〈我是IT人，我想去日本做嘢！〉

炙手可熱的年青香港IT才俊，是不是真的很有機會透過工作假期可以輕鬆在日本找到工作、然後達成永住的長遠目標（逃出香港）？

我有一位未夠30歲的學生出身香港三大搶手科系，不單止大學時代已經有Start Up經驗、而且在香港求職的時候基本上無往而不利、人工足夠他每個星期去日本追星、而且為人斯文大方、說話有條理有禮貌。

在香港職業市場吃香的IT人，一旦要去日本工作假期寫履歷書要注意什麼呢？

首先要強調這位學生剛剛才得到N3，以他的能力去寫完美無瑕的履歷書的確有困難。但是有一些基本的要點（例如和香港的英文履歷書不同名字還是要寫中文全名、一定要加相片）我還是盡量幫修好了。

只不過，找工作這回事還是拜托專人好。於是我向曾經在日本做過半隻IT狗的舊同學求助，結果有請幫忙的同學金睛火眼做到朝早四點鐘總算改成他心目中覺得合格的樣子。

社會新鮮人和已經有工作經驗的職員寫履歷書的格式並不一樣、同樣不同的行業也會有些不同的規則。例如同學表示既然是和程式相關的工作當然履歷書的UI都要注意一下這樣。

以下就分享舊同學修正完履歷書之後，寫出的一些值得各位IT孩子們去日本工作假期、目標是正式找同樣範疇工作時要留意的履歷書作成事項。

看完這麼有意義的分享記着給我的舊同學一個讚好，舉手之勞錢都不用不要吝嗇。

🐤🐤🐤🐤🐤

追縱おしゃれキリ教室IG

日本語：instagram.com/kirita/
廣東話：instagram.com/lomore_kiri

【#日本事情 2019 vol.2】

《🐒也學得懂的🇯🇵履歷書教學》

這幾年在網上人人都話「IT🤦‍♂️／🐶去日本相當吃香」，但要去日本就要有一份日本人認可的CV，已在日本安頓好的人又怎會乖乖教你如何搶他飯碗呢？適逢昨晚Rei受到好朋友所託，幫她一位準備到🇯🇵🇯🇵工作假期的學生修改「履歷書」及「職務経歴書」，為長期被搾壓的日本IT🐶們犧牲（🙊）。該名學生是香港三大IT學系出身，開過公司，又有多年的IT工作經驗，好朋友對這位學生的評價相當高。而早在當上日語教師之前，Rei就是在日資公司做IT🐶了，這完全是我的專業範疇w　畢竟單論學歷，「鯨魚大學」畢業的Rei又怎會能媲美呢？Rei也聽到滿心期待的💞💞

…怎知道，一打開電郵信箱，準備開始核對和美化履歷書時，Rei隨即眉頭頓然一皺🤦‍♂️，怎麼回事了？這份東西完全不能交出去，是要砍掉重練的呀🤦‍♂️🤦‍♂️。原因並不是學歷或者職歷有虛假，而是寫法上強差人意。比較特殊的「職務経歴書」本篇就先放下不說了，今天我就破天荒去教大家如何寫一份正確的🇯🇵式履歷書，好讓有志前往日本工作的朋友們可以參考一下。

首先，🇯🇵🇯🇵的履歷書和🇭🇰🇲🇴所用的中／英文履歷表有甚麼分別呢？除了連新界隻🐗🐗都知道的「語言分別」之外，最主要就是製作履歷書時的心態問題。或者先換個角度說，為甚麼大家會喜歡買日本貨？不都是因為覺得有品質、有誠意嗎？那為甚麼會令你覺得日本人做事有誠意？其實就是「包裝」！同樣的道理，日式的「履歷表」也很重包裝。

在google用日文輸入「履歴書　サンプル」

就可以找到很多固定格式模版，模版基本上一定是一式兩頁，第一頁是照片、個人資料、學歷、職歷，而第二頁的花款就比較多。找正確的模版是必須要有的第一步，如果沒有全職工作經驗的fresh grad，第二頁應該至少要有「自己PR、志望動機、本人希望」；如果已有全職工作經驗，第二頁就應該至少有「志望動機、趣味・スキル、本人希望」。

接下來就是其他細節的位置了～在這裡和大家分享幾個填寫第一頁時特別應該去注意的地方：

①　相片必須著西裝拍，髮型都最好也用髮型用品整理一下。正所謂「你的樣子如何，你的日子也必如何」
②　在港澳居住的話，必須寫齊中英文地址
③　學校名如非必要，不要用英文
④　學歷與職歷之間，如非篇幅所限的話就應該隔開一行
⑤　公司名不能用簡稱，而且最好是一copy上google就可以找到
⑥　退職要寫理由，就算是個人原因都要加「一身上の都合により退職」
⑦　現職工作至今要加「現在に至る」
⑧　職歷最後一行要靠右加「以上」

至於第二頁的其他作文位，例如「自己PR（自我推銷）」、「志望動機」等，明顯是需要大家的日文寫作功夫的，但值得注意的是，「志望動機」要有完整的起承轉合，要講明該公司有甚麼吸引到你去應徵，絕不能以「罐頭文」去處理，每應徵一家公司就應該配合其背景重新寫一篇。簡單而言，這是我們一般應徵時的「Cover Letter」，就算你在🇭🇰🇲🇴找工作，JobxXB都有教你不要重複將同一封「Cover Letter」發到多家公司吧？

Rei除了會為希望前往日本留學的同學們提供中立意見之外，也會為希望前往日本工作的朋友們提供協助的。想知更多有關去日本做IT🐶（不w）／去日本工作的資訊的話，歡迎在下面留言，或者inbox我啦～
當然也要share給你身邊想去日本定居的朋友啦～

特別鳴謝： おしゃれキリ教室

#日本工作假期 #日本就職 #日本留學 #IT #履歷書
#日本語教師 #香港學日文 #澳門學日文 #私人教日文
#港澳專業日語顧問

【鹿兒島1on1育兒之旅】

6月頭Wilma媽偉大嘅老細請全公司同事去鹿兒島4日3夜，因為芊羽係要奶睡嘅BB，我就唯有帶埋佢去，丟低心裏暗喜嘅爸爸😒
行程只有Day 1同Day 2嘅晚餐同同事食飯，其餘時間都係自由組隊活動，帶住一個BB嘅我，實在唔想要暢快旅遊嘅同事照顧，所以就成為獨行俠喇～👩‍👧（佢哋已經照顧咗我同芊芊好多💖）

鹿兒島主要係個行山睇景影靚相嘅地方📸，事前Wilma媽嘗試search過親子遊行程，發覺好多地方都唔適合同1歲未夠嘅BB去；櫻島睇火山但太多火山灰🌋、霧島有神社吸靈氣但BB冇咩睇⛩、仙嶽園適合小朋友去但芊羽太細⛰、屋久島靚絕但full gear媽媽handle唔倒⋯🤦🏻‍♀️

經過多番考量，Wilma媽組合咗以下行程，順利完成！💁🏻‍♀️大家如果諗住帶小B去鹿兒島育兒行可以參考參考：

Day 1 -
坐HK airline往Kagoshima 11:50a.m.航班，我哋係住中央站附近嘅酒店，由機場去大約一個鐘，去到酒店安頓已經傍晚6點。

呢日嘅晚餐同同事食串燒，然後去到Aeon掃咗一支大水同杯麵以防大食媽媽夜晚肚餓，就返酒店休息。😴

Aeon收9點，如果冇帶齊BB食物🥫或執漏用品可以Day 1先黎補給。
❌便利店係冇BB嘅即食固體食物㗎～❌

Day 2 -
一直糾結到底去水族館定係動物園，最後見tripadvisor 評分係平川動物園較高，就決定咗我哋Day2行程。

由中央站撘JR往指宿方向喺五位野站落車，再步行20分鐘，就會幾經辛苦到達動物園。
*要有心理準備步行唔易行，有大暗斜⋯沿路係馬路，得飲品售賣機補給

入到園區，就立即見到足浴池同迎面嘅長頸鹿～🦒
園內有141種唔同動物，睇動物嘅距離好近👀，可以餵兔仔羊仔，有跑埋腳邊嘅公雞🐔，亦有一繩之隔嘅袋鼠。有別於香港同國內，環境乾淨整潔，就算動物例如鱷魚🐊潛入水都可以清晰可見。
而且沿路有「順路」指示牌，唔會有miss咗嘅區域，初時Wilma媽預期用2個鐘快行，行足3個幾鐘先夠睇。

呢個動物園嘅性價比好高，除咗動物，仲有摩天輪同碰碰車等小量付費遊戲。雖然路途稍遠，但都好值得去。👍🏻

⭐️平川動物園⭐️
⏰開放時間：9am - 5pm
💲入場費：成人 500円 中小學生 100円
幼兒免費
👶🏻嬰幼兒設施：園內嬰兒車租賃 300円
大量多用途洗手間及育嬰室（每步行五分鐘都見到一個！）
🚗交通：
1）🚞JR鹿兒島中央站→五位野站（乘坐指宿枕崎綫約25分鐘）
五位野站→步行平川動物公園（步行約20分鐘）

2）🚍巴士（鹿兒島交通公司2號綫、每隔20分鐘一班、車程60分鐘）
鹿兒島站前（水族館前）→天文館→高見馬場→郡元→谷山站前→五位野站前→平川動物公園

去完動物園，下一站係最期待嘅嬰兒用品瘋狂購物。🤤
Akachan同西松屋對媽媽們黎講未必陌生。未出發鹿兒島Wilma媽已經search定去哂2間朝聖嘅路線同分店地址。
撘返指宿綫去到宇宿，步行10分鐘🚶🏻‍♀️，就會去到西松屋，對面商場2樓就係Akachan，簡直一石二鳥！

西松屋係日本知名嘅嬰幼兒連鎖店，佢亦有做網店，唔少香港嘅媽咪都有喺網上買佢嘅衫仔。佢主打平價路線，質地係冇咁好，但絕對可以接受。
鹿兒島呢一間分店勝在冇乜人，貨品亦算齊全，Wilma媽喺呢度買咗浴衣👘、衫仔、泳衣👙、玩具、BB小食俾芊羽同朋友嘅小朋友做手信。
呢間分店好似已經算係幾細，但係單拖湊住魔王芊行動物園行到筋竭力疲嘅我，依然喺呢度行咗成粒鐘⋯🤢

再嚟就係性價比更高嘅Akachan，💡首先要強烈建議大家認住佢嘅日文寫法，因為佢個鋪面係完全冇英文，係商場外面如果你唔知佢個日文名你根本唔會認到佢。
💡第二個建議，就係大家最好去咗Akachan先去西松屋。因為Akachan嘅貨品比西松屋更靚更多！
宇宿分店係上年11月先開張，店舖面積目測2000呎😱，由懷孕期需要嘅用品到小朋友3歲嘅衫都一應俱全。自家牌子嘅質地極好，浴衣更加係必買又抵買單品。但因為Day2約咗同事晚餐嘅關係，喺呢度匆匆半小時就要趕車🏃🏻‍♀️，完成咗我哋Day2！

⭕️西松屋宇宿店
地址：〒890-0073 鹿児島県鹿児島市宇宿2丁目2−18 宇宿ショッピングセンター内2階
營業時間：10am - 9pm

⭕️Akachan宇宿店
地址：〒890-0073 鹿児島県鹿児島市宇宿2丁目3番5号　オプシアミスミ2階
營業時間：10am - 9pm

提外話，同事們兩晚都去我哋酒店樓下嘅屋台村，感覺地道，影靚相同飲酒傾計一流，如果冇帶小朋友可以一戰！

Day 3 -
呢一日我哋嘅行程較為隨意，去到原本應該更早嚟嘅指宿。
指宿呢個地方有好多景點，例如沙浴、溫泉、傳說有水怪嘅池田湖、人工嘅花海。一出車站，就有南國小島嘅感覺，有好高嘅樹。🌴
原本打算食嘅流水麵🍜，但因為要趕上預早訂咗嘅特別列車，最後轉移陣地，我哋去到日本最南車站—西大山。

由中央站乘撘一個鐘嘅車程（注意，去西大山班次唔密），芊羽比爸爸更叻，去到日本至南。呢個車站本身係冇人嘅🛤，得一個寫住「日本最南車站」嘅打卡必影牌，一個有好食抹茶軟雪糕嘅大型士多，一個代表幸福嘅吊鐘，一個黃色嘅郵箱。但因為天色好靚，又有繡球花，喺呢個地方，Wilma媽同芊羽影咗幾十張相⋯
返到指宿，我哋坐預先訂飛嘅不停站特別列車指宿玉手箱號🚋（要喺JR網站登記成為會員再預訂）返中央站，沿途可以望到好靚嘅海景🏝，令人腦袋放空呢～

返到中央站，購物狂Wilma媽Day2 Akachan未夠喉，又再去多次宇宿akachan補買一堆戰利品，滿載而歸返酒店😍

夜晚7點，我哋喺酒店休息咗一陣就撘巿電去天文館。
天文館係一個商店街，媽媽們要買藥妝同手信都可以喺到搵齊。
但當然，相比大阪等大城市，天文館大概只有三分一嘅舖頭，係一個一兩個鐘行哂嘅地方🤓

Day 4 -
完結育兒之旅，Wilma媽作最後衝刺，黎到中央站Amu plaza。
呢個商場非常好行，有大人嘅衣物、玩具精品，有一層更加係本地兒童服裝集中地，如果媽咪係鍾意買嘢，呢度可以消磨一個下午。
我就同扭眼瞓嘅芊羽，去到商場頂層影貼紙相，完美結束我哋今次飛甩爸爸日本自由行旅程喇！

總結呢4日3夜1on1之旅，日本擁有極完善育嬰設施，確係帶小B去旅行嘅最理想地點。一路上嘅多功能洗手間，衛生嘅街道環境，見Wilma媽一個女人仔抱住扭抱BB又抽住BB車上唔倒有一大級嘅JR忍唔住熱心幫忙嘅乘客，令我哋順利完成旅程。
雖然芊羽大個肯定唔會記得呢段回憶，但媽媽唔會忘記呢個屬於我哋兩個人嘅小歷險。

希望大家親子遊都會考慮下比較少人揀嘅鹿兒島，多謝你哋睇我呢篇超長遊記❤️
我寫得唔係好仔細，如果你哋想問關於以上行程嘅資料歡迎inbox或comment，我會盡力解答～