#圍爐廢噏 #Zip噏劇場 農曆7月號
《#死後遇見DrM》最終回
「亡心今心」
*奇幻音樂
Dr.M ：如果可以比你揀，你想帶邊一段記憶轉世啊？
(街訪)
專一男：我會揀我依家嘅女朋友，佢係我第二任女友。因為我父母係初戀然後結婚，所以我想揀我女友，下世再遇到佢，希望佢成為我初戀，再白頭到老...
#圍爐廢噏 #Zip噏劇場 農曆7月號
《#死後遇見DrM》最終回
「亡心今心」
*奇幻音樂
Dr.M ：如果可以比你揀，你想帶邊一段記憶轉世啊？
(街訪)
專一男：我會揀我依家嘅女朋友，佢係我第二任女友。因為我父母係初戀然後結婚，所以我想揀我女友，下世再遇到佢，希望佢成為我初戀，再白頭到老。
孖生細妹：我會揀我孖生家姐，下一世再同佢做姊妹。
歌手：我會揀我嘅歌藝琴藝，下世再唱歌比大家聽。
靈修導師：我會揀我學到嘅身心靈知識，下一世再幫人。
音樂人：乜都唔揀。呢世都完咗囉，下世乜都唔一樣。
Dr.M : 85527，咁你呢？會唔會係呢一段？
*海浪聲
康：喂，Daisy，起身啦，日出啦！
*浪漫音樂
我好記得呢個日出，嗰次Daisy同我慶祝生日，我迫佢陪我去海灘睇我地第一個日出。因為疫情無得飛，所以我地開始本地遊。我地係屋企塊牆度貼咗個香港地圖，去過嘅地方就會自拍然後貼上去，例如大東山嘅雲海，西高山嘅夕陽，獅子山飛鵝山嘅夜景，仲有三星灣、浪茄、長沙下灘嘅海岸景色，當然仲有無限次維港搭船自拍啦。依家重睇記憶，依然覺得香港好靚，真係好靚。所以我有決定啦。
Dr.M : 揀同Daisy 甜蜜嘅回憶？下世搵返佢？
康：唔係。
Dr.M：揀同佢恨嘅記憶！下世報仇！
康：我想洗晒所有記憶，乜都唔帶走。
Dr.M：咁你頭先做乜對住呢個同Daisy一齊睇嘅日出咁耐呢？
康：其實我有一刻係度諗，如果我死都唔揀轉世記憶，咁係咪唔駛咁快投胎，唔駛咁快面對呢個咁複雜嘅世界呢？但見到呢個日出，就諗起好多好靚嘅景色畫面，好似有一次，我一個人玩直立板，旁邊一個人都無，對住一望無際嘅海岸線，望住盡頭嘅太陽，突然所有悶氣煩氣淚氣全消。上山落海就會覺得，對比大自然，人類嘅歷史只係呢個地球一小部份。夜晚睇星就會覺得，對比宇宙，人類只係微塵。所以，咁執著做咩呢，今世緣份，今世完結，下世嘅事留比下世嘅阿康再算啦。
Dr.M：有得贏在記憶線都唔揀？
康：我諗只要啲星星月亮太陽無消失，下世嘅阿康都會搵到活係呢個世界嘅快樂。
Dr.M：咁你跟我過嚟。
*奇幻音樂
Dr.M 帶咗我去一度門前面，佢輸入密碼，門打開，係一個更大嘅空間，中間有一棵好大嘅樹，棵樹好奇怪，啲樹葉一半係白色，一半係黑色，亦有啲係有半白半黑。而樹後面係另一度門。
Dr.M：萬般帶不走，唯有孽隨身。
康：Dr.M，你搞gag啊，你想比塊葉我隨身？
Dr.M：呢棵樹已經存在咗好耐，上一任Dr.M話我知，呢棵樹白色嘅樹葉代表善嘅記憶，黑色代表惡同恨。
康：咁又白又黑係？
Dr.M：好似你咁，乜記憶都唔要囉。呢棵樹咁耐都係黑白參半，即係揀善愛，同惡恨記憶嘅人係一半一半。嗱，我就淨係負責記憶呢個部分，點轉生啊，轉去邊呢我就唔清楚。行入嗰度門就會進入下一個過程啦。
康：Dr.M，多謝你比我睇多次自己嘅記憶。
Dr.M：希望你下一世嘅記憶更加精彩。
康：我就好簡單啫，希望唔好再比人殺，又或者合埋眼之前嘅畫面，係可以望住個夕陽就好啦。咁我死前就唔會問點解，而係話好靚啊，起碼精彩過呢一世。
Dr.M：期待你下一世嘅記憶。
康：希望唔好咁快又見，雖然我都唔會記得你。好啦，再見，Dr.M
*關門聲
Dr.M：過咗咁多世佢都係做香港人，咁多世都覺得呢個地方好靚。唔知下一世嘅佢，又會係點呢？
Song : #周國賢 @koholaendy 《#有時》
作曲：周國賢
作詞：#小克 @diuhak
Ps. 感謝 pa德哥，我細妹， @iamchingdaisoo @yoyoyo_stars @inkni 答我有關轉世嘅問題。
Ps1. 揀咩記憶去下一世，代表你今生最著重邊段情同緣。你會執善？執惡？執念，還是無念？就係今個月嘅主題：
言+己+心+意 =記憶
今+心 = 念
如果真係有DrM ，你會點揀？
#五集 #廣播劇 #咁就完 #呢集係 #我寫比香港嘅 #一封簡短情書 #大家可以由 #6月號開始重點 #每首歌都係精心挑選 #配合劇情
#可於 #香港電台 #三五成群 #重溫
香港電台第一台廣播劇重溫 在 Facebook 的最佳解答
上星期六 大家有冇聽到第一集呢？ 我就因為有嘢做 之後重溫左 😏
冇諗過有機會參與廣播劇。
多謝各位前輩 指教 🙌🏻
第一次參與廣播劇 好好玩 😁
Thank you @727gaslau
嘅邀請 🙌🏻
Thank you @jojoba27 嘅安排 🙌🏻
今個星期六 大家記得收聽喇 😉 👍🏻👍🏻
【過去陰影再深 還有愛...】
今個星期六(7月24日)，晚上9點《我們一直都在說故事》「貓咪教會我的事」嘅第二集~~
上回講到：阿花(王淑儀 聲演)同阿信(黃劍文 聲演)發現有流浪貓失蹤，最後去世。究竟當中有咩古怪？而阿信的爸爸 — 寶叔(李仁傑 聲演)留下嘅信件，又點樣幫到阿信面對涼茶嘅挑戰同解開兩父子之間嘅心結呢？
#星期六 #晚上 #9點 香港電台第一台
《我們一直都在說故事》 香港電台第一台 RTHK Radio 1 
收聽
https://www.rthk.hk/radio/radio1/programme/always_by_your_side
#香港電台第一台 #我們一直都在說故事
#黃劍文 #李仁傑 #王淑儀
#貓咪教會我的事 #貓咪 #阿花 #阿信 #電台 #廣播劇
#love #life #lovelife
#lovehk #hkig
#godbless #hongkonglife
香港電台第一台廣播劇重溫 在 Facebook 的精選貼文
【 香港播音鼻祖李我逝世 】
香港播音鼻祖李我離世，享年九十有九。
著名傳媒人劉天賜，今午（5／5）大約二時許，於其facebook帳戶公布前輩死訊，以簡單六個字表示：「李我先生走了。」而李我叔的妻子蕭湘回覆傳媒查詢時亦承認丈夫已魂歸天國。
李我叔行內別稱「You Me」，原名李晚景，一九二二年在廣州市西關晚景園出世，外公是江西人，是清代最後一位太醫，精通醫、卜、星、相，後來將自己懂得的統統傳授給女兒，即李我的母親、中醫師葉藹雲。
早於年幼時，李我叔已跟母親學習粵曲，及至一九三五年，即他十三歲時，開始跟隨知名導演湯曉丹學習編劇，惟未幾第二次世界大戰爆發，為了餬口，李我叔開始於粵港兩邊走，試過做伙頭和行船，行船時曾遇過沉船意外，又與二十多位同伴自組「新春秋劇團」在廣州演出，結果給在戲棚聽粵劇的風行電台台長賞識，邀請李我開咪講古，節目名為《文藝小說》，一九四六年秋天首播，由於表達方式新穎，一人分飾多角，更負責聲效，播出後大受歡迎，每天中午十二時，街頭巷尾都能夠聽見李我叔的聲音，通街都是聽眾，帶挈涼茶舖發大達，節目亦於首播後兩個月，由半小時延長至兩小時，當時李我叔才二十五歲。
一九四八年年底，李我叔二十七歲，他遇上第一個人生高峰，在咪前開始講述長篇廣播劇《慾焰》，故事圍繞孤兒蕭月白的人生跌宕，歷時半年，報紙同步連載127期，每個月又出版單行本，更吸引當時著名報人及作家任護花，開出港幣六千元購入版權拍成電影《蕭月白》（1949），而他亦為李我叔的節目命名為《天空小說》，意旨李我用聲音，透過大氣電波向聽眾講故事。
到底當時李我有幾紅？李我叔於2008年受訪時說：「通街省港澳，都係我一把聲，乜嘢音樂都冇！」更癲在，有錢到有鋪「坐飛機落香港飲茶」的癮，中環的陸羽、告羅士打酒店、香港大酒店等，他都去過，飲完茶就坐飛機返回廣州，準時於中午十二時半開咪。
一九四九年新中國成立，李我叔離開廣州，南下香港，加盟麗的呼聲，第一個月的收聽人數已急升一倍，一年間更升六倍，人工暴漲，他十多年前出席香港電台「公共廣播75年」的口述歷史座談會時曾分享：「如果我識得剩錢呢，我諗我喺香港買咗十條街，但係而家十個廚房都冇呀！」
但他只在麗的呼聲打了一年工，其後跳槽至澳門的綠邨電台（Radio Vilaverde），認識了何佐芝，亦即商業電台的創辦人，李我叔獲邀加盟，並有份決定商台啟播的日子，即一九五九年八月二十六日。李我叔主政期間，與程雪門、岑少文、高唐等文化人，一起製作大量優質廣播劇，於六十年代中期開始退居幕後，期間參演多套電影。及至一九八一年，參演無綫經典處境劇《香港八一》，飾演玄學家覺悟因，一直去到《香港八六》，自此正式退休，再沒有參加任何演藝工作。
李我叔曾說為何以此藝名自居：「當時想到自己無父、無母、無兄、無弟、無妻，只有一個我，所以就改了單名一個我字。」但世事是有趣的，因為李我，令他在風行電台認識了妻子蕭湘，結婚超過70年，兩口子一直並肩而行，成為圈中典範。
更多訪問內容可以重溫香港電台製作的《文化樹下之我們的廣播人─ 李我、蕭湘》：https://bit.ly/3bl70TR
（05052021）
＃游大東 ＃游大東影視筆記 ＃李我 ＃蕭湘 ＃商業電台 ＃劉天賜 ＃香港電台 ＃RIP
香港電台第一台廣播劇重溫 在 海倫視角 Facebook 的最佳貼文
為my903.com 商業電台 奧仕卡 節目《失眠藥》深夜大長篇廣播劇《Last Seen!》拍的宣傳照，還有其他的，敬請期待🌊
明晚會播出前傳，第二季亦即將推出，多多支持啊！
主演：
奧仕卡 (聲演 余海)
陳穎欣Yanny (聲演 馬利欣)
Anson Kong 江𤒹生 (聲演 張日寬）
陳凱詠 Jace (聲演 楊嘉兒）
第一季免費重溫傳送門：https://bit.ly/3deHT3T
叱咤903 《失眠藥》
逢星期一至五 深夜1-2時
廣播劇《Last Seen!》逢星期一節目內播出
#海倫視角 #海倫視角香港攝影部