【龔成問答信箱】（Q14741-Q14760）

Q14741：

你好老師，我現在是大學生一名，有10萬現金，打算用4萬左投資. 我的疑問是我應該做穩健投資（盈富之類）還是可以更進取一些？謝謝

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。

盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14742：

Hello 龔成老師
上年開始學投資
睇開你d QnA學野

有月供同一手手咁買
月供我知要幾年以上 咁我唔會賣
但一手手既通常會儲幾年定價位好就賣？

例如一間公司/個市會有好有壞

1. 咁我應該係股票升 牛市果時賣 賣完如果股票跌 熊市再入 等價高再賣再入重複賺錢？

2.定一值持有 不理佢既波幅？因為有時見佢升到好高冇賣 但之後跌左價 都幾灰 心想如果我果時高位賣左 跌左再買好似會賺多啲

3.另外如果覺得一隻股票係有前景 但個價跌咗少少 咁我係咪應該係低價再買多少少溝淡佢 ？

謝謝

龔成老師：

其實，無論月供而一手手買，我地都只投資優質股，同時只長線投資。只是兩者的買入模式不同，月供就如同將資金分成多注去入。

1）基本上，我地會長線持有，但當出現某些情況，都會賣出部分或全部，第一，企業質素明顯轉差，第二，股價超過合理值，第三，有另一個回報明顯更高的投資機會

不過，要經過一定的學習，有知識，懂分析企業質素、平貴先做到，對大部分散戶來說，簡單長期持有往往更好。

2）你唔好比「心理因素」影響左投資決定，這是投資大忌！小心！

3）要睇佔你總財富的比例，較優質的股票，佔比雖然可以較多，但都不能太多。

另外，如果一間企業質素不佳，或轉弱，就算股價跌，都唔好加注！

------------------------------------------------

Q14743：

成哥你好呀！可以幫我解答下366嗎？
非常感謝！

龔成老師：

陸氏集團（0366）主要從事製造及銷售水泥、物業投資、物業發展、銷售電子產品及酒店業務。

業務本質不差，近年的生意與盈利都有所增長，不過就不算好強，生意相信長遠的增長力不是強的類別。加上規模細，企業的獨特性不強。

整體來說，企業質素算是不過不失，現價都可投資，處合理區，不過就不能太大注。

------------------------------------------------

Q14744：

老師你好！我有一個簡單問題諗唔明。假設我擁有10000股股票，平均買入為26元，賣出部分股票會影響平均買入價嗎？

因為有apps顯示拉低了平均買入價，另一apps又顯示不變。

龔成老師：

其實我都唔清楚，要睇該APPS的程式，點去定義，例如你在$10、$20、$30買入，各1000股，平均價為$20，如果你賣出了1000股，假設佢用平均價計算，就唔會影響。因為佢假設你所有貨都是$20，無論賣多賣少都是$20。

不過，這裡要提醒你，唔好太著重所謂的平均買入價計算，這只是數字遊戲，如果你比這些因素影響了投資決定，你就好有問題。

------------------------------------------------

Q14745：

老師你好，想請教下，我想搵d潛力股作月供 銀碼2千蚊左右 請問咁多隻潛力股 應該月供邊隻好？同埋每個月幾號供係最適合？ 謝謝

龔成老師：

你可以考慮比亞迪（1211）、中生製藥（1177），都是有質素的潛力股，都可以長期進行月供，你可以集中供一隻$2000，或兩隻名$1000。

至於幾號供，無所謂，真的無分別的。

------------------------------------------------

Q14746：

你好 本人今年40歲
月入扣除支出約剩$5000
剛剛開始學習投資

手上現金:120萬
00006電能:2000股
00011 恆生:300股
00939 建行:10000股 (全部1-2年內買)

未開始做月供

請教有沒有什麼建議可以讓資產增值?
非常感謝!

龔成老師：

你現時持有的，都是有質素的股票，可以長線投資。不過你現金比例較多，宜作出適當的分配。

記住，我地投資不是炒賣，是一個財富分配的過程，將現金適當地轉化為優質股。

由於你投資經驗不多，建議你只動用$20萬，分注投資優質股，餘下等你有投資知識及經驗先投資。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。都是適合你的。

至於每月資金方面，你可以進行月供，每月$10000，盈富佔$5000，餘下$5000你可以選2隻去供。

你先了解下上述股票，以及提升一下基本的股票知識，就可以開始上述計劃。

另外，以你的年齡及情況，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14747：

你好, 多謝您無私的分享, 令我獲益良多, 現時我做好功課note低有幾十隻優質股,收息股,潛力股, 希望透過呢啲股輪流坐順風車,任何時候某隻升夠就換另一隻唔知點解會跌既優質股, 如果座艇都可收息, 再配合期權!

當我選股時,遇到一些問題,希望老師可以解答一下,又或者介紹一些簡單易明既書籍讓我自己尋找答案,
以啤酒股為例

168
291
1876

市值,發行股數,公司每年收入,市盈率等等...以上資料 我應該怎樣分析呢?

市值 1876>291>168
收入都係
但 1876 股價反而最低

另外銀行股都有呢個情況, 我都係唔識計

依家因為唔識計,我只有睇圖,睇成交,憑經驗去買

我希望我知識上面有所進步, 咁以後買完股即使跌都可以更有信心
謝謝老師

龔成老師：

市值，代表這間企業以現時股價計，市場認為佢值多少錢，但我地不能單單以市值，去衡量投資那一隻股票，最重要是企業的質素、發展、業務、平貴。

另外，股價數字的大小，不能代表企業的大小、質素、平貴，因為每間公司發行的股數都不同，單單分析股價數小，是完全無意義的！

至於睇圖、睇成交，都只是所謂的技術分析，我要提醒翻，全球最賺錢的投資者，巴菲特，並不認同技術分析，而唔賺錢的財演，就會推介技術分析，用唔用，你自己決定。

我都幾擔心你行錯左，強烈建議你睇多D有關巴菲特的書，又或是正確投資知識的書。

就算你所講的投資策略，都有一些錯誤的地方，要小心。

------------------------------------------------

Q14748：

#3688 @3.6 4000股，@3.9 4000股，前景如何？應否再溝？

#1680 @1.49 10000股，前景如何，應否再溝？
#700 @385.8 200股，@328 200股，目標價幾多？現在似收成期是否應繼續持有？
謝謝老師指點！

龔成老師：

你記住，我地決定繼續持有一隻股票與否，最重要是企業質素、前景，買入價不是重點。

萊蒙國際（3688）質素一般，業務有持續下跌的情況，唔建議加注。但這股不是無價值，至於持有的貨，如有較大的反彈，可分注賣出。

澳門勵駿（1680）企業多年都出現虧損，投資價值不高，唔建議加注。

騰訊（0700）有持有的價值。無話咩目標價，但可長線持有，不過你預佢增長力比過往弱左。

------------------------------------------------

Q14749：

老師，我港鐵公司持股數持股數1147,中電控股月供股票1000元,(滬A)中國銀行 100 ,中銀香港全天候一帶一路債券基金 A2(港元)類,中銀香港全天候大灣區策略基金 A2（港元）類,鄧普頓環球債券基金(收入) (港元)

現金：
USD 6,371.29
HKD 150,000.00
CNY 14,000.00

收入每月:14,000
想緊買不買黃金？？

龔成老師：

首先，你現時的分配，現金有少少多，可以分多少少去股票，組合會更加平衡，你可以買入盈富（2800），這是最適合你，同時可以減少你單一持股風險。

至於黃金方面，在我地的理財配置中，可以投資少少黃金，因為黃金在財富組合中，有對沖大型黑天鵝風險的作用。

不過，黃金始終沒有現金流，因此，不用持有太多。

------------------------------------------------

Q14750：

阿Sir，有個問題想請教，這個印度債券基金有3x%是沒有評價級別，我投資前都有問銀行經紀。

佢話因為當中有7x%都是印度政府的，所以沒有級別，但他說可以放心，我不知道是真是假。

龔成老師：

你最好自行找這基金的資料，唔好只依靠經紀。

自己上網找，這基金的組合，投資策略，投資了甚麼，真正的情況如何，如果真的有7成是政府發行，相信如果基金有3成回報，其實都不差的。

不過，要清楚當中有那些風險，例如貨幣，如果債券是當地貨幣，而最終因貨幣貶值，最後得到的本金可能貶值，要清楚翻。

這類基金，如果最後投資，都不建議太過多。

------------------------------------------------

Q14751：

龔 sir, 請問你如何看雲南水務 6839? 為何近4年業績溢利都增長, 但股價卻不上. 是否因許雷及高負債 (另總權益近3年都沒增長) 才引致股價上不去?

現高息至10%比 0371 的 4-5% 吸引很多...

龔成老師：

雲南水務（6839）業務本質不差，但負債是最令市場擔心的，因為現時負債不止高，同時每一年都在高速增長，市場認為風險高，在估值上亦會因此而壓低。

所以你見這股高息，是反映市場對風險的因素。

現價已反映風險，所以投資價值都算有，但始終風險高，如真的投資，小小注好了。

------------------------------------------------

Q14752：

Hello龔成你好，本人現於馬來西亞居住全職家庭主婦，因要照顧小朋友没有時間看股票，全部是10年前買入。

最近只有買過1810小米，其他也没有郁動過，當年買入1919，到現在仍然蝕10萬以上，請問你覺得我應該全部賣掉，再重新買過其他嗎？

因想買些高收息股，作爲小朋友將來讀書用，希望你回復及幫到我，感謝你！

1810 200 $2,336
1898 1000 $3,080
1919 8000 $26,560
2628 6000 $134,400
3328 8856 $48,530

龔成老師：

我地持有一隻股票與否，最重要睇企業的質素、長期發展，以及你本身的年齡階段，組合分配情況。

你現時持有的股票，質素不算差，但部分不能說最高質類別。

小米（1810）可持有，但不能太過多。

中煤能源（1898）質素一般，就算轉其他都可以。

中遠海控（1919）質素一般，但不是無質素，建議賣出部分先。

中國人壽（2628）雖然有質素，但你持有的比例較多。

交通銀行（3328）有質素，可持有。

你可以將部分資金，轉投資收息股，建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、匯豐（0005）、置富（0778）、陽光（0435）都可以。

------------------------------------------------

Q14753：

龔成老師你好。小弟係大概一年多前開始睇你既page
月薪得萬幾蚊

睇你講既而學懂正確理財同投資
何謂股票既真正價值，
股票唔係只係一張紙一個號碼

而係一間真實既公司
以前由月月清每月還款7，8千儲唔到錢
到而家每月儲到一萬蚊

用黎月供之餘仲可以保留現金
仲竟然儲到人生第一個十萬！

所以老師你講既做任何事之前一定要信自己做得到呢件事係一定要好好記住，十分感謝老師既分享

亦希望未來可以夾到時間去上老師你既堂
（因為幾次都撞唔岩個時間）

另外想問少少而家月供既問題
因為而家有兩個倉

一個係月供股票，一個係一手手買入
請問如果市場進步瘋熱狀態下

我部分賣出一手手既股票
而月供股我繼續持有唔賣而減少或停止月供金額呢個做法好唔好？

定係我應該保持金額去月供？
祝老師身體健康。謝謝

龔成老師：

當市況進入狂熱期，你一手手買入模式的部分，應該停止買入，甚至可能會賣出（但都要睇到時有幾熱，以及價格與價值的差距）。

至於月供部分，到時可以停，或者減少月供的金額，但都要視乎到時的情況，而一般的情況，都建議這部分保持長線持有，只是買入力度的問題。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14754：

你好啊
呢幾日終於嘗試買第一之股票
我買左一手 09922 九毛九
之前抽唔中 之後入左
點睇呢隻九毛九？

龔成老師：

九毛九（9922）這類新股，分析比較難，因為財務數據少，好難做到準確的估值。

佢係內地中式快時尚餐飲品牌管理及運營者，佢係內地所有中式快時尚餐飲餐廳收入中排名第三，於華南地區則排名第一。

可見，在業務上、品牌上、市佔率上都不差。現時運營269間餐廳，以及管理41間加盟餐廳，而「九毛九」及「太二」為佢的兩個主力品牌。

睇翻佢的財務數據，唔差的，不過股價就唔算平，小注都可以，初步睇，這股都有長線投資的價值。

------------------------------------------------

Q14755：

龔成老師你好，我今年25歲，政府工月入大概21k左右，每年跳point，依㗎每個月供緊3000人壽儲蓄保（供二十年）到時攞番1百萬左右，另外7000儲現金。之前有買落啲股票。

00939:[email protected]
01029:[email protected]
03988:[email protected]

想問下以儲錢嚟做大前提，可以點做？
謝謝

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注。

因為當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

你上述持有的股票，建行（0939）、中行（3988）都有質素，但就未必最適合你的年齡，就算你本身低風險，都建議你同時加上其他較有增長力的股。

鐵貨（1029），核數師的報告，曾經出現過問題，我元建議投資這股。

建議你加翻，有質素，有平穩增值力的股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

另外，以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14756：

成哥你好，本人近來研究這隻融創中國，見它這幾年也在平穩增長，如果是作長線投資，成哥你嘅睇法如何？想聽聽你意見

龔成老師：

融創中國（1918）有一定的規模，同時業務增長理想，這是由於中國樓市唱旺，但這不是無風險的。

首先，中國樓市如果逆轉會有很大打擊，另外，這股的負債超高，無事就無事，有事大件事。

因此，投資這股不是不可，因為不是無質素，但你要明白背後的風險，同時明白這一定會令股價較波動，自己最好控制注碼。長線投資可以。

------------------------------------------------

Q14757：

老師……本人4O歲從未有投資經驗，每月2萬收入……現金有15O萬，想問我應該点樣投資沒有太大風險，謝謝老師

龔成老師：

以你的年齡，財富仍有增長力（但不是進取），同時，你未太多投資經驗，因此，你可以投資「平穩增值股」+「收息股」。

記住，投資股票不是炒賣，是投資優質股，長線持有，原理是持有企業，長線投資，企業成長令財富增長。

現時的$150萬，暫時只能動用$50萬，因為大市唔算特別平，同時你經驗不多，你要分注投資，同時留下一半資金。長線投資。

另外，你可以考慮做月供股票，供「平穩增值股」+「收息股」，前者佔7、8成，後者佔2、3成。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、港交所（0388）。

同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、匯豐（0005）、置富（0778）、陽光（0435）都可以。

你唔需要買晒上述的股，你可以選股，因此你先了解下這些股票先。

另外，買入時要分注，即是唔好一次過入，例如可以每隔2個月入一次，將資金分注轉為優質股。

------------------------------------------------

Q14758：

龔sir你好，我今年24歲，一年前睇咗你嘅書之後深深明白到月供股票嘅威力 依家目標係放係15年收成，供股1年後，今日我回顧呢一年嘅成績。

開頭我係月供$5000 去盈富，幾個月之後，我就轉咗做$2000 煤氣 $2000 領展 $2000 盈富，一年過去，我發現盈富已經有5%增長，但煤氣同領展反而負數，其實我應否係往後日子專心月供$6000去盈富基金？

然後搵機會放出823 003？

龔成老師：

首先，月供股票一定是長期進行，唔好轉來轉去。

月供的原理就是儲錢，但不是儲現金，而是儲優質股，因此，一定要長期，就可以發揮到，買入價平均，以及長期儲貨的作用。

另外，你月供的，一定要優質股，上述都是，因此這點無問題。

同埋，唔好太著重短期回報，要長期，中短期股價上落好正常，最重要是長期的財富增長。

其實你上述都是有質素的股，就算繼續月供無問題，但配置上，盈富（2800）比例會較多，因此，我建議你月供盈富$3000，另外兩隻各$1500。

記住，長期進行，唔好再轉。

------------------------------------------------

Q14759：

龔成老師你好！
想請教你如何在3年內儲到50萬

本人現月入$22,000

支出方面:
家用:$4000
大學學費:$2000
自動過戶儲蓄:$6500
謝謝。

剛剛開了股票戶口，打算一個作短線投資(富途) ，另一個用作長線投資(渣打)

龔成老師：

我會建議你集中「長線投資」，短炒的難度及風險十分高，當然，你分開兩個戶口是理性的做法。如果你真的想短炒，建議你定一個金額，如果「不幸地輸晒」，就不要再加。

你現時可以儲到約$10000一個月，要3年打上$50萬，不難，只要保持儲到這數，以及投資平穩增值股，已可以。

你現時是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先。做月供股票，每月$5000
。

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）等，你可以了解下這些股票，然後從中選股。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q14760：

老師我36蚊買比亞迪

佢會升到幾多先至放？
唔該哂

龔成老師：

比亞迪（1211）是有潛力的企業，這類股最好超長線持有，不用太著重目標價。

如果當企業的股價略貴，可以賣出一部分，你可以用「升一倍，放一半」的原則進行。

餘下的部分，就可以超長線，等佢的產品真正普及，企業潛在的將來價值，已經完全顯現，就可以賣出，我自己都是等這一天。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

2018.05.06 「賽後點評價」
近日學業實在過於繁忙 加上考試多重失敗 導致無時間同大家做臨場飛數分析 亦少左同大家互動 影片心水都三期衰左 好彩全日心水就維持水準 希望大家見諒！

R1
薈力之城 - 兩歲馬插班必難跑 刻意跑多場新馬捧盃是合適不過
銀照收 - 早段完全跟唔上 末段追不少 馬應該有質素但慢慢教啦

R2
精選直前 - 全程走位一絕 五班中等磅位取勝升四班亦不可忽視
大運舞台 - 早段潘頓走位已十分積極但末段跑落已經唔多 走下坡宜冷叩
明昇 - 增程增程增程
本事 - 臨場緊張程度勁過我玩跳樓機 但走勢比以往進步不少 不過仲要時間慢慢教
開心美麗 - 全程夢遊系列 是但撩兩鞭就算 冷叩熱避

R3
金叻星 - 馬已經是季內最好一次 可惜兩者騎功有分野 希望季內9歲馬已爭1 WIN
洪荒駿駒 - 換人即可冷叩 已經進入反彈期
葵涌老友 - 又走內欄 五班肯定惡馬 再出跟進
銘記心中 - 已跑得密 需要時間回一回氣

R4 無咩好評

R5
盈華盛甲 - 跟岩跑法計馬四班仍然是有力一爭 難得韋達肯去馬
同歡樂 - 早段刻意走內欄 可惜又FING番出去衝 多此一舉 再出要跟進 加配備後走勢不錯
小烏敖翔 - 姚本輝今日好似刻意想所有馬退熱

R6
好甜橙 - 質新咁快轉倉肯定不是短視材料 跟放後上亦可 季內應該好快可以出頭
神威敖翔 - 全面機會又搏失 係咪想等到落五班先得 再出跟進 班利佔PLACE
錶之霸 - 無咩跑過但馬有質素 換人可以冷叩番

R7
悅裕 - 本來重心推介是此場馬膽 但不合乎我想推介冷馬賠率後又卻步 點知條Q有200幾 真是R爆頭 馬有質素 上仗已揀 3歲仔仲有好多進步空間 但加分後 133磅驚騎師發揮成PLACE馬
火百合 - 已經踏入正軌 兩種強組都衝得勁 稍遇弱小小對手應該可以打開勝門
福多寶 - 走晒光

R8
新強勇駿 - 前快後快 快時間輕鬆贏 細粒馬辣功夫 下場過熱小心得PLACE
好運多贏 - 雷神第二隻跑羅富全馬房嚇人表現馬 三班必定仲有得WIN
滿地可 - 狀態未夠 馬房初出已有表現馬不多 可繼績留意
心多多 - 難得呢個馬房既新馬初出已近 馬應有不錯質素
魅影揚飛 - 姚本輝今日退熱之一

R9 實在無法理解步速形勢既場次 唯獨覺得力王是正宗 1800-2000馬

R10
精算風暴 - 大超班馬 試閘刻意教馬走勢比上次果次明顯兩隻馬 根本至少值 85分
燈胆精英 - 三班只限走近 有D難贏 要睇際遇
順意寶 - 兩場已經有好好走勢 再成長應該可以幫賀賢執 2WIN
旺舖大師 - 姚本輝退熱作

R11
頭兩名馬都應該有 90分實力 鬥到下年四歲系列都似 可以長線跟進
飛星凱旋 - 加磅加分遇強組都叫有威脅 馬房應該趁仲有狀態用埋佢 1400穩障
恆駿寶駒 - 換人啦
標準猴王 - 換個減 5磅已經夠威脅了
自在人生 - 對手太強 弱組三班先夠跑

2018/03/07 「賽後點評價」
前言：賽事推介兩場中QQP 可惜第三場選了狀態較好的蒜頭爺爺及開心日子做膽 前者轉灣出意外 收唔到T

R1 (全組好弱)
值得跟進只有兩隻4歲馬 - 好有米 金禧足球
不過兩隻實力都十分一般 勝在有體力感
豐盛人生 - 贏完再出場場輸好遠 未知馬是否有事

R2
天下為攻 - 本來打算推介派錢咁派既 2-3Q 不過費時又話我出熱門 假飛呢樣果樣 128磅全程晨操半力輕勝 破紀錄 勇態不斷增加 我睇雷神你主席短途揀邊隻
加州議長 - 跑岩晒都係食塵 二班企穩不斷加分 變左第隻真先生
紅星 - 夠輕磅先入到黎 否則爭第四
財高八斗 - 抽到一檔先再算

R3
蒜頭爺爺 - 敗於意外 再出此程惡到暈
開心日子 - 砌得郁緊係殺晒你 升班後要重新計算
勁豐裕 - 此程專家 臨場狀態一般都跑得好 再出1800/2200都惡
進綵 - 走一半唔走一半 想點？
型酒杯 - 轉配備都無咩大改變 係得咁多貨仔

R4
超凡夢想 - 老馬力短 黃金機會把握唔到 等退
勇者勝 - 贏落有餘未盡 再出都可爭勝
一馬當先 - 梁家俊發完夢未 墜完馬跌晒watt 計馬已養回可以繼續爭
多多勁驥 - 繼續減分等反彈

R5
歡喜心 - 升上三班輕磅未可忽視
星運判官 - 同上
永益善 - 小潘騎唔郁 走左半就唔走
萬里威揚 - 漸漸入正軌 馬房必定幫佢今季交代
善財到 - 金碧輝煌贏唔到 無馬配合出擊點會同你去

R6
好吉利 - 跑番岩晒咪贏 上到二班又唔夠跑
魅影揚飛 - 跑岩晒都要比人咁樣過埋 計三班能力已證明 但暫時頂盡70分左右
上海大師 - 飛到馬到 下場又走樣
育馬妙星 - 直路有擠碰 但馬已在勇境 上仗後上如飛 3班1200混亂局面佢有實力
喜進 - 係咪得潘頓先識跑？

R7
百步穿雲 - 狀態一般衝得唔錯 再出可跟進
四千金 - 比人check到暈 三班只限打突擊
春盈 - 12檔局住縮係後邊衝 三班仲有些少分係手 唔多
越感 - 減多2/3磅就殺晒你地

R8
威信 - 三連捷谷草1650 質素能力全證明 升班未可忽視 大熟大勇
靚紫荊 - 三班中堅馬膽 衝得好好
逍遙自在 - 全哥馬唔洗多講 上到名就要繼續跟
藍海策略 - 潘頓無心去馬的跑法
好力煌 - 縮番田草1400會好跑D
恆駿寶駒 - 繼續還債 上年加太多分 等4/5月就爆一獲