「做人最緊要係咩呀?有禮貌。
你話如果人人都有禮貌,人人都唔該前唔該後咁,呢個世界仲邊有high客?
你唔講唔該,即係覺得對方幫你係應該嘅,應份嘅,好多悲劇就係咁樣揭開序幕㗎喇。」 所以完咗Show
慶咗一陣功
返屋企Like晒大家啲IG tag之後
我都唔敢瞓住
想唔該晒大家先
(點知一係唔唔該,...
「做人最緊要係咩呀?有禮貌。
你話如果人人都有禮貌,人人都唔該前唔該後咁,呢個世界仲邊有high客?
你唔講唔該,即係覺得對方幫你係應該嘅,應份嘅,好多悲劇就係咁樣揭開序幕㗎喇。」 所以完咗Show
慶咗一陣功
返屋企Like晒大家啲IG tag之後
我都唔敢瞓住
想唔該晒大家先
(點知一係唔唔該,一唔該就唔該到而家第二朝六點幾先寫完....瀨L晒嘢)
做得成首個「毛台劇」
係所有人用四個月嘅努力汗水換返嚟
唔該晒你哋
首先係演員:
馬可孛羅會綠卡會員利君牙
啲頭髮仲長過蔡一智嘅東方昇
擔心小朋友食咗過期丸仔嘅龍志權
李紫昕嘅前度男朋友崔建芒
無啦啦用海豚音尖叫嘅劉小華
一手掌控十幾部電話嘅的士佬陳小東
坐擁132個followers嘅ig女神黃慘盈
成日拎住隻咩Tony仔自言自語好似痴線咁嘅盤菜瑩子
其他老鬼囚犯:菲菲、Osco(音繹)、Frankie、Daniel
守衛:嘉樂、小杰、鵬鵬
唔L該晒你哋
再嚟係藝術總監小龍
你真係教曉我好多嘢
呢幾個月我直頭好似上咗幾年大學咁
多謝你途中不吝指正
已經一人分飾幾角做好多唔同嘢
仲要難為你百忙中仲要幫手將我啲奇怪要求翻譯成廣東話同演員溝通
真係一萬個唔L該晒你
再嚟係毛記演員演技指導,的士佬小東
連一班咁三尖八角日日輪住M到嘅毛記演員都搞得掂
請你考慮轉行做社工
我真係唔L該晒你
再嚟係同我一齊編依個劇嘅Johnathan
我懷疑我依世人見得最多嘅人
你可能已經進佔十大
仲講肉麻嘢係份外恐怖
求其唔L該晒你算啦好嘛
再嚟係執行監製�Vivian
聽聞你有拖拍
恭喜晒
講返正題先
算啦都係下次先再唔L該晒你
我今次唔L該晒做到個樣越嚟越似Vivian嘅助理執行監製Rosan
跟住係製作經理及舞台監督Eva
知道你同SM team各人(老琳、菲菲、Osco、鵬鵬)都通晒頂好辛苦
尤其當我見到老琳塊面黑過我時
我就知…我就知…我最好行開少少
唔L該晒你哋
再嚟係舞台設計小蕉
唔L該晒你喺唔適合做舞台劇嘅伊館都變到呢個又靚又好用嘅勞改中心出嚟
唔L該晒你
再嚟係燈光設計子欣(唔係李紫晰)
唔L該晒你通頂搞燈
搞完仲要聽到我話想演員有面口之餘又唔可以射親台側觀眾呢啲咁矛盾大對決嘅說話
唔L該晒你
跟住係音樂總監Alan and Janet
從前從前默默記住咗如果自己搞電影或者舞台劇就一定要搵你哋幫手
十九幾年後終於成事了
唔L該晒你
跟住係執行舞台監督Mandy
其實我自己做嘢一定唔想畀人喺後面𥄫住
但我又次次都忍唔住開Show時𥄫住Cue Show人
雖然𥄫住係毫無用處,但我真係好鍾意𥄫住
不過我見你都真係好淡定
識咗咁多年先第一次真正同你做嘢
唔L該晒你
坐隔籬幫手做音效嘅Jaycee都係
唔小心𥄫埋你Sor
唔L該晒你
跟住係幫手編舞排舞嘅Alice
多得你佢哋先可以跳到韓團咁齊
唔L該晒你
跟手係幫手管理毛記藝人嘅阿Lum
我覺得你好似小學生班主住
唔L該晒你
跟手係白卷謝安琪Karen
多謝你幫手處理對外事務
唔L該晒你
仲要仲要一定要唔該Tommy仔同埋譚小環
有睇劇先知點解
唔L該晒你
唔得,好L眼瞓.... 仲有好多好多人要唔該,最尾一次過。
尾三係想唔該我兩個拍檔陳強同阿Bu
幫手頂住公司
畀我去做啲唔係幾賺錢嘅死人舞台劇
唔L該晒你兩條粉皮
尾二係想唔L該晒二話不說就答應我嚟做毛台劇嘅杜汶澤先生
台上嘅你勁Charm
如果冇你以一帶十幾位冇乜經驗嘅新演員嘅話
個劇本點寫都冇用,最後個戲一定冇而家咁又好笑又好喊
我一百萬個唔L該晒你
真係好眼瞓...
之後再講... 最後最後
由於參與呢件事嘅人太多太多
未能逐一親口唔該
容許我在此Post上呢個Show嘅製作人員名單
借大家畀個心心佢哋
代我唔該晒呢班勞苦功High嘅台前幕後工作人員
唔L該!
(由於太夜冇同事Send畀Soft copy畀我
所以我係睇住一條唔update嘅Credit片自己逐隻字打返出嚟
如果資料唔update請見諒) ====================
毛台劇《我殺死了尊貴客戶》 ....太長post唔到
Facebook見
#毛台劇
#我殺死了尊貴客戶
馬可孛羅會綠卡有咩用 在 小斯 Facebook 的最讚貼文
【除咗財爺派$10,000,國泰都派會籍積分啊!】
👉詳情:flyformiles.hk/19399
由於武漢肺炎令大家飛唔到,所以隨時都令各位馬可孛羅會Marco Polo Club既尊貴會員保唔到級,所以國泰/港龍就送會籍積分俾大家助大家保級!注意除咗綠卡之外,唔似得啲酒店會藉咁 (flyformiles.hk/19337) 係免費保級,呢個係助你保級喳!
//根據您目前的會籍級別,我們將於2020年2月、3月及4月*,每月為您送贈下列會籍積分:
鑽石卡:140 會籍積分 (3個月加埋係420會籍積分,約35%保級要求)
金卡:65 會籍積分 (3個月加埋係195會籍積分,約32.5%保級要求)
銀卡:30 會籍積分 (3個月加埋係90會籍積分,約30%保級要求)
綠卡 (即係CX Elite 送果個一年會藉 flyformiles.hk/9267):10 會籍積分 (3個月加埋係30會籍積分,即係免費保級仲有凸10分)//
另外對於2020年2月、3月或4月使用期滿的機場貴賓室使用券、可供預訂的艙位提升及金卡提名會籍,我們將重新簽發並延長其有效期至六個月,讓您於下次外遊時享用。重新簽發手續需時由到期日起計七個工作天。
所以大家個金卡提名會籍無人的話,可以考慮我啊~嘻嘻!
但提多次一句,佢係送會籍積分助大家保級,唔係免費俾你呀!
🎁儲會籍當然目的就係要入lounge啦!所以可以睇下呢到香港有咩lounge入呀:flyformiles.hk/4108/
馬可孛羅會綠卡有咩用 在 The Beggar in the Restaurant 乞客 Facebook 的最讚貼文
《我殺死了尊貴客戶》 內容重點分享⭐️
註:長過馬L的一篇文
多謝 100毛 邀請睇呢套由杜生同盤菜主演嘅毛台劇。之前淨係條扣人心弦嘅宣傳片已經吸引咗大量服務界朋友去9衝購票(包括姐!)。平時聽人講『顧客永遠是對的』難得有成套劇講西客,真係窩心之作。不過如果你抱住單純去屌客同插客嘅心態去睇呢套劇,你可能會有少少失望。因為呢套劇唔係單純屌插西客,而係一套有關關係處理嘅教育劇,不過亦都係呢套劇嘅高汁之處。
《劇透開始⋯⋯》
-開幕
一開幕,利君牙就扮演一位R折不償命嘅馬可孛羅會”綠卡”顧客,向作為地勤嘅盤菜R Upgrade做business Class,係一個典型嘅扮高級勁西質嘅尊貴客戶。然後盤菜有禮貌咁拒絕佢,但客人又話自己生日又乜野阿婆腳痛等等無數on9藉口,盤菜堅持唔upgrade之下, 最後被”綠卡”顧客羞辱。忍無可忍嘅盤菜,拎出呢套劇嘅主角道具,一個貌似E-kids Tommy嘅公仔,再用流利嘅粗口去屌9個客on9柒頭皮。”綠卡”顧客見到發咗癲變左粗口博士嘅盤菜不知所惜之外,仲大叫一聲『 我要見經理!』盤菜就面帶笑容咁,問多幾次係咪真係要見經理。”綠卡”顧客堅持,盤菜拎出一本小簿子記錄一D事,就拉咗位顧客入後台”處理”。而點”處理”就係呢套劇嘅其一重點。
-High客勞改中心,陳經理登場
之後,著到成個獨裁軍官嘅杜生就出場向大家介紹自己做”陳經理”,同用無比流利嘅粗口去屌9一眾嘅”High 客”同解釋下咩叫High客,又引用機場特權事件。最後就介紹佢間High客勞改中心,亦都係”處理”High客”嘅地方。呢個地方會教育人如何用心講唔該,點樣控制自己情緒等等。每一次都會淘汰一位”High客”,當中被禁固多年嘅獄友話被淘汰拉走嘅人都係被杜生殺死。結果第一次上堂教講唔該,杜生覺得利君牙表現唔好,就被拉到”處決門””處決”咗。
-Purple姐姐
之後,盤菜又去一間Bar做駐場歌手,一位醉酒佬-崔健mon飾,就阻住晒佢表演,又串佢首歌唔得,盤菜想走但個醉酒佬又唔畀,但又唔畀佢喺度嘈住佢,事件擾釀咗一排。最後忍無可忍下,盤菜就用Tommy公仔去屌9個醉酒佬無能自卑,最後個醉酒佬又大叫:『我要見你經理!』再講咗十次左右。正當盤菜準備處理呢位High客,醉酒佬最後眼濕濕話:『我要見紫晰⋯⋯』而盤菜發現原來紫晰係呢度嘅經理,醉酒佬曾經同佢有過一段情,而佢要見經理只係想見紫晰。所以,盤菜無選擇處理呢位醉酒佬。但事件被佢老豆- 陳經理 AKA 杜生 AKA High客勞改中心負責人 發現咗。結果因為佢有講度果句『我要見經理!』五大High客金句,所以佢都要入High客勞改中心。因為呢件事盤菜同佢老豆關係惡化左。
-的士佬
之後,盤菜就去搭的士,因為要過海好多的士都唔願意接載盤菜,最後等咗好耐有一架願意接載。但結果原來係個司機根本無聽過個客去邊,只係一尾同幾部手機上嘅司機吹水。成個行車過程都對作為乘客嘅盤菜單單打打,串佢嘅身材,舉動⋯⋯即使最後盤菜知道司機想要一張新設計嘅一千蚊紙,作出善意嘅舉動,的士司機依然串77,忍無可忍嘅盤菜又出動Tommy公仔屌7知司機。結果司機衰到講埋人老母,最後嬲到盤菜講出『我要投訴!你叫咩名!』。結果的士司機原來係High客勞改中心嘅執客人員阿強。以講出High客金句,捉咗盤菜入High客勞改中心。
-盤菜被收押
陳經理為盤菜做High客為之震驚,因為佢太太都係被High客投訴而激死,覺得盤菜點可以咁唔生性,又覺得身為執客人員自己都做High客?!但盤菜堅持覺得自己無錯,明明係做司機嘅阿強態度有問題,所以唔服輸。而阿強聲稱佢只係用一般的士司機嘅服務態度做事,只係怪盤菜少搭的士,逗得全場觀眾大笑。陳經理最後都係依”例“執法,收押盤菜。
-以Nice報冤
喺High客勞改中心入面,盤菜發現咗一位怪人(東方昇飾),無人知佢個名淨係知佢喺High客勞改中心應該留咗一段好長時間。經過連日來嘅虛寒問暖,最後怪人講咗一堆不名暗碼畀盤菜。盤菜認為暗碼需要電腦去解破。結果喺一次食飯時間,想食多啲飯嘅Ceci wong(黃慘盈飾)Nice爆向守衛問暖,結果守衛希望Ceci唔好煩住自己而神奇地畀佢額外白飯,啟發咗盤菜對住嗨人用Nice就可以令對方不知所措,仲可能要乜有乜,而搞掂佢老豆-陳經理獲得電腦。最後上網查核怪人畀嘅不名暗碼,發現咗事實嘅真相。
-事實真相
陳經理一直討厭High客係因為當年同太太做茶記時,有一位顧客不滿食物,回顧影片中可以見客人態度串咀講『你食畀我睇呀下!X1000』 陳經理一直同盤菜講係位High客搵經理,結果做經理AKA盤菜老母(譚小環飾)係處理呢位High客過程中心臟病發死咗。但原來怪人提供嘅不名暗碼係一條youtube link,影片中顯示原來,提議叫經理出嚟,係陳經理自己。而怪人就係當年害死盤菜老母嘅”High 客”。
-對質
盤菜知道真相後就同怪人衝去同陳經理對質,怪人突然間向陳經理認錯大大聲講咗一句『對唔住!』。陳經理突然感到無奈,白白經營High客勞改中心20年,就係等佢呢一句說話。之後陳經理又用一貫處決/淘汰犯人手勢(手指𠝹頸)示意守衛拉怪人去”處決”。盤菜覺得陳經理癲咗,為咗保護怪人就跟住怪人同守衛衝過咗”決處門”。
-決處門真相
決處門原來唔係真係處決殺人,係一間精品紀念店。入面會有衫呀熊啤啤同你岩岩入High客勞改中心嘅大頭照賣。盤菜大感疑惑亦覺得怪錯老豆。而離開High客勞改中心前亦需要簽定協議書永不重提呢度發生嘅事。喺怪人簡衫買精品期間,佢講咗一件事,話盤菜細個好L百厭,成日講粗口,又舉中指去撩人啲食物,佢老母死嗰日盤菜又係咗去撩佢碟湯意粉,所以佢咪嘈住去換囉。又話你老豆平時好細膽,聽到我鬧你就無啦啦發惡⋯⋯盤菜聽到呢度更內疚,原來所有事嘅罪魁禍首係佢自己。盤菜因為想入返去同老豆道歉就講咗句:『我要叫經理。』返到入去之後,盤菜從後攬住陳經理道歉⋯⋯就來到故事結尾。
Mary:其實我Skip咗好多笑位爆點唔講,淨係想同大家分享返個故事重點同畀睇唔到嘅朋友仔知道多少,最後當然希望毛記出碟啦。不論係客人或者服務人員,都係想得到人嘅尊重同體諒。做服務人員唔想被人無理羞辱、無理投訴,無理R折。同樣,作為客人都唔想畀人無理黑面,無理西態度、無理加料。呢個世界亦都唔係非黑即白,唔係投訴親就一定係西客,無得upgrade就係垃圾員工。當然我亦都唔排除有100%嘅仆街,亦都唔係個個人嗨嘅背後都有一段讚人熱淚嘅故事。所以,無論做客又好做服務嘅另一方又好,重點是:
『若要人不嗨,自己唔好嗨。
若然佢繼續嗨,Nice啲搞到佢唔識嗨
結果都仲好L嗨,大家就一齊嗨囉!』
我諗都係呢套劇嘅重點。
大家不妨都對人Nice多啲⋯⋯一齊唱返首開始戀愛啦!
#龍志權同阿強都係呢套劇嘅第二男主腳
#Tommy哥個公仔好想買返個擺餐廳
#最好有埋一段屌客錄音
#其實有High客勞改中心都真係幾好
#但要Train個執客人員有禮貌啲先
#以Nice待人等嗨客失暈
#如故事有少許差異乃下官腦袋之衰弱
#sor9lyfor1999
#我殺死了尊貴客戶
#毛台劇