雖然這篇香港郵差送信時間鄉民發文沒有被收入到精華區:在香港郵差送信時間這個話題中,我們另外找到其它相關的精選爆讚文章
在 香港郵差送信時間產品中有5篇Facebook貼文,粉絲數超過3,356的網紅小宅檸檬空尼嘰哇,也在其Facebook貼文中提到, 【邁千活動】 因為在youtube還沒有千人訂閱,所以要邁千! 索取鄭家傳奇香港明信片活動截止日為訂閱數破千的那天 如果沒有破千就可以一直辦下去的意思(不是這樣! 記得到表單填寫收件人姓名與地址 還有一些簡單的問題:https://goo.gl/forms/hpVEWeTYl141nZKf2 ...
香港郵差送信時間 在 小宅檸檬空尼嘰哇 Facebook 的最讚貼文
【邁千活動】
因為在youtube還沒有千人訂閱,所以要邁千!
索取鄭家傳奇香港明信片活動截止日為訂閱數破千的那天
如果沒有破千就可以一直辦下去的意思(不是這樣!
記得到表單填寫收件人姓名與地址
還有一些簡單的問題:https://goo.gl/forms/hpVEWeTYl141nZKf2
寄出時間:2018年1月28日左右從香港寄出
參加資格:郵差會送信到你家的地球人
#明信片背面
#鄭家傳奇明信片
#是一個又要去香港的台灣人
香港郵差送信時間 在 莫小彤 Rika Mok Facebook 的最佳貼文
終於抽時間睇左梵高﹗雖然成套電影都係手繪,但其實都有演員架﹗
#繪畫的力量
#演員的力量
#我的藝術生活
【《情謎梵高》演員介紹 Chris O’Dowd 飾 郵差魯蘭 │好評上映中🎬】
《情謎梵高》故事由梵高未寄出的一封信開始,梵高的好友 - Chris O’Dowd 飾演的郵差魯蘭,一直幫他送信,知道梵高與弟弟之間關係非常密切,所以梵高死前的最後一封信,一定要送到他親人手上,故委託自己的兒子,多不願意也要把信安全送達。
Chris O’Dowd也和其他演員一樣,知道這製作概念後,立即被吸引加入這團隊,確信這偉大的製作會令所有人自豪。但他亦開玩笑說,如果一早知道自己的造型有這麼濃密的鬍子,應該會逃跑並拒絕加入。(笑😂)
《情謎梵高》現正上映 🎟即日預售 🎟
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
即到 Hong Kong Movie 香港電影 網頁緊貼上映資訊:
👇👇👇👇👇👇👇👇
https://goo.gl/d9sdmG
#Lovingvincent #Vangogh #VincentVanGogh #Oilpainting #FineArt
#animation #StarryNight #WheatfieldwithCrows #CafeTerraceatnight
#梵高 #油畫 #動畫 #大師級動畫 #經典誕生 #不可能變為可能 #梵高之謎 #情謎梵高 #心血結晶 #心機之作
香港郵差送信時間 在 西樓月如鈎 Facebook 的最佳貼文
《我係窮郵差,專門幫陰陽相隔嘅親人送信》(1)
陳師奶激動到鼻水眼水飛到成檯都係,喊晒口咁話:「我⋯⋯同我老公分開咗已經兩年啦,哩兩年嚟我每一晚都好掛住佢⋯⋯每一晚都夢見佢⋯⋯」
「最掛住呢⋯⋯係佢把磁性又迷人嘅聲音⋯⋯」
我望住陳師奶抹面張紙巾,紙巾好唔情願咁畀佢蹂躪,由乾爽潔淨捽到濕潤霉爛。
「你係咪真係有方法可以畀我同佢傾計㗎?」
「哦⋯⋯可以,陳生嘅名係?」
「佢叫陳小黑。」
「好,妳等等⋯⋯」我開始起勢Chok張枱,Chok到地震咁:「陳小黑,陳小黑⋯⋯⋯⋯魂兮歸來!去君之恒干,何為四方些?」
「老公⋯⋯你係咪返咗嚟呀,我好掛住你呀!老公!」
「我已經感覺到陳生返緊嚟。好強烈嘅感覺,嚟緊⋯⋯嚟緊!」
呯!
我個頭好大力咁轟落張枱度,凹咗少少⋯⋯個頭。
「⋯⋯老⋯⋯公?」
「老公,你係咪返咗嚟呀?係就講句野啦⋯⋯」
「老公!?」
「喵~」
「哎呀,老公真係你,我認得你把聲呀!」
「喵~喵喵~喵~」
「老公!我好掛住你喔!」陳師奶好激動咁攬住我。
「喵喵喵喵~喵~」
「老公~老公,啜啜啜~」
陳師奶啲口水鼻水開始流到我成身都係。
做我哋哩行無奇不有,將貓當成老公,都唔算係啲咩新鮮奇怪事。
試過有一個客,都係師奶嚟嘅,姓黃,話要搵返隻牛。(師奶客人特別麻煩)
「牛唔可以係family呀?」佢好理直氣壯咁兇我。
「可以⋯⋯當然可以啦。」
5分鐘後⋯⋯
「哞哞哞哞哞哞哞哞哞~」(翻譯:我過得好好呀,住嘅地方夠晒凍。)
凍?即係唔喺香港啦。黃師奶本來覺得,搵到外國一戶好人家都唔錯嘅,好過住喺香港受苦。
黃師奶掩掩心口,一臉安慰嘅樣話:「Well,咁baby你而家live喺where ar?Iceland定Norway?」
「哞哞哞哞~」(我喺雪櫃。)
「雪⋯⋯吓雪櫃!?」
「哞哞哞哞哞哞哞哞~」(我而家係一盒$7.6嘅維記朱古力奶)
講返正題先。
接落嚟嘅三十分鐘,我都不停咁喵喵喵,等陳師奶同佢「老公」傾餐飽。
「多謝你呀南門先生,我終於知佢過得好好,我安樂啦。」陳師奶臨走前,好滿足咁同我講。
「唔洗客氣。最緊要幫到妳。」
我抹一抹汗,強裝笑容咁講。
陳師奶擺低封利是就走咗。
我有一秒認真諗過,陳師奶係咪真係識聽貓話。
一秒之後,我已經無再去諗,因為有人連牛話都識聽。
事先聲明,我並唔係問米。
因為動物嘅魂,同人嘅靈係兩種system處理,去嘅地方好唔同,人係去另一個地方。
至於點解我知,事源喺我十五歲嗰年,全世界都發現我好瞓得。
企企下喺操場集會會瞓,考考下試會瞓,連過過下馬路都會瞓。
我只能夠坐校巴返學,因為搭巴士無人叫一定會瞓過龍,明明又一村落都會變咗杏花村。
用今日嘅醫學標準,我係患有極嚴重嘅發作性嗜睡病,即係渴睡症。
「瞓夠未,南門亮?同我企係度!」
「係⋯⋯」
「日日上堂就瞓覺,小息瞓都算,你連跑跑下九分鐘都瞓著?!你到底夜晚有無瞓覺㗎?我真係要叫你媽咪嚟⋯⋯喂,你仲瞓!?我鬧緊你㗎!你仲瞓!?」
老師發覺罰我面壁思過係無用,因為我思思下都會瞓咗,所以漸漸地佢都放棄咗我。
直到有一次,我拎簿落去教員室時,毫不意外咁,我又抱住成班啲簿瞓咗。
喺嗰次瞓覺,我發咗一個夢,夢入面嘅我去咗一個不知名嘅地方。
嗰個地方好寧靜。
無現代嘅高樓大廈,只有十九世紀嘅汽車、人力車,周圍都係古舊日式和室嘅屋,古色古香,混合住英式殖民地風格嘅建築,仲有一個奇大無比嘅夕陽同一條流到邊際嘅長河。
就喺我沉醉喺風景之際,有個紅裙、扎馬尾嘅女仔突然出現喺我眼前,同我講:「你係未死嘅人,做咩會嚟咗陰間?」
我唔識應佢,佢眼神閃過一絲頑皮同奸邪,轉眼間就已經搶咗我手上拎住嘅簿,跑走咗去,無論我點追都追唔到佢。
到我醒返之後,我竟然發現我抱住嗰堆簿,真係唔見咗。
「你點可以因為無做功課就收埋同學嘅簿㗎?」
老師認為我係為咗逃避責任而講大話,其他人都覺得我係講笑。
「現實嘅野又點會帶到去夢入面呀,你係咪太攰分唔清現實?」
「但嗰個世界好真實⋯⋯」
即使嗰日,我被人罰留堂,我依然覺得,係有另一個世界嘅存在。
因為我感覺到,嗰個女仔係一個真實存在嘅人嚟。
我決定再試驗多一次。
我選擇咗喺一個月黑風高嘅晚上,臨瞓前,攬住我阿妹隻米妮公仔瞓覺(因為唔見咗都無咁心痛)。
如果真係有另一個世界,咁我喺夢入面放低隻公仔,返到現實真係唔見咗嘅話,就證明我真係無估錯。
結果,醒返之後,我張床真係唔見咗隻公仔!
真係有嗰個世界嘅存在!
我好激動咁衝去同細妹講哩個咁驚人嘅消息:「細妹!真係唔見咗呀!」
佢第一個反應唔係慶祝我成為陰間哥倫布,而係一巴摑埋嚟話:「衰人!唔準再拎走我隻米妮!」
佢摑咗我一巴之後,我先發現米妮就喺佢手上⋯⋯
不過咁,自此以後,我瞓覺抱緊嘅野,偶爾都會唔見。
哩件事畀媽咪知道咗後,佢一直都好擔心,帶我四處去走訪名醫。
途中有一位年紀好大、白髮長眉嘅伯伯中醫,佢話佢識少少『哩啲嘢』,就同我媽咪講:
「夢可以係一個神秘嘅渠道,有足夠時間進入更深層睡眠,通去『另一個世界』都唔係咩奇事。」
伯伯話,有時人會喺夢誤闖『另一個世界』,但即使個夢幾奇怪,大部份人醒咗之後都會唔記得,只不過一般人嘅睡眠時間都唔足以進入『嗰個世界』。
佢對住媽咪講:「因為你個仔天生有渴睡症,比人更容易進入深層睡眠,人哋瞓八個鐘,佢兩分鐘就得,所以天生有能力接觸『另一個世界』。」
媽咪望住我嘅眼神,我到今日都仲記得,係好憂心嘅目光。
「不過要小心運用哩個能力,否則佢二十歲之後會有一場大災。」中醫伯伯最後警吿。
可惜,我從來都唔覺得哩種係咩超能力,反而渴睡症對我生活帶嚟種種不便。
老師:壞學生,又瞓覺!
同學:怪人睡魔,好奇怪!
M記經理:點解你可以將啲薯條炸到變黑色!
做地盤唔得、做文員唔得、做司機更加死得。
「南門亮,你係咪真係鍾意我㗎?」
「Zzzzzzzzzz⋯⋯」
「喂!南門亮!!」
我人生好似玩完咁。
當你以為畢業搵唔到工,人生玩完之時,仲有更弊嘅事。
喺我二十二歲嗰年,我返到屋企,發現所有屋企人都唔見晒。
媽媽、細妹,喺一夜之間消失晒,無再返過嚟屋企。
亦喺嗰年,我遇上前輩。佢問我:「有無興趣運用你天賦?」
「吓?」
「你可以一邊搵親人,一邊返工。」
「⋯⋯吓?」
「有無興趣做郵差?」
就係咁,我做郵差嘅故事就開始。
FB:https://www.facebook.com/coooooolicecream/
鍾意就LIKE & SHARE~