【港故：冧樹處處心痛送堆填區 青年執樹枝當柴燒兼堆肥】想睇返原汁原味足本片段，即刻follow👉@oncckonggu👈同去IGTV📺睇啦！ . CLICK link in Bio👆SUBSCRIBE our Youtube channel🎞 for more videos! . 兩星期前襲港的超強颱風「山竹」，為香港帶來三十五年來最強的十號風球，幸好沒造成人命傷亡，但全港至少18000棵樹卻被「山竹」吹斷樹幹，甚至連根拔起！到底是颱風太猛？抑或是樹木不夠強壯？ . 大樹也住「劏房」 . 「平時樹木嘅根係四方八面咁延伸，但香港啲樹好慘地，只有『四方格』嘅範圍，根本無咩能力抵禦強風。」熱愛大自然的環保達人Kelvin無奈地說。 . 風災過後全城返工 . 十號風球過後的第二日，全港幾百萬「打工仔」要照常上班。「嗰日其實都覺得幾慘，出入好唔方便，要跨過啲樹先去到，喺咁嘅狀況下，係唔係唔應該返工？」 . 在港大做研究助理的Kelvin，17號當日決定不上班，除了收拾自己的家，更幫鄰居去處理門前倒塌的大樹：「我哋嘅社區好需要大家去幫手收拾、整理，就算唔係你受災，可能你鄰居都好需要幫忙，做一啲簡單清潔，但係嗰日大家都要湧去返工。」 . 環保生活是一種態度 . 是否需要上班，或許不是每個「打工仔」可以自己決定的事，但是我們對待環境的態度，是可以控制在大家的手：「我們太習慣方便，而忽略咗我們喺享受呢啲方便嘅同時，背後其實係有一啲人或者動物、環境，承受咗嗰個傷害。」Kelvin嘆息，我們要善待大自然，否則人類最終會自食其果：「杏花邨二十年前巨無霸嘅發泡膠兜，依家被沖返嚟，終有一日係會返嚟。」 . 冧樹用處多多 . 畢業後去澳洲修讀過一年永續農業(Permaculture)的Kelvin，日常生活都非常環保，家裏九成物品都是執拾回來，或朋友轉贈的，他很提倡生活和大自然的融合，除了在元朗家門前的空地，栽種不同的植物外，平時亦會執拾樹枝生火煮食：「除咗用嚟煮食之外，啲灰都可以用喺農地上，當營養補充劑咁樣。」 . 堆填區為「歸宿」？ . 但今次冧樹實在太多，Kelvin和朋友幾經努力，都只能「消化」三分一棵大樹，雖然政府事後有在啟德開設「臨時木料廢物收集處」，但空間有限，大部分的冧樹，最終都是被送去堆填區棄置。「如果有大啲嘅農地，再加上適合嘅配套或機器，香港係有能力消化更多樹枝、樹木，甚至其他園林廢物。」Kelvin說。 . 被忽略的農業 . 但作為亞洲國際都會的香港，地少人多，還有多餘的空間去做農地嗎？耕田和香港是否格格不入？ . 根據漁護署的調查，截至2016年底，香港約有3700公頃的荒置農地，相等於大概195個維園面積，其中屬於私人的荒置農地佔約八成：「有唔少地產商將呢啲農地收購，然後囤地，希望有機會改變土地用途，起樓、起國際學校之類等，如果可以將呢啲農地復耕，其實香港都可以做到一個相對嘅糧食自給率。」曾經做過一年全職農夫的Kelvin娓娓道來。 . 在家也可做「農夫」 . 要做農夫或許不容易，但Kelvin鼓勵大家，如果有在家種開一些觀賞植物的話，不妨可以試下種些可觀賞又可吃的植物，例如蘆薈和香草類等，令種植和生活的關係更緊密。 . 「山竹」雖然已離我們而去，但它為香港帶來了不少「手尾」，今集《港。故》用8分鐘，由一位環保達人來分享，生活除了返工、賺錢和買樓之外，其實更可以做一些調整，去令我們跟大自然不再對立，相處得融洽一點。 . 《港。故》第104集：《冧樹之後》 . #港故 #港故小記 #oncckonggu #山竹 #超強颱風 #十號風球 #劏房 #冧樹 #全城返工 #堆填區 #碎木機 #有機物 #堆肥 #生火煮飯 #大自然 #耕種 #農田 #農夫 #荒廢農地 #地產商 #囤地 #Permaculture #友緣生活 ------------------------ 《港。故》— 每周專題習作，講故事、講香港人的故事。分享故事？Inbox我哋！ 【快啲Follow我哋IG啦】@oncckonggu 【仲有我哋Facebook啊】🔍港。故oncckonggu