4.4.2021 @ on.cc
點解？宋熙年爆姊妹唔想同陳智燊拍親熱戲
藝人陳智燊（Jason）及太太宋熙年（Sarah）離開無綫後發展KOL事業，Sarah不認為於幕前時間減少：「如果唔係疫情，佢係每月飛緊去唔同地方拍網上嘢或者電視節目，我哋都構思緊自己節目去拍。」Jason坦言有其他電視台傾工作，兩公婆對演戲仍很感興趣，更不介意夫妻檔上陣，Sarah說：「我哋之前試過一齊客串《誇世代》幾場戲，都有興趣，但唔想再做兩公婆，我最想做街市賣魚妹，做啲豪邁嘅角色，畀大家睇到唔同嘅我。」

提到老公拍劇難免會有親熱戲，她笑說：「我唔會問，佢亦唔需要備案，大家都係呢行，但如果他日佢拍再激啲嘅就要同我講。」她又乘機幫姊妹「投訴」：「身邊啲朋友話唔想再同佢拍親熱戲，好似高海寧、張曦雯、龔嘉欣，佢哋好抗拒，我就冇咩感覺。」

9.9.2020 @ 晴報
【餵母乳冇覺好瞓】宋熙年細仔出世兩公婆踢晒腳 讚陳智燊「神隊友」:冇佢真係唔掂
宋熙年與陳智燊於2016年結婚，兩年後誕下兒子陳裕炘（Damon）；今年3月尾，兩公婆宣布將為兒子增添一名弟妹，今日宋熙年和陳智燊分別在社交網宣布細仔Jamie終於出世，陳智燊透露二公子約重6磅多，他稱現時照顧兩名小朋友都不夠時間用。至於媽咪Sarah因為要埋身餵母乳，所以經常睡眠不足，她接受《晴報》電話訪問時表示：「哥哥Damon知道有個細佬都開心嘅，但冇呷醋，佢都會哄吓細佬，同佢玩。」

宋熙年母子今日已出院回家，榮升兩子之母的宋熙年，今日在社交平台上載老公抱住幼子Jamie、大仔Damon望住弟弟的照片，她留言︰「我們的心都充滿了愛！歡迎Jamie BB回家！能夠有你加入我們的家庭，我們感到非常幸福和興奮。現在，你對食物充滿熱情，肚餓時大喊大叫...我們將有很多樂趣和留下許多美好的回憶。」至於陳智燊亦在社交平台分享他抱住細仔的照片，相中的Jamie頭髮濃密，眼大大十分精靈。陳智燊留言指︰「Jamie細佬意思是小弟弟。媽咪、爸爸及Damon哥哥愛你。」圈中好友包括龔嘉欣、陳自瑤、高海寧及岑杏賢等均送上祝福。

正忙於照顧細仔，又要坐月的宋熙年，今日接受本報電話時，聲音亦顯得有點沙啞，她表示：「BB出咗世幾日，生BB時老公全程陪住我，亦都有剪臍帶。我依家好攰呀，因為全程餵母乳，所以唔喺好夠瞓，要休息多啲。」幸好老公陳智燊可以幫手照顧兩歲多的大仔，讓宋熙年可以爭取時間休息，她說：「老公真係好幫到手，冇咗佢真係唔掂，同埋大仔都黐老公，等我可以多啲休息同埋餵母乳。」

宋熙年又指：「依家一家四口都開心，雖然之前只係照顧一個，依家照顧兩個，會冇咗啲自己時間，但都係開心事嚟嘅。」至於可會計劃追多個女兒？宋熙年即耍手擰頭謂：「暫時諗住抖抖先，你呢一刻問我，我淨係想瞓覺，依家每晚瞓覺都係斷斷續續，要起身餵奶，BB有時又喊，阿仔又搵我，所以真係要攤抖吓。」她又指：「好彩有請陪月，如果唔係真係唔掂。」

至於陳智燊同樣以「好攰」來形容照顧兩個兒子，他指：「屋企有個兩歲小朋友同埋啱啱出世嘅BB，係好熱鬧同好攰，好彩哥哥黐我，媽咪就可以專心湊細佬。」他又指每日照顧兩個小朋友時間過得很快，也不懂用那種形容詞來形容那種忙和充實，他表示：「其實時間唔夠用，有時望一望個鐘已經7、8點，夜晚搞掂完哥哥，再去攬吓細佬，咁就一日。」至於Jamie的樣貌似自己還是太太？陳智燊表示：「醫生姑娘都話似爸爸多啲，不過哥哥出世時，醫生姑娘都話似我，但大大吓又似媽咪多啲，當然都係靚仔嚟嘅。」

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][TVB][反黑路人甲][EP01]
✅ 極速設立矛盾推動劇情

一開場就嚟個蔣世龍君臨天下返去四聯幫搶龍頭位置，以為喪鍾會舉手去搶，點知係高彬話要參選，到底點解兩兄弟會反目？定只係扯貓尾？以為會係插敍咁做，但原來係倒敍，不過咁開個頭都幾吸引。

頭一集乾淨俐落，冇乜多餘對白同場口，角色關係好快出晒嚟，就連張細倫唔係扮而佢真係蔣世龍，高彬係警方臥底都喺第一集尾講埋， 爽﹗四聯幫內部爭權、警方有富豪刑警Madam Koo同司徒sir對台、高彬同大小姐、高彬同張細倫、張細倫同高寧、張細倫同蘇芷珊有份約，段段都有嘢睇，好開心唔再拖住去。不過仲有29集，唔知會唔會無以為繼。

宣傳時已經話係黑色喜劇，琴晚我笑得最開心係賴慰玲話要張振朗做老公爭座館個位嗰段。（希望賴慰玲多啲戲）張振朗嘅喜感節奏我鍾意。另外一個事先張揚嘅係穿插經典影視橋段，有人話第一集係《喜劇之王》，但我又唔多覺，只係拎咗本《演員的自我修養》出嚟。萬梓良《流氓大亨》經典「so what!」加埋小鳳姐《婚紗背後》先係主菜，不過今次試戲夾入去冇乜特別玩到嘢，希望之後會更加配合劇情。

王浩信演張細倫令我諗起《樓奴》嘅黑仔明。我同莊小姐嘅感覺一樣，略嫌有啲浮誇。

btw，劇中引述Charlie Chaplin嘅名句「人生係一場悲戲，但係喺人哋眼中係一場喜劇」，原句其實係「人生近睇係悲戲，遠睇係喜劇」。有冇人知張細倫企喺車頂唱嗰段係嚟自邊套opera？

📺 81台 逢周一至五 2130~2230

[演員表] 王浩信 飾 張細倫、蔣世龍 / 張振朗 飾 高彬 / 馮盈盈 飾 顧欣頤 / 湯怡 飾 蘇芷珊 / 高海寧 飾 莊明麗 / 姜大衞 飾 蘇偉晨 / 賴慰玲 飾 蔣千霞 / 傅嘉莉 飾 蔣千瑜 / 林宣妤 飾 蔣千惠 / 徐榮 飾 鍾志琛 / 許家傑 飾 司徒信 / 李成昌 飾 呂家昌

#1230隔夜超短劇評 #TVB #無綫 #反黑路人甲 #極道怪咖 #王浩信 #張振朗 #馮盈盈 #湯怡 #高海寧 #姜大衞 #賴慰玲 #傅嘉莉 #林宣妤 #徐榮 #許家傑 #李成昌 #林志華 #黃偉強 #流氓皇帝 #萬梓良 #鄭裕玲 #婚紗背後 #徐小鳳

#廖啟智 上年確診胃癌，近日留院接受治療嘅佢收到唔少電話同短訊慰問，太太 #陳敏兒 希望大家俾多啲時間智叔休息； #蕭正楠 今日44歲牛一，#黃翠如 話老公係佢嘅太陽，希望佢一直快樂；「漫畫腰」難度極高，做開瑜珈嘅 #高海寧 都表示要「量力而為」。

-----------------------------------------------------------------------------------------
立即訂閱《明周》電子版：
https://bit.ly/3t1Jmmx

明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner

#yoyo #魏駿傑 #魏駿傑終身不娶 #陳自瑤

原文自香港01:
https://pse.is/3bj34g
陳自瑤 (Yoyo) 自從去年進駐了內地社交媒體app 抖音之後，就不時透過呢個app與內地的粉絲和網民分享生活點滴和互動等。近期Yoyo特別勤力更新短片，亦成功吸納了愈來愈多的粉絲。昨日她post了一段最新的短片，片中的她一身型格個性打扮，對住鏡頭說：「我會變得更好，因為你，但不是為了你。」說罷即高傲自信地笑了，又似是在冷笑。
網民對於Yoyo這樣簡單的一句說話，卻有着無限聯想，紛紛在揣測Yoyo說話的對象會否是她的老公王浩信。有網民就留言表示：「還好是盲俠，要是聾俠就聽不見了」、「王先生啊...聽到沒......」、「你這是在暗示嗎？」其實也難怪網民會如此敏感，Yoyo與王浩信近年屢傳婚變，早前於無綫的萬千星輝頒獎禮上，Yoyo疑似黑面回應老公在台上多謝她而成為城中熱話，她事後就解釋是因為當晚身體不適。

2020年初，魏駿傑太太張利華被傳媒揭發背夫出軌，而魏駿傑亦公開表示二人已經離婚，並打算終身不娶，獨力照顧女兒。而最近就有報道指現時32歳的張利華近年進軍保險界，在王玉環教路下專攻內地客成績理想，早前更加登上「百萬圓桌」之列。

而報道透露，張利華與魏駿傑仍然有保持聯絡，二人關係感覺似是親人，很多事情亦有商量，再見亦是朋友。雖然張利華仍然有領取魏駿傑的贍養費，但她仍然肩負母親責任，幫女兒分擔學費及保險費。






?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

#口業 #膠面 #膠面 #軟飯 #botox #娱乐01 #即時娛樂
駙馬3條KING
Hello大家好, 我係阿Tsar, 今日又爆獨家消息畀大家聽下
我阿Tsar出嚟行走漿糊, 又點只識得一個娛樂圈嘅朋友呀
今日要講呢三位主人翁，唔係全部負評嚟嘅，

頭嗰兩位駙馬值得讚，最後嗰位係最近熱門新聞人物,

就係最近畀人話佢膠面、醜男 、食軟飯嗰位 。

因為我有朋友喺佢上年嘅豪宅註冊在場其中一位賓客

為咗保護證人 ，我當然唔會話畀你哋聽佢係咩身份呀

首先講第一位先啦，好早期喺”嫁”咗畀個有錢女

我用個”嫁”字, 大家都明，唔需要再詳細解釋

雖然呢位男藝員一路畀人話佢食軟飯，但係佢從來都冇回應過

更加唔會好似我將要講嘅第三位男藝員咁, hashtag口業 去鬧人

第一位男藝員, 從來冇必要向外人去澄清自己對太太嘅愛

呢啲人就係聰明 ，而且 有修養 ，時間就可以證明一切啦 ，

使乜同你解釋”膠面”就係因為用咗半日時間去做gym啫

而且第一條King個太太貴為一位大家族後人, 為人一向都低調

佢太太從來都對傳媒講係個女仔追個男仔嘅 ，

我自己都好喜歡呢一位男藝員 ，因為佢做戲好好睇好好笑

而且佢太太同一位空姐係閨蜜嚟㗎，嗰位男藝員仲同呢位空姐嘅老公夾份做生意

合資開設食肆， 生意都做得唔錯㗎 ，佢靠自己都搵到兩餐

而且佢太太同佢從來都冇炫富，喺佢哋嘅朋友圈子之中

呢對夫婦咁多年嚟都係模範夫妻，呢位男藝員亦都從來未喺娛樂圈傳歌任何嘅緋聞

雖然佢未遇到呢位女之前，曾經有過一段婚姻

但係我覺得呢啲好正常啫，合則來不合則去

而且亦都唔係咩偷食，咁所以我覺得呢位男藝員呀係值得備受尊重

第二位男藝員被譽為「5億駙馬」， 我傳媒嘅朋友亦都對佢讚不絕口

曾經有記者問過佢，有關人哋稱呼佢食完飯有啲咩回應 ，佢答得好大方得體

：「我就算照顧老婆綽綽有餘，都唔會將我跟外父外母的身家比較，

我希望努力追趕，有一天能有錢過他們啦！」

我傳媒嘅朋友亦都話佢任何人都好好禮貌好客氣，而且為人好低調，佢外父曾經建議叫佢住間豪宅，但係呢位男藝員好有骨氣，同太太繼續住喺佢平時著開嗰間村屋，結婚之後，都係同老婆去排隊食啲平民嘅壽司餐廳，咁其實我又覺得 ，如果大部分女人都希望搵個有依靠嘅男人 ，咁如果一個男人真係愛上一個有錢女都唔係罪。

來到戲肉喇，我講第三位駙馬畀大家聽下, 當晚佢哋喺豪宅嘅私人會所註冊結婚嘅時候，我朋友在場，見到來賓好多都係送上橙色一盒盒嘅名貴手袋，大家都知道係咩牌子啦, 諗都諗到唔係送入門版咁低手啦, 即使送一個幾十萬嘅賀禮，喺上流社會嘅社交禮尚往來，幾十萬嘅賀禮好閒㗎咋，點解呢？平時同你傾生意，如果有利益輸送，分分鐘畀人話貪污，但係趁住呢啲大喜日子，大手筆小小，其實係我哋啲普通市民覺得係大手筆啫，上流社會如果關係搞好啲，下次傾起生意上嚟，分分鐘賺到過千萬甚至幾嗰億都有。

又講返當晚嘅事件啦，新娘子喺宣誓嘅時候，喊到豬頭咁，好感動，男嗰個就冇乜嘢呀，係人都睇得出個女仔好鍾意個男仔 。其實嗰晚都 冇乜嘢特別呀，好似一般有錢人搞event咁啫。

不過我對於呢位膠面男最近喺ig嘅回應，有少少意見畀佢，佢點樣回應呢件事呢？上半段講佢點樣”努力工作賺錢去照顧我老婆”, 其實唔係同我哋公眾講嘅，上半段嘅說話係同佢老婆㗎老豆講嘅，話畀佢聽會好好照顧佢個女，老人家睇到呢啲未放心將個女交畀你囉， 遲下都會將副身家畀埋你啦, 其實你嘅回應去到呢度已經夠 。已經好大方得體 ，但係呢條粉腸 ，下半段就係鬧啲網友嘅 ，鬧啲網友繼續話佢靠乜乜乜啦, 跟住佢就hashtag口業，下面嗰段真係非常之小家啦，over咗呀, 霞姨, 畀多個飯盒佢啦，人哋咁落力。

通常一般最top嗰啲明星, 畀人寫任何嘅負評, 都唔會回應㗎，你睇下王菲、週潤發、梁朝偉、劉德華呢啲最top嘅明星，咁多年嚟畀人寫過嘅負評，全部都唔會回應，係因為你上到咁上下神位，一定有人鍾意撩事鬥非, 睇下你點樣回應，就知道你嘅人品同埋心性，甚至你嘅智商, 所以呢啲咁top嘅明星, 身邊都有一啲好出色嘅經理人教佢哋唔好回應, 亦都可以咁講，都係因為佢哋地位非凡，覺得唔需要理會其他人點樣去批評佢，即係好似有啲人笑李嘉誠帶住隻精工錶，李嘉誠都唔會回應你班傻仔啦，佢自己本身就已經係名牌啦。

過往我嘅工作見到無數嘅有錢人 、同埋有能力嘅人 ，通常都冇好低調 ，你睇下金庸筆下所有嘅英雄大俠 ，出嚟行走江湖 ，通常都唔會隨便拔劍 ，冇必要嘅時候都唔會話畀人聽自己武藝高強 ，如果你話突然之間有啲無名鼠輩走去向呢啲武林高手挑機，通常啲武林高手, 彩佢都費事喇，個個都應酬咩。

By the way , 乜電視台真係咁好搵㗎咩 , 又陀飛輪, 又豪宅,我倒返轉頭要請教下你喎 。咁梗係唔係靠電視台嗰份人工啦 ，藝員搵真錢不外乎係要登台 、剪綵 、做代言人 、拍廣告 ，拍電影、去內地拍劇 ，咁樣先至真係搵到大錢㗎 ，你見阿bosco 同埋阿唱k撈得幾掂?人哋點樣寫佢哋溝女，佢哋都冇惡言相向，學下嘢啦,後生仔 。畀心機做嘢,下年做視帝都有你份呀, 不過就算你攞獎有咩表情，。即使我識得fbi閱讀人哋嘅微表情，我都睇唔到你嘅內心世界，d 透明質酸 落得重手呀，Over曬啦 。下次輕手啲啦 , 唔該 。放多啲心機練好個body啦 ，男人有皺紋 越man㗎, 你睇下三哥 幾有型 ，如果有一日我經過海底隧道 ，抬頭見到你嗰個廣告 ，咁你就成功啦 ，阿愷威 都係咁樣之後冇耐就返咗大陸拍劇, 之後成個樣都唔同曬, 佢都係從來對任何負評冇作出任何評，呢啲咪有條件做最top嗰集星囉。

你咁樣回應d負評，仲要hashtag人地口業，咁咬牙切齒去回應，咁樣證明你去做最top嘅明星仲有一大段嘅距離。學下嘢啦。





?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。