🥩 食牛扒送紅酒! 食龍蝦送白酒!
🇭🇰 餐廳: #Grotta
▫▫▫▫▫
🍽菜式介紹:
❝ 澳洲肉眼扒 $198 ❞3.5/5
❝ 龍蝦包 $238 ❞ 3.5/5
❝ 大蝦芒果牛油果沙律 $175 ❞ 4.5/5
❝ 芝士蛋糕 $90 ❞ 4/5
❝ 提拉米蘇 $90 ❞ 4.5/5
▫▫▫▫ ▫
📍餐廳地址: #西環 西營盤高街88號地舖
▫▫▫▫▫
🔻菜式分類: #foodieyanyan外國菜
▫▫▫▫▫
🔻地區分類: #foodieyanyansaiwan
▫▫▫▫▫
🔴Yanyan食評:

位於西環的 Grotta🔸，是一間高質的工業風西餐廳。品牌在上年8月才正式營業，至今已吸納到一班見慣見熟的常客。雖然在食評網站的排名不高，但食物質素不俗👅，相信只是知名度不太高罷了~

店家設有室外和室內用餐區😆，更是動物友善餐廳，歡迎客人帶同竉物一同用餐哦! 不過地方不太大，只有數張餐桌，建議想光顧的朋友仔要早點預約啦!

食物款式繁多，除了單點菜式外，點選龍蝦菜式可獲贈白酒一杯🥂，而點選牛扒則可獲贈紅酒一杯🍷，點選豬手就會贈送店家精選葡萄酒，配搭貼心，價格相宜呀!

龍蝦包 ◢

龍蝦菜式有三款🦞，分別是龍蝦包、龍蝦炒蛋和龍蝦芝士通心粉。烤香的芝麻麵包🌭，夾著被醬汁包裹的龍蝦肉，味道不錯。如果使用排包的話，賣相會更加吸引哦!

大蝦芒果牛油果沙律 ◢

非常推介這道大蝦芒果牛油果沙律🥗，以加入檸檬汁的泰式甜酸醬調味，微酸微辣，刺激醒胃，配上香甜芒果🥭，整體配搭和味道上也很完美呢~

芝士蛋糕 ◢

芝味濃郁的美式芝士蛋糕🍰，配上雲尼拿雪糕後，提升味道層次，減低膩感，深得媽媽喜愛。

提拉米蘇 ◢

相較之下，我比較喜歡提拉米蘇☕️。質感輕柔的蛋糕，入口即化，酒味濃香，甚有驚喜呀!
▫▫▫▫▫
🔺相同餐廳食評: #foodieyanyanGrotta
▫▫▫▫▫
👧🏻 我的飲食&旅遊&美容生活分享平台:
💖 Media Get Ready 香港: [ Foodieyanyannn ]
💛 OpenRice Hong Kong : [ Lokyanyan ]
❤️ Instagram: [ Foodieyanyannn ]
🧡 Facebook Page : [ Foodieyanyannn ]
💜 Dianping : [ Foodieyanyannn ]
💙 Google & Tripadvisor : [ Lokyanyan ]
💚 Blog : [ Japanholicc日本旅遊美食情報 ]
https://foodieyanyan.wixsite.com/japanholicc
▫▫▫▫▫

【龔成問答信箱】（Q20041-Q20060）

Q20041：

老師你好阿~可以簡單講一下老千股運作~細佬(口才好好的2世祖)最近入左d財經群組，最新股市大熱估中左幾隻大升股~現在日日洗我父母腦

我怕他們會中招~之前已經中過招，惜錢比人每月有高息，初初真係收到，之後加碼就失蹤，無左幾十萬，哥時我講呃人又話睇死細佬。

因為父母年齡大了~太深奧的他們聽不懂，求老師幫助

龔成老師：

近年見到好多隻，都有以下特l點：

1）上市不足一年
2）細公司
3）業務很普通，甚至業績倒退
4）股價無原因升左幾倍（但企業業務一般，即是無實質支持）
5）股權集中（有時證監會會出通告話「股權集中」）

佢地的做法：

佢地首先會加你入群組，然後比D大跌貼士你，之後中左（其實不難中的），目的是加強信心。

之後會再比一些貼士，例如XXX今日會升23%，然後，這股真的升23%，因為這股是佢地控制股價的。你可能會買少少，佢唔介意比錢你贏，因為金額唔會大（你贏的錢是佢地背後集團的）。

你就會覺得佢是神，因為講幾多中幾多。

之後，佢會話有一個股是最勁的，要你訓身。

當你買左後，佢其實就是將自己的貨以極高價賣比你。例如原本只值$1的股，佢地人為造到$10，然後$10賣出你，你$10買入貨，佢就會走左，無人支持假的股價，就會去翻$1。

我近1年見唔少，輸過百萬的唔止一人，之前電視都有專題講過。

------------------------------------------------

Q20042：

老師您好。我是您的股票班學生，我已經完成了您的基礎和進階班，感謝您的教導，覺得十分受用。我依家有一個好簡單既框架（企業分析表）去作分析企業的起步點。

每次分析後，都十分有信心繼續持有公司股票，不會擔心股市波動。

今次，我有幾個問題想請教老師。

第一
我現在是32歲，我亦設下了財務目標（5年100萬）。
我現在的投資組合(18% 9988 ($233)； 15% 3319 ($31.2)； 5% 012 ($27.6)； 26% 1928 ($29.5)； 36% Cash)。

這個投資組合（潛力股33%，平穩增值股31%，現金$36%），老師有什麼評價嗎？

第二
現在打算加入月供美股QQQ到自己的投資組合中，因為看好美國未來和美國的科技龍頭公司的未來增長，自己定類QQQ為潛力股

而且比起中國科技股，政治風險較細，亦可以分散只投資中港股票風險。但是監於自己本身知識和能力還是十分不足

所以希望投資QQQ籍此分散只押注一隻股票的風險。觀看QQQ過去回報，年回報平均是16%，所以有此決定。

本人每月可儲蓄$12500，打算月供$6000，待買入時機出現時則再加大力度月供。但是，現在納指是歷史高位，想請教老師，我是否應該先小注$3000 / $1500作月供，待大市有較大回調時再加大力度月供呢？

龔成老師：

1）選股正路，都是有質素的股票，可長線投資，同時
各類股票及現金分配無問題。

加上你買入價都不差，反映你已掌握了選股及企業價值平貴的概念。

不過，股票的隻數較少，令你每一隻佔組合比例太多，如果加多少少隻數，組合會更加平衡。

2）你加入美股基金QQQ，可以。第一，可以平衡整個組合，第二，這基金有質素，有增長力。相信適合你的年齡投資。

但現價唔平，建議你小注月供，長期進行，這刻不是大手時機。

------------------------------------------------

Q20043：

阿sir 依家好多科技股如果用價值投資方法黎計就好高估永遠入唔到手 但之後都係一直升 因為市場可能已經將未來數年既憧憬同估值計埋落去 如果面對呢種股票你會點樣衡量買入價

龔成老師：

月供。或自行慢慢分注入。

點解我咁建議人月供，就係可以減少我地主觀的分析，有D股票，估值高，但由於企業價值不斷向上，就算今日貴，過1年可能變成合理，如果要等平可能永遠無貨。

所以，優質股利用月供，或自行慢慢分注入，都是一個方法。

總之，一定要留有現金就得。同埋，我唔建議完全無貨永遠等，有基本的貨再等會較好。

------------------------------------------------

Q20044：

老師：我今年剛剛28歲，早幾年開始職賭，但最後選擇過澳門，因為可以坐尊豪位有餐飯食，一開始贏過49萬，之後試過兩次贏6萬

但現時輸了接近40萬，希望可以盡快收復失地，想請教龔sir， 現在本人持有現金50，是否有可能30歲做到財務自由？應該如何是好？:)

龔成老師：

你唔好有「利用賭去收復失地」的想法。

因為好簡單，從數學的大數定律，你是無可能贏到賭場的，長期你只會輸，我地稱這類行為叫「負值回報」的項目。

相反，我地應該長期投資一些有「正回報」項目，例如物業、優質股，令你一開始處於一個贏面較大的狀態。

我建議利用月供股票，月供基金等方法，去助你一步步儲錢，之後唔好再賭錢了。

另外，財不入急門。

你最重要是建立一個長期的「財富組合」，要優質，要平衡，要適合你的年齡與風險承受程度，要平衡，建立後長期持有，不是買賣賺差價，而是成為你財富組合一部分。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

------------------------------------------------

Q20045：

龔sir, 3067幾＄可以入，成日升...其實買佢好d定2800好d？

但2800宜家係高位...想請你指點，其實宜家好多隻股都係新高.例如700，388，2318...咁係咪唔應該入市...應該等佢回先至買...
謝謝你解答我問題

龔成老師：

首先，你要設計好你的長期組合。

要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

當你有左設計的比例及方向後，再選適當的股票。

如果你想平穩增長，現時投資，或月供盈富（2800）可以。

如果你想組合有較高增長，就要加入安碩恒生科技（3067）。

現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

其實只要你慢慢買入，加上留現金，仍可投資3067的。我地永遠唔知佢幾時先會跌，你好難永遠等。

------------------------------------------------

Q20046：

成功sir, 聽到有人認為，而加全球量寬，資金氾濫應該要投資，不應揸現金；又有人話，疫情大部分企業根本沒賺錢(除左疫情下受惠個d），股價何來會升，都係泡沫。兩個說法都好似有道理，邊個岩？

另外點睇銀娛，長遠仲有上升空間？我長線持有中，謝謝

龔成老師：

第一，現金不斷貶值，這已經持續了50年，因為在1971年金本位制取消，現金已不再是錢，現金只有交易價值，並無累積價值。

所以，我地持有資產，是一定正確的，現金只是比你交易及等投資機會。

至於現時股價，首先唔少企業是有錢賺的，你睇翻騰訊（0700）、港交所（0388），佢地的盈利是實在的，並不是無錢賺。

另外，股市一向是超前經濟的，這刻股市是反映之後的經濟，所以不應用當刻的經濟去分析。

現時的大市，部分新經濟股，的確有少少貴，但仍有不少企業是有質素及有增長力的。所以，你如果持有舊經濟股無問題，新經濟股就要小心控制注碼，只選一些有質素的。

銀娛（0027）正面的，可長線投資。

------------------------------------------------

Q20047：

老師你好，我今年51歲,想問問現在強積金都是中至高風險,近排有唔錯嘅增長,我應該轉去保本,等股市回吐再轉返去高風險,還是應該如何處理？謝謝

龔成老師：

以你的年齡，應該承受中度風險較適合，你這年齡財富仍有少少增長力，但已經不能進取。

建議你將部分轉去中低風險的類別，餘下小部分在中高風險可以的。

其實強積金唔建議戈日轉來轉去，你只要按自己設定適當的風險水平配置就得。

------------------------------------------------

Q20048：

龔sir, 早晨, 請問物管股除了6098龍頭外, 1209 , 9928, 3913,

9988邊一隻較有價值投資. 謝謝龔sir
9983才對

龔成老師︰

碧桂園服務（6098）、建業新生活（9983）、華潤萬象生活（1209）、時代鄰里（9928）、合景悠活（3913）都是內地房產類股票。

佢地同其他同行業股票，都面對一個相同問題，就係負債過高。經濟好無問題，但經濟變差，可能會令資金鏈出問題，投資這類企業有一定風險。

而且佢地現價都偏貴，要有明顯回調少可分注，同時要控制注碼。

5隻當中，碧桂園服務（6098）在規模和整體質素上，都會較佔優。

------------------------------------------------

Q20049：

50岁
月入$27000
现金有$640,000
每月储蓄有$18000

现有股票
a 144 共 30000股 平均价$22
b 874 共2000股 $32.65
c 2601共4000股 平均价$32.5
d 2800 共2000股 $23.15

月供股票
d 2800 (20191004)入2000股 $26.9
2800 (20191205)入500股 26.25
2800 (20200130)入500股 26.6
2800 (20200309) 入500股 25.4
2800 (20201030) 入500股 24.58
e 66 (20191111) 入500股 $44.3
66 (20200522) 入500股 $38.6
66 (20200707) 入500股 $42

我的计划是

1. 我会等144招商局港口到$20就卖5分之1、$21再卖5分之1到$22卖5分之2和到23卖最后5分之1。

2. 候科技ETF（3067）到低位才买。请问$13的价位是否合理？

3. 我做（1）的目的是平衡配置，我想将卖到的钱低位买入新经济股。

4. 因之前大部分的投资都在高位买入，我未来都要在最好的时机才入货。

请龚老师指点我的方向。唔该晒

龔成老師：

1）招商局港口（0144），本身都算是有質素，不過，近年有關貿易的行業，賺錢能力低左，同埋風險大左。

先講佢的基本面，佢係中國最大，世界領先的港口開發、投資和營運商，係中國沿海主要樞紐港建立了完善的港口網，並成功布局南亞、非洲、歐洲及地中海等地區。

佢有龐大的港口業務，於中國處領先地位，絕對有其優勢。不過，貿易因素受全球及中國經濟情況影響，將令業務出現略波動情況。

另外，股本回報率低，加上中國進入經濟增長較一般的年代，都令這企業的賺錢能力較一般，整體質素而言，算是中等。

過往股價一般般，長遠來說將平穩，股息則十分穩定，但增長有限，現價有投資價值，但貿易問題對佢股價有波動。

如投資作收息股，可以，但就唔好對股價有太大期望。

你如果想組合有較強增長力，其實可以賣部分，但如果你收息無問題，就守住先。

2）如果$13當然合理，甚至初步平，但可能未必見到。

3）建議平衡的組合是重要的，但現時你的策略仍要等佢股價上升到目標價值，我擔心股價不一定按你的意願去上到該位。

4）最我地最重要是建立一個長期的「財富組合」有優質股，有現金。

要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

------------------------------------------------

Q20050：

老師，你好，想請教一下。

本人同老公大約34歲，工作穩定，家庭月入10鬆萬，有個bb，未買樓，兩個加起有200幾萬現金，大約80萬股票／比特幣／金。。

想問，想買樓，但唔知幾時，同好似買得起的單位都太細。。加上想再生一個bb，同時希望兩個讀國際學校。。。。

好似如果全部要做到好難退休？
請教教我們，謝謝。

其實我之前上過你堂，跟左你買1211，謝！ 考慮應否再上你堂。

龔成老師：

我相信你可以做到的，但物業方面要就一就，不能太貴。

你找一些金額不太大，而面積你地勉強接受到，認為一個4人家庭你地可以的，你地以這個為方向。

你以這為目標，睇下是否要儲多少少首期，以及目標幾時行這一步。現時要樓價大跌好難，最多只是因經濟弱而小回。

你先處理買樓問題，然後再努力儲蓄投資，下一步就處理小朋友支出問題。

希望完成這些項目後，每個月有資金剩，令你地可以為退休做準備。

至於課堂，如果有需要你可上多一次，我地有優惠價比你，其實每班大約有5%的同學會上完再上的。

你最重要睇翻「價值」，而不是「價格」。如果上多次可以幫你財富有長遠正增長，就值得。

------------------------------------------------

Q20051：

老師點睇建設銀行？係咪工商會好d？另外中國移動有前景嗎？

龔成老師：

工行（1398）及建行（0939）的質素好接近的，其實都可以考慮，工行會略略好。佢地都是收息股，但增長力就唔強。

中移動（0941）不是無質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

可視佢為收息股，唔好對股價有太大期望，增長力不算強，這股有長線投資價值。現價合理。

------------------------------------------------

Q20052：

嗨，老師，我係聽障人士，前幾天買入5000股（2125），9.3元，同買入4000股（1490）1.63元都損好多，怎麼辦？

有什麼好建議？
剩餘有7千多元買什麼好？

龔成老師：

稻草熊娛樂（2125）本身不差的，但未算好強，雖然有藝人作為主要股東，但不一定對長遠發展有利。同時行業的變化大，不確定性高，未能確定企業好有獨特性。

現價唔平，如果真的睇好，小注投資都可，但又唔太值得佔組合比例太多。

如果你持貨不多，暫時守住先。

至於網上車市（Cheshi Holdings）（1490）都有長線投資價值。

佢於中國運營多家汽車資訊的線上汽車垂直媒體平台，以及超過1,000家業務合作夥伴平台，從而吸引汽車廣告商使用其廣告服務。

睇翻資料，佢係中國所有汽車新媒體平台中排名第一位，有一定的質素。

佢憑著平台，建立了一定的用戶群，亦開發了讓用戶能夠使用車型庫中有關數據的平台工具，從而協助用戶進行搜索及選擇購買。

業務有發展的，可長線，不過價位唔算平，小注投資都可以的。你持貨如太多，宜減部分。

如果你餘下$7000，我建議你持有現金，不用心急投資。

之後當你有更多資金後，宜投資盈富（2800），對你來說較穩健的。

------------------------------------------------

Q20053：

老師近期恆指升，令我的 MPF 供款已追平及嬴多一萬元左右，請問現在是否即時需要調配往保本基金，還是再看至一月底才決定？請回覆

如調配的話， 80％ 保本基金，20％ 恆指/亞太股票/中港股票基金 可以嗎？

龔成老師：

強積金的配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守。基本上你按年齡，慢慢跟這樣比調整就得。

我唔建議你成日轉來轉去。

如果你年齡大，就可以轉去較保本的。但如果你年輕，就唔需要轉。

你按年齡，簡單分配就得，我自己由初踏入社會開始，就100%恆指，現時都是。

------------------------------------------------

Q20054：

龔成老師，想問下依家個市會唔會過熱隨時暴跌。
另外我持有2333。7000股均價26$ 因為怕個市會爆煲，現在要沽空嗎？

還持有3800 70000股均價1.256
3988 50000股持有很久均價2.79
因為聽到有股評人分析個市過熱隨時會冧。

龔成老師：

現時部分新經濟股的確有少少熱，但無人知會幾時跌，我唔相信有人能預測到。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

長城（2333）可持有，中行（3988）可持有。

保利協鑫能源（3800）質素只是一般。

佢主要為光伏行業製造多晶硅及硅片；銷售電力；開發、投資、管理及營運光伏項目。

市場炒緊佢前景，但當中存有不確定性，股價大上大落，佢的確可能會大升，但同樣可以大跌，無得估，這炒作不少，現時值博率不算高。如果真的想投資，小小注好了。

你應該建立一個組合，長期持有，當然要同時留有現金。

------------------------------------------------

Q20055：

老師，近呢一個月開始睇你facebook 和80後百萬富翁，我覺得學到好多野，我想請教你我現在狀況，我現在供緊樓，樓齡現在有42年

月供19000，仲有8年先供完，我每月工作有32000，老婆無工作要照顧2小孩，現有股票有9988 100@251蚊，1810 [email protected]，1024 100@351蚊

現在我現金11萬左右，想請教我現在如何組合自己的投資組合，如何令財富更上一層樓

補充返少少資料，我現在32歲，想係40歲時有100萬首期買多一層物業，我想月供股票8-10年，有什麼好建議

龔成老師：

你本身已有物業，因此唔需要太急買第2層樓，你到8年後先考慮第2層，適合的。

我地最重要建立一個平衡的財富組合，因此，股樓平衡是一個大路方法，這刻你應集中在股票上的增值。

你32歲這個年齡，仍算是財富增值的時期，要好好把握，盡你一切的力量去儲蓄、投資、學投資知識。

手上的股票，有質素，但集中在新經濟類，你要注意風險，反而建議你之後加翻多D在舊經濟類。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

$11萬，暫時可動用$3萬-$5萬。

平穩增長股：潛力股
7：3
（如果你投資實力較強，可增加潛力股比例）

平穩增長股：考慮盈富（2800）。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q20056：

龔Sir你好，本人30歲，月入25K，月儲8-9K左右，沒有股票經驗，約30萬現金，從前覺得留現金好過股場上損手，但現在覺得有資金但眨值還是沒用

看過你的Blog一排了，想月供2800／一手一手買，但現價升到最高位，想請教該如何增值財富或感，以及月供模式是否應該最少持有三年以上，謝謝你。

還有弱弱一問，月供股票應該在銀行還是證券行穩陣？

謝謝你，期待得到你的回覆!
祝生活愉快，身體健康!

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

雖然現價唔平，但你仍可照去供，每月供$5000。或每1、2個月買一手都得。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q20057：

老師，你好！在堂上老師講過可以投資一些貴金屬，請問白銀可以在那處買？會有信心的保證呀？

麻煩老師解答，謝謝！

龔成老師：

如果是黃金，你可以去金舖或銀行，銀行都有一些紀念金幣，但你要預早打去銀行問。

至於白銀，你去上環都有，上網打「上環實貨白銀」，會找到，我印象有一間叫「長城」，上樓，唔大間，但貨是真的。

------------------------------------------------

Q20058：

龔成老師,想請教一下：现时中銀香港2388, 太古1972, 和金沙1928是合理價, 可以買入吗？

Thank you!

龔成老師：

上述3隻都是有質素的股，不過中短期未必強，要慢慢先好轉，但有質素的，長遠會比你平穩增長能力，你可以考慮。

現價合理，分注就得。

------------------------------------------------

Q20059：

老師：你好！想請教你如果長缐投資現在還可以買1211或者2845、2809嗎？或者你有冇什麼股票推介呢？

龔成老師：

因為比亞迪（1211）較貴，我會建議2845/2809

GX中國電車（2845）目標是扣除費用及開支前，與Solactive中國電動車指數NTR「相關指數」表現緊密相關的投資回報。

持股中最重就係比亞迪A股（002594），中國因為能源問題，長遠一定要發展電動車，這是大方向，故此股有一定投資價值。

由於近期不少車股被炒起，此股現價略貴。無貨可以現時入少少，到有明顯回調才再慢慢加注。

潛力度是有的，但會比較波動，如投資宜慢慢分注，可長線。

2800現價合理。

如果想增長，就2845/3067

安碩恒生科技（3067）可長線。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q20060：

龔成老師你好,我是來自澳門的讀者,看到你最近建議3067進行月供,但澳門銀行月供股票名單內沒有3067,請問建議一手手買嗎? 謝謝意見!

龔成老師：

安碩恒生科技（3067）你可投資。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。

所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。

最好的策略，你自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

[香港 金鐘] 𝕳𝖆𝖕𝖕𝖞 𝕭𝖎𝖗𝖙𝖍𝖉𝖆𝖞 𝖙𝖔 𝖒𝖞 𝖍𝖚𝖇𝖇𝖞 💘

雖然而家第四波疫情，係好應該多D留喺屋企，但係👦🏻生日加上一早俾咗錢唔退得🤣，所以前日都照去咗 Island Shangri-La, Hong Kong staycation！

👦🏻好開心，因為全日嘅節目都好似為佢而設咁，有人係咁講好relaxed好開心😝 呢一年去咗6間五星酒店staycation，我最鐘意今次ISL嘅體驗！

留意咗港香staycation好耐，一直都無入手，因為無Golden Circle membership好似唔多抵玩😅 難得上個月雙十一見到KKDAY Kkdayhk 做緊staycation 27折，$2828包 Cafe Too 自助晚餐/「米芝蓮酒店行政總廚」主理 3 道菜雙人晚餐+自助早餐+$600 dining credit+IPSA第9代ME乳液美肌套裝，好抵，同埋👦🏻超鍾意食buffet，所以立即買咗😛

Cafe too嘅Dinner buffet同嗰$600點用之後再詳細開post講，不過真係要一讚ISL嘅服務，每位職員都好專業好attentive，係唯一一間酒店職員會主動checkin後帶我們去電梯，或者喺我哋食緊buffet時開夜床會順便執整齊成間房，雖然只係一D好minor嘅嘢，但就係呢D細節先顯出酒店嘅細心❤️

由於嗰日係👦🏻正日生日，職員唔單止主動幫我哋由豪華海景房upgrade至Horizon club floor 55/F，仲替我簡單佈置咗房間！時間仲要夾好係我哋食完buffet之後，成功俾到驚喜俾👦🏻！今次間房同樣望到維港海景，不過論view始終都係Conrad更勝一籌（所以Conrad仍然係我心中嘅第二名，哈哈🤗）浴室好寬倘，連bidet同浴鹽都有！酒店整體硬件都保養得唔錯！

💖個人最喜歡的staycation排名:
1. Island Shangri-la 港島香格里拉酒店
2. Conrad 港麗酒店
3. The Murray 美利酒店
4. Peninsula 半島酒店
5. Hyatt Regency TST 尖沙咀凱悅酒店
6. Hyatt Centric 維港凱悅尚萃酒店
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk

幣安 (Binance) 剛剛發佈了一則震驚幣圈的消息！首先，從幣安公佈消息的那一刻開始，他們不會再接受任何香港區的期貨戶口申請。第二，在不久的將來，幣安更會宣佈確切的日子，現有期貨用戶不能進行新的交易，而只有90天的時限將原有的期貨交易倉位平倉。

－幣安暫停香港期貨後，還有哪些交易所可以選擇？
－Bybit和FTX都是不錯的選擇！不過FTX對香港用戶也有一些限制

⭐Bybit 簡單介紹
現時排名第三的加密貨幣衍生品交易所，手續費低廉， Maker fee -0.025%，taker 0.075， 而且流動性高和交易量大，方便交易！另外Bybit也成立 BitDAO 專注於 DeFi 生態的推動，值得期待！

【Bybit 幣研限時獨家優惠】
提提你！以我們的優惠碼【21515】註冊並充值1000USD及滿足指定任務要求，即可享有高達美金125體驗金，可以將體驗金於期貨合約交易中使用，變相即可以零成本以小博大！🔥 了解如何獲得迎新禮遇👉🏻 https://cryptowesearch.com/blog/guide/bybit-exchange-tutorial-new-user-coupon
立即註冊：https://bit.ly/3AhC1St

#幣安 #Binance #期貨 #Futures #合約 #Contract #投機者 #衍生品 #Bybit #香港 #廣東話 #每日幣研

《蘋果日報》高層被國安法拘捕、資產被全部凍結，結業在即，此情此景，曾經是《蘋果日報》常客、現在的行政會議成員、排名第十一的資深大律師湯家驊，立刻強調此案「與新聞自由無關」，同時對市民作出了一系列「溫馨提示」，包括「勾結外國勢力罪」原來可以單方面進行、無需互相認識和實質接觸；假如報導事實，而「動機及目的」不良，也可以違反國安法；假如作出評論，而「動機及目的」不良，同樣可以違反國安法；至於甚麼是「請求制裁」的定義，又是不能一概而論，又是要看「動機和目的」。這就是「湯家驊國安法四定律」，值得名留青史。問題是假如這就是日後「新香港法治」的常態，在日常生活，這會得出怎樣離奇的邏輯結論？

⏺評「湯家驊評蘋果案」：這就是法治？
https://www.patreon.com/posts/52677899

#蘋果日報 #湯家驊 #港區國安法

Simon 沈旭暉 堅離地 Social Media ▶
⏺Patreon: www.patreon.com/simonshen​​​​​​​​
?Facebook: www.facebook.com/shensimon​​​
ℹ️Instagram: www.instagram.com/simon.diplomacy
➡️Twitter: twitter.com/simonshen_glos​​​
⏹Blog: simonshen.blog/​​​​​​​​
其他合作及查詢可以電郵至simonshen@glos.world。

「中共第一才子」康生傳奇人物，死時擔任政治局常委、中共副主席，在領導人當中排名第四，僅在毛澤東、周恩來和當時的「接班人」王洪文之後。康生是「中共四大書法家」之首，也是通曉俄語的國際關係專家，卻長期負責特工工作，是著名的「整人王」，他死後文革結束、「四人幫」倒台，他被當作「四人幫」精神領袖鞭屍，被新朝代宣傳為負面人物。但其實康生的角色，充滿結構性成因，到了香港今天進入「文革2.0」，更是充滿啟發。

⏺ 全文見Patreon
https://www.patreon.com/posts/44869348

Simon 沈旭暉 堅離地 Social Media ▶
⏺Patreon: http://www.patreon.com/simonshen
?Facebook: https://www.facebook.com/shensimon
ℹ️Instagram: https://www.instagram.com/simon.diplomacy
➡️Twitter: https://twitter.com/simonshen_glos
⏹Blog: https://simonshen.blog/
其他合作及查詢可以電郵至simonshen@glos.world。