條片終於出街，出街左兩日，今晚夜闌人靜先有勇氣真正直視同面對。 完全版請到 Fb : HOKK fabrica 或 hokkfabrica.com 原創短片 · · · - - - - - 長氣mode 開始 - - - - - - - - - - 如你有興趣知道幕後花絮 - - - - 首先第一個要credits嘅係蔣欣霞，標題句野出處 “當你的才華撐不起你的野心時，你需要做的是靜下心來學習” 係源於蔣欣霞 @cheungyanha 嘅ig面頭句野。 第二個要credits一定係搞手Nana @nanawong1207 ，謝謝你比哩個chance我參與！ 當Nana比左word file我，共21條訪問問題，最後一條“你下一步想做甚麼？想繼續在舞蹈上發展，還是發掘自己的其他面向？ ” 我大概答左7，8月嘅愛丁堡＆倫敦之旅比我嘅啓發……見識大世界後更覺自己更！加！渺小！覺得自己真係好唔夠……在word file回答寫道 : " 套朋友一句說話 ： “當你的才華撐不起你的野心時，你需要做的是靜下心來學習！” " 當時醒起蔣欣霞ig哩句，就寫了。而這句說話亦的確說的很實在，一野轟埋黎，是可以用來不斷提醒自己心態要keep住好啲。我又真係未問聲先就騎劫了這句說話，所以一定要說明返出處！都唔知打擾了定謝謝定感謝定麻煩晒邊個情緒先至啱，咁突然我都知怪怪的😅，抱歉了欣霞！ 而整段旁白(還是獨白)是Nana從21條問題精要出來的，還得主修中文的她用文筆替我修飾修飾。 當Nana第一次搵我，“要拍跳舞我第一個就諗起你！” 😭🙏 仲記得我地對於成個主題/構思/中心思想/點拍/去邊拍/用咩顏色/道具/實際點實踐/畫面 blah blah blah傾得好開心，傾左好耐電話(其中不乏吹水聯誼update下近況😂) 當中都有做正經事，佢同我做初步嘅訪問，我完全感受到佢對我將會參與哩個人(演出者)嘅尊重，真係想了解我行哩條路嘅情況，又好放心同我互動互丟天馬行空嘅idea。 雖然哩個成品唔係我地第一次傾個款，但而家哩個小鬱屈mood我都好喜歡^_^ Nana比左一堆歌我揀，係好多首揀左隻接近想拍出黎個mood的，排左去仲唔記得。就improv啦！最後拍攝都放棄埋播歌，因為實在太大太大風啦！ 關於improv : 其實我自知真心覺得自己唔好……當出現哩個主題，我就知要跳嘅野係哩個flow flow地方向，但問題我身體太僵硬flow flow地一向唔係特別好，果日盡力try左好多唔同地點 , 搵好多野試，或同物件互動，擒高擒低，係否上彈黎彈去……等等… 雖然我真係盡左力，拍完晒果下先識累，但都心虛覺得自己好核突，唯一appreciate自己係克服左好多戶外唔同環境嘗試，室外要掂起腳尖跳果種累真係唔係講笑。 然後懇求Editor “嗚啊~之後就要靠你幫我修飾喇！” 的而且確好多謝Editor嘅-鬼-斧-神-工！！！！！！！幫我剪到哩個人疑似可以接受！ lol 當然還要大感謝兩位Camera man多角度的選鏡！剪接同分鏡真係幫好多！ 😱 當然要多謝HOKK fabrica的老闆夠薑用我！話說我一個蠢提意令到你咁辛苦……“如果我想碌落地可唔可以request啲墊？” 我心目中的picture是瑜伽墊，然後很感謝團隊的貼心替我找了一個厚厚保護性很良好的大地墊😭 辛苦老闆一路推著車推著大地墊一路三家村的又上又落的小路窄巷，最後我衰仔仲冇用到張大地墊🙇🙇🙇 推車聲驚動了老闆最驚村中的狗狗，最後最後連手推車都比村民(？)偷埋 -____-” 抱歉…… 講到哩度啲人心諗哩條友拍條3分鐘內嘅片都千字文，嗯，我都咁諗，但要多謝感謝嘅人真係咁多…… 仲要多謝拍攝當日個天，個天一路keep住好暗好陰想落雨咁滯，但始終冇落一滴！天公造美，比我地半日一野搞掂！去到山頭好大風，一路拍都好大風……係大風得滯，接近颳風喇喂！但我吹得好開心😂 (只要唔好跌落海) . . - - - - - 離題一下 - - - - - 最近有個反思，我遇回之前一個一句轟埋黎嘅前輩，她說:“我啲學生好明確，係架喇，我擺到明想做架喇，咁你比唔比我丫？” 點樣可以由人地手上比啲嘢你呢？ 用哀求的嗎？ 唯一一個活路就是把自己磨練自己更好更強一路裝備令別人都覺得你值得。 行家一出手便知有沒有，要是技不如人就敗得心悅誠服，是自己付出不夠。要是自己控制不到的因素就let go吧。 繼續做自己認為正確的事。 . . - - - - - 試下返返講條片- - - - - 關於獨白，真的是這條路的心路歷程來的，聽返自己把聲加個就幾骨痹嘅🙈就這條路的人大家都經歷過順與不順/大悲大喜/吃甜吃苦/萌塞/執著/得失/有人buy有人唔buy/放棄唔放棄吧！共勉之！ 深知自己imorov不好但這次多得製作團隊的幫助過了骨，繼續探索！ 如果哩條片有分享到少少能量比你，我都會好開心！ 最後，感謝HOKK fabrica信任！比我跳得更優秀的舞者大有人在，深知自己幸運有哩個專訪。 唔誇張，我相信我第日老左我都會好鍾意哩條片，因為記錄了這個階段的我。😆 最最後，我真係好鍾意跳舞❤