開學後湊住兩個出去玩真心難， 不過不想因此錯過同小朋友周圍探索的機會， 每次外出都是一次學習的旅程， 星期五終於一拖二， 放學後近近地去中環睇 太古基金TrustTomorrow #太古150週年展覽！ 其實係媽媽我想睇展覽多一點， 估不到場內也有不少小遊戲， 很適合小朋友去探索！ ⭐️一進場就有個 #立體180度短片，高水準之作，很值得細心觀看👍🏼 🤫樹熊妹仲第一次試坐飛機…座位呀🤣🤣 🎬去片： https://youtu.be/YcOhtINTkRc 📍地點: 香港中環8號碼頭香港海事博物館專題展覽及文化活動廳 📆日期: 即日至 10月12日2021年 🕰開放時間: - 星期一至星期五：上午9時半至下午5時半 - 星期六、星期日及公眾假期：上午10時至晚上7時 🎫費用: 免費入場 #太古 #Swire #Swire150exhibition #太古信望香港信望未來展覽 #太古信望香港信望未來 #太古展覽 🔹🔸🔹🔸🔹🔸🔹🔸🔹🔸🔹🔸🔹 👨‍👩‍👧‍👦 其他親子好去處： ⭐️ 賽車展覽館：（至9月12日） https://bit.ly/3jLIS1f ⭐️九龍灣Megabox 玩樂園： h https://bit.ly/3n1UMpv ⭐️ 南丫島漁民文化村，親子一天遊： https://www.facebook.com/1524904844208620/posts/4446381828727559/ ⭐️ 屁屁偵探特展：（至到9月26日） https://www.facebook.com/1524904844208620/posts/4452221468143595/ ⭐️ 小太空人快來拯救地球💪🏼 可持續發展館S Gallery : （可預約至10月） https://www.facebook.com/1524904844208620/posts/4262491617116582/?d=n ⭐️一齊來做小小工程師： https://www.facebook.com/1524904844208620/posts/4387559187943157/ ⭐️認識龍捲風、山泥傾瀉、火山、颱風、地震展覽：https://bit.ly/3b30pgu ⭐️露天電影院： https://www.facebook.com/1524904844208620/posts/4236383319727412/?d=n ⭐️玩轉香港首個Legoland 探索中心： https://bit.ly/3dW1b0Q ⭐️ 全港首創 - 公園設施由你砌： https://bit.ly/3vnWtyB ⭐️ 行山 🏞 有野玩、有古蹟睇、仲有動物睇！ https://bit.ly/3efLdP8 🌎認識社區認識香港 📍西營盤 https://www.facebook.com/1524904844208620/posts/4221765374522540/?d=n 📍灣仔 #香港第一間發電廠 ｜Bakehouse review https://www.facebook.com/1524904844208620/posts/4246051472093930/?d=n #修頓球場兒童樂園 ｜#利東街 https://www.facebook.com/1524904844208620/posts/4239239886108422/?d=n 🔹🔹🔹🔹🔹🔹🔹🔹🔹🔹🔹🔹🔹🔹🔹 ❤️ 想更快知道好玩的親子遊😍 記得Follow我地👇🏼 FB: Timtam仔的成長日誌 https://m.facebook.com/timtamblog/ IG: http://www.instagram.com/cheerfulchristy Youtube: Timtam Family https://youtube.com/c/TimtamFamily ❤️🧡💛💚💙💜🖤🤎

#十年磨一劍 #蝴蝶效應 #長文 十年磨一劍，由我2012年初開始打DSE歷史科筆記已經走入第10個年頭，不知不覺，亦都累計製作左超過8000頁，回想起，呢個數字真係唔簡單。相比起其他導師，我更執著於筆記，因為我知道如果我一旦消失，所遺留下來嘅就只有筆記，一套記錄我過去嘅筆記，一套記錄著我十年間同學生一齊奮鬥嘅史記，我希望利用呢套筆記讓歷史記住我嘅名字。所以我每年都好積極去打Notes，除左D實用性唔高嘅內容，基本上應該要打嘅都打完，直至近年只係每年新增past paper範文同tip題內容。當然，呢個方向亦都會係我往後主攻更新嘅範疇，除此以外，我希望我手傷康復後可以完成我係歷史科裡面最重要嘅一本著作，一本具有劃時代意義嘅著作。 成套筆記除左花費左我9年時間同心血外，花費更加高達20幾萬。中文版筆記內容全部都由我親自撰寫，除past paper外，所有題目都係我制定，絕不假手他人。但係英文版就聘請專人翻譯以確保譯本質素，去到近年，一題完整DBQ同Essay嘅翻譯費用就高達$750同$450(仲未計算約10%嘅bonus)。至於考卷集裡面多達60份嘅5**考卷就係以每份高達$500-$600嘅價錢(獎學金另計)向5**門生收購，單純考卷集嘅成本亦都已經超過3萬蚊。 幾千頁嘅筆記伴隨住嘅亦都係龐大嘅製作成本，之前都有同學問我點解唔將套筆記拎去賣？單純賣筆記都可以賺到唔少錢。但係對於我而言，如果呢套筆記單純變得商業性質，咁樣就會扼殺左流通性，令到我唔能夠實現學術革命嘅夢想，而呢個夢想絕對唔可以以金錢去衡量。而且，近2年我一直都思考一樣事情 —— 蝴蝶效應。每個人嘅力量雖然可能係好微小，但係小小嘅力量或者可以帶來巨大的改變。10年前，我只係以好平嘅價錢幫一個重考生補習，令到佢以新修歷史科取得B grade嘅成績入讀到港大哲學系，令到佢嘅命運隨之然發生改變，甚至乎往後影響著香港思想運動嘅發展。我成日係到諗，如果我同佢無相遇，世界會係點？如果佢無選擇新修歷史科，結果又會係點？如果佢拎唔到B，入唔到港大哲學系，故事又會係點？諗左好多好多，但係卻又好似我上堂成日講咁，歷史從來都無如果，過去已成歷史，歷史就係過左去嘅現實。 正正因為我知道任何一股微小力量都不容小覷，隨意輕拍一下翅膀都可能導致未知嘅將來席捲起一場龍捲風，所以我更加希望利用我嘅力量去改變更多人嘅態度、思維、成績、升學等等，從而改變命運，哪怕100個免費用我Notes嘅學生裡面，只要改變到1個便已足矣，就已經令我嘅心血結晶值回票價。係黑暗嘅時代，我更加希望自己可以成為某人心中嘅一點光，只要意志不滅，星星之火終可燎原，歷史上每一件大事都係從小事而起，每一件小事都有舉足輕重嘅意義，即使是一頂綠帽亦絕不容輕視。 #革命顛覆所有 #5000頁筆記放送計劃 #星星之火可以燎原

《奧運龍捲風》 今屆奧運嘅風我會形容為幾十級嘅龍捲風🌪️，嗰種凝聚力係難能可貴。我好有幸目睹今年6面香港獎牌當中嘅5面，相當難得，當然攞唔到獎牌嘅運動員，唔洗灰心，去到奧運已經已經，努力係會有回報。💪🏻 喺一次世界大戰、二次大戰，德國都係輸家，但及後嘅工業、科技發展，能夠復興嘅其一原因係來自人嘅勞動力，自律性，如果唔自強，點會有今日嘅Porsche、Mercedes Benz、BMW、adidas、千祈唔好睇少自己對社會嘅影響力。 香港呢幾年經歷好多，社會事件、全球疫情，大家生活唔容易，全香港嘅運動員都係。所以究竟呢陣風可以吹幾耐？🤔我希望風繼續吹！🌪️❤️‍🔥 以下喺《體壇無極限》88集，我對於奧運同香港運動員嘅讀白，大家可以睇返支持吓！ https://www.rthk.hk/tv/dtt31/programme/sportsunlimited 兩年前加入《體壇無極限》，每星期同唔同界別嘅運動員訪問， 了解到佢哋背後嘅故事， 感受到佢哋追求夢想嘅激情。 對於運動員，參加奧運會係佢哋嘅夢想， 對於我，同樣都係，我好想有一日可以參與呢個體育盛事。 疫情下嘅東京奧運，我去過，真係去過。 當然，係同預期一樣，遇到好多困難同掣肘， 無數次嘅檢測、 14日嘅軟性隔離、 無觀眾嘅比賽、 保持兩米距離嘅訪問， 你估得到同估唔到嘅情況，都發生過。 但係迎難而上，正正就係運動員嘅精神。 等咗四分一世紀，嚟到東京奧運，香港人終於等到第二面奧運金牌。 呢個金牌夢，大家永遠都會記住。 但背後嘅汗水，絕對比金牌更加耀眼。 奧運賽事，可能只係短短幾分鐘， 但運動員付出嘅，係10年，甚至20年嘅青春。 無論係識途老馬， 抑或係初生之犢； 奧運新丁， 抑或係幾朝元老； 腳踏夢想之地，希望嘅只係放手一搏， 打出屬於自己嘅黑曼巴精神。 結局，或者會不似預期。 可能係因為心如鹿撞 ， 可能係因為背負期望 ， 可能係因為預計唔到嘅因素 。 奧運夢嘅短暫，令人心痛， 但係了解知道自己不足， 已經係為下次奧運征途踏出第一步。 我好認同何詩蓓呢句說話。 當你開心，就會特別有拼勁！ 每次問運動員奧運目標， 佢哋都會話「希望自己享受比賽」 享受奧運呢個最高舞台， 已經係對自己多年努力嘅最好回報， 亦係對隊友、教練、家人，一班最強後盾嘅最佳答謝。 今次奧運，有好多香港歷史時刻我都有幸見證。 以前我會以為，完成夢想嘅一刻係令人最回味。 但原來，喺追夢路上嘅堅持，先係最精彩。 哪怕一生人可能只有一次機會， 都應該一直保持熱誠，勇往直前，無悔追夢。 運動員夢想去奧運，甚至係企上奧運頒獎台。 問返幾年前嘅佢吔，可能真係無諗過， 夢想可以有一日成真。 馬丁路德金講過：I have a dream. 今次我嘅夢想達成，完成奧運採訪任務。 大家又有無夢想呢？ 希望大家多啲發夢，努力追夢。 🙏🏻😭