你哋啲小朋友最近有無鐘意講悄悄話？😆

👄👂🏻「媽媽，我個heart住咗喺你個心度呀！」

🤡「點解呀？」

👧🏻「因為我好鐘意你🥰」

嘩！拍拖時都未試過甜到漏，最近一日就會「暈」幾次😆

不過之後開始亂來…..🙄

「媽媽，你個heart住喺你個body度」
Bio堂的概念嗎😅

「媽媽，我個heart住喺你隻腳度」
即刻想到pat pat🍑坐住個腦😆

返咗學的小孩，口甜舌滑技能再提升，亦都越來越貪玩，但未必識分「貪玩」同「惡作劇」，有時仲會「玩岀火」🔥，究竟安全界線係點定？

睇匀坊間的兒童書籍，不是太沉悶就太學術，講安全常識唔多，有時去書局揭完覺得幾好，但望到價錢又會放返低🤣最衰都係 #蘋果樹屋，令到我喺岀面好難買到合心水的繁體中文書😂

上次買咗本 #我不認識你 的安全守護繪本，一一真係有乖乖記得內容，就連初次見面的朋友請佢食糖都話要問過我，所以今次見到另外3本主題都適合就一次過入手😌全部都要經我過目先比一一睇😆

📚拒絕惡作劇
適合剛返學的小朋友睇，唔好跟其他同學仔一齊搗蛋；

🤯糟糕！迷路了！
啱放假岀街一支箭跑走的小朋友；

🔥玩火真危險
配合剛過去的中秋節，解釋比一一聽點解我哋唔火蠟燭。

#嫦娥奔月 同上次買的 #幸福月餅店 都係關於中秋節，一一剛過完中秋節印象會更深刻🥰

另外我仲搵到幾本好啱開學小朋友睇的童書：

☔️不喜歡下雨天
教小朋友如何看待不喜歡的事物，保持正面思考及情緒管理；

🎃我才不是膽小鬼
適合觀察型和慢熱小朋友，用萬聖節做主題，究竟怕去做的事是否代表膽小？

😘好想在一起
利用一個遠距離親情的故事，解釋分隔得遠不代表關係不好，還有如何維繫感情的方法，教小朋友如何對待不在身邊，特別是移民的家人朋友😮‍💨

至於$10閃購 又換咗新書，今次揀咗各款磁石貼送比朋友做小禮物😍

依家蘋果樹有送上門運費優惠 :
$30 (5kg以內)或
折後滿$350免費送上門

正價童書滿$100 ，全單85折
www.appletreehouse.com.hk

想知道蘋果樹童書好物、獨家優惠資訊
可留言pm group link

.
.
.
.
.

🎁🎁粉絲福利🎁🎁

多謝蘋果樹圖書送岀 #玩火真危險 同 #不喜歡下雨天，會從參加者中選岀2位朋友

🔹讚好 #一一細說愛生活 及 蘋果樹圖書 Apple Tree Books
🔸Like & Public Share 此post
🔹留言話我知想要邊本書及原因：

1️⃣玩火真危險
2️⃣不喜歡下雨天

截止日期：10月3日

📍每人只可參加一次，只接受香港人參加
📍選中後會即時檢查，如沒有做齊會重新再選
📍禮物平郵送岀
📍公佈後請2日內自行inbox，逾期即視作棄權
📍一一。細說愛生活保留最終決定權

#蘋果樹圖書 #網上書店 #好書推介 #兒童圖書 #故事書 #貼紙書 ＃繪本 #幼兒圖書 #繪本 #九月開學優惠

【龔成問答信箱】（Q22701-Q22720）

Q22701：

龔sir，見你1211多年，究竟係咩令你咁相信自己嘅眼光 就算佢當年由$88跌到$12，你都渣住唔放呢，點解你有咁強大嘅自信，我唔明？

龔成老師：

睇長遠價值，不是睇短期股價。

十幾年前，我已大量睇電動車行業資料，分析行業及技術發展，我見到電動車的最大問題，就是電池技術與配套。

如果這兩大因素解決，電動車一定能普及，因為佢比用油平好多，同時更環保。

然後，我分析電池技術與配套，這兩大因素，中國的配套在近10年間，不斷建設，例如充電設施等，在全球行得較多，多年前已相信，中國這方面的配套成熟，是遲早的事。

之後就是分析電池。

比亞迪（1211）本身就是造電池起家，之後再造車，是全球擁有較高電池技術的車企，其實佢的電動車，2007年已出產，當時已見到唔算差（雖然與市場化有距離），但佢過往的電池研發好強，因此可以推論，只要比時間佢，電池技術一定會提高，因此成功只是時間問題。

我地分析，一定要著重大方向，多年前，當其他人仍停留在「比亞迪的車會爆炸」，我就是分析，這個爆炸的原因是甚麼，是否核心因素，還是能解決的問題，我以「長遠的角度分析」，而不是這刻，我見到佢受短期不利消息，令股價大跌，就會增持，我從不擔心佢股價跌，因為我集中睇企業。

投資潛力企業，就是「這刻未成熟時買入，耐心持有，等企業成長」，所以，我地的分析點一定是長期。

------------------------------------------------

Q22702：

老師，有件事情想請教你。我每天工作8小時，所以有時候回家再看書就會因為太累而拖慢速度，所以我把書本都帶回公司看，但你知道很多人都冷眼看待，

但我不會理會別人的價值觀，因為我知道我在進一步走在正確的方向前進，而他們只是在正常的範圍內生存著，甘願做個普通人，但我不想只做個普通人。

不過有時候真心覺得自己很孤獨寂寞，仿佛被孤立無援，覺得沒有人會明白，所以我才要更加證明自己所走的路是正確的方向。

我相信你也有這個時候，請問你是如何走出陰霾的呢？請賜教，謝謝你！

龔成老師︰

其實有時候，這個世界只有自己，才會最清楚自己在做什麼。我地人生，最重要並不是要向別人交代，而是要向自己負責。

而且，你要做到別人做不到的成就，你就一定會做一些一般人不會做的事。

我建議你唔好介懷太多別人眼光，做正確的事，永遠都是正確的。

當然，我都唔建議過份極端，有時間中午也要跟同事聯誼一下，維持一個正常社交，都係同樣重要。

------------------------------------------------

Q22703：

老師,雖然未有機會親身上你的課（等港澳開關），但你在財務自由路上的確啟發了我許多，除了拜讀你的作品，也聽你的建議讀了窮爸爸富爸爸、巴菲特給股東的信等不同財務概念書本，

我做政府工，而且花費不大，本覺得生活不會太差，但發現即使努力工作，家庭成員和其他突發事件還是會有機會令自己陷入財務胡同，所以希望趁年輕(29歲)檢視我現時狀況，作出根本改變，

由於身邊長輩和朋友都沒有這種概念，實在不知道可以和誰討論，希望老師可以給點意見。

1. 去年買的澳門物業正在放租，但租金($13000)不能抵按揭和管理費($23000)，而且因而鎖住了首期和每月現金流，除著橫琴發展，我覺得澳門的物業未必會再大升，

我是否該在禁售期(3年)後賣出，套現作更進取的投資？自住方面預計2年後有需要，但可以租較便宜的唐樓($7000)

2. 老師一直強調企業的質素不變可不理升跌，一直持有，我在8年前已持有1128永利，當時永利皇宮開張在即，而且我在內工作，知道公司營運文化甚好，所以以$28.5買入，

後來一直跌，我在跌到約$14的時候放了一半，但沒想到現時可跌至$9，在我理解，這間企業的質素實在沒這麼差，但我即使繼續持有也不太可能升回$28，這種情況應如何應對？

其實和我購入匯豐的情況相若，持有10年(平均價$70) 但一直下跌，實在不明白優質企業長期持有的用意，又應在甚麼時候賣出？

3. 然後我在科技股熱炒時，以較高價購入，現在portfolio 已損失30%，家人說我不懂止蝕，但我本意為長期持有，但我以上的長期持有例子效果也不好，實在不肯定未來應如何步署。

4. 很多人羨慕作為公務員的薪高糧準，但穩定同樣扼殺了晉升，做兼職和做小生意等收入增加的機會，你會建議趁年輕闖一闖還是安穩收入配以投資呢?

最後，老師我明白你不想上網課是怕偷拍，但如果你委托可信之人在澳門租課室，用大屏幕做網課，同學照坐在課室，有助教監督，應就可避免此情況，也可不必受來往澳門之影響，

這只是一個建議，希望早日可見。

龔成老師︰

1) 你可以從2個角度去考慮，從投資方面睇，你現時物業支出，明顯比收入為多。但唔地唔會因為咁，就斷言話這個物業，無投資價值。

因為我地仲要考慮佢長線增長潛力，另外如果你係高成數按揭，都會令收入不抵支出。

不過，你現時收入和支出個落差都有點大，可能係你租金部份出問題。你要了解清楚，同區租金情況，係唔係都是這樣低。

另外，從自住角度，雖然你話2年後，可以先租較平唐樓。但你都要從長線角度去考量，講緊係你未來10-20年，你可能會組織家庭，對單位大小需求會有變化。

如果你現時放租物業，係可以滿足到你長線需要，其實你都可以考慮保留。中短期放租，長線收回己用。

2) 因為優質企業，長線佢會因為企業成長，慢慢令價值提升。但由於你買入價，其實好貴，完全偏離企業價值。所以，你預要較長時間，或者市況好熱，才有機會重回這個價位。

但畢竟此股有投資價值，我地係可以守。

你可能會問，咁不如放左，平D再入翻唔會更好咩。但問題係，我地投資唔會去"估走勢"，因為無人知你沽左後，係唔係一定跌，佢係可以之後一直升，那你就要用更高成本，才可以買回股票。

但好似匯控(0005)情況都類似，但匯控(0005)是收息股，增長力不高，本身就不適合你這個年紀，建議換碼至其他有增長力的優質股，會較好。

3) 由於你本身買入價高，所以現在有較大帳面虧損係正常。只要有質素，長線持有會係較好策略。

除非企業質素變差，或者大市又去到好狂熱，否則我地唔會沽出手上優質股。

你現時問題，唔係組合虧損無止蝕，因為你這些持股係有質素的話，真的不用沽，等佢長線升值就可以。但你要學好估值，以避免將來再買貴貨，否則長線回報會大打折扣。

在有能力估值前，最好投資方法，就係做月供，不理當時價值，定期定額地供款儲股票，就可以減低買貴貨風險。

4) 這個睇你個人志向，因為要做到富人，係有好多方法(可以睇我千萬富翁本書，會有較詳細解釋)。做生意，會係其中一個渠道。如果你係想向這個目標推進，把握年青去闖一闖，不是壞事。

但有些人會選擇利用投資，那你初期必先有一個基本收入，再用額外資金去投資，累積財富。到你有一定資金和經驗，可以考慮慢慢轉成一個全職投資者。

若你想行這條路，公務員工作，會係一個好好的平台，去支援你的目標。

所以，你要先定好目標，才決定下一步應該如何走上去。

另外，多謝你課堂營運上的建議，我會認真考慮，謝謝。但暫時，我都係較希望可以真人見面，因為可以更易跟學員互動溝通。希望疫情早點過去，可以早點和澳門朋友見面。

------------------------------------------------

Q22704：

老師 1117股價下跌了很多 我2.18入手的，共有40000股 需要斷捨離嗎，其實我對他們公司也有信心的

龔成老師：

現代牧業（1117）不是劣質，但政策及行業產品價格波動，都對佢有不利影響。

佢係中國採用大規模工業化散欄式乳牛畜牧業務模式的公司之一，所有標準化畜牧場乃以各個畜牧場。

按畜群大小計算，集團是中國最大的乳牛畜牧公司及最大的原料奶生產商。

整體都有質素的，不過行業變化大，原奶的價格令佢盈利較為波動，長線投資價值都有，但唔建議太大注，現時要睇你持貨%多唔多。如太多，減3分1至一半。如不多，暫時守住先。

------------------------------------------------

Q22705：

龔sir, 我在掙扎應否轉行從事保險業，如AIA. 我現從事酒店業，行業經驗達15年，現是部門經理（部門中最高級的職位），自覺好難會有更大的突破

掙扎點如下：
－我即將39歲
－沒保險業經驗，要由低做起
－怕收入不穩

還有，不確定保險業是否適合自己

龔成老師︰

其實你明白自己已經無突破位時，做改變係正確做法。

如果你無乜家庭負擔，要試！

保險業從業員，其實對年齡唔係睇咁重，反而人脈和溝通技巧，會係更重要。

雖然一開始要從低做起，但只要你係有能力，可以晉升得好快。

但當然，收入跟你銷售成績成正比，因此開始1,2年，可能收入會較不穏定，你要有心理準備。最好你儲有一定資金，作為背後後盾。

如果你怕不適合，你可以找一些保險業朋友，去了解多D。同時間，你睇下可唔可以，用兼職模式試下先。

------------------------------------------------

Q22706：

想問一下，我想幫小朋友的財富增值，月供盈富基金是否一個比較安全嘅選擇？除了盈富之外仲有冇其他選擇？

謝謝！

龔成老師︰

小朋友由於可投資時間長，策略上十分簡單。你可以儲盈富(2800)，佢係包括58間質素不錯上市公司股票的組合，有一定增長力。如果有投資美股，可考慮月供VOO。

若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。

基本上，以你小朋友年紀計，持有以上股票都係可以，但你明白當中風險。

------------------------------------------------

Q22707：

老師，您好！我有一個鄰居，大約10年前搬家了（估計賣掉自置物業）。

一直留在這屋苑租住，也搬4次了。我們的屋苑10年間升幅只5成，大約10年前值1千萬，現價1500萬。所以，我推斷就算大市繼續升，再住10年也是2千2百萬。但到時樓齡三十幾年。

買樓也是投資，我覺得繼續投資這個物業不太值得。

假如我仿效鄰居，過多幾年賣樓，用1500萬全買收息股，一年進帳75萬，一個月6萬。每月租樓3萬2，已經包括目前個個月要交的管理費，差餉，地租。

然後，有足夠的生活費。想到這個方案，我覺得更安心退休。當然，租其他地方可以更平宜，留在這裏感覺無降低生活質素，而且我們算平的。

老師，你認為這個方案可行嗎？

這是製造現金流的方法，如果，我適當投資，回報更不止75萬一年呢！

龔成老師︰

你所講的方法，係可行。但你要明白，香港樓市供求失衡，我預期樓價長線都會係升。你物業雖然到時係3X年樓齡，但唔算話好舊，只要其他條件係合理，依然有一定投資價值。

你可以睇翻自己情況，若不沽出物業，單靠現時資金所創造現金流，是否跟你未來退休生活所需，有好大落差。

如果較大，你沽出物業，買收息資產，去提升退休生活本錢，係可以。但你就要承受租金波動的風險，你要明白這點。

而這筆資金，你可以將佢分成5部分。

第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、富豪產業（1881）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，以備不時之需。同時，若投資市場大跌，你也可以考慮買到更多的收息股，因股息率會進一步上升。

但如果你現有資金創造的現金流，其實同你退休生活所需接近，或者只係差少少。

你可以考慮係退休時，用現有物業去做逆按揭，創造額外現金流，去補足你落差部份。一來不用沽出物業(不用為市場租金變化擔心)，二來可以加大每月現金流。

但大前題係，你這個物業係無傳承給家人的需要。

------------------------------------------------

Q22708：

龔sir你好，之前問過992聯想，我發現琴日10號派左息。

每股派0.306 但我1萬股得2370，同埋點解派左息，股價冇跌反而上升7％，係因為上半年業積好，所以派完息，多左人入市？

龔成老師︰

今期聯想(0992)派息每股$0.24，以你10000股計，會獲得10000 X 0.24 = HKD2400。但銀行會收入手續費，所以會比HKD2400為少。

至於派息，係"除淨日"(而非派息日)會除下相關權益，故單純派息除淨這個動作，係會令股價下跌。

但每日股價，會受不同因素影響，故除淨日未必一定跌。而且，你所講係派息日，對股價更加無任何影響，因為派息日係唔會對股價進行調整。

你要明白中短期股價，可以因為好多原因而出現變動，但我地著眼點，都係要放翻係企業長線質素上。

佢大升，相信係因為集團預期方案服務業務集團(SSG)部份，未來增長理想，故令股價受到刺激。

現價算係合理區中上部，這股係平穩增長型，你唔好預佢高增長。主要係有平穏增長力，再加收下息。

------------------------------------------------

Q22709：

你好 龔sir。自從上次收到你回覆 已隨即改了月供組合。過了大半年時間，蝕既金額已收窄了很多，謝謝你。

原先我組合內有$2000騰信及$2000 阿里。但想剔除呢兩隻，把資金加大落1810，1211及0175，分佈如下：

2800-$5000
66-$3000
0823-$2000
2-$3000

3-$1000
2388-$1000
1810-$3000
0175-$3000

1211-$3000
0388-$2000
1177-$2000
3067 每月100股 ~2000

欲望日後能從股票收息獲被動收入每月至少一萬元。是否可行？

謝謝你。

龔成老師︰

現時比亞迪(1211)偏貴，不宜月供。或回翻D先小注月供。

如果你想月供新能車股票，你可以供住考慮GX中國電車（2845）先，這基金的目標是追蹤Solactive中國電動車指數NTR「相關指數」表現緊密相關的投資回報。

另外，現時大市只在合理區，每月儲蓄要留有部份，用來等大跌市出現，去入平貨。

如果你希望每月有1萬蚊現金流，以股息率6%計，你需要本金200萬。

你現時組合，係一個增長型配置。我假設投資回報有10%（連股息再投資），你每月投資$30000，5年後大就可以達成200萬目標。

但你現時只係40歲，依然有一定時間增值。建議你唔好咁快換成收息資產，比D有增長力股票，用更多時間升值，去爭取最佳升值效果。

------------------------------------------------

Q22710：

龔sir你好, 認識您太遲，我在投資路上浪費了許多時間，希望您可以給我現在的投資一些意見:

本人已28歲,目標: 10年內可以先買到細價樓投資或自住(600萬物業) ，同時不用賣出所有股票。因人工不高，保守估計未來八年都是2萬~3萬左右，

所以計劃要預多首期（可能要超過350萬）才可以過銀行審批及供得起。

現持有: 20萬股票, 20萬現金

[email protected] (17%)
[email protected] (19%)
[email protected] (15%)
[email protected] (8%)
[email protected] (24%)
[email protected] (5%)
[email protected] (4%)
1448@7 (7%)

今個月開始月供1810, 66, 1177 (各$2000), 3067就打算每兩三個月買入

同時每月另儲$3000等機會加注1810,1448,3319

1) 請問以上組合有沒有改善的地方? 計劃是長期持有。選擇2822而不是2800長遠有沒有問題?

2) 請問我可以達成以上目標嗎?

感謝您。

龔成老師︰

1) 南方Ａ５０（2822）目標為追蹤富時中國Ａ５０指數之表現，此股都係一個有質素的組合。但波動性會比盈富(2800)為高。

你現時組合，都有質素，但有3點想你留意翻。

首先﹐郵儲銀行(1658)只係收息股，增長力不高，用來增值不太適合。建議你沽出部份，換至其他有增長力股票。

第二，要注意個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

第三，你月供太偏重左係潛力股(1177,1810,3067)，佢地雖然有增長潛力，同時風險都較高，不宜持有過多。

以你年紀，我一般建議潛力股佔約5成，餘下應用以下平穏增長股。但如果你想加大組合增長潛力，維持現有比例都可以，但你要明白會有一定風險。

2) 假設投資回報有10%（連股息再投資），你每月投資$6000 + 現有40萬*(股票+現金)，10年後大約會增值至220萬。

如果要達至你350萬要求，月供要提升到$13000﹕其實以你收入，你每月儲蓄比例唔算多。你要努力去開源節流，找出不必要開支同時，睇下有無增加額外收入空間，例如兼職、網上小生意等，去助你達成目標。

------------------------------------------------

Q22711：

龔成你好，有關投資問題想請教你。最近有聽過一d複利息既做法，有以下問題

1.想問點樣分辨該股票是複利息定單利息

2.如真係想作為定時定額長期投資，VOO 盈富基金外，有冇其他建議。thanks

龔成老師︰

1) 其實股票本身，無分單利定複利。

複利息的意思，係你要將收到股息，再作投資，以達至將股息再增值的效果。

但有時股息金額唔多，我地好難即時再買一手股票去再投資。這時候，我地就會將佢儲起，等累積到一定金額時，才出手。

另外，複息效益唔一定係派息企業才有。有些企業不派息，但將賺到的盈利，重新投放在企業發展，都係有複利效應。

2) 以你不足30歲的年紀計，可以利用「平穏增長股」和「潛力股」作長期月供目標。

你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

緊記月供係一個長線計劃，月供最少維持3年，並持有這些股票5年以上，才會有較理想效果。

當然，可以的話，最好一直持有。因為，優質股持有時間越長，財富增值效果就會越理想。

------------------------------------------------

Q22712：

老師，請問美股有邊幾隻有潛力？

龔成老師︰

Apple（AAPL）、TESLA、Facebook等都係有潛力，但現價唔平，最好用月供儲貨。

如果你想投資美股，但對美股又唔係好認識，你可以先投資係佢的相關ETF。以下2隻股ETF，都係不錯的選擇。

當中，QQQ波動性會較高，要注要風險。

Vanguard標普500指數ETF〈VOO〉，是追蹤標普500指數的ETF。

Invesco QQQ Trust(QQQ) 是追蹤納斯達克100指數。

------------------------------------------------

Q22713：

老師，而家危疾最新產品有多次賠償，同單次賠償，請問成哥有無研究過多次賠償是否好過單次賠償呢

謝謝意見

龔成老師︰

我無特別研究，因為不同公司產品可以好唔同。就算同一公司，不同危疾計劃，都可以好不一樣，其實好難去每間研究。

整單咁講，過往大部份危疾產品，都係賠完整個保障額，就會將保單完結。

但現時市場不少產品，係原來保障額全數賠清後，當你再遇到某些特定疾病，依然會作出一定程度賠償。(當然受有關條款限制)

只從次數計，永遠都係愈多愈好。

但保單保障其實係好複雜，每隻產品都可以好唔同。除了賠償次數外，其保障疾病範圍、不保事項、等候期、多次賠償的規定等，你都要注意。

買一份保險，有很多細節你係要知。我建議你找可靠的保險顧問，等佢比地意見你，會更理想。

------------------------------------------------

Q22714：

如果要現金用 ？

放270 得12-13元才放？
2638 放
11 小注等收息才放？
其他持有收息？

仲有人仔對美元 新高，投資人仔對港幣定期可取。

龔成老師︰

由於貨幣係可以無限量發行，所以唔係一個理想增值工具。除非你有實際用途，否則不宜持有太多外幣。而定期本身，純粹係收息產品，無增值能力。

你上述股票，都有長線投資價值。但若你急需套現，其實3隻都可以，現價平貴水平都差不多，放邊隻先都無所謂。

至於保留邊D股票，你睇自己投資取態和人生階段。2638和0011係收息股，無乜增長力，主要收下息，較適合近/已退休人士，或者好保守的投資者。

0270、0066、2800、0003則是平穏增長股，除了已退休人士，其他人都適合。

至於恆生(0011)，如果你想放，係無必要等派息後，因為派息前會除淨，扣除派息部份的權益，令股價下跌。故你派息前後沽貨，唔會有分別。

------------------------------------------------

Q22715：

我有買你書架，我知道草錢係第一步。

大師點睇558 力勁科技

點睇cfd

龔成老師︰

無錯，再精確D係要每月有一定儲蓄，才可以用這部份資金，去做財富增值。

力勁科技（0558）我無特別研究。

如果從過往業務情況分析，這企業投資價值，質素只是中等，唔算好值得投資。

另外，我地分析一間公司，唔好單從佢一年成績，就去下定論。睇翻佢過往多年，盈利都好波動。

再加上2020/03年度，個盈利得好少，只有320萬。若果用再早一年，即2019/03的1.9億作比較。假設佢2021/03年度真係有3億盈利，按年增長只係57%。

由於2020/03盈利個基數好細，所以才會出現升100倍咁誇張架升幅。

除非你明確了解這企業，知道企業出現左一些新的長期利好因素，否則，不宜投資。就算投資，都只宜小小注。

基礎產品的差價合約（CFD）是一種衍生工具，主要係估走勢去圖利。純粹賺蝕係基於市價走勢，合約唔會持有相關資產。

投資者只要交小量保證金﹐就可以進行交易。通過杠杆來倍大利潤，當你估中走勢，你可以倍大你獲利，若估錯，虧損都會力口倍，風險唔細，不建議投資。

同埋，我地投資唔應該用"估走勢"架方法去投資，正確方法應該係去理解企業長線質素和前景，再了解佢處於平定貴，之後去進行資金配置。

------------------------------------------------

Q22716：

941中移動和6電能，若以收息和股價穩定來講，邊只值得長期投資，謝謝你

龔成老師︰

中移動（0941）有質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

電能實業（0006）佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。

佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。

2隻同是有質素的收息股，質素計差不多，以現價值博率計，中移動（0941）會較高。

但我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

另外，收息股本身增長力不高，主要係提供穏定現金流。若你係偏年青，應先重點做好增值部份，這類收息股，不適持有太多。

------------------------------------------------

Q22717：

龔老師你好 我是一名90後 收入大概每月3萬(未計租金)現有一層樓收租 現金大約有150萬 請問好唔好將層樓按揭再買多一層收租？

龔成老師︰

將層樓按揭再買多一層收租，係一個增值方法，但會令你負責水平增值。你現時算年青，負債水平較高，都係可以接受。但一定要明白當中的風險。

但較大問題是，你現時資產上，只有一個收租物業。若再加一個物業，你成個財富組合，就會嚴重偏向晒物業類。當地產市道出問題，你成個組合就會受到很大影響。

而且，以租金回報率計，投資物業值博率，比買優質股為低。從投資角度，買優質股值博率會較好。

因此，無論你最終是否增購一個收租物業，你都應先利用現有資金，去累積優質股。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

由於你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

現時大市只是合理區，你現有150萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q22718：

好的，謝謝老師你的意見！！我打算沽出部份股票。

我本身買樓想自住，但考慮到移民，將來都想有被動收入，所以與家人商量，我決定買入細價單位，用收租，一來我唔會用盡所有錢，繼續有現金。二來我還可以保持部份股票。

但我唯一阻礙我行動力的是我本身住公屋，就算將來樓價跌，爆破，發生什麼事，我都有公屋可住。這一個心裏關口真的得難過。

但我知道若想脫貧，但繼續以這種方式來想，我只會永遠都擺脫不了，什麼事也做唔到～

謝謝老師。

龔成老師︰

我地人生目標，唔應該只係停留係一個公屋之內，要開闊些。

雖然，公屋基本上解決左好多香港人，一直最困擾的問題，就係住屋部份。但我地人生，應該不只如此。

你應該有更多東西想嘗試，更多願望相達成。所以，我地要努力為自己財富增值，去創造條件，令自己可以盡早為自己而活。

所以，你唔好安於現狀，要為自己財富增值定下目標，最少做到財務自由水平。

------------------------------------------------

Q22719：

龔成，你好! 你話財務自由多重要，可惜我這一刻仲未做到。老細突然間話移民，公司即將解散，我應該會面對失業了。

這一刻好徬徨無助，心頭壓住好流淚的衝動。我知道人是無情，但老細撇棄我們已成事實。

這一刻，徬徨無助都無用，好好想下自己前路如何，謝謝你

龔成老師︰

發生這樣突然的事，任何人都會手足無措。而且，因為工作表現以外原因而失業，難免會有點不甘。

但人生就是這樣，特別係現時咁不穏定環境，難免會出現這些預計之外的問題。

不過，我地唔好因為咁，就氣餒認輸。比少少時間，去平復自己心情，再想想如何重新上路。

改變會令人不安，但你要明白改變係相向，唔一定係向壞的一方面。如果在一般的環境，我地不會想突破，但面對這些環境，有可能是上天給你一個突破的機會。

只要你保持正面的心境去面對，相信很多事情都可以闖得過，加油！！！

------------------------------------------------

Q22720：

你好，老師，我follow你的fb已有1年，在這一年裡，我由完全唔識股票，之後開始買你的書，之後上你的股票班（現在上緊進階班），從而對投資的知識不斷累積。

我起初有跟老師推介買入港股，但自己收入本身低，投入的錢不算很多，只是投入左十萬左右。另外從身邊朋友開始認識美股，感覺投資美股增長力都不錯，又投資了8萬，

想問下我平時課堂學習的財務比率和估值方法適用於美股嗎？另外你有冇其他途徑/書本推介給我學習美股投資？

另外，我覺得投資組合只有股票，增長力比較慢，想加一些高風險的東西，例如期指和期權，但我又對這些不了解，想老師提供一些途徑/書本名稱，

讓我可以建立知識基礎和技巧，再投資。聽朋友說，這些都是只能用技術分析，對嗎？（但我記得老師講過不要用技術分析，那應該怎樣辦？

希望老師早日賜覆，感激不盡

龔成老師︰

其實我係課堂教授知識，係識用於不同地域的股票。當然，不同地方的市場、消費者文化、稅務等都會有分別，但大方向都係一樣，所以你可以照應用。

書本上，巴菲特、彼德林區等知名投資者的書，都係以美股為藍本，都有一定參考價值。

期指和期權，我就唔建議你加，這些工具基本上就係玩估走勢。所以，投資這類工具的人，都只會跟一般短炒投資者一樣，用技術分析。

而技術分析，是好錯的投資方法！巴菲特已經講到明，技術分析沒有作用的。我地只會分析企業的質素，以及企業的價值。

而且，我地投資最不應該做，就係估走勢。我地只會用平貴水平作考量，去決定投資策略。

所以，你唔好貪快，去用這些短炒工具。你要記住，財不入急門，你睇全球投資最賺錢架人，都唔會用短炒，只會做長線，你就應該明白邊個才是好方法。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

《我做外賣仔的日子》

呼，尋日又做左半日外賣仔，比起第一次做，第二次做明顯有好多唔同既感受，就好似愛情咁，第一次約會總係令人感到新鮮，但新鮮過後，就需要面對現實了，同各位報告下感受，去點：

1）是日都係半日，六個小時，地點係尖沙咀區，南至海旁，北至窩打老道，東至尖東，西至柯士甸站

2）總單數，13單，收入，360蚊

3）當晚約左大學同學食飯，消費400……俾錢個一刻，我好想再打開個apps去補多一鐘，令當日收支平衡

4）極度懷疑系統係有新手優惠，派得特別多單，暗示你聽，好好搵啊，記得做多D！

5）上星期因為被退單，有蝦餃、薄餅、雞翼、肉醬意粉食，原來術語係叫福利餐，而今次我已經成長喇，所有派送成功，無任何福利……

6）是日來回柏麗大道三次，短期內我都唔會再想行呢條路……

7）尖沙咀區比起旺角區舒服好多，我指環境，明顯綠化同公園長椅都有唔少，整體無旺角咁壓抑，而且搵廁所係相對輕鬆好多

8）請叫我渡船街小霸王，呢個範圍，我送左五單，雖然每單既等待時間都有五至十分鐘，但送餐距離極短，短到點呢？就係間餐廳係樓下但客戶都唔想落街咁既距離，每單都有25蚊以上，當時我感覺原來賺錢就係咁簡單

9）距離短，錢好似好易搵，但計返數，原來重點係唔停手地做先係搵到錢，今次只有一次同時拎兩份外賣，比起上次連續3次搵住3個外賣比，感覺到付出幾多，收獲幾多

10）是日最遠派送，係尖沙咀I Square去佐敦永安，仲要係4人餐，果斷搭巴士，車費6.8，點知去到佐敦再次陷入漫長等待，早知慢慢行過去……

11）無單既時候，我企左係譚仔門口，希望譚仔可以賜單比我，點知旁邊有個南亞同事都係度等緊單，你無聽錯，自從成為外賣仔之後，我係街上面見到外賣仔都會心諗，又有同事開工，會給予佢地一個加油既微笑！

12）閒來無事同南亞同事吹開水，佢都係步兵，已經做左兩年，比起我呢個做左兩日既，佢絕對係大師兄，佢一日最少做12個鐘，鋼條既身型，比起我呢個行半日就去按腳既廢柴，我諗佢做完12個鐘都仲可以去兼職按腳多幾個鐘！送外賣用腳，手唔攰可以再用埋佢

13）南亞同事月入差唔多三萬，同幾個同鄉夾租，每月2500，佢夢想係搵到錢開間雜貨店！感覺就好似香港人移民硬係想開埋小食店賣雞蛋仔，文青總係夢想開間Cafe咁

14）問佢公餘有咩做，佢話打排球，剛好小弟年輕都係排球校隊打過學界，但我見佢差唔多一米八，壯碩既身型，強勁既臂彎，我婉拒左佢邀請我閒時打友誼波，我怕比佢打死

15）傾傾下系統派單比佢先，佢同我講，因為佢係老鬼，同地點有多過一個人都會派單比佢先，我當時心諗，頂，你唔早講，佢用一個朋友，你返印度食蕉既表情同我講，下次同到佢班南亞兄弟就記得唔好一齊等

16）佢工作好認真，真係當係職業，而我就係玩味性質，原因好簡單，因為佢係巴基斯坦搵幾千蚊都做到成隻狗咁，依家派外賣比起以前搵多成十倍，感覺好似當年我去澳洲工作假期比當地人問我點解咁鍾意返工，當時我答佢，香港做麥記20蚊一個鐘，澳洲做又係20蚊一個鐘，但係澳紙既分別

17）是日太無聊，所以我係七仔特登買d平時唔飲既冷門或者新飲品，林家謙代言既清。麥茶都唔錯，紅茶花傳既檸檬紅茶幾好飲，但原來成15.3g糖……

18）尖沙咀區送The Austin同Grand Austin最花時間，要落隧道來回，荒島黎，但大型屋苑既保安服務真係做得比較全面，拉門既都好有禮貌，同日送窩8，樓下阿姐真係有少少無禮貌，唔係對我，而係一個順豐哥哥佢拉住貨入黎，佢嘈左幾句，但順豐哥哥無理佢就入左lift

19）今次我比上次做多左樣野，想睇下分別，就係我今次拎到外賣，同送到樓下，我都會Msg客人同佢講我出發喇，我差唔多到喇，送到我都會msg佢地用餐愉快，到底呢個行為會唔會令我多左Tips呢！！？？

20）答案係無既，可能我既服務仲未夠好，但我又覺得咁send個msg比客，都係認真對待呢份工作，令客人多左一份安心，自我感覺良好，下次我會再接再厲睇下點先有tips！

21）收到張單係送食材，蕃茄薯仔豬骨，應該係煲湯，平時我自己買只係50蚊左右，但有人用差唔多高一倍既價錢去享受服務

22）外賣呢樣野，真係一種時間同金錢既交換，有人分分鐘幾十萬上落，佢花費幾十蚊去慳返時間搵更多錢，或者休息，一路送我一路覺得係對整體社會發展係好事，因為人可以做更有價值既事

23）感覺到外賣都不斷升級緊，係外賣盒、外賣速度、包裝等等都感到比幾年前好太多，以前你食個麵要分湯？真係叫都未必有！依家分湯好多唔講明都會分比你，感覺外賣自取同埋派送對於一個人食飯都係一種趨勢

24）睇返譚仔上市資料，幾年前堂食外賣比重都係8：2，依家已經差唔多6：4，世界唔同左，仲記得當年沙士打開左網購既潮流，而上年疫情就改變左堂食習慣，有好多野唔迫到埋身真係唔會成長

25）是日趣事，我左手拎住電話，右手拎住外賣，個客開門之後我遞左電話比佢佢呆左；一個上身赤裸既男人拎外賣，我覺得睇到佢身體要加錢囉

26）暫時對我講，送外賣都係有趣既，而我分析過，因為我係兼職，又唔係靠佢養家，收工時我計一計數，360蚊，如果我等佢開飯既，我真係要加多半日做到夠數先可以收工，而唔係收工仲去食餐比今日搵既錢更多既飯，今次已經比起上星期無咁腳痛，唔駛按腳，但起左水泡，

27）興趣同職業，真係兩個層次，將興趣變成職業係一種漫長既過程，唔係人人做到，當你既興趣超過左一定既數量，就會量變引起質變，即時變質，需要一個覺悟！

28）我會唔會繼續做？會啊，下星期六強勢回歸旺角區！每次有人問我都係咁答，依家每個星期有人比錢我做gym，真係唔做就蝕啦！

29）但同時我係送外賣既時候諗，其實全職炒散真係幾適合我，黎緊我會有新動向，試下其他唔同既工作，分享多少少大家平時成日見既職業，當真係做既時候係咩感受，如果你地有咩特別職業想我去破地獄既，歡迎留言！

30）兩次既步兵經驗，我升級喇！步兵將會轉職成騎兵，點樣升級得快d！比個like啦！like數就好似經驗值咁，令我有動力去冒險！！！！

??去日本等於「番鄉下」？移民潮之際，卻有人近日就放棄日本生活，決心回港，即使疫情之下花費過萬，到底是甚麼原因？Pillowtalk時間，與好友聊聊居日生活點滴，真心話大冒險。居住日本，可能與你想像的不一樣⋯⋯

▶▶??日本健康好物8選??香港都買到! 新發現→甘酒啫喱! 日本女生美容秘訣? 又便宜又好用 #日本好物 #日本產品 #日本
https://youtu.be/MCy3uKJ3h40

---------日本生活系列-----------
▶不會日語??也能在日本生活？住屋/生活/工作/讀書/Working Holiday面面觀
https://youtu.be/VYhSQhLhCy4

▶移居日本前，需要考慮的5大方面
https://youtu.be/AAzbiEb5maU

▶日本Share House生活如何？優點與要注意的事
https://youtu.be/CAt18Z3WSlw

▶我在日本的家是這樣
https://www.youtube.com/watch?v=TLgEr...

▶日本痴漢事件: 4件真人真事⚠️男女都要小心
https://youtu.be/MnlzRhtaUK4

--------港日文化差異系列-----------
5▶竟然!?日本人不吃漬物? 凍食便當? 吃拉麵配飯? 女生長不胖? 愛心便當與欺凌有關? 神奇的主婦恩物??｜港日飲食文化差異14問vol.5
https://youtu.be/6v9uVt9E2Xc

4▶面紅?尖銳的港日文化差異vol.4 | 老公想做牛郎？| 男士電車自保招數 | 男湯內被嬸嬸看光？日本人不理政治？ https://youtu.be/RzNt4xvirCw

3▶深度?? KAWAII掛在嘴邊?日本人都想上京嗎？如何看紋身？日劇中的喝酒會是真的？為何護身符價錢總是齊頭數？
https://youtu.be/RSSpFnUeUn0

2▶爆笑?對香港的印象｜出軌率很高? 日本人理想女朋友性格?｜旅日時常被問[從哪裏來?]｜電費水費幾錢?｜在日港女＋日本人夫 #日本文化
https://youtu.be/Q4mRHTaLcWw

1▶連環26問｜搭訕＝有機會？｜日本禮儀＝真心？｜日本很多大胃王？｜十萬個為什麼｜在日港女＋日本人夫
https://youtu.be/GGwywljAOYA
------------------------------------------------------
希望大家喜歡這次的分享。各位的支持是我創作的動力，敬請追蹤 Subscribe 及按下訂閱的提示小鈴噹，謝謝。

▶我的頻道
fb page: https://www.facebook.com/a.life.traveler
ig : http://instagram.com/lifetravelogue
mewe: https://mewe.com/p/hyacinthk
Website: http://www.mshya.com
Patreon: patreon.com/mshya
Podcast節目: https://spoti.fi/39RWYY5

#日本文化 #日本生活 #在日港人 #日本生活 #日本 #香港人 #日本社會 #日本文化差異 #日本旅行 #日本旅遊 #文化 #港日文化差異 #香港YouTuber #風信子 #日本人 #在日港人 #在日香港人 #在日香港YouTuber #hkyoutuber #日本自由行 #日本推介 #日本文化 #日本女生 #日本男生 #日本留學 #日本移居 #日本購物 #日本網購

｜怪癖｜女生翻白眼致有反應如做虧心事 21歲男生：愛睇白眼多過睇胸
「看到眼睛翻白，如果真的『好正』的話，會有性興奮，有那種好像做虧心事的感覺，又驚又喜，覺得好像去做賊一樣……」Winston（化名）自小已發現自己喜歡看別人的眼睛，長大後更發現看到別人翻白眼會有性興奮，然而一直不知道原因為何，最誇張時更會想在別人睡覺時翻開眼皮玩弄。

最愛大眼美女　女朋友翻眼更大性興奮
大眼美女，很多人也喜歡，Winston也不例外，在街上看見也會多看兩眼，可是他卻更喜歡這些女生反白眼：「我喜歡又大又圓的眼，瞪大眼會看到眼白那些，眼白越多越好，最好有少許紅筋。」發現自己這個喜好後，Winston會在網上找相片和影片看，卻很少跟人提及這個癖好，形容這是「guilty pleasure」，一直都沒有勇氣公開說。「不知道外界如何看，（反白眼）應該是恐怖片、驚嚇，或者是核突，主要是用來嚇人，感覺就是：你喜歡這麼奇怪的東西？」至今他只會跟伴侶分享，連家人也不知道，幸好至今結交過的另一半也覺得沒大問題。「說過之後好像釋懷了一點，也慢慢normalise（正常化）這個想法，不會覺得自己很奇怪，純粹是有一個特別的取向。」

看翻白眼會看得心動，難道連擇偶也要先過到反白眼一關？Winston指認識時當然不會知道對方翻白眼「功力」，但是的確覺得眼睛漂亮的女生特別吸引：「大家的溝通更重要，如何看（我喜歡看翻白眼）這件事，這一點我也覺得很重要。大家相處不到，你就算美得曉飛也沒有用吧。」現在他也不時叫現任女朋友翻白眼，性行為時也會請她翻白眼令他有更大性興奮，女朋友也不介意，甚至曾翻白眼讓他拍照。「不過她翻不到很久，覺得眼睛會乾、會不舒服。」

研究眼睛結構圖　做功課分析自己
Winston為了這個「性趣」，曾經翻查過很多資料，例如小時候會特地找眼球解剖圖看：「眼睛如何移動、微絲血管如何分佈，我也會看，主要是欣賞。不會說想拿匙羹或甚麼器具要把人眼挖出來，這樣我覺得美感會沒了，太血腥了。」

他更曾做功課分析自己，發現日本會有色情電影以翻白眼（日文：白目Shirome）作為題材，有一系列翻白眼情節的AV，外國學者也曾統整非典型的性偏好，包括喜歡舔眼睛的「戀眼球（Oculolinctus）」、涉及眼睛的「視覺癖（Oculophilia）」等，他則認為自己的癖好不屬此類，但是在網上卻成功找到有人跟他一樣愛看翻白眼，「有段長時間我以為這個世界只有我自己一個是這樣，後來才發現原來有其他人也跟我一樣，有男有女，心就定下來一點，起碼有人會明白，但至今我在現實中未遇到一個人跟我一樣鍾意看翻白眼。」

臨床心理學家解謎　因童年經驗愛看翻白眼
即使覺得自己喜好問題不大，Winston自問仍對自己的取向十分好奇：「我沒有試過想特地去看醫生，但是也想有機會跟一些專業人士討論這件事，不是要令自己沒了這個取向，反而是了解自己為甚麼形成這個喜好，這一點我從小到大也解不通。」

臨床心理學家吳桂生博士跟Winston見面，認為Winston應該在小時候已對翻白眼很有好感，Winston說：「小學時跟同學玩，看到他們反白眼，覺得好像很厲害，慢慢越來越好像着迷一樣。中學也有嘗試過有女生在我面前反白眼，其實我不是跟她很熟，只是她是很好相處的人；上課時，她拍拍我的膊頭，叫我看着她，之後反白眼，她說是想玩玩，我看了有點反應。」

吳博士假設，小時候Winston只是覺得反白眼很有趣，是一件很厲害、很特別的事，長大後則將它跟性放在一起，「中間經歷了一些pair up（組合）的過程，一個套餐出來了：一個很友善的人，做一些很特別的事，是給我的，對其他人沒有的，還有我也沒有告訴過他，她卻好像明白我的心意，做了很厲害的事。」他認為，翻白眼跟Winston很正面、對自己很舒服、別人對自己好這些感覺在腦中關連起來，喜歡那件事，就會看得更多，自然會有越來越強烈的感覺。吳博士提醒：「如果越來越依賴白眼引發性興奮就要小心，出現得多是不好的，而且也需要協調。對方心中覺得翻白眼無傷大雅，就去做，但也容許別人有變化，例如別人如果日子久了，不想再有這件事，或者她真的不希望倚賴這件事的話，你也需要有點變化。」

吳博士指，每個人對性的喜好也可以不同，有些人留意不同部位，有不同動作、不同行為，只要對身體、生活、社交等沒有特別影響，也沒有牽涉到傷害自己、傷害別人，不涉及威迫利誘和欺騙別人，一般都並非有問題的事，也不會定義為病。「情況真的因人而異，不過如果病人帶着這些問題而來，他是覺得很困擾、很不妥、很不自然，我就會幫忙找出覺得不尋常背後是甚麼，他想如何改變。」

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#怪癖 #翻白眼 #性興奮 #性趣 #日本
#果籽 #StayHome #WithMe #跟我一樣 #宅在家

Angela在鮮紅色的藥丸包裝擠出一粒圓扁的藥丸，這就是她每日服用一次的甲狀腺藥物。現年29歲的Angela，已經服食該藥逾兩年，至今依然未斷藥。她透露，醫生曾建議可轉飲碘水或做手術，但她仍沒有這個打算，並期望「希望我可以乖乖食吃藥就會冇事了」。

嚴重可致心臟衰竭 呼吸也會肥
甲狀腺亢進是都市人常見的慢性疾病，輕則會影響情緒及外觀，重則可導致心臟衰竭及心律不正。「連呼吸都會肥」，原本是一句女生閒話自嘲的句子，在當年只有25歲的Angela身上，卻是無盡折磨及絕望的始源。

情緒低落壓力大 健康每下愈況
Angela形容自己4年前的生活並不如意，與前男友關係及主要為名牌時裝品牌舉辦活動的工作開始碰壁，令她的情緒長期低落。當時Angela的工作非常忙碌，工作至凌晨三四時是常事。「但當時依然重視收入，當時對我而言，賺錢最重要。」最終，Angela還是與前男友分手，但之後她就開始發現自己的身體出現多種毛病。

有一日，當Angela行至一條每天上班都會途徑的樓梯時，發現自己走到一半已經開始氣喘，並心跳加快，「當時我只暗忖自己是否『虧虧地』，但我沒有意識到自己生病了。」

漸漸Angela亦開始聽到越來越多同事跟她說同樣的話：「你做咩肥咗嘅？」「你點解樣衰咗咁多嘅？」起初她以為是自己胖了，就開始比以前做得更多運動，例如跑步、健身，甚至近年熱門的減肥運動——HIIT高強度間竭性訓練。但每次Angela做高強度運動時，心跳都異常地快，「快得整個人都感到不適」。

頸部現浮腫 確診甲狀腺亢進
Angela慢慢發現自己身體更加浮腫起來，伴隨着同事及朋友日復日的關心與批評，她開始分不清是自己胖了，還是自己太在意別人看法而造成的假像，「有啲大話你講一百次都以為係真啦，何況每日都有人係咁重覆話你肥、話你腫」。

在半年後，Angela的朋友發現她的頸部開始浮腫，在朋友的勸告下，她終於看了第一次內分泌專科醫生，她當時已經確診甲狀腺亢進。然而，由於Angela曾有藥物敏感，所以她最初選擇了接受一年的中醫治療。但Angela的病情並沒有好轉，「後來發現自己的眼都開始凸出，那時就知道自己真的要再看西醫了」。一年後，她的甲狀腺指數如三碘甲狀腺素（T3）及四碘甲狀腺素 （T4）都過高。她的T3指數比正常人的1.88至3.88mmol/l高至30mmol/l，T4比正常人的0.7至1.8mmol/l高至4mmol/l。「當時醫生跟我說，如果我再不食藥，心臟就會負荷不到，就會死。」

荷爾蒙過盛致新陳代謝加快 成心跳加速症狀
內分泌專科醫生丁昭慧指，甲亢患者會因為荷爾蒙過盛而導致新陳代謝加快，一般病人會有心跳過快、脾氣暴躁、消瘦、水腫、食慾暴增、大便頻密等問題。若病人有眼球凸出的症狀，已算是較嚴重，必要時可能要以進行手術治療。

丁昭慧指，現階段醫學界未知道甲亢的明確成因，但有研究指壓力有可能誘發甲亢。甲亢患者年齡層廣，由20到60歲以上不等，而女患者人數比男性多約四分一。

甲亢主要分兩種，分別是免疫能力異常而造成抗體，刺激甲狀腺而造成過多甲狀腺素的格雷氏病 （Graves’ Disease），較年輕患者是這種原因誘發甲亢；另一種是甲狀腺結節，較年長的患者，尤其患有俗稱「大頸泡」的甲狀腺脹大也會誘發甲亢。

藥物可控制 手術可根治
Angela現在每天所吃一顆的甲狀腺藥物，是其中一個可以控制甲狀腺亢進的方法，但每人的身體狀態不一，故每位患者都要經歷試藥的階段。「一開始我需要一天食15粒藥，後來才慢慢減少」。

除了藥物控制外，病人也可在醫生建議下飲碘水，根據世衞所指，有研究指明碘鹽可以減少甲狀腺體積，減輕甲亢病情。醫生也可以手術切除部份或全部甲狀腺以根治問題。

甲亢女患者有可能因為荷爾蒙分泌而影響經期，丁昭慧指，經期不準確的確會令女患者較難懷孕，而女患者流產風險也會相應增加。Angela則指自己原本也希望生育，「當時聽到當然會感到不開心，但最重要還是男朋友的支持和理解」。

減肥無助甲亢肥腫症狀
確診甲亢之前，Angela最在意自己在外觀上的變化。她形容當時的處境的確令自己感到很無助，「如果我真的胖了，至少我還可以去減肥」，當時Angela嘗試過控制飲食、戒酒及做運動，但身體都依然不停發脹，「但我當時都不知道原因為何，這才是我絕望的原因」。被問到會否期望自己食藥後，外觀會回復到原因的狀態，Angela表示「不敢想」，「有些人能夠回復原本的模樣，但我現在眼部還是有點凸出，有時看到還是會覺得有點點不高興」。

患甲亢喚醒健康生活模式
不過Angela指，她並不會抱怨自己患有這個病，「這個病令我更加正面」。甲亢讓她放棄了原本作息不定時的工作，當上瑜伽老師，令整個生活節奏都慢下來，她在考瑜伽老師牌的課程，學會調節自己的呼吸，在情緒波動時，一呼，一吸，就是令她放鬆的節奏。

現在Angela的甲狀腺素亦已經回落到正常水平。相對以前的生活，Angela形容現時的工作雖然都忙碌，每天都要游走三區教授瑜伽，但她形容現在的生活是「忙得有意義」，她亦開始享受現時結合運動與職業的健康生活。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#甲亢 #甲狀腺亢進 #肥腫難分 #瑜伽 #減肥
#果籽 #StayHome #WithMe #跟我一樣 #宅在家