唔好講係咪飛行常客，作為一個香港出世香港長大嘅人，我難過。 一年之前，短文一篇(見下文)，寫咗我對本地品牌嘅情意結；今日再睇，更加傷感。不過三百幾日之後，香港大行、主題公園、龍頭航空公司，先後失守；疫情當然係主因，但係多年嚟過份依賴單一市場，結構失衡，不無關係。 呢一年嚟成日都講嘅一句：「回不去了」；就算疫情結束，一切都唔再一樣。當然戀戀過去就走唔出將來，但見曾經令港人引以自豪嘅名牌輝煌不再，豈能不感慨；「回不去了」，已經返唔番去嗰個閃閃發光嘅年代。 工作關係，我算飛得幾密下，幾乎咩airline都坐過。不過如果你問我會記得啲乜，我會話我永遠記住咁大個仔第一次自己坐飛機，係CX，喺啓德機場連機口都唔知點去，個地勤姐姐由check-in帶到我上機；我記得自己出trip出咗成兩個月，一入cabin就好似返咗香港咁(雖然杯港式奶茶好甜)；返大陸做嘢必選KA，多port，套制服又靚到忍唔住要望多兩眼(畀我膚淺下啦😭)；我算係DND客嚟，就算long haul，都係welcome drink唔飲正餐唔食，畀支Shiraz我隊冧自己就瞓，最多要個cheese platter囉。 我記得呢啲片段，我記得嗰個香港；身邊好多朋友從事航空業，祝願大家，一切安好。 (下為舊文，寫於2019年8月21日) //坦白講，話唔失望就呃你嘅。 近日嘅新聞，大家都有眼睇，一間標誌性嘅香港航空公司內外受壓，結果，做出咗一啲決定。 失望，除咗因為聞到嗰陣身不由己嘅味道之外，更多嘅係感情分；諗番起人生第一次搭飛機，就係CX。細個嗰陣自己一個飛嘅話，係會有地勤帶住你過關兼陪到你去閘口；上到機，啲crew見你小朋友自己一個，又會特別照顧你，嗰陣嘅服務真係好好。大個咗，無論做嘢定去玩，有得揀我都盡量揀番佢哋。我知，我知喺CX買張long haul J夠喺其他airline坐頭等、我知大把航空公司嘅嘢好食好多、我知好多啲機又新又靚service又好；但有啲嘢，喺第二度搵唔到，而又無其他嘢可以取代嘅 - 就係嗰份「香港味」。 以前出trip，一走就起碼一頭半個月；風景再靚嘅地方及唔上維港夜景、再好嘅酒店都唔夠屋企張床咁舒服，所以每次做完嘢都歸心似箭，只係想極速走人；搞完security check，過埋海關，行到機口就有人用親切嘅廣東話greet你、有你熟悉嘅香港報紙、inflight entertainment有最新港產片 - 感覺就好似早咗十幾個鐘返屋企咁，思鄉病情稍稍舒緩。有段時間，佢哋長期喺世界航空公司排名位居前列，我居然會覺得開心；諗深一層，其實又好似唔多關自己事，後來先知點解。個情況有少少似香港運動員喺國際性比賽攞獎牌，又或者本土演員攞大型影展影帝咁；以香港做基地嘅公司威水喎，作為港人，覺得與有榮焉都唔出奇。香港一個彈丸之地，出過奧運金牌得主、有康城影帝、有間世界排頭幾位嘅航空公司，香港人，好嘢。 後來嘅事，我諗大家都好清楚嘞：炒輸期油，排名下跌，因航之名不逕而走，喺入面做嘅朋友個個都嗌辛苦；但係，我都仲係希望盡量揀番佢哋。冇錯，碗白飯有時係硬嘅、舊牛扒經常都接近well done、hotline次次都要等好耐；好似有啲犯賤，但嗰種香港味道，真係冇嘢代替得到。 利申，我的確幫CX拍過兩次宣傳片，但係呢個真係唔係廣告嚟，純粹有感而發；一間代表住自己屋企嘅航空公司，遭遇恰似今日香港，令人無法子唔感慨。記得上年仲因為爭十零分DM唔到而「哎吔」咗一聲；作為一個小小嘅gold member，只係希望喺好多年之後，香港人嘅航空公司依然係香港人嘅航空公司；香港，依然係香港人嘅香港。 「香港人加油，萬事小心。」// #WeAreHongKong #香港人加油

最後旅行回顧一post, 第一次帶bb 旅行真係有好多野要注意： 1. 日本只有bb 用品店先有蒸餾水買，所以要香港帶水去 2. 要準備大量玩具同零食，俾bb 解悶，否則坐飛機咁長時間，一定會嘈 3.如果想方便，就帶佢食開既野去，唔洗當地買野再煮，我地帶米糊同米米粥！係當地唔好亂試新野，我地只俾佢食過和牛，新鮮生菜（溫野菜豆乳湯底整熟），香印提子，蘋果同埋勁甜炸蕃薯同粟子，冇調味料既😋一一樣樣都追食 4. 如果爸媽想有覺訓，就要book 定bb 床，除非平時都同床訓開，但唔係間間酒店同房型可以放到bb 床，一媽就每間inbox 去問 5. bb機票係平，但唔係架架機都有bb 籃（如，香港航空），一媽就打去航空公司check 左先買機票！如果冇bb 籃，就要全程抱住佢，日本坐4個鐘機，一歲bb 唔會安靜坐定，所以買左兒童位俾佢坐同訓，但就需要打去航空公司個邊改資料！btw, 即使坐兒童位，但航空公司都有俾bb 安全帶！ 6. 選擇航班時間都好重要，唔好影響bb 作適時間，我地坐11:30am起程同5:00pm回程！上機前俾枝奶佢食，每程都訓左大約2粒鐘！ 7. 機場同入境都有priority lanes, 方便唔洗排長龍，同埋會俾你拎水入去，唔限ml, 不過就要每枝開俾佢聞！ 8. bb 車細架就可以handcarry 放行李架，航空公司會俾個膠袋你袋住架車，上機前要收車！ 9. bb 餐即係果蓉，呀囡冇食開，所以完全冇興趣，一定要自己準備定野食！ 10. 奶粉，好彩我地帶左大半罐，因為佢有幾晚訓覺失常，我地有沖奶安撫佢！ 11. 訓覺最好係俾返同樣環境，例如有一晚唔係全黑，半夜有醒，又或者夜晚食飯時間又訓左陣，結果唔肯訓！所以每日出門時間都係好隨心！ #bb旅行

坦白講，話唔失望就呃你嘅。 近日嘅新聞，大家都有眼睇，一間標誌性嘅香港航空公司內外受壓，結果，做出咗一啲決定。 失望，除咗因為聞到嗰陣身不由己嘅味道之外，更多嘅係感情分；諗番起人生第一次搭飛機，就係CX。細個嗰陣自己一個飛嘅話，係會有地勤帶住你過關兼陪到你去閘口；上到機，啲crew見你小朋友自己一個，又會特別照顧你，嗰陣嘅服務真係好好。大個咗，無論做嘢定去玩，有得揀我都盡量揀番佢哋。我知，我知喺CX買張long haul J夠喺其他airline坐頭等、我知大把航空公司嘅嘢好食好多、我知好多啲機又新又靚service又好；但有啲嘢，喺第二度搵唔到，而又無其他嘢可以取代嘅 - 就係嗰份「香港味」。 . 以前出trip，一走就起碼一頭半個月；風景再靚嘅地方及唔上維港夜景、再好嘅酒店都唔夠屋企張床咁舒服，所以每次做完嘢都歸心似箭，只係想極速走人；搞完security check，過埋海關，行到機口就有人用親切嘅廣東話greet你、有你熟悉嘅香港報紙、inflight entertainment有最新港產片 - 感覺就好似早咗十幾個鐘返屋企咁，思鄉病情稍稍舒緩。有段時間，佢哋長期喺世界航空公司排名位居前列，我居然會覺得開心；諗深一層，其實又好似唔多關自己事，後來先知點解。個情況有少少似香港運動員喺國際性比賽攞獎牌，又或者本土演員攞大型影展影帝咁；以香港做基地嘅公司威水喎，作為港人，覺得與有榮焉都唔出奇。香港一個彈丸之地，出過奧運金牌得主、有康城影帝、有間世界排頭幾位嘅航空公司，香港人，好嘢。 後來嘅事，我諗大家都好清楚嘞：炒輸期油，排名下跌，因航之名不逕而走，喺入面做嘅朋友個個都嗌辛苦；但係，我都仲係希望盡量揀番佢哋。冇錯，碗白飯有時係硬嘅、舊牛扒經常都接近well done、hotline次次都要等好耐；好似有啲犯賤，但嗰種香港味道，真係冇嘢代替得到。 利申，我的確幫CX拍過兩次宣傳片，但係呢個真係唔係廣告嚟，純粹有感而發；一間代表住自己屋企嘅航空公司，遭遇恰似今日香港，令人無法子唔感慨。記得上年仲因為爭十零分DM唔到而「哎吔」咗一聲；作為一個小小嘅gold member，只係希望喺好多年之後，香港人嘅航空公司依然係香港人嘅航空公司；香港，依然係香港人嘅香港。 . 「香港人加油，萬事小心。」 . #WeAreHongKong #香港人加油