iPhone 13 系列是 Apple 首批支援雙 eSIM 的機種
----
FB 追蹤我們，按讚、搶先看！
追蹤 IG：https://instagram.com/engadgetchinese
TG 加入 https://t.me/engadgetchineserss
----
#五千 #消費券 #網購 #優惠 #科技 #新聞 #評測 #香港 #台灣

iPhone 13シリーズが発表になりましたが、価格も昨年のiPhone 11シリーズより買いやすくなっています。3年前のiPhone XS・XRシリーズから、全世界でDual SIMモデルとなっています。ただし、基本的には物理SIMとeSIM(機種内部に埋め込まれているSIM)のDual SIMとなっています。 全世界の中で香港版のみ、物理SIMを2枚挿せるDual SIMモデルとなっています。今年もiPhone 13 mini以外の3モデルが物理Dual SIMに対応しています。 個人的には5.4インチの小型なiPhone 13 miniに物理SIMのDual SIMに対応してほしかったので、少し残念ですね…とはいえ、iPhone 13・iPhone 13 Pro・iPhone 13 Pro Maxは物理SIMを2枚挿せるので使いやすいはず。昨年と仕様が変わっていなければ、Apple PayでSuicaなどのFeliCaも利用可能かも。 海外スマホ通販サイトのETOREN, Expansysと、国内のスマホショップのイオシスなどにて取り扱いが期待できます。 輸入が不安なら、国内配送で安心のイオシスがおすすめ。私もたびたび使っております。...

竟然可以改成真雙卡機！

3香港推出咗全新嘅 DIY 儲值卡，可以俾用家自選數據組合並無合約無行政費，仲可以帶number過台，我哋一齊嚟睇下！

3香港DIY儲值卡可以俾用戶按需要選擇年、月、日服務組合，彈性十分高。而佢提供嘅 4.5G 全速數據，速度絕對唔係問題。申請手續以至俾錢亦都十分方便，大家只要下載 My3 app，就可以喺App入面轉埋台，唔使落鋪頭做！App入面亦可以隨時增值，查閱同管理數據服務組合，或選擇連結信用咭，設定自動轉賬。各位用家仲可以隨時購買外遊數據，方便出國。另外，呢張DIY儲值卡嘅用戶可以互傳數據或語音，有時就算唔夠數據用，都可以問朋友「江湖救急」先喇！

除咗傳統嘅實體 Sim 卡之外，呢張 3 香港 DIY 儲值卡支援 eSIM，配合支援 eSIM 嘅電話就啱哂。計劃上，佢有分 24 小時、30 日、同 365 日選擇。24 小時計劃提供 1GB 全速數據，包 500 分鐘香港通話，收費HKD$10。30 日計劃就可以選擇 2GB、12GB、20GB、及 36GB 唔限速數據，收費分別係 HKD$50、HKD$100、HKD$150、HKD$200，包 1000 至 5000分鐘香港通話，20GB 同 36GB 計劃仲可以使用「歡樂通宵」時段，夜晚11 點至早上 7 點可以任用數據。

至於 365 日計劃，用家可以選擇 12GB 本地數據 + 12GB 社交數據，或100GB 本地數據 + 20GB 社交數據，收費分別係 HKD$120 同 HKD$270，包「歡樂通宵」時段及香港通話1萬分鐘，兩個計劃除返開都只喺每個月 HKD$10 同 HKD$22.5，絕對係超值選擇！

呢張 DIY 儲值卡係由 3 香港直接提供服務，可以話係信心保證！唔想俾合約「綁死」，又想 Keep 住 Number、同希望手續方便嘅朋友，就十分適合。

三星Samsung喺香港時間2021年1月14日晚上，發表咗全新嘅Samsung Galaxy S21 系列手機，包括Galaxy S21 Ultra 5G、Galaxy S21+ 5G同埋 Galaxy S21 5G。宜家就首先同大家介紹下 Galaxy S21+ 5G 同 Galaxy S21 5G啦！

Samsung Galaxy S21 5G系列配置咗旗艦級嘅5nm製程處理器，香港版本相信會按傳統使用高通嘅Snapdragon 888，（馬來西亞版本相信會使用Samsung自家嘅Exynos 2100，）兩部手機都配置咗8GB記憶體，除咗大細同Galaxy S21+ 同 Galaxy S21 分別採用咗6.7寸同埋6.2寸嘅Dynamic Amoled 2X FHD+ Infinity-O 全平面屏幕，解像度喺數字上比上一代S20系列嘅QHD+低，不過相信喺衡量過效果同埋電力嘅表現後，呢個決定唔會太影響肉眼睇到嘅效果，而由雙曲面屏幕回歸平面，反而令外觀更簡約同清新。機背嘅鏡頭位亦已用咗角位加撞色嘅設計，個人覺得整體設計喺呢幾年嚟講算有新意！

S21+ 同埋 S21 嘅屏幕都支援由48Hz到120Hz嘅刷新率自動調節，會按使用緊嘅程式需要，改變屏幕嘅更新率，增強視覺效果嘅同時，亦照顧到電量嘅耐用程度。

Samsung Galaxy S 系列一向都以拍攝為其中一個主打功能。Galaxy S21+ 同 Galaxy S21 配置咗3個包括1200萬廣角、1200萬像素超廣角同埋6400萬像素遠攝鏡頭，手機最高支援30倍SpaceZoom 混合變焦功能，全新加入ZoomLock技術，穩定30倍變焦時嘅畫面，亦加入「導演模式」，可以同時預覽3個鏡頭嘅拍攝畫面！另外，Galaxy S21+ 同 S21 前置 1000萬像素嘅Infinity-O鏡頭，自拍效果理想。

Galaxy S21+ 同 Galaxy S21 支援最高 8K 每秒24格嘅影片拍攝功能，而且可以直接上載到YouTube發佈，亦都有8K攝錄高清截圖功能，喺影片中直接Cap張高達3300萬像素嘅高畫質相片，影相拍片以後就可以一take過喇！

5G已經係Galaxy S21 系列嘅標準配置，不過相信5G嘅技術會比上一代成熟同穩定，兩部機亦支援Wi-Fi 6，但就唔似 Galaxy S21 Ultra咁支援最新嘅Wi-Fi 6E，不過用喺手機，Wi-Fi 6 相信已經相當優勝！今次官方喺網頁嘅Q&A有提到S21系列將支援 eSIM，雖然上一代喺發佈日都有提到，不過開賣版本一直都唔見呢個功能，唔知今次會唔會真係可以落實呢？

另外，只有Galaxy S21+ 支援UWB Ultra-WideBand 技術，方便快速於手機之間傳送檔案同埋指向性感應等等。

Galaxy S21+ 以及 Galaxy S21 分別內置咗4800MAh以及4000mAh嘅電量，支援有線及無線快充，相信絕對配合到日常生活嘅需要。S21系列嘅包裝將唔附送充電器，相信隨後會有更多手機品牌跟隨。

Galaxy S21+ 及 Galaxy S21 將會有幻影紫、幻影銀、以及幻影黑3款顏色，而S21就額外會有幻影粉紅嘅顏色選擇，Galaxy S21 5G 8GB+128GB同埋 8GB + 256GB嘅售價分別係 HK$5898 以及 HK$6298，而Galaxy S21+ 5G 8GB+128GB同埋 8GB + 256GB嘅售價分別係 HK$7598 以及 HK$7998，即日起開始預訂，2021年1月29日公開發售！

iPhone12 香港 iPhone2020 iPhone 5G iPhone 12 - Apple蘋果喺香港時間2020年10月14日零晨發佈咗全新嘅iPhone12、iPhone12 Mini、 iPhone12 Pro同埋 iPhone12 Pro Max 4部手機，全新外型加上5G支援，相當吸引。即刻同大家睇下！

iPhone12 系列配置咗全新 A14 Bionic 處理器，外型方面，4款手機都一改iPhone11以至過去幾年沿用嘅圓邊設計，改用類似iPhone4到iPhone5s年代以及新一代iPad Pro同 iPad Air嘅起角邊框，用上咗超級Retina XDR OLED屏幕，大細分別係iPhone 12 Mini嘅 5.4寸、iPhone 12 同 iPhone 12 Pro嘅 6.1寸同埋 iPhone 12 Pro Max嘅 6.7寸。另外，iPhone12系列用咗全新嘅 Ceramic Shield Front Cover 陶瓷晶體護面，令機身硬度大大提高，增強手機嘅抗跌能力，比起之前嘅機種耐跌撞能力提升達4倍之多，而機身厚度亦比上一次iPhone11嘅相應機型薄幾mm，手感更好。

iPhone12 支援 5G連線，根據官方嘅資料，香港賣嘅版本係支援本港全頻5G，不過就只有美國版本有支援當地已推出嘅毫米波mmWave 5G，有啲可惜，不過既然mmWave 5G喺香港未有推出，相信對使用嘅體驗唔會有影響。

iPhone12、iPhone12 Pro同埋 iPhone 12 Pro Max香港版本都支援兩張實體Nano Sim嘅雙卡雙待功能，而iPhone12 Mini就支援Nano Sim加eSim嘅雙卡雙待。今次Apple亦有所改進，香港賣嘅版本終於支援埋LTE Band28即係 700mhz頻段，去到台灣同埋澳洲，離開咗大城市都唔怕失聯喇！

iPhone 12 Mini 同埋 iPhone 12 維持上一代iPhone 11 嘅雙鏡頭設計，包括 1200萬像素嘅廣角同1200萬像素超廣角鏡頭。另外，12 Pro和12 Pro Max用咗更強嘅感光元件，12 Pro同 12 Pro Max設有3個分別係1200萬像素像素嘅廣角、1200萬像素超廣角同1200萬像素長焦鏡頭。iPhone 12 Pro Max嘅長焦鏡頭光圈比iPhone 12 Pro大，iPhone 12 Pro同 12 Pro Max分別支援4倍同埋5倍光學變焦距離，而只計放大部份， 12 Pro 同12 Pro Max 分別支援2倍同埋2.5倍嘅光學變焦。更支援Sensor Shift感應器移動式光學防震功能，喺夜拍表現上比以前提高咗87%，咁喺夜晚影相嗰時就更加sharp更加靚啦 ! 另外，Pro Max同 Pro都有 LIDAR測距感應，令夜晚對焦速度快6倍。

喺拍片方面，12 Pro同 12 Pro Max 更加係全球首部支援 Dolby Vision HDR 影片一站式體驗嘅手機，喺拍攝過程中可以進行實時杜比風格調色。HDR拍片亦由8 bit提升到10 bit，令可以捕捉嘅色彩大大增加。

iPhone 12 系列仍然配置Lightning接口，並唔係傳聞中會改用USB-C接口，不過iPhone12 嘅包裝就唔再附送充電插頭同埋EarPods耳機，只會跟一條TypeC去Lightning嘅充電線。

除咗普通嘅無線充電之外，4款iPhone都支援最新 MagSafe 磁吸式15W無線充電功能。大家只要用 MagSafe 充電線，強大磁力就會吸住部iPhone手機，令充電更加方便。

iPhone 12 Mini 以及 iPhone 12 有黑、白、藍、綠同埋 Product Red 紅色5款顏色，香港賣價分別係HK$5,999同埋 HK$6,799起，有64GB、128GB同埋256GB儲存容量選擇。iPhone 12 Pro 以及 iPhone 12 Pro Max分別有石墨色、銀色、金色同埋太平洋籃色選擇，香港賣價分別係HK$8,499同埋 HK$9,399起，有128GB、256GB同埋512GB儲存容量選擇。

iPhone 12同12 Pro會喺2020年10月16號夜晚8 點接受預訂，10 月23號正式公開發售；而iPhone 12 mini同12 Pro Max 會喺 2020年11月6號夜晚 8 點正式接受預訂， 11月13號正式推出。