而家買內地車票、登記優惠、甚至之前我哋在高鐵車廂入面嘅免費Wifi 服務，都要用內地號碼做認證先可以開通。如果你平時唔駛要個內地號碼講電話、又唔想袋多張卡，咁可以點做呢？《Z世代達人》麥卓華今日呢個介紹應該啱你喇！

#Z世代達人 #麥卓華 #86易 #csl1010 #clubsim

捷運月台記者會成就達成😂
TPE-Free AD WiFi全線開通摟！
車站車廂，只要點選廣告就可以連上網路摟✌️
一次30min，不限次數！超棒Der❤️

#暨高鐵車廂內
#捷運站內
#現在捷運月台主持
#全部成就達成💪😂
Free AD WiFi 分享無線生活

香港同內地嘅交往咁頻繁，加埋高鐵香港段嘅開通，買內地車票、登記優惠、甚至之前我哋在高鐵車廂入面嘅免費Wifi 服務，都要用內地號碼做認證先可以開通。如果你平時唔駛要個內地號碼講電話、又唔想袋多張卡、甚至唔駛長Keep個number，今日呢個介紹就最啱你喇。

講緊嘅就係CSL推出嘅「86-易」中國內地號碼服務。一般來講，如果要多一個大陸號碼，好多時都要申請「一卡兩號」內地號碼，而且通常都要簽約，香港號碼想轉台，呢個號碼又拎唔走。今日介紹嘅「86-易」服務可以配合 ClubSIM使用，每月只需要俾月費 $18，唔駛簽約，一齊睇下點申請！

首先我地要有張可以用嘅ClubSIM，之後用ClubSIM App、揀通話組合、之後揀86-易服務，之後確認咗服務內容後按購買、就可以揀用 Club Points、Tap n Go定係信用卡俾錢喇。我想先試下個服務，所以唔揀信用卡每個月自動過數，之後入埋信用卡資料，搞掂！號碼亦會即時分配同開通，你之後隨時按入去主頁通話組合嘅「86-易」入面，仲可以隨時增值延長使用時間！

咁有咗個內地號碼，但無插住SIM卡，點先可以收到SMS？原來在App入面就做到！去番下面「個人檔案」、之後揀「服務組合」入面嘅「86-易」，再按入「收件箱」就得！試下Send個SMS去呢個號碼先！睇下、即時收到架！而個App仲會有信息提示，非常方便！ 咁之後就唔駛因為個內地號碼俾個台駁住，又唔駛帶多張SIM卡啦！

《Z世代達人》
麥卓華

廣深港高鐵香港段已經喺2018年9月23日開通喇，相信大家最關心嘅除咗係列車準唔準時之外，究竟在高鐵列車上面上網嘅情況又係點呢？ 今日我就同大家做咗個測試，一齊睇睇！

測試呢日，我大約於列車起程前嘅45分鐘入禁區，之後唔駛10分鐘就順利通過晒香港同埋內地口岸嘅出入境同埋安檢程序，在大堂等上車。呢個時候，當然睇下上網嘅情況啦！ 雖然已經入咗內地口岸區，不過手機仍然係收到香港各台嘅訊號，亦唔見有內地台出現。大堂有免費Wifi，咁即管又試下個測速！速度一般啦，不過我用呢個Wifi睇片就唔太順暢，相信應該做咗流量優化，所以對於呢類大流量嘅串流動作就會大大限速喇。所以大家都係用番自己嘅流動網絡啦！

好喇，夠鐘上車！今次我刻意揀咗唔係港鐵營運嘅列車，睇下上網同埋其他配套有乜野唔同。首先留意到嘅就係個充電位。由於呢架車主要在內地行駛，所以充電位係內地嘅電掣插頭款式，不過好在佢有提供一個達2A嘅USB位，所以大家如果無轉腳或者兩腳充電頭，都一樣充到電。

開車之後，我就馬上試下測速先。我分別帶咗1010同中國移動香港兩個台嘅SIM卡做測試，而列車在香港境內嘅隧道入面，其實仲係收緊香港嘅訊號。畫面左面見到嘅係1010、右面嘅係中國移動香港，大家見到同平時嘅測試有啲分別，速度時快時慢，相信係同高鐵大快、手機訊號由一個發射站跳唔切去下一個發射站有關… 最後嘅速度亦都有幾大分別，1010在高鐵香港段嘅隧道入面，的確快過中國移動香港唔少！ 由於都係收緊香港訊號，所以大家Whatsapp同上Facebook當然無問題啦！

同一時間，我哋又試下列車上面嘅Wifi先… 搵到Wifi之後，連接咗就會出面登入畫面… 但原來之前宣傳嘅香港段免費、內地段30分鐘免費嘅服務係只限由港鐵營運嘅動感號列車！今日我坐呢架內地列車，雖然有Wifi提供，但係要用內地電話號碼收短訊確認… 咁唯有… 下次再試啦！因為話咁快，就已經到達深圳北終點站喇！

不過最奇怪嘅事就在呢一刻發生。我落車後由於要開番數據漫遊做測試同埋上網，睇睇中國移動香港嘅手機訊號，竟然係無漫遊嘅顯示！仲當係收緊香港嘅訊號！而另一個台1010就一早已經跳咗去內地嘅網絡喇。起初以為係手機問題，但經過再三測試，同埋打開埋工模，睇到的確係駁咗落內地中移嘅發射站，咁發生乜事呢？ 真係要問問先知喇！ 不過呢個情況，一離開咗車站範圍就消失，變番做正常嘅漫遊。

咁在內地用中國移動香港定1010好呢？ 之前介紹過嘅Global Phone 在內地上網嘅情況又係點呢？ 我地遲啲再講！

《Z世代達人》
麥卓華