【龔成問答信箱】（Q22461-Q22480）

Q22461：

老師，阿里巴巴講話警告稅率會轉變，對佢影響有幾大？

龔成老師︰

其實而個講法只係預警，暫時都未知到底最尾會發展成點。

阿里(9988)以往被視之為「國家重點軟件企業」，稅率只需10%。如果中國政府除去佢「國家重點軟件企業」質素，佢就要好一般企業一樣，支付25%所得稅。

當然，未必係佢全部子公司，都要支付25%所得稅。因為部份分部(如天貓、淘寶中國等)，本身同時受惠於「高科技企業」或「認定的軟件企業」稅務優惠，就算失去10%的優惠，都唔會一下子跳到25%咁高。

當然，會否全部稅務優惠，都全部被移除，都無人知。

若果成事，有機會令阿里每年增加過百億稅務支出，由於稅務因素，會影響集團長線盈利能力。若真的發生，估值上就有需要下調。

現階段只能說，此股現價合理，但估值有機會要再調整。在有較多不確定因素下，此股暫時不要大注。

------------------------------------------------

Q22462：

老師，我現時20歲 想問一問你我的持倉是否合理。1351 是在不理性時買入的 希望你比啲意見

持有：
3067 十四手 $均價16.48
9988 一手 $204.8
1313 一手 $7.87
1448 一手 $7.33
1351 一手 $2.7

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時20歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

現時你持有股票，都係有增長潛力和質素，你可以照持有。

當中，輝煌明天（1351）係中國的廣告公司，主要提供以下兩類移動廣告服務。

（1）中介服務：擔任客戶的廣告代理，將客戶與其指定的媒體發佈商相連接並投放廣告；該等廣告以不同形式發送，包括動態消息廣告、應用程序商店廣告及視頻形式廣告。

（2）精準廣告服務：為客戶計劃及進行廣告投放，並負責整個廣告流程；該等廣告通常以在媒體發佈商營運的移動應用程序出現的彈屏廣告等形式展示。

佢主要為客戶宣傳的5大服務或產品類別包括移動互聯網服務、移動工具程序、金融服務、手機遊戲及電商。

睇翻過往財務數據，業務都有增長的，不過盈利就有少少波動，反映好受市場環境影響，對經濟較敏感。規模較細，未見有好大獨特性。你只有一手，照持有都可以，但不建議加注。

但在平衡配置上，你有地方可以改善。現時組合，你係好偏重左係潛力股(3067, 9988, 1313, 1448)，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

現有持股不用沽出，只要未來時間，慢慢加大翻平穏增長股部份，令組合回復平衡，咁就可以。

最後，我建議你把握年青，去努力學好投資知識。要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q22463：

龔成老師你好 我今年35歲，已婚並育有1子（4歲）我已拜讀你7本書籍，但對自身面對的問題仍然感到迷茫，望老師對我的情況做作指點和評價。

我為家庭唯一收入來源，月入約70000－80000。最近把所有資產轉為現金約1200萬。

雖看似不錯，但現有工作最壞情況只能再維持2－3年，之後可能只有20000－30000月入（收入不可靠進修或個人努力改變，除非創業）。

現有生活質素為租住約1200萬單位和為有車人士。兒子學費約15000一個月。家庭沒有其他特別消費。

如果希望將來生活能夠至少保持現有質素，請問老師會你會如何步處？

感謝老師指導

龔成老師︰

其實你都算年青，除了創業外，我相信你努力，都有機會找到一些較高收入工作。

以你35歲，我一般會建議先利用「平穩增值股」+「潛力股」作投資目標，做好財富增值部份。

由於你係家中收入唯一來源，在進行任何投資前，你應先儲起最少半年開支，作應急之用。

以現時大市合理區狀況，你可以先用一半資金，慢慢"分注"買入優質股。餘下一半，就等大跌市機會。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

但若果你真係預期用盡方法去開源節流，未來都有好大機會，長時間出現入不敷支的狀況。你可以將部份資金，用來買收息股，去補助你每月現金流。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，每個人都有自住需要，建議你長線都要計劃添置一間自住物業，以免受租金波動風險所影響。

------------------------------------------------

Q22464：

您好龔sir,我想請問下3868信儀能源,2号公報業績,想請教您有何見解,謝謝

龔成老師︰

信義能源（3868）有質素，佢主要於中國經營太陽能發電場業務，並向國家電網的當地附屬公司銷售電力。

而佢派息高的，因為管理層話會用高派息政策。

投資價值都有，但不能投資太多，因為佢業務都有風險的，要注意股價波動，如分注長線都可以投資。現價已經係略貴，回多1,2成才好開始小注。

------------------------------------------------

Q22465：

龔sir , 想請教下你既投資部署。我老公早年買股票損手，虧蝕了好多，現時佢投資組合以下，想你比比意見。

佢40歲，月入12萬左右，佢行業黎緊有些不確定性，帶機會帶來重大變化，有一層剛買的自住物業 ，月供23000左右

3878 420000股 平均成本3.4
1833 400股 平均成本97.4
3808 4000股 平均成本13.5
6060 2100股 平均成本29

9988 1000股 平均成本180
3067 200股 平均成本15.9
1024 400股 平均成本120

有100萬現金在手 ，想拎其中30萬再投資股票 ，以上股票需要減持d嗎？ 另外建議買咩股票較理想？或者建議投資什麼？

龔成老師︰

首先你要明白，我地唔好用買入價，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

近期中央不斷有新政策出台，令大市氣氛轉差，不少股票都出現大幅回調。但我地要考慮地方，唔係佢跌幾多，而係D企業長線質素，有無被影響。

睇翻你老公持有股票，全都都係有質素，而且整體買入價，大致都係合理，都唔見質素上有明顯轉差，可照持有。

但要留意翻，以下幾個重點問題。

首先，較大問題係VICON HOLDINGS(3878)，佢主要於香港及澳門提供地基工程及配套服務，此股市值唔高，每年盈利都只是1至2千萬。

這企業唔係話無質素，但始終規模唔大，你預佢股價會較波動，此股不宜太大注。

而且，就算一隻股票再優質都好，我地都唔好太偏重係佢身上，成個組合要平衡。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

現時這股佔組合太重，必需要減持部份，換至其他優質股上。

另外，眾安在綫(6060)、平安好醫生(1833)盈利能力未穏定，甚至係未有盈利。唔係話佢地無投資價值，只係不確定性較高，不宜持有太多，暫時唔好再加注。

最後，你先生而家組合，太偏重左係潛力股(全部持股都係)，佢地雖然有增長潛力，同時風險都較高，不宜持有過多。

以你先生40歲年紀，潛力股可佔約4成，餘下應用以下平穏增長股。若你先生投資經驗較淺，潛力股比重，要再調至2-3成以下。到他學到一定投資知識，才慢慢調高。

但唔需要沽出現有持股，只要未來時間，你先生慢慢加大翻平穏增長股部份，去令組合回復平衡，咁就可以。

你現時個30萬和沽出3878資金，可以分注買入以上平穏增長股，它們現價都合理。餘下70萬，我地就等大跌市出現，才去入平貨。

------------------------------------------------

Q22466：

你好龔Sir！唔好意思打攪您，有d投資分配上既問題想請教您。

本人32歲單身，月入月50K，沒有太多家庭負擔。2017年同家人合份於觀塘月華街買一50+年齡頂樓單位作收租投資，用本人一人名下購入，最近租約將到期，

現在家人結婚想自己另外買樓，需要資金，正考慮將觀塘單位賣出同家人分拆，抑或買下家人果一半業權

考慮因素包括：

-本人大部分資金現在壓係股票上大概120萬
-如果買下另一半業權可考慮賣出部分股票定將單位作按揭換取流動資金去買呢
-舊樓頂樓存在滲水甩牆漆等問題，日後長期維修保養手尾多
-觀塘現在正重建，亦都有大型新樓落成，該舊樓單位會否有升值潛力呢
-抑或賣出單位再物色另一個，或換得流動資金買股票好呢

以上希望聽下您意見/建議哦！感謝您！

龔成老師︰

觀塘因為坐落東九，政府計劃將來將東九發展成一個大型商區，附近地區樓價必然有一定支持。

但問題係你間屋已經50+年，又出現較多維修問題。如果保留放租，長線你維修成本，可能會慢慢蠶食你租金回報。

50+年樓本身已經較難做長期按揭，對新買家吸引力都較弱。

而且現時市況，優質股值博率明顯較高。因此，我偏向建議你沽出物業，套現去投資優質股作增值，相信會較好。但現時大市只在合理區，資金唔好盡用，要留少少等大跌市機會。

當然，如果你此期間，發現有質素又超值的旬盤，你都可以用套現資金去投資。

------------------------------------------------

Q22467：

龔sir，睇左你專頁一段時間，遇到跌市，心境比從前平靜多了，可以不用常常看股價，但看到數天的波動，不禁有點擔心，雖然已留有現金待入貨，但手持的股票跌了一半有多，應該繼續持有嗎？

788 @ 1.49
2126 @34.6
2131 @ 9.6
3908 @ 18.9
6618 @ 111

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。

這股長遠仍算有發展力，可長線。不過，潛力度比過往略減。如果想組合增長力較強，可考慮上翻D，部分轉其他。

藥明巨諾（2126）、云想科技（2131）、京東健康（6618）都是有風險有潛力類別，這類股，你要有心理準備上落大，不宜持有太多。

中金公司（3908）質素算是不差，增長力都有。

業務包括投資銀行：提供股權融資、債務及結構化融資、財務顧問（包括併購、戰略聯盟及公司重組等）及新三板服務。

以及股本銷售及交易：包括經紀業務及資本中介業務。

固定收益、財富管理服務、投資管理都是佢業務。

佢主要在中國國內經營業務，亦在香港、紐約、倫敦及新加坡設立網絡。

其實佢不是無生意，盈利都有，增長力都不差，可持有。

------------------------------------------------

Q22468：

龔sir, 我係投資新手，之前$380買了1手美團， $290入左1手阿里巴巴，已經跌左3，4成，到底我應該點做好？ 唔想止蝕，但我又唔急住套現，但想問你覺得呢兩隻股質素如何 ?

現時投資策略又應該點做？應該分段買入溝貨定係買下其他股票平衡配置風險? 儲蓄還有大概40萬現金左右

如果買入其他股票又有什麼建議？

還是投資美股etf 仲好？

同埋都想知港股開始進入熊市未？

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂，你一手就守住先，但預佢上落大。

至於阿里（9988），買入價貴，暫時只有守住先，之後會好翻D，但要上翻去，要耐心。

美股港股，最重要是尋找優質股，中資股雖然有政策風險，但如果捉到政策方向，反而可變成好有利的工具。

至於牛熊，現世代的作用已大減，你集中分析「企業長遠質素」就得。

------------------------------------------------

Q22469：

龔sir想請問隻1024快手点睇？本人2OO買入，点解好多股票跌咗多年都冇法升返以前价位？係咪唔識唔好買股票？

龔成老師：

如果投資經驗不多，應該考慮一些較穩健的，例如ETF、港鐵（0066）、恆基（0012）等，快手（1024）是較高風險類，估值好難，所以股價上落大，如果持貨多，可能要減少少，如不多，就守住先。

但佢不是無質素的，佢係全球數一數二大的直播平台，絕對是一隻優質股，有獨特性，有客戶群，有潛力，長遠的發展力正面。這股有長線投資價值。

快手與業務夥伴合作提供了一系列產品和服務，於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。

快手科技已建立了穩定的用戶，在全球已佔據了重要的位置，企業有一定的優勢，以及獨特地位。加上用戶仍在快速增長，以及增長趨勢仍持續，預期有一定的發展。

雖然這刻盈利不多，甚至因加強發展業務而出現虧損，但這類股的分析特點是將來，等之後的收成期。

由於已擁有一定的優勢，以及仍增長中，企業要將用戶化成現金並不困難，只是時間問題，以及多少問題，預期2022年盈利模式已穩定，同時有一定的盈利。

簡單來說，企業有質素，有發展。

現價雖然無之前咁貴，但仍未平，可稱為合理區中上部至頂，但短期股仍會十分波動。

------------------------------------------------

Q22470：

老師 的想問關於存貨周轉率 跟返進階班第三課 文字版資料 六福銷售成本應該系7910751除平均存貨8427334=0.94（次）之後

存貨周轉日360除0.94=383（天）但系另一份筆本第30頁，顯示存貨周轉日系274日 是不是我計錯左條數，

另外我想問問銷貨收入，系邊一個部份，可以搵到呢條數，唔該哂呀sir

龔成老師︰

你計算係正確，用我上堂教的方法，答案會係383日。而274日係中銀網資料，佢提取存貨價值的模式，同我上堂的有不同。

如果你有留意1,2堂，我都有提翻同學，其實網站有時個計算方法，或者提取資料等，有機會各有不同，所以會出現誤差。

所以，你最好只係作參考。要較精準地計算一些數據，有時係要我地自己動手計算，才可以得出較有意義的數字。

"銷貨收入"一般就係指你個"營業額"，你可以係損益表中找到。

------------------------------------------------

Q22471：

龔sir ，最近有件事比較煩惱，現時自住樓已供完，銀行估值約$450萬（河畔花園），小妹一直都想住村屋 可以種植物，又無特別要求那區（工作九龍區），但都想住近d市區。

Sir你可以建議那些地區村屋比較有增值或環境比較理想，和我應該如何做按揭？應該fullpay 或比首期？

龔成老師︰

你可以考慮在沙田區找找，當中都有一些村屋的，相信會較適合你，你可以睇下當地的地產代理。第一，沙田這區我睇好，第二，近你現時的地點，第三，近你九龍返工。

住村屋的人，一般都係希望有較好環境，或者入場費架平的人。你預增值能力唔會高，如果交通較便利和接近市區，會係一個加分位。

但留意買村屋有好有壞的，好處是村屋除了呎價較低外，實用率一般達9成，比較實用。而且，適合飼養寵物或值物人士。

但村屋要注意的事項比較多，村屋不設入伙紙，只有滿意紙，而買入前要確保有滿意紙（因為不少村屋是個別業主自己興建，質素存有疑問，是否有滿意紙都未知）。

同時，村屋可能涉及丁權、地契等複雜問題，甚至有過路費、業權、僭建等問題，買入前一定要了解清楚。

此外，連天台或花園的村屋，要清楚是否入契。

至於按揭方面會較低，一般60%至85%不等，成數不及一般的住宅物業，買入前要預較多首期，更由於成交疏落，銀行估值可能會較低，買入前一定要做估值，而按揭年期最高為25年。

而按揭成數，愈高愈好，因為而家借貸息率低。你應該盡借，再用空出資金去作投資增值，咁會較理想。

------------------------------------------------

Q22472：

龔成老師你好，首先想多謝你一直以來為眾多位讀者解答問題和鼓勵我們，多謝你。

本人37歲，已婚，月入2.8萬，太太月入1萬，每月儲現金$10,000,基金供款共$4000, 其他開支14,000.

基金現金價值70萬，現金儲蓄5萬，股票26萬。(分別阿里巴巴20萬, 中國鐵塔2萬,建設銀行3萬，保利協鑫1萬)

我有幾個問題想問的:

1. 發現基金操控上得不到最大利潤(有大約20%增長)，有需要放手兑現，作其他投資嗎？

2. 如果現階段想買樓兩公婆住，又應該如何部署？買樓後，是否不能做到財務自由？

3. 另外父母在內地有物業，想兑現，但疫情關係又唔想親自上去，有什麼辦法作買賣？然後又如何把錢帶回香港？

先多謝老師的耐心解閲，萬分感激。祝身體安康！

龔成老師︰

1) 你可以衡量基金的投資策略，所投資的資產類別、投資策略、風險程度、市場、費用成本、

以及過往的表現(可以睇佢過往5-10年，如果回報係比主要投資市場高，才值得繼續投資)。

2) 其實我地做財富增值，就係儲優質資產。物業都係其中一種。每人都有買自住樓需要，否則就要一直承受租金變動風險。

但如果你要資金盡用，去買物業，就會令你成個財富組合，偏晒係物業類，咁係唔理想。

最好係你用優質股，再累積更多財富。到你可以置業同時，留有一定優質股增值，和每月供樓後，都能留有一定資金作投資，才實行置業大計，咁會可以維持增值能力，以達財務自由目標。

當然，如果你實際生活上，係有必要即時置業，你都可以入市，只要長線肯定係可以"供得起"，咁就無問題。

3) 內地物業買賣程序，我無研究。

------------------------------------------------

Q22473：

老師，我個仔剛出世，想幫佢用佢嘅利事錢買隻股票，大約5萬，放十年，有無咩介紹？ 謝謝

龔成老師︰

小朋友由於可投資時間長，策略上十分簡單。你可以儲指數基金，盈富(2800)、美股的VOO都得。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險。

------------------------------------------------

Q22474：

多謝老師之前回覆，我有少少地方唔明想問清楚少少：

（1）我查左個貸款息率大概1.3%左右，最多可以拖長到十五年還，咁我即係應該拖到最長黎還，中間就攞自己既人工去投資，

但係要記得留定一筆錢用黎做後備資金喺需要既時候還款？

（2）估值部分你話「而重點係佢當年有一部分虧損，來自終企業務」咁係咪即係如果做估值果陣見到有個唔尋常既數字，就應該搵番果年既年報仔細睇清楚原因？

（3）如果想用評估表做外國既股票估值有冇乜野特別需要注意既部分？定係同香港公司一樣睇番份年報就可以？

再次唔該阿sir幫忙睇左份評估表同埋詳細解釋！

龔成老師︰

1) 這個利率很低，有一定值博率。還款年期，你用最長15年。

現時大市在合理水平，你獲得資金可分注入市，但要保留3-5成資金。唔係用來還款，而係用來等大跌市時機，去入平貨。而每月還款，你就係每月人工中預留一筆現金，去支付。

至於投資邊類股票，你就睇翻自已投資經驗和風險承受能力。較高的話，可投資"平穏增長股"，較弱就投資"收息股"，或者你從2者中取個平衡。

例如收息股，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

2) 無錯，這一點很重要。其實你係年報，發現任何異常數字(特別係個數字都大)，我地一定要了解當中原因，才可以做出一個穏妥的估值。

3) 大同小異，睇年報都係差不多做法。但當然外國市場和文化，始終都會同香港有所不同，係評估一間企業時，都要多了解數字以外因素，以免決定出現偏差。

------------------------------------------------

Q22475：

你好，龔sir。我現持有︰

中海油（2000股）
小米（600股）
VESYNC 1000股
安碩恒生科技 400股
朝雲集團 500股

現股市不穩定。應減持或增持？謝謝解答

龔成老師︰

你要記住，投資唔好受大市氣氛影響，你要客觀分析。到底隻股票，係下跌同時，佢長線質素有無變差。如果無，下跌反而係造就我地入平貨機會。

你現時持有股票，雖然近期有較大回調，但唔見長線投資價值，有明顯轉壞，你照持有就可以。

VESYNC（2148）有少少潛力的，但不確定性高，不宜大注。

中國海洋石油（0883），質素都算有，但不是最高質類別，佢對油價較為敏感，所以，如果長遠油價向上，佢都會增值的。

雖然佢都有一定的規模及質素，但卻不是最高質素的企業，這是由於佢地的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態，沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。所以投資時，同樣不宜太大注。

------------------------------------------------

Q22476：

老師早晨，我有34000股互太，均價8.67，轉倉去朗廷1270係咪更具值博率

原因互太是高位入，即使疫情完結，我諗去返高位既機會好低

反而朗廷因為疫情同社運，跌到0.98，疫情後股價更有機會去返疫情前水平（唔係高位）

老師，1448去到$7.03，你係咪會加注？

同埋1448去到幾多先算平？我計合理價係6.4-7.5

龔成老師︰

互太紡織（1382）這股不差的。佢主要從事紡織產品之製造及貿易。

朗廷（1270）係香港持有酒店的投資信託，重點位於亞洲的已落成酒店，現時酒店組合包括香港朗廷酒店、香港朗豪酒店及香港逸東酒店等。

現時股息率計(1270用2019年股息率計)，朗廷（1270）值博率係較高。

以上2隻都係收息股，我地持有目的係收息，為自己創造穏定現金流。這類股票，比較適合年長/己退休人士，或者風險承受力較低人士。

如果你係較年青，這2隻股票，都唔適合你。

另外，雖然朗廷（1270）現時值博率係較高，但我地唔會因為咁，就將互太全部換晒去朗廷個邊。我地要做個平衡配置，唔好令成個組合偏重係個別幾隻股票身上。

所以，如果你想投資朗廷（1270）的話，你可以將部份持股，換碼過去，但唔係全部。

福壽園(1448)現價在合理區頂，如果你有貨，建議等佢回多10-15%倒，才加下一注。

合理價你計算都接近，你預大約HKD5.5 - 7.5左右。

------------------------------------------------

Q22477：

龔sir，我係股票班學生，我快速計左一下700既合理價 可以俾d意見嗎

我用7年數據︰

2014 35.93市盈 3.23EPS
2015 39.51 3.71
2016 36.04 4.9
2017 31.33 8.97
2018 40.43 9.46
2019 31.14 10.96
2020 27.42 18.37

我將七年市盈由細到大排 然後計中間三年即係 31.33-36.04，至於EPS果到 應該要點拎好。

因為佢個波幅都大 如果take7年 average 就計到 8.51就係 合理價266-306 好似有啲離地

然後我去中銀個網 搵吾同機構對2022既預測EPS 拎機構入面預測EPS最低果個14.81去計合理價，計出為 463-533 好似合理d

龔sir, 想問我甘計有無問題 希望可以指教下

龔成老師︰

你市盈率計法，可以就用這個3年數字(31.33-36.04)。

而EPS，由於企業和行業本身，都係近年才快速增長，因此我地會拿近少少，5年平均EPS作基礎會較準。因應佢增長潛力，上調多25%左右。

再加上10%緩衝區(這個課堂有教，唔記得係乜，就要溫翻初班第5堂SLIDE26)，合理值大約係︰HKD373 - 547。

至於機構預測，你都可以作為參考，睇下會唔會同自己答案差太遠。如果有太大落差，就要找出原因。

------------------------------------------------

Q22478：

龔Sir你好，最近對於複利有d問題諗唔明，希望你有空可以解答

複利係指一隻股票收到的利息再投資返係同一隻股票，咁如果我哋手動做股息再投資，應該點做？

假設一:
我有一隻A股票每個月月供緊1000蚊，而今個月收到500蚊股息，咁我係將呢500蚊係下個月再加落月供度，變成1500蚊去供A股票？咁我第三個月又變返月供1000蚊？

假設二:
咁如果我長揸緊既股票，並無做緊月供，咁我每次收到既股息應該點做股息再投資從而產生複利效應？

謝謝回答！

龔成老師︰

1) 唔洗咁複雜，你月供金額可以不變，只要另外將新收到股息，再買翻股票，就會有複利效果。但有時個股息不多，你可以儲起先，等有一定金額才再買貨。

2) 長揸和月供都無分別，收到股息先儲起，夠1手，而當時價格又合理，就再買。其實成個做法，都係一樣。

可能你會想問，有些股票佢係零派息，咁係唔係就無複息效果呢?

答案︰唔係。因為除了派息再投資外，企業賺到錢，將這些資金重新投入在業務上，都會有複息效果。

當然我地都要考慮翻，企業不派息，去為本身業務再投資，到底係唔係有更高效益。如果係有，就有投資價值。如果再增值效率不高，其實佢派息，才代表管理層做法理智。

------------------------------------------------

Q22479：

龔Sir你好呀。我有計劃明年年中移民,因稅務問題可能要在離開之前賣清股票，以往一直跟隨龔Sir教既方法長期投資

今年年初自律性低左買貴左新經濟股,所以你見到我坐住左幾隻，現在市況唔穩定,心裡其實有D壓力。所以想問問龔Sir我用咩策略去賣清D股票比較好

Current Portfolio

5 - 1,200 @ Avg 51.25
11 - 300 @ 114.91
27 - 4,000 @ 43.79
241 - 2,000 @ 22.05
285 - 2,000 @ 8.58

388 - 200 @ 190.36
700 - 200 @ 587.69
868 - 2,000 @ 7.79
1211 - 2,500 @ 40.05
1317 - 48,000 @ 2.59

2158 - 400 @ 49.63
6618 - 200 @ 136.58
8083 - 8,000 @ 3.57
9988 - 500 @ 241.3

多謝指點龔Sir!

龔成老師︰

其實買新經濟股唔係唔得，只要你唔係近退休人士，按自己年紀和風險承受力，作出合適配置，咁就可以。

但由於你明年中就要移民，需要清空持股。因此，你現時唔好再入貨，反而要慢慢開始分段沽貨。

唔好等到走個一刻，先一次過沽，因為無人知個陣個市，是好是壞。所以，你要分段咁沽，去平衡價值波動性風險。

你不要著重那一個「賺蝕數」而決定留或賣，是重要考慮質素，上述的股票，較高風險或質素較一般的，要先賣出，例如醫渡科技（2158）、中國有贊（8083），另外，另外的，可以分段去賣。

------------------------------------------------

Q22480：

Ar sir, 近日港股市場下跌好大輻度，科網股還有長線投資價值？3690同9988前景質素如何？

想詢問現時700,1810,3690,9988四隻論值博率，邊隻好？

龔成老師︰

近期受中央政策和大市氣氛影響，不少科技股都有較大回調。但我地要睇翻，這些政策到底對相關科技股，有無造成長遠影響。

美團(3690)和阿里(9988)都受反壟斷政策，造成不同程度的影響。你預中短期會較波動，但長線相信這些企業，適應了相關法規後，會慢慢轉好。

因此，若你有持貨，可以照長線持有。但美團(3690)始終不確定性較高，不宜佔組合太大比重。

至於"輪"這類短炒工具，我唔建議你買。因為中短期股價，受好多因素影響，基本上係無得估。所以，我建議你買正股，作長線投資會較好。

而正股值博率，以現價計騰訊（0700）和阿里(9988)係會較高。而小米(1810)和美團(3690)就相若，但質素上小米(1810)會較好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22281-22300）

Q22281：

龔成老師你好，我現有[email protected]大概佔我45%既股票
呢排再跌因為其下衞星場鑽石娛樂場停運
長遠黎講係咪都唔需要太擔心?

而家再跌,應唔應該再吸納呢?
先多謝你既意見!

龔成老師：

對佢會有中短期不利，但長遠，仍是有質素的。澳博控股（0880）有質素的，雖然中短期有點弱，但長遠無問題，仍是一間不差的企業。不過，你單一股佔佔45%，是高風險！

你要在反彈時減持，去翻佔股票組合比例15%以下較穩健。

------------------------------------------------

Q22282：

老師，請問建設銀行仲值唔值得長揸？

我6.07買入，萬咗2萬股，打算收息，但佢最近不斷跌，，目前應該係繼續持有定止蝕？ 應唔應該趁依家低位再吸納？謝謝

龔成老師：

建行（0939）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價，但唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但不是高增長型。

而長遠，會慢慢穩定的，不過，增長力不強。

你有貨可持有，如果目標是收息，可持有。但如果你想增長，就未必適合。至於是否加注，要睇這股佔你組合比例多唔多，以及你的投資目標。

------------------------------------------------

Q22283：

請問522同6869, 285 那一隻值博率高的，6869已經就快52週低位，請問此刻價位是便宜區嗎？

請問2158醫渡科技幾錢可入，現價都是略貴嗎，幾錢為合理區，因上年都要3x ,現在已接近

請問1833同2158比較，邊隻優質的呢

龔成老師︰

唔好用"52週低位"這種短炒分析，去決定一隻股票平貴。我地應從佢質素、行業發展、財務狀況等，去做估值。

因為過去股價，未必有效反映今天狀，特別係企業本質已經有改變，或者行業已有一定變動。你用過去股價作評估，好易出問題。

現價值博率計，現時長飛光纖光纜（6869）會較高，算係合理區。但佢質素有少少質轉弱的情況，唔建議大注。

而質素上，比亞迪電子(0285)會較好，但現價偏貴，回到$40以下，才好考慮。

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價算是略貴，最好回翻多D先考慮。

至於質素上，平安好醫生（1833）會好少少。現價算合理區頂位，最多只宜小注，或可以用月供去儲貨。

------------------------------------------------

Q22284：

老師，如果買樓，以下地區應該選那一區，我打算自住:

1. 荃灣區
2. 元朗YOHO series
3. 屯門瓏門
4. 將軍澳中心
5. 康城
6. 深水埗四小龍

Burget大约700-800萬, 想買較新樓齡, 地鐵上蓋/交通方便, 未來1-2年要BB, 所以希望有400-500呎, 以上選擇那區較好? 或另有建議嗎？

如考慮借按揭, 借幾多成會較好? 你建議男友將所有積蓄放晒落首期, 之後月供較輕鬆(但就冇$再做其他投資), 你建議借幾多成?

龔成老師︰

地區上，其實現時投資價值差唔多。但將軍澳這個典型的住宅區，雖然現時缺乏就業機會，投資價值較中等。

但未來交通配套會日漸完善，如將軍澳跨海連接路日後落成後有助改善交通，利用跨海連接路及將藍隧道，10分鐘便可到九龍區，會提高了這區的價值。

一般來說，市區的長遠價值會好D，荃灣區、四小龍算是這類。

但由於係自住樓，我建議你從生活角度做主要考慮。你要睇下邊個地區和單位，較配會你餘下幾年生活需要，又有一定投資價值(至少同大市同步)，就可以考慮。

現時按揭息口低，我建議盡借。用空出來資金，做投資增值，效果會較好。

------------------------------------------------

Q22285：

老師老師

7.8入1177
$28入1810
$44入左941

近日跌左我應再入D貨定唔理佢？？因我聽你講睇長線的

我仲有0001都係想長線收息的，現在佢又係跌左，其實現在咁嘅時世，應該點儲錢？？？唔通儲金？？

龔成老師︰

只要佢地長線投資價值不變，你照持有就可以。但是否加注，要睇佢平貴水平。

中生(1177)和中移動(0941)現價合理，但你已有貨，再等回多10-15%左右，才再加注會較好。

而小米(1810)現價依然略貴，回多1,2成才加注，值博率會高一點。

長和(0001)都有質素，但已經好大間，增長力唔會太高，但用來收息係無問題。現價算合理區中上部，可分注入貨。

但再提你一次，我地投資選股，會因應年紀和風險承受力去做決定。

中生(1177)和小米(1810)係潛力股，若你較年青，持有這類股票係可以。但若你較近退休，這類波動性大的股票，就不太合適。反而中移動(0941)這類收息股，會較適合。

而長和(0001)有平穏增長力，再加一定股息，基本上你是任何年紀，都可以考慮。

------------------------------------------------

Q22286：

1. 龔老師，收到你的回覆，好感動啊！我因為股市下跌好擔心提早退休的計劃受影響，心情極差。我這個人比較重感情，買香港寬頻，不買香港電訊，

是因為之前個女在那裡上班。太傻了，對嗎？現在，她剛轉工了，哈哈！

請問老師我現價應該加注嗎？我上次入了10000股。

我放工去港島可能太趕，請問上課地點會去九龍嗎？

2. 當然，退休後就不是問題。老師，我擔心的原因是公積金1半放股票，而且2成是2星期前才加碼的。其實，因為我從未投資，所以目前計劃是一半錢留俾基金經理繼續投資，

選均衡組合，其中一半全球股票，另外債卷等。一半由自己購入本港的收息股，當然分段購入，以候理想價格。

請問老師認為以上計劃可行嗎？基金經理JP Morgan, Fidelity 之類收費年息1.25%，你覺得我應該花這筆錢嗎？

靜候老師的寶貴意見。非常感謝！

龔成老師︰

1) 明白，但投資唔好太感情用事，我地真的要理性分析。可能你個女從工作角度，係一個好公司。但從投資角度，又可以能另一回事。

當然，香港寬頻（1310）投資價值都不差，你照保留用來收息，係無問題。現價合理，但若佢已佔你組合一定比重，就唔好加注住。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

至於上課地點，暫時都係香港島個邊，但我間中都會開星期六班的，通常一年開1、2次，星期六下午時間。

下次可能在今年年尾。你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

2) 其實你已快要退休的話，所以投資都應該係相對保守。股票上，我之前提過的收息股，係適合你的選擇。

基金方面，都係一些收息型保守基金會較好。但由於基金有一定管理費，所以我比較建議係自行買收息股。

如果你唔識選擇，你可以買一籃子收息股的ETF，X恒生高股息率（3110）。它是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合。

而債券，都係可以，但必須係一些A級債券，才好考慮。

------------------------------------------------

Q22287：

呀Sir～ 我沽出了0968～我相信佢係潛力股，我本人對太陽能發電有好大興趣，但佢價位太浮動，我年紀係大，但心智未夠定，所以用呢筆小資金準備購入一手2800

好彩得你鼓勵，我身邊有好多人都覺得女性一到左32歲就年紀好大，潛移默化都令我覺得到左呢個年紀又結唔成婚，事業又無起息好失敗⋯⋯但自從過左期之後

（好多凡人都定義女性過左30就是過期，所以我初頭都咁諗，所有野都想趕在這條線完成）過左期後，好多野都看開了，其實仲有好多路可以行……天無絕人之路，

(現在首要做的就是養活好自己同我屋企人）但我相信根據你的方法⋯⋯就算係無咩天份⋯⋯都可以從衣食住行裏找到優質股，當初就是睇中中電公用股的特質，係價位74左右買了，

令我生活質素改善了。現在都堅持番工帶飯，不知不覺都帶了十年飯，就算比人笑我寒酸也不怕，都好過貼錢買難受，係咁嘅時候都仲帶到歡樂比人……哈哈

好彩我樂天，仲練到我面皮厚左。我一定要努力，就算感情上我是個失敗者（其實係我問題，男方對我都算唔差，係我當時太任性，同比左太大壓力大家

我仲衰花心，同其他男性傾計，係我唔啱）能夠找到可以相守的人很難，大家一齊加油!

Sir ~ 我成功購入一手2800! 好野

Sir 的書成功入手你本80後。

龔成老師︰

現在已經是2021年，唔好再比D固有舊思想影響。好多事情，其實唔會因為年齡，而出現限制。有時個限制唔係人地比，而係你比自己。所以，放開點，好多事件自然可以做到。

同埋，有時我地做野，係為左對自己有個交代。所以，有時唔好太介意人地點睇，因為只有你自己，才最清楚自己做緊乜。

信義光能(0968)係有質素，但佢波動性係較大。若你風險承受力較弱，換成盈富(2800)都係可以。

就算再優質企業(包括2800)，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我地唔需要理會，長線持有就可以。

至於感情，是一個需要終生學習的課題。過去的就過它過去，吸引經驗，保持正面，自然就會有好事來。

還有，多謝你支持我本書。睇完之後，你可以先睇埋《財務自由行》和《股票勝經》。因為這3本，會係較適合初學者。加油!

------------------------------------------------

Q22288：

我係澳門既粉絲呀！對你既課好感興趣，唔知你會唔會考慮開網課呢？

我都想問下老師呀，因為我係有私人因素一定要賣左依家既自住樓，咁我賣左之後假設我會拎100萬去投資，咁剩低既錢我係咪可以買番間細樓做自住樓呀？

但會唔會供唔到呀？因為我人工唔高，還是租住屋先？謝謝老師喔～

龔成老師︰

網上課程，我暫時唔會考慮。因為只前都試過有人盜錄，比較麻煩，所以暫時只會開辦實體課程。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

每個都有自主需要，由於你終極目標的物業(900萬)，相較你現沽出物業(480萬)係有一段隔離。你可以先買入較細物業自住，另一邊用優質股增值，再去細屋換大屋。

至於會不供唔起，你要睇翻你個新物業價錢。你比較年輕，人工未算好多。可能你要預留較多資金，去比首期。

當然，另一個方法就係先租屋，再用套現物業的資金，去投資優質股增值。但這個方法，會令你財富組合，偏重晒係股市，風險會略高。

我會較建議用細屋+優質股的增值，因為這個方法會較平衡。

但緊記，這個細屋係用來將來換大屋，所以必需有投資價值，最少要做到跟大市同步。而且個呎寸唔好太細，少於300呎的單位，最好不要考慮。

------------------------------------------------

Q22289：

老師想請教你，如果我層樓7年前以$340萬買近屯市附近約460呎單位，依家升值$580萬，呢層樓近兩年放租每月收租$11500

我最近諗過因為層樓舊了27年樓齡，想賣咗出去攞d錢換另一層一手樓，資產增值潛力會否高d?定係一賣一買所花嘅費用更唔化算？

計唔計意比些意見我作參考

龔成老師︰

27年樓唔算話十分舊，但主要擔心會係到30年，會出現需要樓宇大維修時，這個成本上的風險。

係香港做物業買賣，成本絕對唔細。除非你現有物業，真係好有問題，否則你應維持現狀，保持以租養樓會較好。

另外，我一直都唔係太建議讀者去買一手樓。因為好多時都有溢價。變相令你買貴左，影響長線回報。

------------------------------------------------

Q22290：

龔sir你好，我26歲的，岩岩上星期7月5才開始真正開戶投資，係一個新手，之前有供一份儲蓄保險（供5年，岩岩今年1月供完，大約30幾萬），

大約一個月一萬三 人工左右，現在開了一個富途牛牛（入左18500）玩港股，sofi（入左25000）玩美股

以下是我持有既股

富途牛牛(18500本）
00451 2000股 0.355入
01725 200股 41.0入
01771 2000股 3.45入
Io. 美金25股 1.83入

sofi（25000本）
voo 美金5股 400.78入
apple. 美金3股 142.81入
dis. 美金2股。173.66入

因為之前唔識，左買右買已經蝕咗3000左右，想問我現持有股的因有d都虧損緊，我需要止損沽空，重新制定方向嗎？

還是應該再等這些股升？因現在比較迷惘是否需要將全部股賣走，重新制定下才再買？感謝

龔成老師︰

我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

協鑫新能源（0451）、恒達科技控股(1725)、新豐泰集團(1771)唔係全無投資價值，但質素只算一般，而且風險會略高，長線不宜持有太多。

Ion Geophysical Corp (IO)為技術中心的公司，其業務主要為全球石油與天然氣行業，提供地球物理技術、服務和解決方案。

本身規模唔算大，而且過往股價都好波動。佢這去數年，一直處於未有盈利狀態，加上近年營業額持續倒退。

可能佢面臨一些不利情況，佢唔係完全無投資價值。但不確定性好大，投資時最多只可以少少注。

其餘股票，都係有筆素，你照持有就可以。

其實你除左選股上經驗不足，令到買入一些較弱的股票外。我見你買入價都好多時係偏貴，這反映你定平貴能力，都係有所不足。

因此，我建議你未來時間，先利用月供模式，去建立一個股票組合，以減低買貴貨風險。

你26歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰QQQ、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

如果你對這些股票，未太了解。我建議你先供一些指定市場的ETF，美股可選VOO和QQQ(後者風險較高)，港股可用盈富(2800)。到你有一定經驗，才買入其他股票。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

另外，"保險"只係理財中防守部份，買足夠保障就可以，增值可以留比優質資產(如優質股、物業等)去做。現有儲蓄保可持有，但唔建議再增加這方面的開支了。

------------------------------------------------

Q22291：

你好，龔sir：本人今年35歲，之前都只是持有現金，關注你的F&B和買了你二本書，今年才初次投資股票。

現金：2百萬

儲蓄保險：20年期已供11年，一次領取可領40萬

一層樓：月供8千，貸款剩約1百萬

每月收入：8萬，二夫妻二個小孩。公司退休金：累積左50萬。每月需供養双方父母，所以能存3萬左右

持有股票26萬：
27 @61.6 *1000
1177 @7.38*4000
[email protected]*1000
[email protected]*1000
[email protected]*1000

[email protected]*67 月供2千
[email protected]*1000
[email protected]*2000
[email protected]*300

目標，50歲財務自由。 打算再投資20萬股票，應該如何配置，感謝關注。

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

現時你已經有物業類資產，現有資金，可以較集中在優質股，去做財富增值。

你35歲，應以增值為主，建議你用「平穏增長股」 + 「潛力股」作組合，去創造一個增值平台。2者比例，大約各一半。若你投資經驗較淺，潛力股佔比要下調至2-3成。

你現時持有的股票，都係有質素，你照持有就可以。但當中融創中國（1918）業務不差，有規模、品牌、銷售網絡，但同時有一定風險。

首先，中國樓市如果逆轉會有很大打擊，另外，這股的負債超高，無事就無事，有事大件事。

因此，投資這股不是不可，因為不是完全無質素，但要明白背後的風險，同時明白這一定會令股價較波動，自己最好控制注碼。

現在你每月可儲$30000，但只月供$80000，有點少。我建議先用5成儲蓄做月供(即$15000)，其餘先儲起，用一邊月供一邊儲蓄的策略。

現時大市只是合理區，你現有200萬資金，如果無特別用途，我建議用來投資增值。

你可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於"保險"，其實主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22292：

老師你好，我今年35 ,有17200 股滙豐係手，帳面都蝕緊40 萬，最近考慮緊要唔要放左一半或全部，等跌市再入其他做長線投資，如買其他想問有咩建議，謝謝，不勝感激。

龔成老師︰

你現時狀況，存在2個較核心問題。

首先，匯控(0005)都算係有質素，但佢只係收息股，增長力唔會明顯。

而當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你35歲年紀，應該先做好增值，而唔係儲收息股。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

因此，從資產配置角度，你係需要沽出部份匯控(0005)，將佢地換至其他增長股上。唔係佢質素有問題，而係佢唔適合你，同時佢佔你組合比例過重，而造成了不必要的風險。

以下是一些適合你的增長股，你可以沽出部份匯控(0005)，轉至這些股票身上。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、粵海(0270)

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

平穏增長股，現處於合理水平，可分注入市。現潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22293：

成哥你好，非常讚你的資產配置網上課程。學到很多，特別是買樓置業個chapter.想請教一吓操作。

現時我自己的生意前舖後居，所以住方面的租金己包括在租舖的租金內。打算5,6 年後再買一層自住物業。

非常深刻你講過用資產追資產，所以我最近買了一個出租物業325萬，做了7 成按揭。首期90萬左右，租金回報每月1萬2千。

利息方面可以只供息不供本。年利率1.95% ，定息2 年，之後視乎市場息率而定。打算前三個月交給經紀管理，當交學費學做業主。之後自己管理。

這收入要交税20%，末計每年維修之類雜費。請問這個操作時可行嗎？

風險上，我明白如果無人租和利率上升的話，可以會由 "資產"， 變成 "負債"。

買原因是同區差不多的單位要差不多350萬。這區租盤比較短缺所以放租能力尚算高。

想請問成哥有其他風險或地方要注意嗎？這供息不供本可行嗎？

謝謝！

龔成老師︰

其實物業只要有質素，都是資產。就算因為加息，或者無人租，令到你短期負現金流。但只要佢長線有升值能力，我地都會視之為資產類。

現時計，租金回報率算可以。但你要留意2個問題，首先你個按揭只係頭2年定息，之後個息口跟市場。但所謂跟市場，到底會係幾多? 會唔會令你月供大增，造成財務壓力。

到時如果大增，你要轉按，會唔會有大問題? 你要計清楚。

第二，你現睇翻個單位，呎寸會唔會太細。一般我建議投資物業，只好有300呎以上，即一個家庭的最低要求，咁個投資價值會較好。

------------------------------------------------

Q22294：

老師你好. 這幾年一直有關注你, 叫做小有所得. 亦很感謝你於2年前的回答

大學畢業快2年, 目前有26萬存款, 5000股 1177, 1600股 3067, 月入17k. 預計10月後月入23k

1. 本身計劃約2年半~5年後結婚, 現在白表單人身份抽中居屋. 由於基本肯定只會有粉嶺皇后山的300呎以下單位, 老師覺得應否袋住先?

a) 想買的理由是樓價近年升幅太誇張, 300萬的樓用了5年時間就變成近600萬... 如果私人市場繼續用此幅度上升. 再過3年說不定就完全負擔不到了

b) 不買的理由是皇后山居屋並不算太優質 (雖然相比之下真的便宜) 目前一刻並沒迫切需要, 如果樓價升幅不算誇張, 將來完全有能力用購買地點和大小較為理想的物業

c) 個人想法是現在先購入, 將來有需要時一定有地方住. 而有能力的時候可考慮換樓, 雖然失去短時間內買入更佳物業的機會, 但似乎較為保險

2. 想知道老師對2182天長集團有何看法? 上市後很快就能派息. GP較高, 現金一直維持高水平, 口罩業務得到政策支持. 但同時擔心

a) 為買新廠房而作出的借款會拖累公司發展,

b) 太依賴單一顧客,

c) 市場流通小, 股權有點集中.

謝謝老師的意見!

龔成老師︰

1) 香港長線樓市，我預都係會保持上升。你可以先買入此物業，用以資產追資產，去保持增值。

我地買居屋，都有一個好處，就係可以比市價較平的價錢，買入單位。從而空出較多資金，作投資增值。

但你要明白，這居屋單位，位置唔算吸引，投資價值一般。加上你將來轉手，你係要補回地價(除非賣翻比綠表或白居2)。而且，都有一定買賣成本。

到底係先購入居屋，定先用優質股增值，等遲些買較理想單位，其實無一個必然答案。

但現時從投資角度，股市會比樓市較有值博率。你可以從投資角度、未來收入估算、長線生活所需去作考量，估算出一個較適合自己的決定。

2) 天長集團(2182)我未仔細研究這間企業，有派息表面上係利好，但實際上，都要睇佢派息原因和長線政策。

此股派息因素，對我地判估佢投資價值，影響唔大。此企業規模細，盈利和股價都幾波動。

投資價值係有，但唔算十分高，而且都有一定風險。若你投資係可以，但不宜大注。

a) 用供貸買入廠房，唔一定壞事，只要佢產出價值較高，咁就可以。

b) 佢5大客戶佔收入近9成，主要客戶近6成，的確係有過度集中性風險。

c) 都算可以，未到話十分集中。如果你想知邊D企業有這問題，可以上證監會個"股權高度集中公布"網頁，裡面有列出相關企業。

------------------------------------------------

Q22295：

感謝你的回覆，我女友其實仲有一堆銀行股，不過他最近看了你的股票勝經，已知不能在銀行及科網再加碼，她現在每月月供5000，慢慢平衡返個組合。

不過我也留意到公平值變動，其實我不太明。（如進階班有講到我到時再學習）

另外，我真的覺得你太好，明明沒收我們咨詢費，但每次回應的質素很高，內容十分詳盡。

我希望你打造的品牌越來越有認受性。

龔成老師︰

多謝你支持，我希望可以透過這裡交流，去分享一些正確的投資觀念和知識。從以令一般散戶或者新投資者，可以有個更明確的方向。

其實公平值，我係初階都有講。主要係一些會計上數字(非真正現金收入)，好似物業類股票，你會最常見到。

每年當物業升/減值時，都會反映在公平值上，而這部份會計入盈利當中，令我們估值時出現偏差。

因此，我地去做估值時，要先排除這些數字，才可以得出一個貼近實況的結果。

------------------------------------------------

Q22296：

龔成老師，港交所新CEO攪重組，對港交所有咩影響？

你好龔成老師，請問晶片股中哪一隻相對穩陣小小值博較高？

早晨龔成老師，中國平安$73買，有冇買貴左？

龔成老師︰

港交所(0388)新政策，暫時唔見佢對集團優勢，造成重大改變，依然係一間好優質的企業。

如果晶片股，其實我較建議台積電(TSM)，佢係一間有質素架企業，在全球半導體業界有領先地位。

集團專注生產由客戶所設計的晶片，現時已經是全世界最大的專業積體電路製造服務公司。

如果你睇好半導體發展，可以月供，並長線持有。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型。現價算係合理區中下間位置，分注投資就可以。

------------------------------------------------

Q22297：

老師你好，最近見中慨股因為反壟斷法都紛紛回調

As at而家︰
阿里： $196.5
騰訊： $527.3
美團： $285
小米：$26.35

老師覺得可以點部署？而家價位合理值得入嗎？

另外，啲內銀股都除哂淨，呢排睇緊建行同工行，現價分別係$5.57同$4.48，老師又覺得現價入手長揸好嗎？

唔該哂老師

龔成老師︰

中央近期推出不少政策，一眾大型企業股價，都因此而受壓。但我地分析時，重點都係會睇翻企業長線質素。

暫時未見，這些股票的長線盈利能力，有明顯變差，你有貨可照持有。除了小米(1810)要回多1,2成才算合理外，其他已在合理區較上部，若無貨，已可入小注。

建行(0939)和工行(1398)都在合理區，可以分注。但你年紀較年輕，這2隻都係收息，增長力麻麻，唔係太適合你。

------------------------------------------------

Q22298：

成哥有d人話錢小就唔好分散咁多投資，唔係就賺好小，咁長期唔賣，回報率一樣多，仲要冇咁集中風險，咁講岩唔岩。

如果我月供︰
1000巴巴
500小米
500中國平安
1000眾安
500金沙
500新鴻基
500中生製藥

會唔會太散?但我中意呢d組合。

同埋諗深一層，唔知仲投資舊經濟股有咩用，雖然仲有質素，用黎平衡組合，但我小錢直接全部潛力增長股咪仲好？

龔成老師︰

唔係因為資金少，就唔應該分散投資。只係資金少，會較難去做分散投資。任何情況，其實我地都要盡力做一個平衡的組合。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

你現時月供組合中，股票都有質素。但眾安(6060)不確定性較高，我不太建議用來月供。

建議你將佢換成指數基金，去提升你組合的平衡性。

至於舊經濟股，雖然佢地增長潛力不及潛力股。但佢地勝在穏定性較高，唔似潛力股咁高風險。

你要明白風險高，不等於回報一定高，這是一個錯誤想法。如果成功，回報當然可觀。但由於佢波動性大，失敗時，損失也會較慘重。

所以，「潛力股」不宜持有過多，要平衡。若你係偏年青，可以佔5成。但若你較年長或投資經驗較少，要下調少少至3成左右。

------------------------------------------------

Q22299：

龔sir, 我有以下股票，我現在43歲，想問我的組合會否太多潛力股？我想增持平穩增長股，你有什麼建議？或者對我組合有何意見？

0823 領展 $60.58 有3手
1038 長建 $41.65 有1手
1177 中國生物製藥 $8.0 有I手
1810 小米 $25.7 有1手
1830 完美醫療$4.8 有8000股
6823 香港電訊$10.54 有1手

謝謝

龔成老師︰

以你43歲計，潛力股大約可以佔你組合3-4成，若你投資經驗較淺，只宜佔1-2成。

你現時潛力股比重，的確係有點高，但主要係完美醫療(1830)近年大升所致。你現時持股，不變都係可以。

但未來資金，要優先投入平穏增長股，去令組合平衡翻。

------------------------------------------------

Q22300：

你好龔成老師, 我32歲, 儲蓄有50萬 (其中有30萬剛剛做完一年定期), 月薪3萬5, 每個月用1萬2做月供股票, 儲1萬3,

有朋友提議我把剛完定期的30萬全部買中銀(2388)收息, 請問你覺得這樣可以嗎? 或者有沒有更好建議? 謝謝!

以下是我持有的月供股:

00823 (188股) @$75.6
00066 (306股) @$44.7
02800 (471股) @$28.52
00700 (7股) @$556.5

09988 (25股) @$205.0
01177 (847股) @$7.06
01928 (393股) @$31.35
02382 (33股) @$222.4

龔成老師︰

你現時月供組合，係可以。

但正如我之前所講，我地投資除了選股要有質素外，你都要留意組合平衡性。

個別行業唔好佔組合3成以上(我見你地產類問題，已經修正好)，但個股都不可以佔高於組合15%，否則都會出現過度集中性風險。

中銀香港(2388)係適合你，但不要30萬全數買佢，你要平衡分配在不同行業優質股上。

大市現處於合理水平，那50萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22041-Q22060）

Q22041：

Hello 龔sir 我係你股票班初班既舊生 最近睇緊12號恒基既年報 有d問題想問下

請問本年度盈利後面點解仲有一個本年度收益總額？唔係好睇得明 除稅及重新分類後之本年度其他全面收益淨額 即係點？

仲有佢既基礎盈利14899係點計出黎呢？我嘗試將公佈盈利10192 加 "投資物業及發展中投資物業之公允價值（減少） / 增加" 2413 都計唔到 14899

聯營同合營公司既盈利需要剔除嗎？

最後就係buffolio顯示既恒基 PE係用基礎盈利定公佈盈利計算呢？我需唔需要加減其他數字去計算正確既PE?

唔好意思 有好多問題

龔成老師︰

這頁"綜合損益及其他全面收益表"，係分析估值時，我都唔會特別去參考。因為佢主要係一些非營運性變動，無太大參考價值。

至於基礎盈利，主要係扣除左"物業公平值變動"，所造成之影響。

你可以參考翻2020年年報P.226，你用"本公司股東應佔盈利"，再加翻所以公平值數字(因為當年公平值，都是負數。若當年公平值係正數，你就要倒轉，扣除翻佢。)，就會計到14899個答案。

水牛網顯示，會係用用"本公司股東應佔盈利"作計算(即包含公平值之影響)。

------------------------------------------------

Q22042：

龔成老師你好！好想同你分享個好消息！我同丈夫成功買到第2層樓啦！難得睇中啱心水地區尺數既低水單位，所以決定賣哂所有股票同埋加按少少層樓俾首期

首先 我好想多謝老師你強調儲資產呢個概念，雖然我啲股票唔係大賺，不過起碼不經不覺已經儲到一筆可以靈活套現既資產，全靠呢筆錢 今次先有機會入市。

不過宜家手上已經冇哂股票 現金亦唔多，要供2層樓亦都令少左現金流去儲股票

再加上黎緊首要目標係可以儲到筆錢裝修新屋，想請問老師我應該如何分配長線同短線既投資方向？

現階段應該全部保留現金用黎裝修？還是繼續以月供方式儲貨？

謝謝老師建議

龔成老師︰

先恭喜你，又成為業主。

我地財富組合除左要有增長力和質素外，平衡性都好重要。你現時資產明顯係偏重於物業類，長線你應集中加回一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

至於先裝修，定投資，你要從生活所需和財富增值，2者之間去取個平衡。

但我建議，點都要每月做番少少月供，唔好完全係零。因為你現時係零股票，而大市又只係合理水平，這個狀態唔理想。

另外，由於你要供2層樓，令每月可投資金額減少。你最好盡快將另一層樓放租，去提升自已可投資現金流，咁會較好。

當然，你現時現金太少，都要留一定的現金先。

------------------------------------------------

Q22043：

老師你好，我又有問題想問。看完"80後千萬富翁"後，有一個疑惑

假設我辭職後，以全職股票投資者創富，之後希望分散投資，買入一間物業，問題就來了：

1.沒有工作，全職股票投資者，可申請按揭嗎？

2.同時，過到壓力測試？

3.成立空殼公司，買入物業是否更好？

龔成老師︰

1) + 2)你可以利用「資產方式」申請按揭，而非一般有收入人士，所用的「壓力測試方式」。

或者你可以加入擔保人，都有機會可以提升你成功申請按揭機會。

但坦白講，無收入要做按揭，一般都會較難。

所以最好在你有穩定收入時，處理好物業這部分，之後先辭工。

3) 成立空殼公司買入物業，係可以節省不少稅項。但空殼公司本身，都有不少營運和買賣成本，例如要會計師每年核數、買賣時需要律師評估資產等。

加上公司買物業要支付「買家印花稅」15%，因此否則未必值得咁做。

------------------------------------------------

Q22044：

1:假設，本金10萬，每月再投入1萬。如果比自己目標係每年升15%,咁應該點計，因為以年計

1月資金可用12個月，但12月資金只用1個月。咁我應該用22萬乘15%,定應該點計好?

2：老師，想請問下，假設如果雙方同意，我冇任何牌照既情況下，可以幫人做投資嗎

3:老師想請問下，假設現在有1百萬資金，用了5年時間儲錢加投資得來，有買樓需求，可選擇用來買樓首期或繼續用股票滾下去，

但如果買左首期後就變左股票果邊滾落去既速度慢左，面對咁既情況應該點做好

4：老師，想問如果抽到居屋，又比左首期買左之後，可唔可以出租？

龔成老師︰

1) 唔好諗到太複雜，我地唔係要一個好精準架數字，因為投資中間會有好多變數，未必一切如你估算一樣。

但係你要知一個大概數字，係有意思，可以作參考架數字。

以你情況，可以簡單點，當你當年每月資金，係年尾一次過投入。咁樣計算，簡單之餘，出來結果都會相對保守。

第1年回報︰22萬 x (1 + 15%)
第2年回報︰(第一年回報 + 12萬) x (1 + 15%)....如此類推

2) 如果是《證券及期貨條例》規管範圍，基本上就要有牌照。如果你只係幫下屋企人手，當然另計。其實，當中好講有無「利益」在其中。

3) 如果你係有實際需要，去置業的話，你係可以動用這筆資金。其實物業都係一個資產，都算係一種投資。

但最好，係你置業之餘，都有一定資金，用投資優質股，令成個組合唔好偏左係物業個邊，咁就最理想。

4) 根據正常程序，係要補左地價，先至可以成間居屋放租。

而且，投資物業放租，在香港現時法例下，是不能以高成數按揭進行的，金管局定明，如果要投資物業收租，最高的按數不能高於5成，高於5成者，只能自住。

當然，這是政府的規定，但坊間的做法，往往是另一回事。但你要明白佢地的做法是犯法的，因此一定有風險，做與唔做，自行決定。

坊間不少投資者，就算高成數揭揭都會照放租，其實你照去地產經紀同你講你想這樣，佢地就明，會照同你做，當然，細節位不便在這裡講太多，有機會你上堂見到面，我分享坊間的做法。

記住，所有事情都會有風險的，這是一個值博率的問題，我只可以話，坊間不少人都會照做。

------------------------------------------------

Q22045：

龔sir，你好!多謝你一直耐心回覆讀者的提問。我都其中一個支持你的讀者，你的著作特別是年報勝經，寫得很好。我亦因此開始學習睇年報。

最近我投資左百度(9888)，現價大約210蚊左右。投資原因主要是看好雲業務同智能駕駛的前景。我相信這兩個範疇能配合中國未來的大方向。

配合本身網上廣告業務收益穩定，有利百度發展新增長點。

百度最大的擔心是競爭者多，在今日「全民製車」的時期，百度的賣點只是研發時間比同業長，比同業更早開始投入研究。講到這裡，就引伸出另一個憂慮，就是巨大的無人駕駛投資能否變現。

我明白股價反映公司價值，同時亦反映了市場的對於公司的期望值。但在這裡，我唔識判斷「市場期望值」這件事。

不知我的看法是否正確，百度目前的市盈率大約9倍左右，應該是屬於健康水平。 未知老師的看法如何? 現價應否再加注?謝謝!

龔成老師︰

多謝你的支持!

百度(9888)為全球最大的中文搜索引擎，是內地用家搜尋資訊主要對口，2019年百度用户規模突破10億，而百度App日活潑用户2億，信息流位居中國第一。

當你坐擁不少資訊和客戶群，就可以利用佢地去發展很多不同業務。

雲和無人駕駛，都會係有業務當中較有潛力部份。百度的無人駕駛技術，其實唔錯。雖然越早研發，唔代表一定可以越早市場化。

但百度在無人駕駛技術，無論研發和運作，都累積左一定經驗，有助提升佢成功市場化機率。若無人駕駛技術成功市場化，相信會成為集團盈利的新增長點。

由於無人駕駛市場未算成熟，就算有較多競爭者進場，都未必會造成較大影響。加上集團有一定技術，係競爭上相信會有優勢。

這些部份發展雖有潛力，但都存在很多不確定性，我地好難完全掌握將來發展狀況。因此，係估值時，對這些不確定性較高的分部，要保守少少。

百度現時收入，主要來自在線營銷服務。這部份，集團有一定優勢，預期長線發展正面。

百度在規模和質素上係有，但你預佢中短期會較波動，不宜持有太多。若你資金好充裕，要價加小注係可以，否則等較大回調才加注，會比較好。

------------------------------------------------

Q22046：

龔sir你好，我對於股票買賣只是初哥，之前都是有少少人云亦云既心態作買賣。而我丈夫曾經上過你既堂，從他口中得知你的FB page，最近經常睇你既page增加投資概念。想問下你嘅意見。

本人37歲，已婚未有仔女。月入$58K，丈夫月入$20K多少少，收入算穩定，已購入一層自住物業，仲有17年需要供樓。

之前一路只保守地作儲蓄，大約有流動資金$100萬，扣除供樓，生活費同雜費，每月可儲蓄$24K，想可以好好分配同計劃點樣做好投資理財，為將來有小朋友及退休生活作計劃。

之前買入一些收息股票為主。如下：

0005 匯豐 70.5x1200股+46.2x2000股
1398 工商銀行 6.41x 15000股
2800 盈富基金 28.72 x2000股

1. 睇了你的FB page 後想嚐試月供股票，考慮緊每月用一萬蚊月供0002，2318，6823。這些組合適合嗎？

2. 現在持有既股票組合適合繼續長期持有？定放售？

3. 如果買潛力股，你會建議買邊隻？

期待老師的回覆，非常謝謝！

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你37歲，應以增值為主。平安(2318)係可以，但其餘2隻只係收息股，增長力較弱，唔係太適合。我建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$12000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有100萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

但我建議，在你實行以上計劃前，先儲起半年開支(若你預將會有小朋友，都要預留埋這部份開支)，作為應急之用，咁會較穏當。

2) 你持股雖然都有質素，但匯控(0005)和工行(1398)都係收息股，你年紀不宜持有太多。建議沽出部份，慢慢換至上述股票，會較好。

3) 我上述潛力股，都適合你，但你投資經驗較淺，要控制個比重，唔好佔多過組合3成。

另外，大部份潛力股現價都略貴。現時只有安碩恒生科技(3067)、ＧＸ中國電車基金（2845）、比亞迪(1211)、阿里（9988）、中生製藥（1177）、福壽園(1448)勉強算在合理區頂部，可分注入貨，其餘想買就要等一等。

------------------------------------------------

Q22047：

龔成老師，你好，最近睇左幾本理財書，當中都有一個對沖概念，但睇返sir的書，或fb的對答，好似都好少呢方面既資訊，是否同你理念唔一樣？

另外我本人都買左d科技股，例如阿里巴巴和小米，都諗住有排都唔放，但又唔想繼續供落去，想供d其他行業的（你話同一產業不是多過30%)，

睇左眼科藥物公司兆科眼科，或者是德視佳，一個造藥一個行醫，你會點睇？

龔成老師︰

我主要係建議透過創建一個合適、平衡、有質素的財富組合，去做到在合理風險下，爭取最大回報。

跟一般對沖，去平衡風險有所不同。而且對沖唔易玩，唔適合一般投資者去操作。

兆科眼科（6622）係一間眼科製藥公司，致力於療法的研究、開發及商業化。通過自主開發或許可引進已建立起包含25種候選藥物的全面眼科藥物管線，涵蓋影響眼前節及眼後節的多數主要眼科適應症。

集團初步將策略重心放在中國五大眼科適應症上，包括乾眼症(DED)、濕性老年黃斑部病變(wAMD)、糖尿病黃斑水腫 (DME)、近視及青光眼。

佢已建立起由13種創新藥及12種仿製藥（按國家藥監局的《藥品註冊管理辦法》分類）組成的眼科藥物管線。創新藥管線包括8種候選藥物，若獲批准則有潛力成為中國市場領先產品。

仿製藥管線包括6種潛在中國首仿藥。集團擁有8項已頒發的中國專利及一項已頒發的歐盟專利，並提交6份中國專利申請。

佢已於廣州市南沙新區建造的生產設施，根據中國、美國 及歐盟cGMP標準設計及興建以用於生產眼科藥物，其生產能力完備並可用於商業化規模生產。

由於未有盈利，風險度會較高，加上企業規模不大，因此投資值博率未算高。

當然，由於規模不算好大，若果企業之後成功，可以好勁，但失敗對股價都有很大影響，因此是有潛力，有風險類。

只可以話，這類股，唔建議大注，當小注投資下好了，同時要明白當中的風險。但用作月供，就不建議了。

德視佳（1846）主要於德國、丹麥及中國以「德視佳」品牌提供視力矯正服務。

佢的服務可大致分為屈光性激光手術（包括全飛秒激光手術及飛秒激光聯合準分子激光角膜原位磨鑲術）、後房型人工晶體（ＩＣＬ）植入術；晶體置換手術（包括單焦點及三焦點晶體置換手術）及其他（包括用作矯正眼晴屈光不正的ＰＲＫ／ＬＡＳＥＫ及角膜基質環段ＩＣＲＳ植入手術）。

見佢的財務數據都不差，生意與盈利都有穩定增長，現價算是合理，但不是高增長類，同時由於規模未算好大，可小注直接買入，但不宜月供。

另外，我地月供係一個長線計劃，最少供3年，並持有5年，才會有較佳效果。因為月供可以拉平均個買入價，減少買貴貨風險。

若你經常供一陣就轉，會影響到平均價格效果，令最終回報不確定性增加。

------------------------------------------------

Q22048：

我想請教一下，你覺得應該怎樣教育兒童理財？因為看過你的文章/書本，你都提及學校缺乏理財教育！謝謝！

（期待可以在澳門上課的澳門讀者）

我兒子8歲，有時會問我供樓借貸，公司借錢，點解麥當勞可以咁成功等等，我自己本身不是商科，所以都係google咁簡單講俾佢知

龔成老師︰

我建議你同佢玩「大富翁」、「現金流」這些遊戲。

如果佢8歲已經有這些問題，我相信佢對這方面好有興趣，好有潛質，日後可以好有成就，你可以找一些成功的名人、商人傳記之類的兒童書比佢睇。

書本和遊戲，都係教授小朋友理財的理想方法。好似大富翁遊戲，小朋友可以從享受遊戲同時，也會學到不少經濟理論和操作模式。

另外，書本可以令佢從前人身上，學到一些經驗。當然，佢年紀比較細，較難理解我們成年人睇架書籍。

最好先選擇佢年紀水平，和他有興趣的書籍入手。之後才慢慢加入一些，未必是他有興趣，但又對他理財知識有幫助的書籍。

家長在遊戲和閱讀時，要多加讚賞，對佢學習會有激勵作用。

如果你本身無太多理財知識，就係教授小朋友同時，自已都要增進一下，甚至一齊學習。可以作親子活動之餘，都可以提升雙方學習的樂趣。

------------------------------------------------

Q22049：

老師：我在重整現時持有的股票組合，由於未到8月上課時候，唯有再麻煩老師，唔好意思。想請教以下幾隻股票是否優質和他們的合理價範圍。謝謝！

405
939
2822

此外，以上三隻股票是否都屬於平穩增長股呢？謝謝！

龔成老師︰

這3隻股票，都係優質，同時現價都在合理區，可以分注入貨。

越秀房產（0405）和建行(0939)係收息股，增長力較弱，主要係收下息。以你年紀，收息不用佔太多，大約2成左右好了。

南方A50（2822）算係平穩增長股至潛力股之間，有一定波動性。此股適合你年紀，可以考慮。

------------------------------------------------

Q22050：

老師你好！我居住在澳門，今年45歲，自住房屋市值約900萬還欠貸款400萬，每月供17000。

另有一間市值約600萬已供滿收租約9000（澳門租金較低）

因疫情上年失業，現新工作每月薪金只有18000再加上9000租金，每月收入共27000，每月供樓保險加上生活開支剛好月月清，另有60萬積蓄想投資股票市場。

現時手頭沒有揸股票，想問應唔應該賣咗收租樓，還清400萬貸款，剩餘200萬用來買平穩收息股？還是只用60萬積極蓄投放股市？

另外想買老師你的書，我是股票初學者，適合先看那一本？

龔成老師︰

其實物業都係一種資產，除非你收租物業升值潛力真係好弱，或者質素好差，否則持有用作收租，咁會較好。

至於增值，你可以先用這60萬去做。由於你已經有2個物業，故你新資金應先集中係優質股類，以免出現過度集中風險。

以你45歲，可以選擇一些「平穩增值股」+「潛力股」作投資目標。

由於你現時無太多投資經驗，潛力股這類風險較高的股票，你就不要持有過多，最多維持1-2成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-4成，到時要視乎你投資經驗多寡，和了解這些股票程度而定。

大市現處於合理水平，那60萬資金，你可以先用20-30萬，以"分注"形式慢慢入貨。餘下資金，就等大跌市機會出現，才大力度掃貨，並長線投資。

你可以先睇我架《80後百萬富翁》、《財務自由行》和《股票勝經》，都適合初學者。

------------------------------------------------

Q22051：

龔成老師你好，剛開始月供股票3個月，其中一隻月供2382 平均價179，佢今個月升左好多

我係想長線持有，但遇著咁大升幅，平均價就會拉高 變貴左。心態上係繼續月供 還是停供一個月先？

龔成老師︰

舜宇光學（2382）係有質素和潛力的潛力股，若你係年青至中年人士，月供這隻股票係可以。

現時此股已經偏貴，但由於未到好貴，我地係唔需要停左個月供。短期成本價，係會有被拉高情況，但係月供係一個長線計劃，長遠個價都會拉平衡。

除非佢再升到一個好貴水平，我地可能要減少股款，甚至停供。但大前題係，你有無定平貴的能力。若果無，我建議你不理價值升跌，一直去供。

因為你自行調整供款，如果時機不對，反而大大影響左你平均價格的效果。所以，若你投資經驗較一般，我建議你選好優質股後，唔好理個價，一直供，反而對你最有利。

------------------------------------------------

Q22052：

龔老師你好，我今年31歲，月入二萬五，月存二萬，手持8份儲蓄保險，有啲五年期，有啲十年期，有啲三十年期（大約150萬左右），

有七十萬流動資金，另外有三十萬買咗股票，但坐緊艇包括:

9988（200)$280買入
175 (2000)$31.5買入
1810 （1200）$29.5買入
0066（2000）$38.9買入
1801 （1000）$90.6買入

龔老師我二年後想買樓，想用呢70萬用二年時間滾到100萬，請問有咩建議。麻煩指點迷津

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你持有股票，都係有質素，長線持有係無問題。但信達生物（1801）仍處於燒銀紙的狀態，不確定性好大，暫時唔建議加注。

我地投資股票，其實等同投資一間企業。希望透過其自然增長，以達至財富增值的目的。所以，我地投資一定要較長時間。而2年只算係一個短時期，股價好易出現波動，增加回報的不確定性。

因此，你這70萬不宜作太高風險投資。我建議用盈富(2800)，再加收息股作為組合。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

大市現處於合理水平，那70萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

但這個組合增長力，未必足以2年內由70萬滾到100萬。但佢勝在穏定性較高，在只能投資2年的情況下，這個配置會較為穏當。

另外，"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

你現時持有儲蓄保險，實在係太多。如果佢了一定時間的，你可以保留。但你還很年青，我建議你長線計，應該取消部份，將資金轉至優質股去做增值，會較好。

------------------------------------------------

Q22053：

龔sir，你好！有幾個投資問題想問。

1. 投資黎講，係咪唔應該買保險，或者唔應該買有儲蓄成份保險？

2. 按回報計算，應該買50年樓齡二手樓，還是一手樓？

3. 未來咩房型或者尺數更適合投資？

龔成老師︰

1) 答案係不一定。

我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。保險最大的作用是「保險部分」，反而投資作用一般不大，即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司。

儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

2) 一手樓，好多時都會有一定溢價，變相令你買貴貨，影響長線回報，所以我一直都唔係好建議買一手樓。

至於50年樓齡二手樓，由於已有一定樓齡，除了本身保養成本會較高外。向銀行貨款也較困難，因此投資價值都較一般。

2個選擇，其實都唔係咁理想。除非50年樓係好平，租金回報率又高，而且係一些大型屋苑，才值得考慮。

3) 房型其實無特定，尺寸最好至少有300呎，可以附合到一個家庭的最低限度需要，投資價值會較好。

其實我地投資一間物業，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，才去下一個結論，咁會較好。

------------------------------------------------

Q22054：

你好 龔sir，Follow左你嘅post都有一段時間 我亦都睇左你嘅著作「財務自由行」「80後2百萬富翁」「股票聖經」「50隻潛力股」最近4月中更參加左你加「投資陪升股課程」剛剛都畢左業

其實我一直都想理財 覺得你講嘅理論好實用及貼地，好有循序漸進嘅思維。

老師你所教嘅方法都係由你經驗所堆積出黎嘅結論 炒股散戶10個有9個都輸 你教嘅長期持有優質股其實先係最快嘅捷徑！

我雖然開始理財或接觸真正理財只有半年多啲 但思維上我確實改變左 而我起碼已每日記帳已維持左大半年 而每月月尾也會檢討 (先發現原來自己成日駛好多無謂錢 !) 多謝阿SIR!

老師 就我個人情況 我有幾大重點想請教 先講我背境

今年34歲 未婚沒有仔女 每年有年終雙糧及花紅 年薪為一百萬多啲

換左樓 樓價700萬多啲 做按揭9成 月供約24k 每月可儲到16k 左右 當中10K放左係月供股票

1. 現金約有450k 放左係買樓是「高息戶口 」約 1.4% PA – 都係聽阿SIR教導 留番D現金當做BACKUP 及緊急用錢 – 見戶口又有少少息 所以暫時放係度

2. 股票約有 450k 全部都係2-3月入
788 - 10000股
823 - 400股
1177 - 4000股
1448 - 2000股
1833 - 400股
1928 – 2800股
1972 - 5600股
3067 - 6000股
3918 – 2000股

3. 月供股票 每月10k – 由本年3月先開始供
00175 – 2k
00700 – 2k
01211 – 2k
02800 – 2k
09988 – 2k

4. 沒有其他兼職及副業

問題：

1. 目標 40歲前有1000萬 以上咁樣執完條數好似都未有咩FEEL 想請教阿SIR有咩建議可達到我目標?

2. 計過月複利息回報 上堂提到10-15% 已叫做好理想 但依個都係參考% 點可以令自己既增長穩定D？見住自己D投資上上落落 我連唔蝕都無信心 應該點好

3. 調整緊股票係6:4 水桶1 vs 水桶2 - 一直都賣咁D 1972 而放入D水桶1度 但見住D水桶1好似都無咩升 無咩信心做到阿SIR講既每年10-15%增長 想請問應該點調整好?

4. 因為我工作時間都叫自由 亦都放星期六, 日 但我問題係真係無咩特別興趣及嗜好 點樣先可以令自己多D興趣 從已令自己多個機會有個副業或兼職 我依家只有打工一份收入 好似好危險咁

5. 自己打算2022年結婚 係緊急用錢度預算300k黎用做結婚 都打算結完就生小朋友 如結左婚及生小朋友 應該點調整以上所有策略?

6. 年年交稅都10幾20萬 好肉赤 有咩方式可以減少 或更好處理方法

最後想問阿sir你係咪真係有開到糖水鋪？哈哈 我要去幫襯一下 ! 謝謝

龔成老師：

我不會公開你的名，不過問題會放上網，等更多人能學習。

1）你現時的理財不差，配置平衡，同時配合你的年齡情況。但如果要去到$1000萬，就要再加努力，因為你現時每月儲到$16000，一年約20萬，就算計及投資回報，以及你現時持有的資產去增值，要滾存到$1000萬都不易。

除非你之後用一些較進取的方法，例如集中投資潛力股，以及自己發掘潛力股，早市場一步找到，投資並得到數倍計的回報，就有機，但這要你付出較多，你要每星期花大量時間去尋找潛力股。

2）我地最重要睇長期回報，目標一年有10%-15%，但不用每年睇，而是睇長期的平均，你已經方向正確，保持進行就得。

只要你多做功課，全面了解企業，以及其增長力，就會好有信心。

3）你要睇長期，你的思維仍停在短期股價。其實你要睇「企業成長及價值」先得。

4）你要多了解自己。如果唔知自己想發展D乜，就「試」，有時試試下，你就會更了解，例如試下做小生意，找一些你平時不會想過做的兼職，唔好浪費左你的時間。

如果無野做，就花多D時間去研究企業，睇年報。

5）最重要是你預留$30萬以上的現金，餘下先投資，由於2022年與現時已接近，因此這$30萬不宜投資。

只要預算要結婚的資金，準備好。餘下資金就算進取少少，都無問題。

6）如果有需要，就開公司，當然你最好問翻會計師佢地的意見，現時公司頭$200萬的盈利，交約8%稅，比高薪打工仔交的稅仲少，你可以上網了解下。

------------------------------------------------

Q22055：

龔成老師你好，我想问下7522只股，当时听朋友介绍买下7522，平均价为3.75买入8万股，这股现在一直向下，我应该怎樣处理，是否应该溝貨，还是走货？请賜教。

这只股會否會跌倒变费纸的

我不憧买股，这段时间看了你的视频，知我买的股亂七八糟，有909、9888 全部虧損。我有一百万來投资，现在用了一半，我应怎樣重新组合，麻煩晒。

龔成老師︰

你先要緊記一個好重要的概念，我地買入一隻股票，一定要知道佢質素、行業前景、財務狀況等，才去投資。

唔好聽朋友講、或者聽消息，就去買貨。如果你連隻股票背後買什麼、公司如何賺錢、行內有什麼優勢、點解未來有發展和增長潛力，都答唔倒自已，咁就要停一停，唔好投資住。

ＦＩ二華夏納一百(7522)投資目標是提供在扣除費用及支出之前，盡量貼近納斯達克100指數每日兩倍反向表現（-2x）的每日投資業績。

如果納斯達克100指數跌1%，你就會獲利2%(另扣管理費)。但若然納斯達克100指數向上，你就會虧損。

我對這類產品有保留，納斯達克100指數在過去一直反覆向上，所以長遠計持有這股對你"不利"，一定多於"有利"。

建議你長遠就算不全數沽出，也最好沽出大部份，換碼至其他優質股較好。

其實，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

明源雲(0909)和百度(9888)都係偏向潛力股類型，都係有長線投資價值。若你係年青至中年人士，只要唔係持有過多，可以守。但若佔你佔合較多，最好沽出部份，去平衡一下風險。

若你對投資知識不多，我建議你先用月供去儲貨。現在你每月先用5成儲蓄做月供。其餘先儲起，用一邊月供一邊儲蓄的策略。

大市現處於合理水平，餘下50萬和每月儲蓄，就等大跌市機會出現，才大力度掃貨，並長線投資。

若你現時組合，只係得1,2隻股票，我建議你都將部份股票，換碼至上述優質股，令組合風險可以更分散，整個組合也會較健康。

------------------------------------------------

Q22056：

老師，我近期抽到白居二，想購入沙田愉翠苑，為小孩的校網作準備。

問題1. 三房盤唔多，呢期成交量又高，價錢有的癲，三月至今升了12.3% 有的單位價亦企得好硬，心怕而家唔安排，睇定啲遲下連盤都冇！借問一聲，你有何看法？

問題2. 看新聞明年會加息，我究竟用H息口好，定用P息口好呢？

人生第一次 去選擇買樓 這麼重大的決定，真想跟老師分享

有睇中到盤, 但價錢不到位,預700-720萬, 睇中單位為740萬，在想要不要去馬, 怕錯過左, 之後就冇合心意的盤...

老師...求你指引我...

龔成老師︰

1) 本身三房這類大單位，供應係較少，故價格較敏感都係正常。雖然佢近期升左唔少，但由於白居二始終跟市價，有一定拆讓，故有一定吸引力。

加上這個是你自住房，考慮重要主要係是否配合「你長線生活需要」和能否做到「供得起」。如果係無問題，你都可以考慮入市。

2) 明年是否加息，暫時都係一個問號。以現時狀況計，H息會較好。但政府規定，居屋只能用P按，故你其實無得選擇。

------------------------------------------------

Q22057：

老師你好！我係你股票學生，完最後一課，感受到老師的愛心同努力，一星期兩晚3-4小時站立不停講課，課程內容非常豐富，非常感激, 辛苦你了。

另外，想請問之前不懂股票，自己又想穩健及有利息，買了：

恒生銀行 。3500
匯豐銀行。4400。
領展。$2000。（月供）
盈富基金。$3000 （月供）
小米。200
瞬宇光學。300

其實之前買匯豐恒生作收息，其他是認識你後才購入。我知道要減持銀行股，請指教應該怎樣保留。謝謝

龔成老師：

你現時較大的問題，是銀行股較多，你不要再增持這類，你應該溫翻第2堂的筆記，慢慢調整翻一個適合你年齡及風險承受程度的組合。

我會建議你過1年後，經濟好翻D，匯豐（0005）上翻D，減持部分，餘下就慢慢減，直至去到適合你配合配置的比例。

至於恆生（0011），質素比匯豐好，因此留低的比例不較匯豐多。

至於其他選股，其實無問題的，都是一些有質素的股票，你持有無問題。至於月供部分，你可以長期進行。

------------------------------------------------

Q22058：

老師 我抽中白居二 但而家二手樓市都好貴

但唔利用今次機會又怕再抽唔到
你覺得其實買公屋（eg 華貴邨）有你升值潛力？

樓齡29年 - 但好似有地鐵2026年華富有地鐵。

另外一係買私樓 要承擔有機會租唔出時 要俾供費 ，心目中係天水圍wetland seasons bay.

主要都想升值 搵到錢 可以財務自由！

你點睇呢兩個選擇，我知都幾大分別.....

龔成老師：

從自住的角度，你好好運用白居二會較好，公屋在投資角度的價值不及私樓，但從自住角度，其實可以考慮，因為你能以較少的現金流支出，解決了自住方面的問題，你就可以有較大的餘下現金流，去進行其他方面的投資。

華貴邨在地點不差的，港島區始終近中環，但地鐵相信有排先起好。因為佢要拆左華富邨，安頓好原本的居民，之後先用地鐵一整發展，相信要10年時間先落成。

華貴邨在公屋裡，算是有質素的，但不是大升類，只是平穩增長。如果你從自住的角度考慮，不是不可。

------------------------------------------------

Q22059：

龔 Sir，現時持有：

1000 股 9988 @$213
4000 股 1928 @$36.9
120,000 股 728 @$2.58
2000 股 941 @$48.7
30,000 股 3033 @$7.9

請問對此組合有何意見?建議加入金股，車股到組合?

現時買 7299 定2840 會較好?

龔成老師：

你現時持有的股票，基本上都是有質素的，其實問題不大，你持有就得，部分股雖然略有回落，但長線有得守的。

但你長遠，最好建立一個更平衡的組合，同一股票，最好佔組合比例15%以下。

你可以加入ＳＰＤＲ金ＥＴＦ（2840），這是一隻追蹤黃金價格的交易所買賣基金，當金價上升，佢都會上升，當金價跌，佢都會跌。

睇翻佢過往的價格表現，基本上都追蹤到黃金的價值，因此都可以成為投資黃金的工具。

只要佔組合比例不過多就得。

------------------------------------------------

Q22060：

想問，其實如果我長揸6666，唔會會可以上番去呢？

好驚佢會爆煲啊，到時渣都冇

龔成老師︰

若母公司出事，的確有機會出現，母公司要沽出恒大物業(6666)股權套現還債的情況。如果真係出現，的確會令股價受壓。

但你要記住，我地投資係睇長線，和企業本質。恒大物業(6666)負債情況，無母企咁差，加上物管行業，預期未來會發展得唔錯，因此有投資價值。

不過，集團大部份物業，都係來自母公司。故母公司出問題，令發展減慢，有機會會影響到集團發展。

當然，這些都是未知之數。以現時狀況計，恒大物業(6666)都有投資價值。如果你真係較擔心佢前景，你可以沽出部份，去平衡風險。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

#食譜 #麥美家 #老麵廠 #7道家常麵 #正確煮麵方法 #蕃茄麵 #鮑魚蝦子麵 #菠菜麵 #瑤柱雞湯麵 #魚蓉麵 #全蛋麵煮法 #蝦子麵煮法 #平價上等 #美食
00:00 開始
00:02 性價比高
00:05 西式擺盤方法
00:10 日式擺盤方法
00:15 魚餃麵配魚蓉麵
00:20 平價罐頭鮑魚配性價比高鮑魚蝦子麵
00:26 雲吞蝦子麵
00:35 需要另加濃湯,
00:40 一星期七日都係早餐食麵
00:47 麥美家老麵廠介紹, 聯豐粉麵世家
00:54 如何食得安心、放心又開心
01:06 聯豐粉麵世家
01:16 麵粉特別講究,
01:28 懷舊麵食, 新式煮法
01:34 唔係想食你煮嘅麵？係想見多你幾面！
01:47 今日這七款麵
01:56 他們的麵都不需要另外調配湯底
02:13 味道、比例、韌度、執麵技巧、烘焙乾度，都講求師傅心得和經驗。
02:20 做到麥味重、筋性強、麵身爽彈但細滑，每啖都是手藝承傳。
02:26 優惠裝、禮盒裝
02:34 拾平網購優惠價錢
02:49 第一必吃, 雲吞金牌蝦子麵煮法
02:59 疫情期間, 拜年賀禮
03:10 拾平網購優惠價錢
03:25 正確煮麵方法
03:28 三方面去品嚐一碗好的蝦子麵
03:35 正確煮麵幾多水份
03:50 食麵最棹忌就是重鹼水味
03:59 你見不到好多泡、雜質，就知道是好東西啦
04:06 凍水落麵好處
04:11 滾水淥麵的壞處
04:35 倒個湯出來的時候，已聞到陣陣蝦籽香湧出。
04:41 手工麵的麵條與眾不同
04:47 好的蝦子麵, 入口好味的條件
04:53 麵條上面的蝦籽那麼濃密，甘濃的蝦籽味道,
04:56 食得出蝦籽的鹹香
05:13 蝦籽麵是採用長江中青蝦或南中國海的海洋的蝦籽
05:23 優質麵粉製造麵條的彈性
05:42 湯非常清甜， 麵廠是將大地魚烤過制過，
05:58 蝦籽和大地魚味濃郁，天然、清爽、清澈、沒鹼水味。
06:09 拾平網購優惠價錢
06:18 蝦子麵多種食法
06:33 第二必吃, 鮑魚蝦子麵
06:47 鮑魚汁味令到碗麵的味道更添層次,
06:51 清香的鮑魚口味
07:00 拾平網購優惠價錢$99, 有三款麵：金牌鮑魚蝦子麵,金牌蝦子麵,魚蓉麵
07:10 抵食鮑魚蝦子麵做早餐
07:20 第三必吃, 西式蕃茄麵煮法
07:34 微波爐煮麵方法
07:45 平價而上等, 高級擺盤方法
08:21 第四必吃, 菠菜麵
08:30 素食首選
08:50 平價上緊情人節套餐
09:03 菠菜營養
09:21 第五必吃，魚餃魚蓉麵
10:17 優惠碼: 現在但凡購買任何聯豐粉麵廠產品滿＄200 即可 加$1
10:36 第六必吃，爽口彈牙入口順滑的金牌全蛋麵,
11:26 第七必吃,瑤柱雞湯麵

Hello, 大家好我係阿Tsar,
今日我又約咗兩位鐵粉Bonnie Chan 同埋Mandy Lee
上來我家切磋廚藝，分享給大家，
她們怎樣簡單、快捷、健康又好味的,
煮出色香味俱全的七道麵食，
當中有些用到一些傳統方法 ，
亦有兩款麵就用到新式演繹
如何平價食物放在她兩位手上都可以點石成金
簡簡單單那樣排列茹在碗內 ,
Mandy 切些小蕃茄伴碟
用作畫龍點睛，整個麵upgrade了,
今次請她兩個上來，真的獲益良多
不怕告訴你們 ，其實我一個星期七日 ，
早餐都是吃麵食， 以前我經常吃公仔麵 ，
我覺得非常不健康, 但我覺得方便
直到我最近認識了這個麵食品牌麥美家，
我就食得安心、放心又開心了，
安心是因為他們全部都是香港製造，品質要求嚴格
放心是因為製作出的麵全部都是非油炸，
不含防腐劑，非常健康
開心是因為麥美加其實是由一間在香港有40年製麵經驗
叫聯豐粉麵世家公司當中的品牌、屬於香港老字號
連麵粉都特別講究，造麵的師傅經驗豐富，
在行內非常有名氣，而且善用熟練的手藝，
輔以先進設備，造出童年時吃麵時候的感覺
童年回憶返曬來， 網友都可以訂購給爸爸媽媽 ，
看老人家有否那種初戀的感覺，
28“唔係想食你碗麵呀，想見你一面呀”
聯豐麵廠歷史悠久，首推麥美家麵食為首
阿Tsar發掘人妻廚房成就，介紹一個麵又點會夠
今日這七種麵，就有他們公司的鮑魚蝦子麵、
金牌蝦子麵、全蛋麵、魚蓉麵、瑤柱雞湯麵、
蕃茄麵和菠菜麵，他們的麵都不需要另外調配湯底、
亦不用過冷河 ，因為本身在製麵過程中,
已經用很多上乘的材料淆好了湯底，
師傅將適當的水分再加入麵粉 ，手打了個麵，
之後將個麵烘乾而成， 味道、比例、韌度、
執麵技巧、烘焙乾度，都講求師傅心得和經驗。
做到麥味重、筋性強、麵身爽彈但細滑，每啖都是手藝承傳。
有不同的包裝，有優惠裝和禮盒裝
最重要就是現在可以在拾平網購,
以一個好優惠的價錢買到，我自己目測，
就平過其他網購好多啦，
唔怕貨比貨，真材實料梗係要廣播，
餐餐食麵又如何，健康方便易夾妥

傳統手藝阿婆細路食到笑呵呵,
講多無謂，等Bonnie煮第一個面給大家看，
這個就是金牌蝦子麵, 家庭裝適合一家大細
禮盒裝當然用來送禮啦， 不用只送朱古力那麼悶啊，
最正是什麼呢?現在疫症期間，
未必那麼方便出街或出門拜年，
你上拾平網購，買些送禮自用禮盒裝、優惠裝，
不同款式的麥美家麵，在拾平網購付費之前，
填寫送貨地址是你想拜年的那位朋友地址
那你就可以遙距向你朋友奉上祝福，
當他們收到你的禮品時，真是一個超大的驚喜，
又説回這個麵啦，麥美家金牌蝦子麵，
食一碗好的蝦子麵，要在三方面看 ，
就以味道、麵質和湯頭去評分
這個麵的煮法非常簡單，將400毫升的水(約兩碗水),
這個就是最標準煮麵水的份量,
如果你想食得淡味些，可以加多少少水
如果你想更加濃味, 你可以只加碗半水, 視乎個人喜好
現在煮的麵，食麵最棹忌就是重鹼水味
由於他們用濃湯在製作麵的過程加落去麵粉
不用説食落口沒鹼水味呀，煮麵的時候
你見不到好多泡、雜質，就知道是好東西啦
跟凍水同時加麵，很多人都是等水滾才落麵
其實這樣是不對的，這樣煮出來的麵會外黏、內硬、湯糊。
所以要跟凍水一起煲兩分鐘，
一邊煮一邊用隻筷子撩鬆些麵
那樣麵條的熱度才能承受得平均，你見到否湯慢慢變色
就是因為他們用靚湯去淆麵條出來的
麵好快就煮熟了，那麼方便!
75倒個湯出來的時候，已聞到陣陣蝦籽香湧出。
夾一注麵試下先， 手工製造出來的麵條幼細如絲,
入口爽、滑、甘、香、彈牙,軟中帶韌;
麵條上面的蝦籽那麼濃密，甘濃的蝦籽味道,
食得出蝦籽的鹹香，食完個麵飲完個湯 ，
口裏面還有一種鮮甜鹹香的餘韻
不會覺得口渴，反而不想立刻飲水，
因為驚好快沖淡那陣aftertaste
絕對是一場難忘的味覺體驗。
他們的蝦籽麵是採用長江中青蝦或南中國海的海洋的蝦籽，
配以多種佐料，再加質量上乘的優質麵粉手工揉製而成，
麵有韌性，我示範給你看，如何有韌性㗎啦, 是否好q彈呀?
將這種q彈的感覺送入口，真的回味無窮, 味道鮮美，營養價值豐富。
我們加了幾粒雲吞 ，個湯完全沒加任何調味料
就已經可以有那麼濃郁的色水
湯非常清甜， 麵廠是將大地魚烤過制過，
加上其他配料，經過繁複工序，淆製出上等湯頭
蝦籽和大地魚味濃郁，天然、清爽、清澈、沒鹼水味。
不用加任何調味料 ，吃這些做早餐，
方便快捷，營養健康
原價$98, 拾平網購賣$60, 一盒有六個,
你現在去茶餐廳齋飲一杯凍檸茶都要十幾元啦
除了這種食法 ，你還可以加麻油美極
或XO醬各一小茶匙做撈麵，一樣好食
蝦籽濃密夠鹹香 ，麵條爽滑q彈韌力強
適合一家大細齊共享， 送禮自奉齊拍掌
第二必吃，就是升華版的鮑魚蝦子麵，
除了本身個蝦子麵非常高質素之外，
煮法亦是一樣 ，400毫升水和麵一起淥兩至三分鐘
鮑魚是高質食材, 鮑魚汁味令到碗麵的味道更添層次,
有陣清香的鮑魚口味，原價$108, 拾平網購只賣$60,
拾平還有一個優惠套裝$99，原價要$128，
有三款麵：金牌鮑魚蝦子麵,金牌蝦子麵,魚蓉麵，相當超值
你跟公司同同事講，食鮑魚撈麵做早餐，
食得招積，邊度買平嘢我至識
鮑魚蝦子麵好味道極, 豪華平價抵買最無敵
第三必吃, 介紹返一個西式蕃茄麵煮法， 由鐵粉Mandy Lee主理
這個麵絕對適合素食者，如果你是食素可以不加肉類
麵煮法都一樣，不過如果你習慣用微波爐煮食的話
你可以將一個麵放進微波爐專用器皿內，加入300毫升水，
高火煮 2分鐘，加入少少食油，即可食用。
Mandy 用了少少蕃茄仔、西蘭花伴碟，加隻香腸, 上面再加少少乾蔥
一個完美早餐就擺在你面前，Mandy展示擺盤就是高級餐廳或酒店式擺法
這個麵如果你在餐廳食, 最少要$70啦, 但在拾平網購將原本$88

減價至60元一盒有六個, 別的網購要七十幾元

麥美家蕃茄麵夠健康, 人妻戀男必備放廚房

創意煮食愛心綻放，演繹愛意唔使淨係喺張床

第四必吃, 菠菜麵，麵的顏色本身已經好靚仔，

加這個禮盒裝，節日送禮必備, 素食首選!!

網友都可以用撈麵食法, 將一個麵放入400毫升(約2碗水)開水中，

煮約2 - 3分鐘;隔出水份，留作湯品嘗;加入豉油麻油即可撈食。

Mandy輕輕烚熟啲蕃茄仔、西蘭花、茹類做伴碟，旁邊放點豉油

網友喜歡香口些,可以放麻油，麵條都好靚，絲絲分明

而且這個沒放肉類，低卡路里，菠菜營養價值相當高

含有維他命B1和B2可促進生長發育,

經過肝臟代謝後即為人體維他命A的來源。

菠菜麵為素食者首選 ，麵質幼滑唔易斷

關懷備至心內暖, 搵好嘢食唔使再周圍捐

第五必吃，講到健康，就必須要推介這個魚蓉麵

麥美家魚蓉麵用九棍、牙帶等海魚剁爛，加入麵糰打成，

大家見到 Bonnie, 煮麵的時候，麵質地都相當滑溜

色澤玉白，湯跟麵的味道較清淡。

加上手工製麵的過程避免機械設備生產時的高溫，

對原材料食材營養成分減少破壞, 而能夠保留了大部份營養成分。

口味較淡 ，但仍然能夠保持營養豐富，

好適合沒什胃口的朋友，我們加了幾隻魚餃

只要個麵加些適合湯底的配料，胃口返回來

麥美家魚蓉麵輕鬆煮， 好食靚麵唔使要大廚

健康美食唔會變隻豬, 好介紹梗係要參與

阿Tsar送嘅優惠碼請關注

介紹返，現在但凡購買任何聯豐粉麵廠產品滿＄200 即可 加$1

換購香港經典版福和袋裝麵一包

記得結帳時輸入優惠碼 Smarttravel

第六必吃，爽口彈牙入口順滑的金牌全蛋麵,

他們選用優質雞蛋，麵亦都含豐富的卵磷脂、

維他命A、D、E和B群(特別是B2和B12)

和鐵、鋅等多達10種的礦物質。

其中，含量極大的卵磷脂則可以活化腦細胞，

有助於提高老年人的記憶力與小孩的學習力;

............
真是好健康，早餐減肥食一個麵就夠啦

你們記得給like Mandy Lee和Bonnie Chan

還不快上拾平!!! 一陣你們又說給買光了!

唔想荷包閉翳,慳錢有計,平得矜貴 ,拾之智慧,

Price Less For More!!! 下一集再介紹大家買平貨,88.




?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

食譜麥美家老麵廠平價上等7道家常麵, 正確煮麵方法: 蕃茄麵|鮑魚蝦子麵|菠菜麵 |瑤柱雞湯麵|魚蓉麵| 全蛋麵煮法 |蝦子麵煮法
鳴謝網友Bonnie Chan & Mandy Lee協助, ?今晚十點半首播.????....???

#smarttravel #中醫藥 #護膚品 #皮膚護理 #逆市筍工 #代言人 #招聘
Hello大家好我叫阿Tsar, 今天我的任務, 任重而道遠

就是要幫一間香港以中西方草本結合先進科技的

純天然護膚品牌JaneClare尋找代言人，絕對是逆市筍工

如果反應熱烈，JaneClare代言人選舉

更有可能遲些會在JaneClare公司搞一個大型Event，

連同Youtube 頻道Smart Travel進行直播

我作為航空公司前職員

知道好多舊同事，無論正待業或是在職

甚至香港的美男少女，這個絕對是一個搵筍工的好機會

往後每逢星期六一連三集，

都會講這份筍工參加的條件和方法

希望大家好好把握這個機會

除此之外，影片播放之後，

緊接就是阿Tsar會在我youtube頻道smart travel進行直播

問問題玩遊戲, 得獎品， 送出15份由JaneClare產品給十五位幸運兒

每份產品價值接近千$1500

JaneClare珍卡兒在2015年獲得國際傳媒集團Mediazone 頒發

「最可信賴護膚品牌大獎」

這條影片的內容，資料相當豐富，

JaneClare Chairman Angela Lee 太平紳士,

亦是Baker & McKenzie律師事務所香港辦事處

首位女性國際合夥人, 她在法律界的成就不容置疑


除了在法律界卓越成就， 多年來亦盡心致力打造

由香港製造「實證高效·天然」護膚品牌JaneClare, 邁向國際

當日我帶同我一位好朋友王子， 拜訪這位法律界兼美容界的卓越領袖

她除了沒架子外, 亦跟我倆後輩一起説笑

感覺非常親切、活潑,

不如你送給我啦，no problem， no problem

攞住攞住，個盒， 個盒囉，多謝你呀下

看她多麼幾照顧你啊，對呀對呀

Aegel Lee太平紳士, 除了能幹之外

她亦是我們女性的典範, 是香港人的驕傲,

我除了想大家更了解創辦人Angela的背景之外

另外就是告訴大家有意參選代言人的人知道

知道Angela對於發掘新星的認真程度

以下就是我跟她的訪問，

與Chairman對話，與成功人士的約會

Hello,大家好，大家都知道我是YouTube頻道Smart Travel阿Tsar啦

但這位是JaneClare的Chairman Angela, 你好

你的同事就好醒目，把我推薦給你

你贊助我的YouTube 頻道，多謝你啊

亦都送出很多禮物給我的觀眾啦

但是他們有否告訴你， 我個人都好大膽問問題呢？

A:你知否我都好大膽，什麼也不怕

最好啊，一拍即合啊，

容許我問你一個好大膽的問題

最近有報章報道一位大美人

微調over了，我想問問你公司的產品

可以令我們這些女性，影相不需要再用filter

A: 這個要看你，如果你自己保養得宜的話

你就不需要擔心自己在鏡頭前會走樣

所以每日的保養是必須的

而且你做得好的話呢

我見過很多可以比她的真實年紀呢

年青20年、30年都可以

你在說你自已？對啊！保養

那麼你公司的產品怎樣可以令到我們

的皮膚怎樣好像BB那樣白裏透紅呢

老實說，我經營這個品牌的時侯

做我自己的護膚品呢，就是我認為自己有心得

因為我幾十年來都覺得，保養皮膚好重要

因為我好年青時，已經聽別人說，

女人40爛茶渣，我覺得我不可以有這樣的命運

所以我就對這方面，就又看書

又聽人説，又問人，自己又嘗試

什麼都夠膽擺到面上， 我自己就覺得

你真的用天然的東西呢，對你的皮膚有好清楚

好明顯的分別，我亦都學成了中醫食療養生

我認為食療真的對身體對皮膚對健康

有絕對的好處，好過你病了之後，去睇醫生去食藥

保養了，你不用怕自己是否見得人啦，然後又大修

一定你的保養是非常重要

剛才你說，你說食療啦

那麼我食得啦，為何我要搽護膚品呢

尤其你們所講，中西合璧，中國医草藥

配合西方科技，你公司品牌的賣點啊

那我何不煲個靚湯，吃個補品

為何要搽這個東西呢？

A:這些都重要，但你要記住，因為你吃的時候呢

你身體的五臟六腑，都跟你爭，

何時才輪到你最遠的皮膚呢

還要在面部的皮膚，所以如果你是

緊張你面部的皮膚，見人的時候你要好有自信

不用擔心的話呢，你就一定要護膚啦

所以我自己覺得呢，我經常說

護膚品應該是Fresh Fruit For The Skin,

對你的皮膚有直接的成效， 所以變了呢就是

這個就是我們產品的理念

亦是中西合璧，中草藥是幾千年的知慧，

人家有好多經驗知道每一隻都有其提升能力

一些是可以減慢延緩衰老

各方面的功效，可以能夠再加上

配合草本、西方對皮膚滲透的技術

那就可以能夠，給你皮膚最好的營養

最直接的保護，

以下我就由JaneClare 的Director Gary Choi 講解

JaneClare 產品的五大特色

我們是用中西方草本，給營養皮膚的

其實皮膚好容易吸收東西

好多人用護膚品其實並不知道自己用著什麼

就等於皮膚日日吃著漢堡包或炸雞一樣

但你皮膚吃什麼呢？你的肌齡就是什麼啦

皮膚可以保存到幾好呢，就得看你皮膚真真正正吸收了什麼

我們給皮膚吸收中西方草本和營養的

我們擁有國際科研團隊，裏面包括前白宮科學顧問

天然保濕系統，代替晒所有化學防腐劑

孕婦適用，香港製造，

這裏所說，你想到不好的成份我們都沒有啊

特別是這裏，不含任何有害化學物質

我們用的有機中草藥是有Ecocert認證的

亦都用到綠色中草，沒殘餘農藥、沒重金屬

沒基因改造，孕婦適用兒童適用

我們的理念就是給皮膚最好的營養

由於我們做了很多中草的配方去改善皮膚

我們就找了香港浸會大學中醫藥學院

因為他們做中醫藥享有盛名

我們之後跟它合作，

現在在浸會大學中醫藥學院

有一間叫珍卡兒中醫透皮治療實驗室

透皮的意思就是，透過皮膚

我們經常説的肌底層意思

一般市面上其他的護膚品牌製造工場是絕密之地

但是JaneClare對於自己公司的產品有十分信心公開

大家可以在網上面他們的網頁預約時間去參觀

好像我現存就站在他們斥資巨款的超純水製造工場

超純水淨水系統，一般其他護膚品公司

只會用到純水Pure water,

但JaneClare 用到的就是UltraPure water,

當中這個淨水系統為何那麼貴呢

就是用到美國太空總署發明的一個滲透系統科技

UltraPure Water的水裏面的雜質清除到

一個近乎零雜質的地步，令到你用他們的產品信心十足

另外水在護膚品的作用，是一個載體

將護膚品裏面的營養成分，

更加有效帶到皮膚肌底層，吸收到最大的營養

效果就自然更加顯著和快捷

所以他們獲得國際傳媒集團Mediazone 頒發

「最可信賴護膚品牌大獎」並非浪得虛明的

你看我朋友王子做完Facial之後容光煥發

不如你講下用後感啦，

喂，今日我帶了一個好朋友來，

他們叫我做facial，我話我不做吧，不好看的

我找個靚仔來啦，介紹了我朋友給他們，有什麼感覺呀

壬子：成個感覺都好舒服，

但比其他做facial更加冰涼涼的感覺

勞太，為何會有這些感覺呢？

因為我們的產品呢，是用天然的原材料

天然的植物，而且沒任何不好的化學成份

將這個感覺完全將那些新鮮的植物去呵護你的皮膚

所以你感覺會好好

我明白，還有美容師覺得我面上皮膚泛紅

我的皮膚比較乾，做完了感覺即刻提升很多

即刻沒了泛紅，為何會這樣呢，那麼快吸收了

你年青吧，多謝你多謝你，而且就是我們的產品呢

我們通常有些美容院的客人呢

她們接觸過很多不同的美容產品

好多現代人的皮膚都會敏感而產生泛紅

都有少少敏感的表現啊，但我們的產品呢就是

它會達致calming, 那個呵護令到你舒緩的作用好好

剛才我聽到美容師給你用產品中的西柚梓舒緩保濕補水面膜

真的好舒服，敷面膜的時候真的好舒服

有個舒緩的感覺啦，和立刻就幫你的細胞注滿水份

所以現在你面上好有光澤，好像每個細胞都飽滿了水份

好滑淨那樣，多謝勞太給我這次機會，親身體驗下

還有一樣要多謝勞太，原本我們未上來之前

他們公司說贊助阿Tsar頻道每集送出10個產品

跟住上到來勞太好豪地説：每集送出15份

送出去，多謝多謝，好願意去Share

好願意去分享多點人認識我們的產品

他們亦好願意發掘新星成為他們公司的代言人

在這裏招募代言人，

有好多素人都好有質素，例如我們很多曾經做過國泰

或做過空姐的朋友，又或是現在很多人轉型自己的行業

如果她們有興趣，可以send自己的履歷給你地公司

你覺得如何，勞太：我歡迎㗎，

其實你覺得什麼氣質的人做到你們公司的代言人呢

你現在見到我這個WhatsApp是我跟他們高層的對話

老闆娘勞太確是認真look for一個代言人㗎

但要什麼條件呢，就要你們收看到第三集啦

我在這裏賣個關子先，ok?

你們可以開始寄出你們的CV去這條影片的留言之頂,

聯絡「應徵代言人」的Email，

貼士要繼續留意下兩個星期六的影片YouTube頻道Smart Travel

這條影片播出之後，緊接就是直播送禮品環節

JaneClare 將會送出SD或JC系列的產品

其中一個體驗療程給15位幸運兒

每一位得獎者都可以享用這些產品其中一個系列的體驗療程

每位價值$1380， 另外做完療程之後

美容師會送出SD或JC產品其中一樣給各位幸運兒

美容師會因應幸運兒的皮膚而去送出那個產品

另外由今日節目1月9號至到2月9號2021年

一個月之內任何人士在JaneClare網頁，

購物滿$500，在備注欄輸入優惠碼Smart Travel

更可以收到一份價值$180的黃芪原液一支

你除開條數，其實是一個好大的優惠來的

稍後15分鐘，我會進行1小時直播

將15份禮物送給大家，

希望大家踴躍參與，預祝各位好運。轉頭見。



?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

其實 #workfromhome 真的沒有想像中這麼開心
因為需要很自律，而且又沒有人一起奮鬥，工作時間較有彈性，但會令生活和工作完全分不開。。。不過有時候也會慶幸免卻了職場的是是非非，而且不用看別人臉色。哈哈！其實各有好處！不知道最近大家在家工作有什麼感覺？
大家要乖乖待在家！要身體健康呀！

#在家工作 #homeoffice

訂閱的我頻道 收看更多有趣影片 | Please subscribe :)
☞ https://www.youtube.com/potatofishyu

Epidemic Sound上的免版權音樂｜Subscribe Epidemic Sound to use unlimited loyalty-free music
https://www.epidemicsound.com/referra...

DISCOUNT CODES
▾▾▾▾▾▾▾▾▾▾▾▾▾▾
YesStyle
https://rsnap.it/d-3P2frHK
10%off: POTATOFISHYU

FOLLOW ME
▾▾▾▾▾▾▾▾▾
☞ Facebook : https://www.facebook.com/potatofishyu
☞ Instagram : https://www.instagram.com/potatofishyu/

? Business enquires : potatofishyu@gmail.com