我出800蚊人情，賭你離婚（上） . 今日去飲，悶緊果陣，聽到隔離個OL講：「依加離婚率咁高，你估佢地會唔會離婚？」 . 咁大膽，我當堂打咗個突，醒晒。 . 我公司係寫Apps嘅，老闆係賭徒，鍾意冒險，成日叫我地創新創新創新， . 假如我咁有創意，就唔使打你工啦。 . 但呢一次，仲唔到我出風頭？ . ， 當晚我就通宵寫proposal，指出香港離婚率高達35%， 新apps可以畀賓客匿名投票或留言，估新人會唔會離婚。 . 婚宴結束後，新人可以睇到賓客嘅信心度，反思呢段婚姻有咩問題，努力改善，步向幸福， 促進社會和諧，係家居暈浪屙嘔肚痛嘅必備良apps...... . 再連接婚姻註冊系統，新人離婚後，賓客會收到通知，話你知估得岩唔岩。 . 我本意係，既然去飲，要被逼睇一堆唔關事嘅成長片段，不如增加賓客嘅參與度。 . ， 老闆睇完份proposal，拍案叫絕，話做小小修改，就會推出個apps。 . 點知，個apps出到黎，震驚咗全香港。 . 我之前提出嘅功能都存在，只係多咗賭博系統， 賓客拎份人情出黎，匿名賭博，可以揀「白頭到老」或者「估計沒多久，你倆就分手」， . 賭白頭到老嘅，當祝福新人，份人情無得退； 賭離婚嘅，會得到一張彩票；新人如果離婚，要退番一倍人情，賓客憑票去中介公司兌錢。 . 當新人其中一方死亡後，張彩票就宣告無效。 . ， 網上嘅負評鋪天蓋地，日日都有人鬧：「去飲就應該祝白頭到老，點可以賭人離婚？」 . 呢個講法好似古代皇帝，覺得人地祝佢「萬歲萬歲萬萬歲」，就真係會長生不死， . 事實係，你唔講，唔代表件事唔會發生架嘛。 . 咁當然，個賭博有好大問題，首先就係離婚無時限， . 萬一對新人三四十年後先離婚，就算你張彩票可以畀子子孫孫， 但三十年後物價差咁遠，一賠一變咗十賠一，仲有人肯賭？ . ， 事實證明，當涉及到賭，人類係會迎難而上......令自己有得賭。 . 根據使用者回饋，有人話：「拎份人情黎賭，人情係咪都要畀，賺得一蚊得一蚊。」 . 咁又係，如果你落街買飯盒，送一注下期六合彩彩票，你都唔會拒絕架？ . 「呢隻笑面虎，我心底好憎佢，賭下佢離婚都好。」 . 「個富二代娶咗我女神！我要落重本賭佢地離婚。」 . 唔係所有賓客都鍾意對新人，咁梗係啦，啲人下下要筵開三五十席， 平時你出個post先得三個like，點會三五百人鍾意你？ . 賭佢離婚，絕對係「深得中國傳統文化（打小人）精髓」嘅詛咒方法。 . 結果，每一場婚宴，賭離婚嘅都多過白頭到老，怨氣幾重， . 只要提供匿名嘅平台，就可以睇到人類嘅黑暗面...... . 講遠咗，問題黎啦，點解新人肯參加呢個賭博？ . 無啦啦背上一個風險，要賠錢架喎。 . 待續... . #短故 #短篇 #小說 #陳美濤 #廣東話 #粵語 #結婚 #去飲 #人情 #800蚊人情 #離婚

我唔認為情人節係一個普天同慶既日子 情人節快樂係唔需要周圍send😡 我係一個相信統計學既人😎 2016年香港離婚率60%🙈 係謀殺案當中 情殺佔左百分之七十五😈 我睇唔到有咩咁值得慶祝 有咩咁值得高興😌 祝情人節"平安渡過" 各位小心!!!😂😂😂 單身狗廣傳!!!!!!!!!!!!!!!!!! #別太認真 #justforfun

老陳，即係我老豆，用八個字形容「戇直善良老套要面」。 佢既一生甘於平淡，作為一家之主，細個佢話乜就乜，明明係錯都要兜巴星到隻耳仔甩出黎。咁多年以黎佢都好辛苦湊大我同家姐，到我同家姐出黎社會，阿媽同富妹就成為佢唯一娛樂。老婆喺度佢就笑到成排煙屎牙飛出黎，老婆一唔响身邊就苦過弟弟，男人好似佢咁痴情，香港離婚率都少一半。 今個新年佢同條女二人世界，難得一見佢兩公婆咁Sweet，做仔女最期待嘅畫面出現喇！