高雄市中心路過買來飲嘅, 我諗台灣嘅珍珠奶茶都唔會話難飲架喇, 所以都係好飲嘅
Btw近海有一間好難飲既,但唔記得咩名
#travelgram #wcfhktaiwan #wcfhklamayisland #wcfhkliuqiu #taiwan #lamayisland #liuqiu #liuqiuisland #台灣 #小琉球