【 伍家朗再獲品牌邀請推廣產品 】 _ 還記得七月底東京奧運開幕後不久，我寫了一篇呼籲讀者要關注港隊運動員Instagram帳戶的文章嗎？那時因為爆出羽毛球手伍家朗無辜遇上「波衫事件」的新聞後，感到異常氣憤，覺得與其花時間去責罵、去攻擊那些故意製造事端的無聊人，倒不如集中火力支持本地運動員，以實際行動改變大數據演算，吸引品牌注意，從而帶來更多曝光，提升他們的商業價值，重新緊貼世界潮流 ── 知名運動員的身價和叫座力本應媲美當紅藝人，獲不同品牌青睞。 _ 結果港隊不負眾望，奪得一金、兩銀、三銅，創出歷來最佳成績，令一班默默努力奮鬥堅持，卻寂寂無名的香港運動員，終於迎來港人空前關注，無論「有牌」抑或「冇牌」皆齊齊「彈起」，像羽毛球混雙「左手配」鄧俊文與謝影雪，早前頻頻出席公開活動，包括為ViuTV擔任《力圖打排球》的嘉賓和現身商台節目《口水多過浪花》接受「Do姐」鄭裕玲訪問。而即將在中國內地參加全運會的「花劍隊大師兄」張小倫，亦因為擁有「奇特體質」而獲TVB跟ViuTV邀請上節目講鬼故，其師弟吳諾弘（Lawrence），則獲邀與「馬拉女神」林明禎一同出席DESCENTE新店開張活動。 _ 至於本屬「獎牌希望」的伍家朗，雖然於東京奧運羽毛球男子單打分組賽止步，但人氣有增無減，截至周二（14/9）下午一時，他的Instagram追蹤人數已多達26.5萬，絕不遜於「另一個家朗」（金牌得主張家朗追縱人數為41萬），是香港少數IG粉絲數目能夠突破20萬大關的例子（何詩蓓與江旻憓等亦在此列），故順理成章獲品牌邀論合作，除了跟體育有直接關係的品牌外（如健康食品、健身中心等），餐飲品牌亦對他感興趣。 _ 繼早前與貴花田及王耀祖一同亮相「Holly Brown Channel」拍攝40分鐘訪問長片之後，伍家朗周二（14/9）與「ViuTV一哥」強尼和「滑冰女神」馬曉晴（Maisy Ma），一同出席「譚仔三哥米線」在旺角舉行的傳媒試食活動，擔任全新產品螺酸湯米線配海螺片及麻辣豬皮、椒麻涼拌魚爽肚和鳳梨藍碟花香梳打的推廣大使，事關家朗一向嗜辣，吃辣而爆汗帶來的感覺，跟自己在球場上盡力揮球爭取得分後一樣暢快。 _ 對於首次獲邀擔任餐飲品牌的推廣大使，伍家朗受訪時承認，自己尚要一段時間調整心情。「都會有少少唔慣嘅，因為始終（一直）接觸嘅都係體育範疇，或者喺球場上面出現會多啲，少啲出現喺商業活動，所以剛才（活動）個流程自己都需要啲時間去適應，希望未來如果真係再有呢啲機會嘅話，都相信自己係會愈來愈表現得更加自如。」 _ 伍家朗坦言，因為港隊在東京奧運獲得好成績，讓香港人認真關注本地體壇，令他與整個奧運代表隊都受惠，獲商業品牌洽談合作，這種情況是他成為全職運動以來首次出現，「我覺得係（有幫助）㗎，可能係張家朗喺東京奧運攞到獎牌，接連大家又有好多好成績，大家都愈來愈鍾意睇香港嘅運動員比賽，成個關注度大咗，自然會令到一啲商家，譬如今日譚仔三哥都會留意到呢樣嘢（邀請出席），之後就算有啲關於商業嘅嘢（品牌），可能唔會淨係請藝人，或者請明星，請KOL，都會考慮埋運動員呢一個範疇。」但他強調，只有在不影響訓練和比賽的情況下才會應邀出席活動。 _ 強尼因擔任《全民造星》主持而入屋，年僅21歲的靚女Maisy於2016年在冰島的Reykjavik International Games中得到花樣滑冰女子單人滑銀牌後開始受注目，再加上在羽毛球場上為香港博到盡的伍家朗，這個「三人組合」看似隨意，其實反映活動策劃者的想法：今時今日除了「紅到癲」的MIRROR與ERROR十六子是產品推廣必然之選外，本地運動員亦已漸漸成為商業品牌眼中的「潛力股」，相信日後他們出席這類宣傳活動的情況只會有增無減。 _ （15092021） _ #游大東 #游大東影視筆記 #伍家朗 #強尼 #馬曉晴 #譚仔三哥 #東京奧運 #香港運動員 #yautaitung #15092021

[gfmurmur9877] 希望可以抽中我, 因為真係未試過咁迷惘. (長文) 我31歲, 男朋友34歲, 一齊左3年. 過往拍拖既經歷都唔係太好, 我甚至絕望到覺得唔會變好, 幸福唔會降臨係我身上. 直至遇倒而家男朋友, 我先覺得過去所受既苦難都唔重要.佢係一個願意同我溝通既人,大家相處都幾好, 佢都幾照顧同錫我, 我地都打算係尼2年結婚. 可惜現實中你以為自己係幸福既時候.. 佈景卻突然被揭開.. 未開始果陣都問左佢過去, 拍過幾次拖, 其中最長係5年, 冇結過婚. 點知3個月前, 佢朋友無意中講佢同5年果個女朋友結左婚, 亦離左婚. 我唔敢相信, 因為我冇諗過佢會呃我. 朋友會講出黎係因為以為我知, 點知原來一直蒙在鼓裡. 佢既解釋係當時個女仔想結婚, 屋企人就話不如簽左紙先, 抽居屋都易中D, 佢地冇感情, 後來雙方都有左第2個, 個女仔又嫌佢唔上進, 所以離婚. 本身係想到我地結婚前佢先講, 佢都好後悔, 但唔係因為呃我, 而係比我發現. 之後大家都喊過幾次, 可惜到傾返之前D野佢都係講大話, 仲話講出黎大家都唔開心, 做咩要講? 我話你唔諗住同個女仔有將來, 做咩要簽紙? 又話點解我要介意佢既過去? 好多人都離過婚, 尼d野好平常. 如果真係咁平常, 你就唔會唔敢同我講. 又話如果佢一早講左我就唔會同佢一齊. 其實我係20%介意佢過去, 80%介意佢呃我. 我話要睇佢離婚紙, 迫左好多次先肯影比我睇, 佢地舊年先搞掂手續, 話因為疫情先拖咁耐, 同我一齊之前已經簽左. 尼件事發生左之後, 我仲係好鍾意佢, 但唔可以好似以前對尼段關係同佢咁有信心. 佢一開始就呃我, 我唔知佢幾時會再呃我, 甚至好驚佢仲有其他野呃緊我. 仲有一件事令我不安既係我覺得佢對一個FD既女朋友有好感, 2年前佢有個FD去左澳洲, 間屋吉左, 佢地班FD會成日上去玩. 半年前其中一個FD同左個女仔R一齊, 佢21歲. 我男朋友好少提其他女仔, 但就間中會提起R, 仲話FD對R唔好, 又話R幾靚女.我陪過佢去幾次, 佢都好留意R既打扮, 會互相串下, 佢對住其他FD既女朋友唔會咁. 我發現女朋友們係跟男朋友上去, 但R自己一個女仔都會上去, 甚至有時得佢一個女仔, 其他都係男仔. 上次我男朋友話上去煮飯仔(講好左得我地2個) 點知上到去佢地話買左4人野, 我呆左, 佢話R佢地想JOIN我地, 佢冇理由拒絕. 其實冇可能, 因為之前都有試過上去煮飯仔, 會預先係wtsapp通告其他FD, 同佢地一齊食飯冇問題, 但原本係諗住2個撐枱腳. 佢一早買左野, 冇問我想食咩, 但就買左R想食既野. 同埋我覺得奇怪既係R識/見過我男朋友另一堆朋友既其中一個, 佢地之前唔識, 而果個朋友唔會同尼堆朋友一齊玩. 其實我都幾肯定佢地而家冇野, 只係我男朋友對R有好感. 佢開口講過話我唔靚, 佢有留意R 成日換指甲顏色, 我上次整指甲佢就話我做乜整到咁特突.. 好灰.. 自從3個月前開始, 我幾乎每日都喊, 我原本係一個好悲觀既人, 但因為男朋友好耐之前有情緒病, 所以我盡量唔會對佢發放負能量. 但而家我發覺加埋其他野, 我覺得自己人生好失敗, 直情唔想見人, 想訓訓下死左去就算. 有幾次想自殺, 但好奇怪, 我隻貓就會走過黎要我抱, 平時都唔係點理我. 我好想知應該點做, 以往唔夾我會痛定思痛分手, 今次看似係一切都冇問題, 只係對方有過去, 我應該點面對, 點做? 同埋以前我覺得離過婚係人生污點, 一定有唔好既地方先會令對方做一個咁重既決定 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶

浪漫月巴睇2000（164） 【謝安琪做謝安琪】 在謝安琪IG看見她寫了個「念」字送給許廷鏗，我留言：「第時有機會，贈個『巴』字俾我。」然後加個又喊又笑Emoji。 1.我是凡人，凡人自有凡人的喜好和樂與怒。我現時生活安全愉快，再沒有怒，怒火，只出現在虛構的電影裡，不應再存在於人心。 2.我正因是凡人，自然有玩IG，以便Follow一些不凡的人：有些是為了工作，有些是為了睇靚相（中的靚女），有些，是出於真心，真心想去留意對方工作動向生活點滴（以及靚相）。 3.Follow謝安琪，為了工作為了睇相也出於真心。有時甚至忍不住留言，而當事後竟然得到她回覆（而且不是單純俾個Emoji），內心，不禁泛起一種小Fans式的喜悅。 4.然後發現，樓上樓下每一個留言，不是得到回覆，就會得到一個心心作回應（這個心心大概代表有讀到留言），你可以話，撳個心有幾難，但這麼一個簡單微小的動作，也需要人手如實去撳，而今時今日，其實我們對俾個心都吝嗇，都左思右想。 5.記得是舊同事介紹我聽謝安琪，很多年前了，但我當時沒有聽，Sorry，真的沒有留意廣東歌，心想，反正都是曲式起圍差不多的中慢板情歌吧。胡塞爾（他當然不是姓胡）說過，應該無預設地去觀照這個圍繞我們的生活世界，偏偏我帶著預設（所產生的成見偏見）去看待謝安琪的歌，我錯了，真的錯了，原來還有人去唱（因為多得還有周博賢去寫）有關生活的歌，生活包括情愛而又不止於情愛，人的生活必然連結世界和社會，再超然的生活依然發生在世界，最特立獨行的人也擺脫不了社會。我最喜愛的謝安琪專輯，2014年《Kontinue》。 6.然後她休息了一會，休息後，由唱香港人生活的人，變成只唱浦銘心生活的人，跟Juno的董折，敘述了一個糾纏多年的生活故事。 7.真心，在2018年聽到《人妻的偽術》，聽到《一個女人 和浴室》，聽到有古天樂獻聲的《（一個男人）一個女人 和浴室》，聽到《沐春風》，是耳目一新，新在那個從未見過的謝安琪形象，原來她可以好型——謝安琪不是那種適合玩太多舞台形象的歌手，在Juno想像的Universe裡，她一身不是白就是黑（而MV就帶灰），這個黑白灰世界裡的謝安琪，好好看——其實嚴格來說不是謝安琪，而是浦銘心，她由始至終都只是Juno想像裡的一個人，一個跟董折經歷了太多的人；而無論這段經歷再曲折再刺中聆聽者的心，始終，只發生在一個人想像的世界，這世界跟我們身處的真實世界沒任何關係，跟2019年和2020年的世界都沒關係，當我戴住口罩趕住在十點前食完飯，實在沒閒情深入了解誰在切爾諾貝爾等誰，切爾諾貝爾，有限聚令嗎？當然，這是廣東歌一次有誠意的想像和創作，只是我們每天已經動用太大能量面對真實世界，要投入那個想像的世界？太奢侈了吧。 8.走出浦銘心，謝安琪做回謝安琪。沒有理所當然地簽新公司，反而自資成立「淺白本部」（Light White Studio），自己的歌，自己唱作，一人包辦曲詞編監。創業作《離不開》，不是那種聽第一次就即刻識背的歌，可能因為沒有太高低的起伏，像行一條平路，肯定不會刺激得去邊，反而讓你專心地，慢慢行，如實地在時間流動下慢慢行。 9.至於她寫的歌詞在說甚麼？自問沒能力化身網絡世界橫行的那種乜都解讀師，反正你有腦有心，請自行去聽。聽不到？可能心有罣礙，罣礙來自不知哪裡來的心理預設。 10.世界在變，至少她離不開的世界跟我和你放不低的世界，是同一個世界。 （原文刊於am730） #浪漫月巴睇2000