《我做外賣仔的日子》

呼，尋日又做左半日外賣仔，比起第一次做，第二次做明顯有好多唔同既感受，就好似愛情咁，第一次約會總係令人感到新鮮，但新鮮過後，就需要面對現實了，同各位報告下感受，去點：

1）是日都係半日，六個小時，地點係尖沙咀區，南至海旁，北至窩打老道，東至尖東，西至柯士甸站

2）總單數，13單，收入，360蚊

3）當晚約左大學同學食飯，消費400……俾錢個一刻，我好想再打開個apps去補多一鐘，令當日收支平衡

4）極度懷疑系統係有新手優惠，派得特別多單，暗示你聽，好好搵啊，記得做多D！

5）上星期因為被退單，有蝦餃、薄餅、雞翼、肉醬意粉食，原來術語係叫福利餐，而今次我已經成長喇，所有派送成功，無任何福利……

6）是日來回柏麗大道三次，短期內我都唔會再想行呢條路……

7）尖沙咀區比起旺角區舒服好多，我指環境，明顯綠化同公園長椅都有唔少，整體無旺角咁壓抑，而且搵廁所係相對輕鬆好多

8）請叫我渡船街小霸王，呢個範圍，我送左五單，雖然每單既等待時間都有五至十分鐘，但送餐距離極短，短到點呢？就係間餐廳係樓下但客戶都唔想落街咁既距離，每單都有25蚊以上，當時我感覺原來賺錢就係咁簡單

9）距離短，錢好似好易搵，但計返數，原來重點係唔停手地做先係搵到錢，今次只有一次同時拎兩份外賣，比起上次連續3次搵住3個外賣比，感覺到付出幾多，收獲幾多

10）是日最遠派送，係尖沙咀I Square去佐敦永安，仲要係4人餐，果斷搭巴士，車費6.8，點知去到佐敦再次陷入漫長等待，早知慢慢行過去……

11）無單既時候，我企左係譚仔門口，希望譚仔可以賜單比我，點知旁邊有個南亞同事都係度等緊單，你無聽錯，自從成為外賣仔之後，我係街上面見到外賣仔都會心諗，又有同事開工，會給予佢地一個加油既微笑！

12）閒來無事同南亞同事吹開水，佢都係步兵，已經做左兩年，比起我呢個做左兩日既，佢絕對係大師兄，佢一日最少做12個鐘，鋼條既身型，比起我呢個行半日就去按腳既廢柴，我諗佢做完12個鐘都仲可以去兼職按腳多幾個鐘！送外賣用腳，手唔攰可以再用埋佢

13）南亞同事月入差唔多三萬，同幾個同鄉夾租，每月2500，佢夢想係搵到錢開間雜貨店！感覺就好似香港人移民硬係想開埋小食店賣雞蛋仔，文青總係夢想開間Cafe咁

14）問佢公餘有咩做，佢話打排球，剛好小弟年輕都係排球校隊打過學界，但我見佢差唔多一米八，壯碩既身型，強勁既臂彎，我婉拒左佢邀請我閒時打友誼波，我怕比佢打死

15）傾傾下系統派單比佢先，佢同我講，因為佢係老鬼，同地點有多過一個人都會派單比佢先，我當時心諗，頂，你唔早講，佢用一個朋友，你返印度食蕉既表情同我講，下次同到佢班南亞兄弟就記得唔好一齊等

16）佢工作好認真，真係當係職業，而我就係玩味性質，原因好簡單，因為佢係巴基斯坦搵幾千蚊都做到成隻狗咁，依家派外賣比起以前搵多成十倍，感覺好似當年我去澳洲工作假期比當地人問我點解咁鍾意返工，當時我答佢，香港做麥記20蚊一個鐘，澳洲做又係20蚊一個鐘，但係澳紙既分別

17）是日太無聊，所以我係七仔特登買d平時唔飲既冷門或者新飲品，林家謙代言既清。麥茶都唔錯，紅茶花傳既檸檬紅茶幾好飲，但原來成15.3g糖……

18）尖沙咀區送The Austin同Grand Austin最花時間，要落隧道來回，荒島黎，但大型屋苑既保安服務真係做得比較全面，拉門既都好有禮貌，同日送窩8，樓下阿姐真係有少少無禮貌，唔係對我，而係一個順豐哥哥佢拉住貨入黎，佢嘈左幾句，但順豐哥哥無理佢就入左lift

19）今次我比上次做多左樣野，想睇下分別，就係我今次拎到外賣，同送到樓下，我都會Msg客人同佢講我出發喇，我差唔多到喇，送到我都會msg佢地用餐愉快，到底呢個行為會唔會令我多左Tips呢！！？？

20）答案係無既，可能我既服務仲未夠好，但我又覺得咁send個msg比客，都係認真對待呢份工作，令客人多左一份安心，自我感覺良好，下次我會再接再厲睇下點先有tips！

21）收到張單係送食材，蕃茄薯仔豬骨，應該係煲湯，平時我自己買只係50蚊左右，但有人用差唔多高一倍既價錢去享受服務

22）外賣呢樣野，真係一種時間同金錢既交換，有人分分鐘幾十萬上落，佢花費幾十蚊去慳返時間搵更多錢，或者休息，一路送我一路覺得係對整體社會發展係好事，因為人可以做更有價值既事

23）感覺到外賣都不斷升級緊，係外賣盒、外賣速度、包裝等等都感到比幾年前好太多，以前你食個麵要分湯？真係叫都未必有！依家分湯好多唔講明都會分比你，感覺外賣自取同埋派送對於一個人食飯都係一種趨勢

24）睇返譚仔上市資料，幾年前堂食外賣比重都係8：2，依家已經差唔多6：4，世界唔同左，仲記得當年沙士打開左網購既潮流，而上年疫情就改變左堂食習慣，有好多野唔迫到埋身真係唔會成長

25）是日趣事，我左手拎住電話，右手拎住外賣，個客開門之後我遞左電話比佢佢呆左；一個上身赤裸既男人拎外賣，我覺得睇到佢身體要加錢囉

26）暫時對我講，送外賣都係有趣既，而我分析過，因為我係兼職，又唔係靠佢養家，收工時我計一計數，360蚊，如果我等佢開飯既，我真係要加多半日做到夠數先可以收工，而唔係收工仲去食餐比今日搵既錢更多既飯，今次已經比起上星期無咁腳痛，唔駛按腳，但起左水泡，

27）興趣同職業，真係兩個層次，將興趣變成職業係一種漫長既過程，唔係人人做到，當你既興趣超過左一定既數量，就會量變引起質變，即時變質，需要一個覺悟！

28）我會唔會繼續做？會啊，下星期六強勢回歸旺角區！每次有人問我都係咁答，依家每個星期有人比錢我做gym，真係唔做就蝕啦！

29）但同時我係送外賣既時候諗，其實全職炒散真係幾適合我，黎緊我會有新動向，試下其他唔同既工作，分享多少少大家平時成日見既職業，當真係做既時候係咩感受，如果你地有咩特別職業想我去破地獄既，歡迎留言！

30）兩次既步兵經驗，我升級喇！步兵將會轉職成騎兵，點樣升級得快d！比個like啦！like數就好似經驗值咁，令我有動力去冒險！！！！

【悠長四季假期】
　　歲月是把殺豬刀，才落了秋葉，又紅了櫻花。這是一個不曾計劃、無法想像的悠長假期，在全世界都封城鎖國蕭瑟之際，我還可以灑脫做一個清都山水郎，年中無休地登高賞秋紅的落葉松、漫步在二○二一年第一場細雪紛飛、獨自泡在礁溪溫泉、在梅花樹下喝梅酒大唱《梅花》、在新社的香水櫻花隧道下感懷、醉到在阿里山芬芳的紫藤花叢中、登上高山千年森林地衣中泡茶、再潛水進澎湖海底的薰衣草森林、狂歡於世界三大宗教盛事大甲媽祖遶境、去台南尋古溯源、去台東看史前人類石柱陣、最大的嘉義市國際管樂節踩街嘉年華令我大開眼界、再到高雄佛光山靜修……

　　山中方一日，世上已千年。直到窗外雨潺潺，仲夏闌珊。疫情殺個措手不及。夢裏不知身是客，一晌貪歡。真係流水落花春去也，天上人間。鄉關何處何處關？別時容易見時難。

　　除了抵台被家居隔離的首半個月，我每個月都在島內及離島旅行及拍片。原來我這一年已經馬不停蹄去了六個直轄市（台北市、新北市、桃園市、台中市、台南市、高雄市），以及三個市（基隆市、新竹市、嘉義市）、十一個縣（宜蘭縣、新竹縣、苗栗縣、彰化縣、南投縣、雲林縣、嘉義縣、屏東縣、花蓮縣、臺東縣、澎湖縣）！台灣面積比香港大三十三倍，而且超過三千呎的山兩百多座，加上緯度比香港高，即使同一景點，四季美景皆不同。

　　快樂不知時日過，忽然一年又生日。疫情前一年，我安排了在阿拉斯加的公主郵輪上慶祝自己入五。疫情曠日經年，今年生日去海邊無名民宿中閉關三省。

今日 @頭條日報 專欄：https://hd.stheadline.com/news/columns/221/20210910/945964/專欄-非誠勿遊-悠長四季假期

#頭條日報 #非誠勿遊 #項明生 #台灣 #生日

（失敗者回憶錄0910）
香港輝煌時代的開始

1967年8月中國外交部「48小時最後通牒」是六七暴動的轉捩點，也是香港歷史的轉捩點。「最後通牒」無疾而終之後，左派把抗爭延展了幾個月，手段就是發動罷工，街頭放真假炸彈，擾亂社會。但經濟下滑，最受影響的卻是左派自己。左派所有事業陷於凋敝，中共依賴香港的外匯收入暴減，給罷工工人的安家費也付不出，只好要求工人復工、轉業、改行（簡稱「復轉改」）。北京儘管仍然是文革派掌權，但周恩來看到香港情況不妙，就向「偉大領袖」請示，獲毛澤東回應「香港還是那樣子」。雖語帶含糊，但周抓住了毛在1959年的一句話：「香港還是暫時不收回來好，我們不急，目前對我還有用處。」以這樣的「毛思想」去訓示執行中共政策的香港新華社負責人。12月中旬，一夜間所有真假炸彈絕迹，「反英抗暴」全面收攤，為這場動亂獻身的左派群眾，除了事業基礎全失、生活無着之外，最悲哀的還是從意氣風發變成灰頭土臉。當然，香港共幹有一套動人說辭去說服盲眾，而盲眾聽起來也覺頭頭是道，自感安慰。

六七暴動，對中共和香港左派來說，幾十年來都是曖昧難言的話題。文革結束後，中共給文革的歷史定性是「一場浩劫」，但由文革病毒而衍生的香港六七暴動，卻由於那時的積極參與者是「愛國同胞」，左傾思潮是受祖國的擁毛群眾影響，又受到港英「壓迫」，所以不好否定，卻又不好肯定。九七後特首向當年的鬥委會主委楊光頒發大紫荊章，引起社會質疑，但究其實，當時鬥委會委員都只是檯面上的角色，真正指導「反英抗暴」運動的是以新華社為名的中共港澳工委。經常來指導我們工作的，都是在鬥委會名單上見不到的人。

「48小時」及林彬事件後，除了左報還嘴硬之外，香港的輿情和民心都「一面倒」向殖民地政府了。戴麟趾給倫敦的電文中，表達了他對這樣的殖民地民情感到「意外」。於是，10月底，港府就舉辦了「香港週」，主旨強調港人可以在法律和社會秩序下，享有不受恐懼威脅的行動自由，人權受尊重，每個人都能暢所欲言，這些都是香港市民珍視的權利。當時全港各處有多項展覽和表演活動，讓市民在本土化的娛樂中找到身份認同，香港人的身份矇矓中成形。

戴麟趾接著推行多項新政，包括修改勞工法例，改善教育和房屋等各方面的民生政策，69年開始建造第一條海底隧道。

1971年，英國派麥理浩接任香港總督，這是首次不是由聯邦事務部而是由外交部派出的總督。麥理浩在他長達10年半的任期內，大刀闊斧地對香港進行改革。 他任內推出十年建屋計劃、開發新市鎮、創立廉政公署、九年免費教育、設立郊野公園、興建地下鐵路和地方行政改革等重要的政策和建設。這些政策直接改善市民的生活水平，更為殖民地政府在市民心目中建立起正面形象。

麥理浩任內經濟增長之強勁為開埠以來所未有。香港由原本以輕工業為主導，逐步轉型以電子工業、金融業和商業為重心，一躍而成「亞洲四小龍」之一，奠定香港成為國際金融中心的重要基石。財政司郭伯偉和夏鼎基相繼提出和執行「積極不干預主義」的經濟政策，成為香港充分發揮個人自由創業的依歸。

輿論說這是香港的「麥理浩時代」，即是讓香港改頭換面的黃金時代。實際上新政在戴麟趾時代已經開始了。只是一來戴麟趾鎮壓暴動的強硬，使英國與北京關係難以轉寰，二來殖民地出身的官員多傾向保守，反而外交官對改革更少顧慮。但要問的是：英國統治香港百多年，為什麼到戴麟趾後期才開始有好好管治、建設香港的意志呢？答案就是六七暴動帶來的轉變。

左派自辯說，六七風暴的積極作用是使「港英受到群眾壓力被迫改善施政」。我看到的情況不是這樣。「反英抗暴」突然被新華社叫停，所有左派群眾都感到沮喪。那絕非「反英抗暴」的勝利，相反是「反英抗暴」的失敗，是中國底牌的自我揭穿，因而使香港市民對英治下的香港有了認同感，亦使英國管治者產生對香港的認同感，有了搞好香港的意志。
國家的組成是土地、人民、主權三元素。當掌權者、人民都對土地有認同感，就會為這地方的發展開拓出輝煌局面。

作為六七暴動的邊緣參與者，目睹所處社會的迅速轉變，我不否認當時的困惑。自許為中國人和愛國者的我，經歷奮勇、激進、沮喪、幻滅的情緒衝擊，無論思想和事業，那時都處於徬徨中。當時的確不知道，隨著暴動的收攤，卻是香港歷史上最光輝時代的開始。（61）

圖1，1967年10月，港督戴麟趾為香港週起動的舞龍點睛。

圖2，六七暴動期間，辦公室設在文咸東街的一座舊樓。

（《失敗者回憶錄》在網絡媒體「matters」從頭開始連載，網址：https://matters.news/@yeeleematter）

#口業 #膠面 #膠面 #軟飯 #botox #娱乐01 #即時娛樂
駙馬3條KING
Hello大家好, 我係阿Tsar, 今日又爆獨家消息畀大家聽下
我阿Tsar出嚟行走漿糊, 又點只識得一個娛樂圈嘅朋友呀
今日要講呢三位主人翁，唔係全部負評嚟嘅，

頭嗰兩位駙馬值得讚，最後嗰位係最近熱門新聞人物,

就係最近畀人話佢膠面、醜男 、食軟飯嗰位 。

因為我有朋友喺佢上年嘅豪宅註冊在場其中一位賓客

為咗保護證人 ，我當然唔會話畀你哋聽佢係咩身份呀

首先講第一位先啦，好早期喺”嫁”咗畀個有錢女

我用個”嫁”字, 大家都明，唔需要再詳細解釋

雖然呢位男藝員一路畀人話佢食軟飯，但係佢從來都冇回應過

更加唔會好似我將要講嘅第三位男藝員咁, hashtag口業 去鬧人

第一位男藝員, 從來冇必要向外人去澄清自己對太太嘅愛

呢啲人就係聰明 ，而且 有修養 ，時間就可以證明一切啦 ，

使乜同你解釋”膠面”就係因為用咗半日時間去做gym啫

而且第一條King個太太貴為一位大家族後人, 為人一向都低調

佢太太從來都對傳媒講係個女仔追個男仔嘅 ，

我自己都好喜歡呢一位男藝員 ，因為佢做戲好好睇好好笑

而且佢太太同一位空姐係閨蜜嚟㗎，嗰位男藝員仲同呢位空姐嘅老公夾份做生意

合資開設食肆， 生意都做得唔錯㗎 ，佢靠自己都搵到兩餐

而且佢太太同佢從來都冇炫富，喺佢哋嘅朋友圈子之中

呢對夫婦咁多年嚟都係模範夫妻，呢位男藝員亦都從來未喺娛樂圈傳歌任何嘅緋聞

雖然佢未遇到呢位女之前，曾經有過一段婚姻

但係我覺得呢啲好正常啫，合則來不合則去

而且亦都唔係咩偷食，咁所以我覺得呢位男藝員呀係值得備受尊重

第二位男藝員被譽為「5億駙馬」， 我傳媒嘅朋友亦都對佢讚不絕口

曾經有記者問過佢，有關人哋稱呼佢食完飯有啲咩回應 ，佢答得好大方得體

：「我就算照顧老婆綽綽有餘，都唔會將我跟外父外母的身家比較，

我希望努力追趕，有一天能有錢過他們啦！」

我傳媒嘅朋友亦都話佢任何人都好好禮貌好客氣，而且為人好低調，佢外父曾經建議叫佢住間豪宅，但係呢位男藝員好有骨氣，同太太繼續住喺佢平時著開嗰間村屋，結婚之後，都係同老婆去排隊食啲平民嘅壽司餐廳，咁其實我又覺得 ，如果大部分女人都希望搵個有依靠嘅男人 ，咁如果一個男人真係愛上一個有錢女都唔係罪。

來到戲肉喇，我講第三位駙馬畀大家聽下, 當晚佢哋喺豪宅嘅私人會所註冊結婚嘅時候，我朋友在場，見到來賓好多都係送上橙色一盒盒嘅名貴手袋，大家都知道係咩牌子啦, 諗都諗到唔係送入門版咁低手啦, 即使送一個幾十萬嘅賀禮，喺上流社會嘅社交禮尚往來，幾十萬嘅賀禮好閒㗎咋，點解呢？平時同你傾生意，如果有利益輸送，分分鐘畀人話貪污，但係趁住呢啲大喜日子，大手筆小小，其實係我哋啲普通市民覺得係大手筆啫，上流社會如果關係搞好啲，下次傾起生意上嚟，分分鐘賺到過千萬甚至幾嗰億都有。

又講返當晚嘅事件啦，新娘子喺宣誓嘅時候，喊到豬頭咁，好感動，男嗰個就冇乜嘢呀，係人都睇得出個女仔好鍾意個男仔 。其實嗰晚都 冇乜嘢特別呀，好似一般有錢人搞event咁啫。

不過我對於呢位膠面男最近喺ig嘅回應，有少少意見畀佢，佢點樣回應呢件事呢？上半段講佢點樣”努力工作賺錢去照顧我老婆”, 其實唔係同我哋公眾講嘅，上半段嘅說話係同佢老婆㗎老豆講嘅，話畀佢聽會好好照顧佢個女，老人家睇到呢啲未放心將個女交畀你囉， 遲下都會將副身家畀埋你啦, 其實你嘅回應去到呢度已經夠 。已經好大方得體 ，但係呢條粉腸 ，下半段就係鬧啲網友嘅 ，鬧啲網友繼續話佢靠乜乜乜啦, 跟住佢就hashtag口業，下面嗰段真係非常之小家啦，over咗呀, 霞姨, 畀多個飯盒佢啦，人哋咁落力。

通常一般最top嗰啲明星, 畀人寫任何嘅負評, 都唔會回應㗎，你睇下王菲、週潤發、梁朝偉、劉德華呢啲最top嘅明星，咁多年嚟畀人寫過嘅負評，全部都唔會回應，係因為你上到咁上下神位，一定有人鍾意撩事鬥非, 睇下你點樣回應，就知道你嘅人品同埋心性，甚至你嘅智商, 所以呢啲咁top嘅明星, 身邊都有一啲好出色嘅經理人教佢哋唔好回應, 亦都可以咁講，都係因為佢哋地位非凡，覺得唔需要理會其他人點樣去批評佢，即係好似有啲人笑李嘉誠帶住隻精工錶，李嘉誠都唔會回應你班傻仔啦，佢自己本身就已經係名牌啦。

過往我嘅工作見到無數嘅有錢人 、同埋有能力嘅人 ，通常都冇好低調 ，你睇下金庸筆下所有嘅英雄大俠 ，出嚟行走江湖 ，通常都唔會隨便拔劍 ，冇必要嘅時候都唔會話畀人聽自己武藝高強 ，如果你話突然之間有啲無名鼠輩走去向呢啲武林高手挑機，通常啲武林高手, 彩佢都費事喇，個個都應酬咩。

By the way , 乜電視台真係咁好搵㗎咩 , 又陀飛輪, 又豪宅,我倒返轉頭要請教下你喎 。咁梗係唔係靠電視台嗰份人工啦 ，藝員搵真錢不外乎係要登台 、剪綵 、做代言人 、拍廣告 ，拍電影、去內地拍劇 ，咁樣先至真係搵到大錢㗎 ，你見阿bosco 同埋阿唱k撈得幾掂?人哋點樣寫佢哋溝女，佢哋都冇惡言相向，學下嘢啦,後生仔 。畀心機做嘢,下年做視帝都有你份呀, 不過就算你攞獎有咩表情，。即使我識得fbi閱讀人哋嘅微表情，我都睇唔到你嘅內心世界，d 透明質酸 落得重手呀，Over曬啦 。下次輕手啲啦 , 唔該 。放多啲心機練好個body啦 ，男人有皺紋 越man㗎, 你睇下三哥 幾有型 ，如果有一日我經過海底隧道 ，抬頭見到你嗰個廣告 ，咁你就成功啦 ，阿愷威 都係咁樣之後冇耐就返咗大陸拍劇, 之後成個樣都唔同曬, 佢都係從來對任何負評冇作出任何評，呢啲咪有條件做最top嗰集星囉。

你咁樣回應d負評，仲要hashtag人地口業，咁咬牙切齒去回應，咁樣證明你去做最top嘅明星仲有一大段嘅距離。學下嘢啦。





?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

｜Honda Jazz RS—山路新清水灣道vs大老山隧道高速去西貢食海鮮 塞車快慢油耗話你知
揸住本田Jazz由彩虹入西貢食海鮮 兩條路線對決時間快慢油耗支出

由牛池灣、彩虹和鑽石山附近駕車前往西貢，一直都是令駕駛者患上「選擇困難症」。因為從這裏出發前往西貢市中心的話，其實有兩條路線可選：第一條路線是走「傳統路線」，經新清水灣道一直前往西貢；第二條是「富貴路線」，付20元隧道費經大老山隧道，連接西沙公路，之後直奔西貢市。今次CarMan兩位主持決定各自測試所選路線，看看誰較快、同時以較低油耗和支出到達終點滘西洲公眾高爾夫球場停車場，完成路程。

https://hk.appledaily.com/lifestyle/20201222/QCVA52YZ7VE63IWXKZE4MSO6ME/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#Honda #JazzRS #油耗 #測試 #西貢
#果籽 #StayHome #WithMe #跟我一樣 #宅在家

【背水一戰，呢場仗，許勝不許敗?】

我從來不是運動領袖，也不是政治明星，宏遠的答案我沒有，只是不知有幸還是不幸，在此時此刻，要為香港人爭一口氣。

「可以卑微如塵土，不可屈曲似蛆蟲」，今次嘅選舉，係法治同人治嘅對決，係民主同威權嘅對決，係真誠同謊言嘅對決。

我係區諾軒，我向全港市民發出一個邀請，3.11，用選票展示香港人嘅尊嚴。

#香港人心不死 #votethe1
__________________

多謝剛才有好多位朋友、前輩上嚟發言，回顧左我過去十年政治路上面嘅點點滴滴。

或者到今日，都仲有人會以為，區諾軒入到閘，民主派係港島就可以大安旨意。但事實係，對手半年前已經開始選舉工程，幾個月前係隧道口賣廣告，幾個月前將海報貼滿老人院，我只有個半月進行選舉工程，呢場絕對係一場硬仗。

諗返兩個月之前，我真係無諗過要踏上呢個台板，以候選人身份同大家見面。正因為政府無理DQ左6名民選議員，包括香港島嘅羅冠聰，後來再阻撓周庭參選，使盡橫手搶議席，先令我要臨危授命代表民主派披甲上陣。我要首先係度多謝各位支持我、幫我地助選既朋友！

今次嘅選舉，好多人都覺得選舉氣氛麻麻。有傳媒連選舉論壇都唔搞，到今日，我地仍然無科學嘅民調數字。但係大家問心，歸根究底，係因為對政治局勢充滿無力，大家搵唔到香港前路點走，以致我地逃避，唔想面對。

唔知道大家身邊有無朋友係咁，我有好多同學2014年，佢就係金鐘個邊紮營，甚至龍和道個晚，就係我隔離條路食警棍。但係雨傘運動過去左，有人專心做生意、有人走左去幫公司上市、有人專心做公務員、做老師，佢地話，一見到政治新聞，就想熄電視；見到立法會包圍主席台，寧願望番手機覆whatsapp；佢地會黎添馬公園，不過係為左捉精靈，參加英國文化節，睇藝術品，多過黎遊行。有錢，有時間，寧願去旅行透下氣。

你問我做民陣召集人個年係咩感想，就係每次遊行都深深感受到，呢種無力，呢種迷惘，已經變成每一個參與雨傘嘅人，甚至係每一個香港人嘅共同經驗。我真係好想同問在場既傳媒朋友，點解成日要訪問梁愛詩、范徐麗泰、饒戈平，佢地次次出黎電視，日日都踐踏香港人既尊嚴。范太話，若果覺得大陸破壞一國兩制，請香港人移民去台灣；饒戈平話，23條立法沒有討論餘地。佢地代唔代表到香港人呀？

大家將心比己，我好明白大家嘅感受。喺香港生活，本來就係一件好壓抑嘅事，有人會話，咁樣叫做休養生息，有人會鬧唔繼續參與就係港豬，背叛左雨傘運動。但係坦白講，一個充滿無力感，好似無方向嘅政治氣氛，覺得攰，想休息，其實並唔係啲咩可恥嘅事。

但係你問我，係咪代表香港人已經死心，我會話唔係，我仍然對香港人充滿信心。每次遊行，我仍然見番好多雨傘運動既臉孔，佢地未必次次出現，但係敘會之間，仍然感受到佢地對香港著緊；今次選舉，你，同你同你，我認識既、唔認識既，都真切地體會到你地既支持。

我地香港人，即使喺無力，壓抑，仍然會抵抗不公義，捍衛自己嘅價值。大家睇睇林榮基；大律師公會；海麗邨既工友；去到最近九巴工潮，車長話：「我第一個企出嚟，第一個係罰我先……每一樣嘢都係要犧牲。」我想大家比Ｄ掌聲佢地。

佢地嘅出現話俾我哋聽，我地點燈，就有光。我哋未必即刻見到明確嘅方向，但我哋緊守崗位同專業，我哋一定會走出呢種無力嘅狀態，為香港嘅民主運動，為我哋嘅社會公義，揾到新嘅出路同希望。我地點燈，就有光。呢個亦係點解，我係今次選舉強調，重建民主運動組織力量，係我當選後既重要方向。

有好多人問，點解我揀喺呢度開我嘅造勢大會，原因好簡單，十年前既依一度，就正正係皇后碼頭抗爭既發源地，而皇后碼頭抗爭就係我既政治啟蒙。

經歷專權政府既發展，依度雖然被拆卸，但無論係天星皇后，定係雨傘運動，呢度都象徵緊有一班勇敢嘅香港人，願意為我哋嘅城市獻身，抵抗警察嘅暴力。

我相信，我對呢度嘅意義係唔會輕易改變，有人恪守自己既專業，係法律界、金融界、學術界，頂住人濫權；有人參選法團，頂住利益集團。我地每一個人堅持既陣地，就係香港精神！

今日集會，叫做黑夜點燈，香港人心不死。即使我哋因為睇唔到出路而覺得無力，我哋並無選擇放棄香港。面對黑夜，爭一口氣，點一盞燈，我哋依然會默默守護彼此，去點亮包圍我哋嘅黑暗。

依家嘅北京，依家嘅政府，依家嘅權貴，就係想抹殺我哋城市嘅希望。佢哋要將一代人嘅政治權利搶走，要將抗爭者收入監牢。佢哋嘅目的，就係要香港人死左呢條心佢。我問大家一次，大家會唔會因為咁而死心呀？

今次選舉，我將自己既所有既未來都押上黎，因為我對香港市民有信心，「原本我唔需要選，所以我更加要贏。」慢必話：「原本你唔需要投票，所以311，大家更加要出來投票！」

今次選舉，我地背水一戰，呢場仗，許勝不許敗。政府要我哋死心，我地唔單止要贏，更加要用最強大民意，話番比政權聽，DQ周庭，係錯嘅！DQ羅冠聰，係錯嘅！DQ候選人，無論係本土派定係自決派，都係違反國際公約！

「可以卑微如塵土，不可屈曲似蛆蟲」今次嘅選舉，係法治同人治嘅對決，係民主同威權嘅對決，係真誠同謊言嘅對決。我係區諾軒，我而家向全港市民發出一個邀請，有請各位一齊同我一齊，係未來呢個星期邀請身邊既人投票，311，齊投票，守護制度公義，民主派四席全贏，多謝各位！