#圍爐廢噏 - #Zip噏劇場 7月號 《#郭家愛情故事》終章 《#因愛之罪名》 一個稱職嘅男友，一定要摸熟女朋友嘅「知」點，即係知道有咩可以做，有咩唔可以做，知道佢幾時會發嬲，幾時要你氹。Daisy好早已經話咗比我知佢嘅知點，因為我可以成為佢郭家嘅租客之前，佢整咗一份同住協議書比我簽。一份唔夠1000千字嘅協議書係咪可以寫曬所有地雷？當然唔可以啦，話明地雷當然要踩中先知，例如： 阿彭同阿華係佢心目中係影響我地情侶關係嘅外在勢力，如果我私底下同佢飲野會比佢鬧... 又例如屋企嘅Wi-Fi禁止我睇好多動漫同愛情動作片，話睇得多對身體對情緒唔好...如果我同自己data睇，比佢check到我上網紀錄又會比佢鬧... 又又例如，有一次紀念日，我無得別襯衫，求其著咗一件黑色衫出街，佢又會鬧我係咪無心裝在，唔尊重佢...所以好快佢幫我換曬衣櫃嘅衫... 仲有聽歌睇書睇戲什至睇奧運，同埋飲食、談吐等等佢都想控制...雖然間屋有一千尺，但我應受到有一種無形嘅籠，困住咗我自己。但有一樣野比知點更恐怖...就係Dream 點... Daisy有一晚深夜扎醒，然後搖醒我，有啲怒氣咁同我講： 「我夢見你對我唔好！我夢見你出軌！我夢見你搵番以前嘅女朋友小英！我夢見你要同我分手！」 「你睇咁多年新聞，咁多年法庭戲，都知夢境係唔可以當證供架...」 「佛洛伊德講過：夢境是通往潛意識的道路。即係你潛意識企圖或意圖想分手！」 「Daisy，個夢係你架喎...」 「但我因為愛你先會發夢，亦因為你唔夠愛我，我先會發呢類嘅夢！所以係你嘅潛意識影響緊我嘅潛意識！」 「我唔夠愛你？我已經跟足曬份同住協議書去做，但你條線成日都變嘅，又咁敏感...咁樣我好辛苦架...不如我地分開住...咁樣對大家嘅開係會好啲...」 「你承諾過話會愛我，會聽曬我話架...你簽咗名架！」 「你夠應承我，我有自己間房，有自己嘅空間囉...Daisy，我係你男朋友，但同時我都係一個人嚟架，我都要有自由同獨立嘅空間架...」 「我唔理，你自古以嚟就係我嘅人！我唔比你搬走！」 「咩自古以嚟？」 「我睇過三世書，相士話我地好多世都係情人，所以今世都注定係一齊！」 「相士夠話我前世係一隻無腳嘅雀仔，一比人困係籠度就會死啦！Daisy，愛一個人唔係要全面接管同擁有架...」 「如果我話係咁又點？」 「咁...對唔住啦...我依家就搬......」 （當阿康想轉身離開，Daisy一刀插入康背後...) 「可能你前世真係一隻無腳嘅雀仔，而呢種雀一世只可以落地一次...咁你乖乖地係呢一間8樓6號室，好好休息啦...」 Song : #馮允謙 @jayfungmusic 《因愛之罪名》 Ps. 感謝 @dik.ccc 迪C聲演Daisy。其實由6月號第一章，佢把聲曾經出現過，到7月嘅最終章再次現聲。有聽眾問，寫到最終章，阿康同Daisy嘅故仔點繼續落去。其實我諗好咗8月寫乜，先係7月號寫呢個結局。大家期待8月號嘅後續。 Ps2. 發生係8樓6室嘅郭家愛情故事，以一個家做單位，講控制狂情侶。自由同宇宙一樣，都無界限嘅，但當一個人口中嘅愛，限制一個人嘅自由，到一個地步，又應該點取捨？所謂影響兩人嘅關係，影響呢個郭家嘅安全，條線又應該係邊？人人答案都唔同嘅。而人係獨立個體，應該要有獨立思考，去搵最適合自己嘅愛情同生活方式。 Ps3. 可以接嘅歌，除咗有《因愛之罪名》，仲可以係 #林欣彤 嘅 #林中鳥，又或者係 #root 嘅 #宜蘭食雪糕 。 #rthk #dj #好多香港歌 #都好聽 #同好有故仔 #希望大家多多留意

【2019 丹尼爾。海特別推介女歌手】 #鄧小巧 一個勤力嘅女歌手 一個治癒我嘅女歌手 小巧出名治癒系 今年真係好需要治癒 由 #雲吞 到 #香檳女狼 再到 #原罪 感謝你為香港人癒傷 #陳蕾 又係另一個勤力嘅女歌手 又係另一個治癒我嘅女歌手 #當我迷失時聽著的歌 講緊佢自己嘅故事 都係好多香港人經歷緊嘅故事 #熒光 嘅歌詞真係打入心 放入咗我「私人癒傷寶庫」館藏 (遲啲再同大家講下入面有啲咩歌) 【丹尼爾。海特別推介男歌手】 #馮允謙 佢終於返嚟喇 今年一直密密出歌 首首都幾好 就係差咗一首爆嘅歌 好似當年「我好想你」咁 #林聰 暗黑系男新人 呢類歌曲好難搶耳 但我係電台無意中聽到 #夏花茶 一聽就鍾意 加油！係黑暗中唱出自己 亦為香港人唱出希望 #陳卓賢 我成日講ian 應該自己一個脱離Mirror發展 結果佢獨唱效果好好 又係唱作人 佢把聲細膩 放入團體唱跳舞歌嘥哂 希望2020繼續有自己歌 (尋日聽完姜濤唱 我們的基因 唱到唱k咁 姜濤感覺好似成日唔畀力去唱歌) 【丹尼爾。海特別推介組合】 #Perse 香港少數一男一女組合 男仔做主 女仔做和音 男音高到同女音同key 聽出嚟好舒服 音樂方面 小清新得嚟又好澎湃 你會覺得兩者好矛盾 但只有佢哋做到 成為Per Se 嘅味道 所以佢哋每一首歌都好Per Se 感謝你哋嘅 #烽煙若説 陪住我過呢半年 #Error 只係兩首歌 但已經好夠 因為兩首都好高質 一首搞笑 一首抒情感動 由「花姐Error遊」開始好鍾意睇Error 香港好需要呢種歡樂藝人及歌手 艾粒後繼有人喇 #殺死我的經理人 我一聽就諗起艾粒 點知年尾出首 #我們不碎 首歌竟然冇畀到Mirror 咁Error唱個效果又真係好啲 感動大啲 ----------------------------- 有四首亦想特別介紹 越嚟越多人玩EDM 今年呢四首我一聽就好鍾意 #精神餵飼 鄧小巧 #妖治時代 陳蕾 #喘息空間 GinLee #人話 方皓玟 ----------------------------- 【女歌手】 鄧小巧 21 雲吞 ❤❤❤❤ 迂腐 香檳女狼 ❤❤❤❤❤ 精神餵飼 ❤❤❤❤❤ 無神論 ❤❤❤ 原罪 ❤❤❤❤ 陳蕾 20.5 當我迷失時聽著的歌 ❤❤❤❤ 妖治時代 ❤❤❤❤❤ 給星星們 (與周國賢合唱) ❤❤❤ 熒光 ❤❤❤❤❤❤ 相信一切是最好的安排 ❤❤❤❤ 容祖兒 18 一種永遠 ❤❤❤❤ Pretty Crazy ❤❤❤❤❤ Feel The Heat (與張敬軒合唱) 勇氣情歌(翻唱) ❤❤❤ 明月 ❤ 悲觀生物學 ❤❤❤❤❤ 林二汶 16 最後的信仰 ❤❤❤❤❤ 守破離 ❤❤❤❤ 解語花 ❤❤ 超友誼 (Feat. 6號) ❤❤❤❤ 餓 初音 ❤❤❤ 謝安琪 16 其實寂寞 ❤❤❤❤ 廢話(與麥浚龍合唱) ❤ 偷情的禮儀 ❤❤❤ 773312 ❤❤❤ 我們的基因 ❤❤❤❤❤ 衛蘭 13 所以我愛 (feat. AF, Jill Vidal, SHIMICA & Daniel Chu) ❤❤ 鐵蘭花 ❤❤❤ 運動詩歌 ❤ 摩西的煩惱 (feat. Phat, JB & AF) ❤❤ 面對 ❤ 家門 (feat. 馮允謙) ❤❤❤❤ 方皓玟 12 願 ❤❤❤❤ 望 ❤❤❤ 人話 ❤❤❤❤❤ Aga 12 Tonight ❤❤❤❤ Everyday ❤❤❤ Two at a time ❤❤❤❤❤ 黃妍 12 貪睡的人 小鹿撞樹記 ❤❤ 在身旁 ❤❤ 寂靜的回聲 ❤ 刮骨 ❤❤❤ The Thirst Of May ❤❤❤❤ 黃淑蔓 10 很久不見 ❤❤❤ 一定要得 ❤❤ Dream My Dreams ❤❤ 尋找白金漢(feat. 黃淑蔓) ❤❤❤ 李靖筠 10 小蚊赧 ❤❤❤ 第三顆行星 ❤❤❤❤ 碎紙機的告白 ❤ 第千次重逢 ❤❤ 林欣彤 9 玫瑰式體驗 ❤❤❤ 失戀的人站起來 ❤❤❤❤❤ 一秒 ❤ 連詩雅 9 孤身走 ❤❤❤ 過路人 ❤❤ 說分手 ❤❤❤❤ JW 8 逃生門 ❤❤❤❤❤ 年末感恩 ❤❤❤ Gin Lee 李幸倪 7.5 孤獨門口（國）❤❤❤❤ 浮世繪（國）❤ 喘息空間 ❤❤❤❤❤ 鄭融 6 13樓的大笨象 ❤❤❤❤❤❤ 王菀之 6 花花草草 ❤❤ 波點女皇 ❤❤❤❤ 鄭秀文 5 我們都是這樣長大的 ❤❤❤❤❤ 梁詠琪 5 再見灰姑娘 ❤❤ 平安夜 ❤❤❤ 孫慧雪 5 小說故事 ❤❤❤❤ 幸福的錯覺 ❤ 抱緊 林穎彤4 忽然又想起你 ❤ 你永遠是最好 ❤❤❤ 鄭欣宜 4 救命歌 ❤❤❤❤ 曾樂彤 4 存在 ❤ 永恆少年 ❤❤❤ 泳兒 4 明日花 野木蘭 ❤ 花心 ❤❤❤ JUDE 曾若華 3 切膚之愛 ❤❤❤ 盧凱彤 3 光/光之外(國) ❤❤❤ 圓謊 盧巧音 2 一晚白頭 ❤❤ 何韻詩 2 代你白頭 ❤ 撐 (群星合唱) ❤ 鍾嘉欣 2 做你的晨曦 ❤❤ ------------------------------------ Ig 出唔哂去facebook睇啦

[方以文問兩句][ 唐浩然 Jacky][教束] · 《教束》一開波，其中一個焦點就落咗喺學生會候選內閣OASIS會長鄧學謙身上，一個接近完美人型嘅角色，由唐浩然繹演。我仲記得劇中一班師妹暈得一陣陣嗰個樣，而網上亦都一片歡呼聲，話又多一個靚仔後生演員。原來Jacky係喺APA電視電影學院修讀導演畢業嘅，今次做電視劇演員有咩得著呢？ · ——————— 問：你係透過咩渠道加入《教束》劇組擔任演員？ · 答：我係好耐之前有幫過導演佢哋拍過功課。後嚟咁啱佢哋開《教束》，就問我有冇興趣試吓casting。不過其實我casting嗰陣係試麥浩賢呢個角色嘅。 · ——————— 問：「鄧學謙」呢個角色戲份都唔少，你自己收到劇本時有咩感覺？壓力大嗎？ · 答：其實有壓力，一嚟因為係第一次演劇，二嚟就係呢個角色戲份都算重，我自己都有擔心出嚟嘅效果。（按：慢慢努力，吸收經驗再upgrade） · —————— 問： 做個風靡萬千同學嘅靚仔高材生，對你嚟講有冇難度先？演之前做咗咩功課？ · 答：呢個角色對我嚟講係有難度，因為佢係一個高材生、學霸，但我喺現實生活中係完全相反，又唔係勁學渣嘅，但係對比鄧學謙就一定係差。所以我演之前都有做功課，參考下以前讀書嗰陣嘅學霸同學，亦都有特登留意啲演員點去演繹呢啲類似嘅角色，例如《出貓特工隊》。 · ——————— 問：劇裡面你嘅主要對手有周漢寧、岑珈其仲有朱栢謙。同佢哋夾成點呀？ · 答：今次同佢哋三位都夾得好好，而且都幫咗我唔少。咁我同 #周漢寧 本身就識嘅，大家讀書嘅時候，佢都有幫我哋拍過功課。可能因為嗰陣嘅合作，大家一埋就好似有默契咁，有種做返同學嘅感覺。 #岑珈其 好有經驗，我同佢排戲個陣，大家都會事先同大家講會點演配合對方。#朱栢謙 更加係佢就我，佢完全係睇我點去演，然後再自己加嘢帶住我。 · ——————— 問：鄧學謙同莊子民嘅兄弟情點設計去演？同導演、周漢寧有冇傾過點做呀？ · 答：其實開頭我收到劇本，就即時問導演編劇我同莊子嘅關係係點。佢哋就話撲朔迷離。到我再睇晒成個劇本，明白到我做嘅所有嘢都係為咗莊子，為咗一個「超脫」嘅友誼，所以我哋傾嗰陣都係以呢個大前提去做。有趣嘅係本身我地第一日拍嗰陣，我哋兩個嘅演繹係比而家更有愛。好彩導演有撳低我哋。（按：有冇人同我一樣都想睇吓有幾多愛？） · ——————— 問：《教束》裡面對你最大挑戰 / 最深刻係邊一幕呀？又有冇咩覺得自己可以做得更好？ · 答：最大挑戰個場係第18集，我喺醫院同麥浩賢講話我向梁sir告密，害咗莊子嗰幕，係成套劇唯一一個情緒失控嘅scene。因為我成個劇入面多數係表現冷靜，加上我本身個人性格問題，所以我覺得嗰場戲自己應該要做得再好啲。當日未埋位個陣，周寧有幫我代入個情緒，可惜我好快又出咗戲。整體上我都覺得自己可以再寬容啲。 · 同一集 #劉俊謙 對住 #吳海昕 告解後分手嗰場，真係演得好好，係一個好好嘅學習對象。 · ——————— 問： ViuTV連續劇《教束》、港台單元劇《快樂從心開始2》、MV《馮允謙 - 聲音導航》。三個作品，三種唔同嘅類型，你自己最鍾意演邊類型？各自有咩挑戰呢？ · 答：我覺得《教束》嘅挑戰係一個學渣扮一個學霸。《快樂從心開始2》係嘗試吓搵啲喜感多少少嘅演出。《聲音導航》就係第一次拍MV，同劇集好唔同。我個人冇話特定咩類型，只要係以劇情為主嘅作品都幾鐘意。 · [馮允謙《聲音導航》 IG story有得睇] [《快樂從心開始2》之《青春標記》IG Story有得睇 ] · ——————— 問：2016年你喺APA 電視電影學院畢業，主修導演，咁有冇學埋演戲呀？依家觀眾認識你都係演員嘅身份，現階段你想做演員定係導演多啲？有冇咩計劃呢？先演後導？ · 答：冇真正讀過，我只係上過drama school嘅elective關於movement嘅堂玩過吓。不過依家我都有同朋友一齊寫劇本去報一啲比賽。如果再有演戲機會都希望嘗試吓嘅。 · ——————— 問：見到你同 #馬治（IG @machi_ma_ ）#鄧麗英 （IG @laiyingdesu） 嘅「馬修合唱團」有拍同唱啲歌，你哋本身已經認識？定係拍完劇先一齊jam吓？仲會唔會繼續拍落去呀？ · 答：我同machi、麗英都係拍《教束》識。一開始係麗英問我有冇興趣一齊玩，我自己又鐘意玩吓音樂，所以試吓。咁音樂就得我同麗英，後嚟大家話想拍返個mv，所以搵埋machi佢哋一齊玩。嚟緊我哋都會繼續創作落去。 · [馬修合唱團 IG Story有得睇 ] · ——————— #方以文問兩句 #唐浩然 #鄧學謙 #ViuTV #教束 #RTHK #萬輻瑪利亞 #馬修合唱團