自己人巿集🌈真心幾多嘢啱我買，唔知又啱唔啱您呢？😚
P.S. 我真係好驚拮嘢……我意思係拮波！🤣

【自己人市集 • 一個支持LGBT友好市集🏳️‍🌈】

日期：2021年9月11-12日 (Sat-Sun)
時間：12:00－20：00
場地：海港城 Bazaar
尖沙咀廣東道7號九倉電訊中心5字樓。（港鐵尖沙咀站A1出口）

市集內容：
❤️本地手作、手工藝品
🧡本地創意或彩虹元素設計產品
💛本地手工食品及飲品
💚綠色生活
💜支持多元性別的服務團體或機構

#自己人市集 #GGYMarket #LGBT #LGBTFriendy #市集活動 #香港市集 #週末市集 #友好支持 #海港城bazaar 自己人市集

雖然香港自稱「亞洲國際都會」，但某些議題仍然非常保守，例如香港於1991年才正式將男男同性戀非刑事化。英國不少公共交通營商每年都會於旗下交通工具宣傳性小眾人士平權的主題。反觀香港，宣傳LGBT平權議題重任卻落在非牟利機構及其他有心的商業機構身上。

#LGBT #RidewithPride #偏見先係病毒 #共融社會

【LGBT信箱📮】 我今年22歲，唔知點解由細到大都好似鍾意大過我廿幾年嘅女人，從來無對男性有鍾意/愛嘅感覺，所以一直都唔太接受自己，又好疑惑自己係咪真係算係同性戀......而最近幾個月，發覺自己鍾意左一個女同事，佢算係我半個supervisor,已經結左婚有仔女，每次同佢講野我都好緊張，但又好開心，因為我好想同佢有多d機會講野，了解佢多d;佢係我番工嘅動力，我每日都好想見到佢;每次佢掂到我，我都好似觸電咁......仲有每次見到佢同女新同事有工作上嘅交流，唔知點解我個心就乸住乸住，好唔開心,但其實我又憑乜野去呷醋同妒忌....唉  仲有3個月我就做夠一年，我掙扎緊應唔應該係到做多一年，因為我真係好唔捨得佢，我好想見多佢一年，但無奈呢份工人工真係好低，屋企人都唔贊成我做多一年;同埋我係咁諗如果嚟緊真係辭職，咁走個日我應唔應該同佢表白，講清楚對佢有咩感覺，我好想佢知，但我又怕會嚇親佢，驚佢討厭我，連朋友都無得做.....我應該點做好？真係好迷惘........

👀👀👀👀👀
唔知大家見唔見到 其實呢封信都提到幾個問題

1️⃣ 接受咗自己未 

大家覺得同性戀係點？鍾意女人就算？定要拍到拖先算？
見過只係同男仔拍過拖嘅人會稱自己做雙性戀
又見過同過女仔曖昧情感，同時會堅稱自己係異性戀
有人從來無對男性有鍾意/愛嘅感覺，而覺得自己係女同志
有人從來無對男性有鍾意/愛嘅感覺，但態度會保留未來開放性
標籤係其中一種用嚟認識自己嘅方法
有人40+歲 先開始對同性產生愛慕，重要嘅係你知道自己嘅感受
喺我哋接觸嘅朋友仔裡面，接受自己比唔接受自己嘅人會易快樂啲

2️⃣ 何事我會妒忌我會擔心魔鬼搶走你

可能太多流行文化將霸住一個人當成係「愛」
即使你只係暗戀都可以睇到咁肉緊
試想想你形容嗰啲只係工作上嘅交流
呢種心態若果真係去拍拖都會幾易辛苦自己

3️⃣ 明知份工唔好，想留低見多佢一年

你嘅文字提供關於工作嘅資訊真係好少
除咗人工真係好低，咁有無嘢學、有無升職機會都無講
你文字中講到工作嘅動力就係暗戀對象
都令旁觀者嘅我哋睇唔出份工仲有咩好嘅

4️⃣暗戀實會問嘅，表唔表白好

做唔做一個行動，理性地去諗就係到底呢個行動係為咗乜？
「好想佢知你鍾意佢」呢個事情係咪重要過「佢知咗會嚇親」、「連朋友都無得做」
又其實，你同佢係咪「朋友」呢？
定只係咁橋大家一齊返工，返工個陣會講下笑
無咗「工作」呢一個環，你哋有無共同嘅話題、興趣？
對方已婚及有仔女，咁你嘅表白係希望對方同你發展咩關係？

如果忐忑係咪要表白嘅
諗清楚表白衰咗，自己最唔想要嘅結果係咪接受得到
準備好迎接最壞嘅結局，先至好帶住希望同勇氣去講

///

如果有需要搵人傾下嘅話，可以搵以下嘅機構 :

東華三院同一線 24小時支援性小眾熱線 @prideline22175959
電話: 22175959

Les Corner   Les Talk- 情緒支援及平等教育推廣計劃 @les_corner
Whatsapp: 52815201

///

插圖：阿譚 @rawnm94

#pridelab #pridelabhk #LGBTeen #Secret信箱
#LGBTQ #lgbtcommunity #hklgbt #同性戀
#性小眾 #香港性小眾 #同志 #香港同志
#親密關係 #感情 #關係

《真我顯影 - 跨性別影像故事》新書發佈會

由PrideLab與香港女同盟出版的新書《真我顯影 - 跨性別影像故事》透過影像故事，分享跨性別者心路歷程，將他們的生活以及他們希望世人所認識的自己，以鏡頭和口述文字記錄並顯現出來。

以影像掃除誤解，以真相消除歧視

在2016年1月17日在序言書室發佈《真我顯影 - 跨性別影像故事》，書中有 9 位跨性別人士參與其中，透過攝影帶動被拍攝者與相片的思考互動，重建跨性別人士對身體形象的正面感知，從而增加他們的自尊心。 本書的9位跨性別被訪者，包括跨仔(FtM)、跨女(MtF) 以及易服者，他們坦誠站出來訴說自己故事，讓大家明白跨性別族群在尋找真我之路上的各種人生滋味。

跨性別人士與其原生性別不相乎的外表，許多時都是歧視的來源。因著社會上對性別有著深厚成見，好些跨性別人士會產生扭曲了的負面自我身體形象。 我們期望透過影像，重現跨性別人士最真摯一面，以影像及真相，來掃除公眾對跨性別人士誤解、歧視與偏見。

梁梓禧和茜利妹現身支持

是次活動得到傳媒人梁梓禧、電視及電台節目主持人茜利妹現身支持。梁梓禧在2013年梁梓禧與茜莉妹合作，炮製了香港史上首個探討性小眾主題的電視節目《攣直後援會》，廣邀不同性別、性傾向的朋友參與，推廣同志平等權利的正面訊息。

跨性別現身說法:性別稱謂的困難，呼籲機構尊重

三位跨性別參與者今天在發佈會中現身說法，分享生活上遇上的歧視和不公狀況，其中一位跨女 - 丁丁分享個案希望透過今次發布會，可以提高公眾對跨性別人士的困難和認知。

準備變性手術的跨性別者，需經歷數以年計的轉變過程，期間他/她們的各項正式文件上的性別稱謂（如：先生、小姐）與外表的性別不同，使他/她們生活諸多不便，甚至遭受歧視。現時有機構會讓跨性別客人使用提他/們自己選擇的性別稱謂，或取消性別稱謂，但另一些機構企業會漠視跨性別者需要和要求，強逼跨性別人士使用根據身份証性別的性別稱謂不單止不尊重跨性別，更或有機會觸犯《殘疾歧視條例》。

丁丁指出性別稱謂背後意義最大就是尊重。她呼籲各機構提供方法可讓客戶選擇使用或取消性別稱謂，尊重他們的性別認同，以免影響跨性別人士生活。


PrideLab首次獲資助出書，在本港免費派閱

2013年成立的PrideLab首次獲平等機會(性傾向)資助計劃撥款，印刷1000本《真我顯影 - 跨性別影像故事》免費派發，首個索取地點是序言書室，稍後會分頭寄送到各大院校、其他樓上書店、公共圖書館等地方。有興趣索取的朋友也留下郵寄資料，以郵遞方式收到此書。同時本書會在互聯網同步發佈，讓讀者可以不受地域所限，隨時隨地閱讀此書。詳情請到PrideLab Facebook了解。

Facebook專頁 : http://pridelab.hk/facebook