第二回－房事

【2021年香港房事排名位於亞洲倒數第二，平均每月3.7次，一星期不足一次，僅比日本的三次多一點，離婚之夫妻房事數值均低於平均數，擁有一個健康和穩定的性生活是每對夫妻不可為缺的部份。

檢測到過去一年，劉俊文及李倩盈夫妻只進行過六次房事，達到滿足標準的次數為零，危機級別是最高等級，發放特別新手任務。

任務目標：達到一次雙方滿足級別的房事一次
任務獎勵：新手特別禮包
任務時限：一星期
失敗懲罰：婚姻系統將宣告二人失敗，建議離婚處理】

比起系統發放嘅任務，劉俊文更在意嘅係，原來過去一年嘅房事，竟然連一次滿足都無：「李倩盈你都幾好演技喎，唔係系統話我知，我都唔知原來你一直都係唔滿足嘅，即係有幾次你都係扮出黎啦！」

「劉生，我唔滿足你怪我啊？點解你唔檢討下自己？我唔滿足仲要扮滿足去令你有成功感，講我都覺得自己可憐兼偉大啊！你估我做戲唔攰啊？明明唔開心仲要扮到好享受，你次次都問我黎未啊黎未啊，爽唔爽啊，你勁唔勁啊，大佬啊，你依家係做訪問定扑野啊？我要答問題定要享受啊？唔通你問我黎未，問我爽唔爽，我答你有排啊！！唔爽啊！！！你唔勁啊！！！！咁啊？依家好啊，系統幫我講出心底話，我只可以同你講，劉俊文我真係對你無期望好耐喇！」李倩盈將心底說話完全講出，個人係咁震，係激動同舒暢嘅震，呢堆說話佢想講好耐，只係無機會同無勇氣去講出黎。

劉俊文都激動咁講：「你唔舒服唔享受，你講啊，你唔講我點知，你講我咪改，我可以慢慢黎可以跟你意思做嘛！我又未做過女人，點知點先為之舒服，點先為之滿足啊？男人好簡單，射左就係完成，女人無路捉喎，你演技又咁好，呃我之餘呃埋你自己，咁你對於呢件事嘅解決方法咩？」

「其實你知唔知你有咩問題呢？成日都要預約先至做，點解要講明聽晚要搞？有心情都比你搞到無心情啦？呢種事係自然發生，唔係要約嫁！」

「喂小姐，我返工好攰有時又要OT，我知道聽日得閒可以收早，我同你講定你又唔喜歡，然後有時我突然同你講話想要，你又話我變態，話聽日要返工，唔想，咁即係幾時？我係男人黎，我有性需要嫁，你知唔知有時我喺你訓左之後喺你身邊打飛機係幾唔開心，我有老婆都仲要打飛機，連朋友都唔敢講啊，我怕講出黎會比人笑啊！」

「你返工攰又唔比我攰嘅？女人唔係要發洩，係要情調要情趣，你突然間話想要就要，你當我係咩啊？飛機杯啊？」

「講真我真係用飛機杯都好過求你，起碼飛機杯唔會又呢又路，比人拒絕你估開心啊？其實你係唔係有性冷感呢？如果係嘅我都易理解少少。」

「我性冷感？不如話你自己毫無情趣又無耐性，點解你從來都唔檢討下自己，將所有問題都歸咎比其他人呢？」

【經系統評測，劉俊文先生性能力係正常，而李倩盈小姐亦無性冷感問題。】

「嗱，你就性冷感啊！」

「我夠性能力正常！」

【資料上顯示兩位宿主都曾經享受過滿足嘅房事，希望宿主可以搵出原因，達成任務】

「哈，要做唔係問題，但滿唔滿足唔係我可以控制，劉生如果你想完成任務就麻煩你比少少心機檢討下自己。」

「我檢討？好啊，不如按你方法去做，我跟足你要求去做，咁你滿意啦！但麻煩你講得清楚少少，唔好講到模稜兩可！」

「痴線，我可以點講啊？喂，你咁樣入，你加速20％，個拍子要點點點啊？對唔住，我真係講唔到你知點做。」

「用我方法你又唔滿意，但你又講唔出應該點做，我有理由懷疑你係有心為難我！即係你同你學生講做得唔啱，你都要講要點做去改正先啦，你平時係咁教你班學生咩？」

「要我一步一步教你點做，你覺得咁真係會令我覺得開心咩？女人需要嘅係你做左一種我哋需要嘅野，唔通你教住我點同你做，我跟住你做你就會好開心？」

「喂如果你肯，我真係好開心啊，但平時我叫你轉個姿勢你都唔肯，你覺得我開心咩？你頭先聽唔聽到，滿唔滿足係你同我都唔滿足啊！唔係叫射左就滿足，男人都唔係咁簡單就打發到啊！」

「算喇算喇，我唔想同你去爭執落去，唔會講得你明嘅，呢點我呢一年唔清楚咩？完成唔到咪完成唔到，依家你叫我同你上床，我真係會喊住咁做，肯定唔會滿足。」

「你覺得我想講咩？我想解決我哋之間嘅問題，但你明唔明我一路做都發現好似改變唔到咁，你覺得我唔難受咩？」

【系統偵測出爆發臨界點，請兩位宿主暫時分開冷靜，好好思考雙方感受。】

兩人暫時分開，因為佢哋都好清楚再嘈落去無結果，呢種情況發生得太多。

然後兩個分別係自己嘅兄弟，同閨蜜群組裡面求救。

「兄弟們，認真問，到底點做先可以令伴侶得到滿足嘅性愛呢？」

「嘩，咁簡單嘅問題你都問，三點，靚仔，有錢，大揪，就係咁簡單，但劉生你好似無樣中喎。」

「妖，認真啊，我真心求教，麻煩你哋比實際可行嘅方法我好唔好？」

「做乜啊？你俾老婆彈鐘話你唔掂啊？」

「印度神油同偉哥可能幫到你！」

「不如我講白少少，如果解決唔到呢件事，我會同老婆離婚，所以唔該你哋求下你哋唔好玩膠！」

「情況咁嚴峻，我收聲，其實我同老婆都好少行埋，Sor Bro，比唔到咩Advice你，同求解決方法。」

「其實你哋結婚三年，少行埋好合理喎，講真，日見夜見仲邊有咁好心情搞野呢？我都係大時大節應吓節就算……」

「你咁問得，即係你老婆唔滿意，咁佢唔滿意邊部份先？你太細？你太快？你太悶？你唔比多少少背景資料我哋好難幫你分析喎。」

「唔……呢一年我同佢行埋十隻手指數得晒，講真，我都覺得好唔滿足，每次都係同一地點，同一流程，同一時間……」

「呢個問題好明顯，對手悶喇，不如你幻想吓，如果同你做嘅係一個未做過嘅女人，所有問題都唔會係問題。」

「雖然肥仔講嘅係好刻薄，但佢帶出一個好好嘅方向，既然你都知時地人流程都係一樣，咁不如搞下新意思，例如出去Staycation換個地方，玩下角色扮演同玩具，又或者飲吓酒睇吓AV，情趣呢樣野幾時都係咁重要。」

「會唔會係前戲唔夠嘅問題？試吓用按摩油，用完再手口並用，之前我同老婆試過好Work……呃……就係太Work所以又有一件……諗起都有少少後悔，記得戴套啊兄弟！」

「前戲唔單止係接觸嘅，你做好晒家務，買個包包，播吓歌，點吓香薰蠟燭，有Mood自然就會有好心情。」

「兄弟們，其實你哋講嘅有好多我都試過，除左買包包……但買包包先會有滿足嘅性愛會唔會太傷荷包呢？照你哋咁講我一年最多咪扑得兩次……你哋都知我老婆唔太飲酒，佢最憎我睇AV，要佢同我一齊睇咪盞死多兩錢重，唔好話玩玩具，佢連角色扮演都話變態……上次我話扮學生，佢即時話我侮辱佢嘅工作，嬲左我足足兩個星期，唔好玩我啦……」

另一邊廂……

「姐妹們，到底點先可以令男人知道點滿足自己呢？」

「無可能，死左條心佢！」

「咪就係，男人只係識得大力同快，佢哋係唔識分痛到叫同爽到叫嫁！」

「之前你咪話你老公想離婚，今日去簽紙，做乜啊？依家又唔離喇？咁我都安心啲！」

「係喎係喎，你今日離婚，搞掂未？我應該恭喜你定安慰你好？」

「無簽到啊……個衰佬話想同我再試下改，咁我都唔想離婚……咪同佢再努力一吓囉。」

「你決定再努力都好，我哋成班姐妹都會支持你，但點解咁突然唔離婚又想探討點先滿足，係唔係你老公想要分手炮，喂，咁真係又食又拎，你唔好信啊！」

「唔係啊，一言難盡，總之當務之急係我需要知道點先可以有一場雙方都享受嘅性愛，如果搵唔出呢個方法，我就應該會離婚喇……」

「如果用你呢個定義去決定離唔離婚，咁我同我老公都應該離婚啦，個肥仔佢成日大爺咁訓係度，唔好話滿足，我仲要出力啊，諗起我就嬲！」

「班男人最大問題就係佢哋睇左十幾廿年AV，睇到覺得AV入面嘅係真，班女優每次拍都收錢，十萬十萬咁收，梗係落力同開心啦，試下我老公比錢我，我都叫到拆天啊！」

「咪就係，又要護士又要空姐又要學生，睇到壞腦，仲要跟足佢哋流程做，攰過湊仔，我敷吓面膜訓吓仲舒服，我已經無慾無求喇，反正湊仔都夠我攰，上次同佢做做吓個仔醒左，上半場都勉強叫開心，點知我氹完個仔訓之後，見到個死佬都訓埋，個次之後我就嬲到唔肯同佢再搞！」

「你湊仔都好，我同老爺奶奶一齊住，夜晚要偷偷摸摸咁搞，仲要忍住唔好嘈親人，我同老公講要搞就出去酒店搞，但奶奶又話我嘅有屋企唔返，晒錢出去租酒店，我就係唔想同佢同屋先出去住啊！！！！！！」

「認真最開心嘅真係初初相識熱戀個時做，對方做嘅一切都好令人期待，有時氣都未回就突然再戰，唉……真係往事只能回味啊……早排我試過突然錫我老公，佢好驚咁問我發乜神經，咩料啊！」

「姐妹們……我係想尋求解決方法啊，唔係鬥慘大會，Cheer up girls！唔通你嘅唔會覺得咁落去你下半生同下半身都好慘咩？」

再返返去男士們嘅對話……

「嗱，我問左全能嘅Google大神喇，夫妻重燃情趣方法有，Staycation、性玩具、性愛大富翁、轉換場地、改變情調、角色扮演、增加情趣細節，呢個係性治療師比嘅Tips，你參考吓啦！」

「我都睇左有關身體方面嘅方法，每日做深蹲、做運動、唔好打飛機、食含有鋅嘅食物好似生蠔、黑朱古力嘅苯乙胺都對性方面有幫助，至於偉哥呢樣野你就要問醫生喇！我仲搵到清水健嘅壯陽餐單，你參考吓啦！花椰菜、紅蘿蔔、菠菜、小番茄、山藥、秋葵、南瓜、地瓜、水煮蛋、雞里肌肉香腸。有時也會有菇類、芽菜、高麗菜等。他也會隨身攜帶高蛋白低脂肪的雞里肌肉棒、雞里肌肉香腸、高蛋白飲料、蛋白棒，肚子餓時就吃一點來補充能量。」

「事前準備都好重要，沖涼、剃鬚、噴少少香水或者爽身粉、剪指甲、用漱口水、換床單、播音樂、點蠟燭、最好時間係晚餐後兩三小時。」

「咩九淺一深、螞蟻上樹、神之手你都識啦，我就唔重提喇，大家咁耐兄弟，我傳授我最有用嘅一招比你，你好好記住，忍唔住就記得係心入面讀 看看威風的他 雙腿好似摩打 扭波踢波頂瓜瓜 有嘴巴的都讚他 身手最啿誇 小子志可嘉 陣法腳法日練夜練 真功夫冇花假 攻呀攻 快搶攻 射呀射 射它吧 扭得好 踢得鬼馬 可稱霸只有他！至於個Beat你都識啦！」

「嘩……真係唔夠兄弟都唔會教你呢招，劉生下次你見到佢有乜要我幫手嘅即管講，正義只會遲到，從不缺席！」

「我從來都未見過你哋班死仔咁認真，除左死肥仔之外，點都好，多謝你哋，我會盡量做，祝我性福啦！」

「講真，扑野要搞到咁複雜，我真係寧願打飛機算喇……」

「X2」

「我已經打緊了！」

「諗返起當年我講過，結左婚一齊住之後要日做野做，我真係覺得自己好傻好天真……」

再返返去女士們嘅對話……

「咁多年姐妹，呢套睡衣成二千銀我自己都唔捨得買，但為左你嘅下半生，今次我大出血都要喇！」

「我幫你Book左四季今個周末嘅海景套房，個浴缸好大，夠兩個人一齊浸，祝你成功啦，幫到你嘅唔多，加油啊盈！」

「呢排我手頭緊緊哋，但我都送支靚酒比你啦，你唔飲得，比佢飲多少少，唔係醉左訓左就弊傢伙喇！」

「姐妹們……突然要你哋破費真係唔好意思，小妹將來一定報答返你哋，Love you all，有你哋我就算點都唔怕喇！」

「倩盈，其實女人要嘅係愛，有愛就會開心同舒服，我哋幫你嘅只係輔助，如果你同一個唔愛嘅人做，你準備再多都無用，你明啦。」

「係啊，我老公有時突然間講句肉麻情話我已經會好想要，但偏偏呢種事係可遇不可求，祝福你！」

「講得無錯，唔好太刻意，隨其自然啦，越急越慌只會令自己緊張到享受唔到，Relax！」

「今晚等我幫你問吓我老公點先最開心，如果有參考價值嘅我再話你知！」

「唉講起我真係好耐無同老公行埋喇……唔知佢今晚會唔會對我有表示呢？」

「著返套戰衣先啦！」

「我依排肥左好多，都唔知著出黎有冇反效果……」

兩邊嘅討論開始進入閒聊狀態之時，劉俊文同李倩盈都分別收到系統嘅通知。

【叮，恭喜宿主，因為你為對方著想去做準備，獎勵積分100分，希望宿主知道無論方法係好係壞，只係你係為對方著想，希望兩個人有更好嘅未來，就已經值得獎勵！」

劉俊文望住唔知有乜用嘅分數心不在焉，佢忍唔住問：「系統，頭先我班兄弟講嘅野有冇用？係咪我跟住做就會令倩盈得到滿足啊？」

【除咗唱足球小將之外，其他方法都未嘗不可，會有效提升身體、心情、環境等因素，宿主請繼續努力。】

「喂，系統你答非所問喎，即係你覺得唔一定有用啦，咁我可唔可以問你我到底應該點做先會成功？」劉俊文並唔蠢，如果係有用，系統點會講呢種模稜兩可嘅答案。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

劉俊文望一望唔知有乜用嘅200積分，剛剛突而奇來賺返100，依家用返100分去買提示，都只不過係打回原形姐，咁總好過唱足球小將嘅：「系統我決定換錦囊！」

【成功換取錦囊，劉俊文現時積分為100分，錦囊生成中……請稍等……是次提示為，需要】

空氣變得寧靜，劉俊文開始覺得唔對路：「喂，系統你……唔係已經講完喇嘛？需要？需要咩啊？你正奸商，仲姑寒過我課金抽蛋，喂，喂，應下我，你係唔係死左機啊？」

【成功掃描系統，一切正常，請宿主放心，章博士講一半唔講一半嘅作風，係唔同時空都係出晒名，希望宿主明白並非系統玩野，比起閣下兄弟提出嘅意見，本系統覺得更有價值，請宿主盡早參透。】

而李倩盈方面，佢都忍唔住問系統一個問題：「到底我享受唔到，係唔係我嘅問題呢？」

【宿主請勿自責，章博士提過，夫妻之間出現問題從來都唔係一個人責任。】

「唔係一個人責任……咁即係我都有責任啦。」女人嘅直覺好敏銳，抽出系統字句上嘅重點。

【對，就房事方面，兩位宿主均有責任。】

「咁我責任係咩？」李倩盈心急地問。

【章博士設計嘅系統並唔會提供直接答案，需要宿主從了解同思考中得到真正屬於你同伴侶嘅答案，但你可以用一半積分換取一個提示錦囊，溫馨提示，積分清零同時等於任務失敗，請小心運用分數。】

「依家我有600分，換一個錦囊係300分……好啦……換啦換啦……」李倩盈無奈地講。

【成功換取錦囊，李倩盈現時積分為300分，錦囊生成中……請稍等……是次提示為，被動。】

「吓？被動係我嘅問題？即係我要主動咁去同佢做先叫好？性格嘅野點改啊，我真係唔鍾意主動咁去奉承佢囉，咁我算乜啊……」李倩盈紅住面咁講，佢一向都係被動地做，亦係好多女人對性嘅方式。

【宿主請自行理解提示，兩性關係在於思考，並非提供做法照做，請宿主努力。】

「我終於知道平時劉俊文聽到我講似有還無提示嘅感受喇……有時唔想就係唔想，你叫我主動我真係會開心咩？到底阿章博士明唔明白女人啊？」李倩盈對於呢種提示下意識就係唔想接受。

【章博士生理上係百分之百男人，對於女人心理係從日積月累理解之中形成經驗，請宿主努力解讀提示，本系統從來都唔會對宿主不利。】

「好喇好喇……咁我可唔可以再買一個提示？我想知道點先可以過到呢關。」李倩盈計計自己分數，仲有300分，再買一次得返150分，都比劉俊文多，係無辦法之下，佢唔想單靠姐妹們嘅分析，因為以佢所知，佢哋嘅房事都唔係太愉快。

【成功換取錦囊，李倩盈現時積分為150分，錦囊生成中……請稍等……是次提示為，最後一次。】

「喂啊！系統你講白少少好唔好啊！咩最後一次，你係指我應該用最後一次同佢做嘅心態去做？定我同佢真係最後一次做啊？」李倩盈開始覺得系統嘅提示聽完仲令人煩惱，有少少後悔買錦囊。

【既然宿主無信心完成任務，即將面臨離婚，咁不如盡情去享受同一個曾經愛過嘅人最後一次嘅性愛，如果呢次係最後一次，你會想同佢點做，呢個問題你需要考慮清楚。】

兩個人終於各自返到屋企，劉俊文只係對李倩盈講左句：「返黎喇？」

然後相對無言，今次嘅任務，對於好多人講係一種秘而不宣嘅問題，減去好多身體上有問題嘅夫妻，好多有能力又有需要嘅係房事上得唔到抒發，最後演變出唔同嘅問題。

床上兩人各自思考，諗得再多，都只不過係自己嘅一廂情願。


【現時劉俊文及李倩盈夫婦的狀況如下：

婚姻等級：新婚夫妻
共同積分：250
劉俊文積分：100
李倩盈積分：150
階段：零
特別新手任務進行中：兩人於一星期內需進行一次雙方都滿足的性愛
成功獎勵：新手特別禮包
失敗懲罰：離婚
劉俊文錦囊提示：需要
李倩盈錦囊提示：被動，最後一次
第一階段任務：尚未發放
第一階段緊急任務：尚未到達開啟條件
積分任務：尚未開啟】

－－－－－－－－－－－－－－－－－－－－－－－－－－－－

下回預告：

有人話，新對手就係最好嘅對手，每個人都喜歡新鮮感，所有第一次都係令人期待，但一次生兩次熟三次大結局，對於一個同你走埋下半世嘅人，新鮮感真係最重要嗎？

有人話搞搞新意思，當你一次用一招，一百零八招用過晒之後，玩具同角色扮演都試過，仲有幾多野對你講係新鮮？

呢個世界有兩類人，第一類係食飯最緊要好食，另一類係食飯好唔好食在於你同邊個食。

人嘅性慾只會隨時間減低，以五十歲更年期為標準，用你呢個月做過嘅次數去做乘法，你人生仲餘下幾多次性愛？

而呢個數字之中，有幾多係你真正享受？有幾多係交差？

如果連愛都未搞清楚，性愛就只餘下性，何來圓滿？

－－－－－－－－－－－－－－－－－－－－－－－－－－－－－

作者的話：

性呢個問題，曾經只係困擾我地無對手同無地方，但可悲既係好多人有地方有對手之後，都仲有問題。

蔣薇已經步入第十個年頭，初初睇我既讀者好多都結婚生仔，或者我地既題材已經唔可以再維持係單戀苦戀暗戀情侶相處既階段。

猶豫好耐都係決定寫呢個敏感既問題，大家成年人，我亦唔當大家小朋友，希望大家可以係性呢個問題上思考，亦希望接下來既睇法會令你地有新體會。

第一回得到接近300like既成績，都算係令我有所鼓舞，希望大家唔好吝嗇Like and Share，當然係你覺得好睇先比啦

如果覺得唔好既，真係懇請大家留言表達

－－－－－－－－－－－－－－－－－－－－－－－－－－－－

第二回有獎問答活動：

題目：對你講，一場令雙方都滿足既性愛係有咩因素？（無正確答案，大家可自由發揮）

禮物：我無乜野多，書最多，可以任揀我五本作品其中一本（不包郵），如果呢個故事都出得成書的話，亦可以選擇期貨

四個答得最好既可以得獎，兩名得獎者由我選擇，另外兩個最多like既都可以得獎，為推動更多人討論，讀者之間回覆得最好既都可以特別得獎，設兩名

－－－－－－－－－－－－－－－－－－－－－－－－－－－－

支持作者可以：

訂購我過往的作品，連結如下
https://bit.ly/3fL9QUH

由於最近比較忙，需要周末先可以處理訂書，希望大家見諒

《迷離短篇》出軌得到原諒 | 兼職女友 | 今晚屋企冇人 | Dse 邂逅
　
第二回，睇完記得 follow 埋 ig（echoofheart）呀。
　
＝＝＝＝＝＝＝＝＝＝
　
《出軌得到原諒》
　
「妳真係肯原諒我？明明……我做咗咁過份嘅事。」

「咁你話晒都肯自己認錯，而且都係飲醉咗先會出事……阿善又係我好姐妹……總之，我考慮咗幾晚之後，決定畀多次機會你。」小娟溫柔咁講。

「太好喇，咁我下一站落車即刻嚟搵妳！」

收線嘅時候我真係鬆一口氣。因為我係真心愛小娟，嗰晚只係衰衝動抵受唔住誘惑。係男人就會明白，食得多西餐都會厭，厭就會想試下新野。

而且，小娟嘅家底係堅雄厚，如果因為一次做錯就失去所有嘢，我將來肯定係會後悔死。

一諗到自己咁好彩，就即刻忍唔住笑出聲。而正好喺呢個時候，坐我對面一臉鬍鬚嘅男人亦都傾完電話。

「Yes！太好喇……八婆，講到底你咪又係冇咗我唔得。」

換轉係平時我應該唔會亂咁同人傾計，但呢刻心情實在太好，所以一下心血來潮就問：

「兄弟，成功箍煲？」
「你又知……唔通你又係？」
「唔係咁啱嘛……」
「哈哈哈……」

傾到中途，突然又有另一個男人走埋嚟插嘴。

「原來你兩個都係……我老婆啱啱又係原諒咗我！」

「嘩，簡直係大奇蹟日啊！」鬍鬚男笑到見眼唔見牙。

但我就再笑唔出，因為成件事實在橋到令我開始不安起嚟。而正好喺呢個時候，又有另一個人走過嚟──係阿善。

我到而家，仍然忘記唔到佢一邊除衫一邊爬向我嘅嗰一幕。

「點解妳會喺度？」我問，雖然係回味，但其實都驚會俾其他熟人撞見我哋又起埋一齊。

「我都唔知……」佢一臉驚慌，「我一醒就喺隔離車廂，然後，我收到小娟嘅訊息……」佢將電話遞畀我睇。

【出軌之後，我就會原諒你。】

「吓？」我不解。

──下一站尖沙嘴……Next station Tsim Sha Tsui……

但大約五秒之後，我就會知道答案。

然後，就再沒有然後。
　
＝＝＝＝＝2️⃣＝＝＝＝＝
　
《兼職女友》
　
【十萬蚊連拍三日拖，包攬同錫，Sex就額外加錢，今次係最後喇，一於咁話啦。】

起初朋友話妳瞞住我去做兼職女友，我都係一笑置之，直到有晚妳沖涼嗰陣，無意中俾我撞見呢個訊息通知。

當刻我冇選擇攤牌，而係詐唔知……因為始終驚係誤會，萬一處理得唔好大家心中有條刺就麻煩。

考慮咗一晚之後，我決定請幾日假偷偷跟住妳……頭兩日都冇事發生，係去到第三日，終於俾我見到妳出去旺角同另一個男人見面，仲要一嚟就主動拖住對方隻手，臉上甜蜜嘅笑容係我從未見過。

我當場理智崩潰，趁住你哋入後巷食煙嘅時候衝過去大嗌：「估唔到妳真係出去做PTGF！妳對唔對得我住？」

「你……」妳聽完好慌張，「你誤會晒啦！」

「誤會？拖晒手都有得誤會？妳唔好話佢係妳阿哥吖！？」

「唔係，但我真係唔知點解釋……」妳向旁邊嘅男人打眼色求助，「喂……幫下手喇……呢單嘢你都有份搞出嚟㗎。」

男人收到之後一臉從容咁走上嚟。

「你係咪想打呀！？」我擺出攻擊姿勢，「我唔驚你㗎！」

「點會想打你呢？話晒你都係大客……我只係想你『清醒』下。」

一聽到「清醒」呢兩個字，我突然感到頭昏腦脹。而男人就趁呢個機會抽出一枝針，毫不留情咁直插入我條頸……

「喂，你做咩呀！？」妳尖叫一聲。

「咪幫緊妳囉！一陣扮佢係飲醉，我哋嗌的士帶佢返公司……」

「我一早就話唔應該繼續做呢條友生意！」妳埋怨咁講：「好喇，佢上晒癮玩到開始精神錯亂，分唔清現實定虛構喇！」

「小姐，佢咁闊綽畀得起錢，更係要賺喇！」男人回應。

「辛苦嗰個又唔係你！條友啲性癖真係好難頂㗎！」

我越聽越唔明，眼皮開始越嚟越重，最後完全失去意識。

*

一個月前。

「點解我哋公司嘅兼職女友會咁出名呢？因為我哋有獨門秘訣，」男人邊解釋邊展示佢身旁嘅頭罩，「完全代入裝置，除咗可以令你忘記對方係兼職女友嘅身份……仲可以加埋你安排嘅背景設定，等你完全當佢係你嘅真實女友咁。」

「係咪……設定咩都得？」我急不及待咁問。

「冇錯，可以係青梅竹馬、可以係中學同學、可以係分手完復合、亦可以係師生或者兄妹呢類禁忌之戀……」

「我諗到喇……一於設定佢做兼職女友。」

「即係？」男人皺起眉。

「佢會成日背住我出去接生意，我會懷疑，然後發現，但最後又會原諒佢……嘿……嘿嘿……一諗到有其他男人都佔有緊佢……我就越諗越興奮……」

男人應該注意到我講嘅時候褲襠越脹越大。但佢做得呢行，應該早就對變態癖好見怪不怪吧。
　
「冇問題，咁就請你戴上頭罩……十分鐘之後，兼職女友就會開始為你服務。」

＝＝＝＝＝＝＝＝＝＝

《今晚屋企冇人》
　
「我今晚屋企冇人呀，你上唔上嚟？」

一收到呢女朋友呢個訊息，我真係忍唔住喺條大街直接「Yeah」一聲大嗌出嚟。

明明拍咗拖差唔多成年，但我哋就一次關係都冇發生過。每次佢唔係話身體唔舒服，就話唔想我晒錢租酒店。

終於俾我等到呢日，斷估冇理由上到去係齋睇netflix。所以，我覆完訊息後，即刻衝去最近嘅便利店買好套，去到女友屋企門口嘅時候全身已經慶烚烚……

點知應門嘅居然係伯母，當刻真係好似成盤冷水淋落頭咁。

「玟玟佢煮緊飯。」伯母開門嘅時候講。

「唔係話冇人咩？」我一入到廚房，即刻用輕鬆嘅語氣問女友。

「我都唔想。」女友無奈咁講。

既然有人，就應該即刻send返短訊叫我唔好上嚟喇。我本來想咁回應，但見佢心情都好似麻麻就算數。

結果，本以為嘅魚水之歡突然變成毫無準備咁見家長。呢晚我當然俾伯父伯母不斷問長問短，真係差在未問我祖墳係咩位置，簡直痛苦過以前考口試。

捱咗兩個鐘，我終於諗到個藉口走人……

「我要返去帶隻狗散步……」

「一日半日冇嘢嘅，放心喇，我哋唔會阻到你同玟玟。」伯父講。

「唔係幾好嘅，隻狗呀，一唔帶佢散步就會係咁嗌嘈到鄰居……」

「咁我幫你叫佢冷靜喇。」伯母一講完，即刻起身飄去門口穿出走廊。

なに！？What the fuck！？

「我都話咗屋企冇人……」沉默咗好耐嘅女友喺呢刻終於開聲。

伯父聽完之後對我露出一個意味深長嘅笑容，然後全身開始慢慢腐化，漸漸變成骷髏骨頭最後化成煙消失……

下一刻，我開始感到喉嚨有異樣，就好似有一堆蟲喺度蠕動咁。佢哋一直爬一直爬，慢慢蔓延到全身，我痛苦到攤喺地下……勉強抬起頭，只見女友露出一個狂熱嘅笑容……

「今晚……都唔會係例外。」
　
＝＝＝＝＝＝＝＝＝＝
　
《DSE 邂逅》
　
我同妳嘅第一次見面，係喺某校嘅試場外面。

當時，妳著住一身藍色旗袍，坐喺小食部嘅一角垂低頭默默咁背書，有地方唔記得咗嘅時候，妳總會先撇一撇瀏海，再拎起Notes望一眼，最後露出恍然大悟嘅可愛表情。

而我就企喺幾米以外，睇得入迷。

記得可以入場嘅時候，突然有怪風吹走妳嘅Notes，我見大好機會第一時間走去幫妳執返，交返畀妳嘅時候，妳腼腆嘅一句「唔該」，瞬間將我腦海裡面所有微積分嘅記憶一掃而空。

接著，我哋失散喺人群之中。本來我打算用盡最大嘅努力，極速考完然後喺試場外面等妳出現。點會諗到，妳居然咁啱就坐咗喺我左手邊。

呢一切，大概就係緣份。
妳大概都係咁諗吧？

所以喺應考嘅時候，我哋先會不時互相對望。即使戴著口罩，我都睇得出妳一直甜絲絲咁笑。

終於，妳緩緩舉起右手，原先我仲驚訝妳居然答得仲快過我……

「我要投訴，個男仔一直喺度偷睇我！」

估唔到，妳居然咁同監考員講。

「ＷＴＦ？」

結果，我一樣係喺試場外面等妳出現，但當然係帶住另一種心情，因為我係俾人趕出去。

「妳點解要咁做！？」到妳終於出現，我即刻忍唔住問。

「因為……」當時妳嘅臉珠微微泛紅，尷尷尬尬咁講：
　
　
「我唔希望我嘅男朋友叻過我。」
　
　
我嘅一生，就係由呢次邂逅開始，注定俾妳食硬。
　
＝＝＝＝＝＝＝＝＝＝＝
　
鍾意就記得畀個 like 同幫手分享下！
　
IG：echoofheart
　
更多足本短篇歡迎訂閱 Patreon：
https://www.patreon.com/echoofheart

【EP50 人類史上最狂旅行家，沒有之一：伊本．巴圖塔的117,000公里超級大冒險！】

這集節目，是旅行熱炒店的第50集！雖然不是多麼了不起的成就，但作為一個「半百」的里程碑集數，當然得自私一點，來講個自己覺得有趣的主題，而且要不限時間（於是就這樣講了快一個小時，哈哈哈哈）。

這集的主角是個超越馬可波羅與鄭和的超狂旅行家，伊本．巴圖塔（Ibn Battuta，1304-1369）。他是個出身北非的伊斯蘭教法官，原本只是很單純的和其他教徒一樣，想去完成一件一生一定要做一次的義務：麥加朝聖（Hajj），誰知道這一去，就一不小心越走越遠，把當時伊斯蘭勢力所及的區域幾乎全都去了一輪；等到他下一次再踏進家門，竟然已經是25年後的事了！

究竟是怎樣的契機，讓他踏上這段長達117,000公里的超級大冒險？他又是靠著什麼本事，能夠跨越歐亞非三洲，在各地定居、工作甚至娶老婆？明明是西元14世紀的旅行經驗，卻和我們今日的背包旅行意外地相似，此話怎說？而這位前無古人後無來者的旅行家，為什麼今天多數人連聽都沒聽過呢？

旅行熱炒店EP50，歡慶節目半百的此刻，讓我們一起去感受一下這位超狂的14世紀旅行家看到的世界，並且聽聽那些和今日背包旅行意外神似的各種趣事與衰事！

🔈 收聽節目：
Spotify Apple Google SoundOn Firstory Baabao KKBox
Show note ltsoj.com/podcast-ep050
訂閱電子報 forms.gle/AbaseALd4BrxBLka9
節目單集心得、問題或建議 forms.gle/4v9Xc5PJz4geQp7K7
官網 ltsoj.com

✅ 本集重點：
(00:03:42) 伊本．巴圖塔這個人，憑什麼說他是人類人上最狂旅行家？
(00:06:46) 含著金湯匙出生的好野人，為什麼會想不開跑去環遊世界？
(00:10:30) 風蕭蕭兮易水寒的啟程，大病初癒之後馬上有了異國豔遇
(00:14:39) 在埃及出國深造，以及一場預示著未來的神秘夢境
(00:17:40) 麥加朝聖完，決定不回家了！從伊朗、阿拉伯半島到東非
(00:20:49) 異常的方向感：明明要去印度，卻一直往西方與北方走？
(00:25:55) 從欽察汗國出發，經過中亞前往印度次大陸，一待就是好幾年
(00:30:44) 離開印度時的悲劇，與流浪馬爾地夫與斯里蘭卡的日子
(00:35:19) 走走停停的前往中國，到了之後卻發現那裡的人有夠奇怪？
(00:39:17) 淒涼的回家之路，與馬不停蹄地繼續旅行！
(00:43:38) 遊記裡的30年異國見聞，究竟是真還是假？
(00:47:51) 好久不見的回覆聽眾留言時間～
（節目總長 57:08）

📻 本集回覆以下聽眾留言：
電腦灰姑娘、Jingrui、l100l61、josieee12、小小小10、黃溫庭（福熊）、敘事圈/阿諺

📚 推薦延伸閱讀：
- 《伊本．巴杜達遊記：給未來的心靈旅人》
- 歷史下酒菜historysakana ep.19, ep.20 失落的黃金古城～廷巴克圖
- Extra History: Ibn Battuta youtube.com/playlist?list=PLhyKYa0YJ_5D9b3qF-ikX2c76ADC_FIo-
- Great Voyages: Traveler's Tips from the 14th Century: The Detours of Ibn Battuta youtube.com/watch?v=0v23vZqs8RI
- Ibn Battuta: the Man Who Walked Across the World youtube.com/watch?v=b1d5qcVP7ig

#podcast #travel #播客 #音頻 #自助旅行 #中文podcast #台灣podcast #歷史 #伊斯蘭 #北非 #摩洛哥 #中世紀 #麥加朝聖 #蒙古帝國 #元朝 #伊兒汗國 #拜占庭帝國 #金帳汗國 #德里蘇丹國 #打工度假 #異國豔遇

為錢逼老婆給人睡 周映君不捨痛罵渣男
👉https://youtu.be/WysVmQzXWIw
疫情延燒熱衷這事 欣西亞爆感情升溫關鍵
👉https://youtu.be/V_V8KPYqBTo
前夫一句話戳破幻想 黃宥嘉了然憧憬破滅
👉https://youtu.be/X5pYYpy-GbA

【分段重點】
00:00 開場介紹
02:57 每年健檢 張鳳書父竟大腸癌四期？
10:48 對父癌症 有哪些新型武器？
13:40 為了治療癌父 張鳳書使出渾身解數？
19:05 走到絕境 什麼方法都想試？
22:10 父親意氣風發時 突發噩耗？
26:49 癌症的原因 跟情緒、壓力有關？
31:37 不生病的生活 因人而異？
35:24 癌友吃的事情 最重要也最難？
37:44 做完療程 癌細胞竟然比以前多？
39:52 安寧照護 居家也可以？
43:33 張鳳書照顧爸爸 有天竟然逃家？
45:43 嫂嫂突罹癌 開刀後初期變末期？
52:49 開心是治療癌症的正能量？
56:00 廚師是最傷身的工作 一身病？
58:24 敏敏的父親 要家人把他從高樓推下？
01:03:40 吃出一身病 靠地中海飲食調養？

每周一到周五晚上10點半準時上傳最新節目！
支持正版，尊重版權請訂閱【新聞挖挖哇】
官方 Youtube 頻道喲！

臉書請搜尋【新聞挖挖哇粉絲團】
http://www.facebook.com/newswawawa

#新聞挖挖哇#鄭弘儀#新聞挖挖哇2021

#地獄廚神 #戈登拉姆齊 #GordonRamsay
廚神戈登真的是全世界最狂的名人主廚，但你真的了解他不為人知的過去嗎？看完這支影片至少就會對他的公開人生有著更進一步透徹的了解啦～

【克里斯丁也在這】
■ https://www.facebook.com/tingsbistro/
■ https://www.instagram.com/tingsbistro/

【CookKit酷廚快煮食材箱】
■ https://lihi.vip/PzXg5/YT

【影音合作邀約】
📩tingsbistro@gmail.com

【克里斯丁人氣影片】
■ 牛排如何分級？Prime跟日本和牛一較高下｜克里斯丁聊料理
https://youtu.be/6IXWqEcs9N0

■ 【Gordon v.s. Jamie 】戈登傑米恩怨史上集 | 克里斯丁聊料理
https://youtu.be/EqRc24aSxtk

■ 傑米奧利佛餐廳真的破產了！一代餐飲帝國殞落真正原因？｜克里斯丁聊料理
https://youtu.be/X0ucZOxfq6k

■ 台灣唯一米其林三星餐廳！「頤宮」親身體驗此生無憾｜克里斯丁vlog
https://youtu.be/nezeOGiTz5M

■ 豬肉是不是一定要吃全熟？6分鐘詳細探討 (修改版)｜克里斯丁聊料理
https://youtu.be/bRVQ9gbz17A

【贊助Ting's Bistro美食自學廚房】
🎁https://lihi.cc/BRglk