//支持本Page請Click入內文比Clap，謝謝！//

有關香港嘅醫療困局問題，我大概諗倒三個方向值得一講，但因為要留番投稿去《am730》，呢度先講一個：有關海外醫生輸入問題。

而家已陸續有本地醫生支持給予英聯邦醫生免考專業試執業嘅建議，但佢地仍然反對香港參考新加坡模式，將海外排名較高嘅醫學院畢業生同樣容許免試安排，原因係怕佢地只利用來港公營醫院執業幾年「過冷河」，一旦成功領取醫療執照就會立刻走人。

因為我唔熟醫療業界，所以唔知究竟「過冷河」係指拎住呢個資格回到海外執業（照理呢個執照只有香港承認、海外參考價值不大），定係講離開公營機構前往私家醫院搵真銀。如果係講前者，其實只要將領取醫療執照嘅時間延長就得，講真人地響你香港行醫三五年經已仁至義盡，無咩欠咗你，唔通要綁佢一世唔比走？但假若係後者嘅話，掉番轉我認為不單唔應該阻止，甚至應該對佢地仍然留響香港醫療體系、即使只係私家醫院而感到欣慰至係。

講到尾，而家公營醫生其中一個流失率嚴重嘅原因，就係因為比私家醫院挖角，而私家醫院竟然可以吸納全港一萬六千幾個註冊醫生入面超過一半數量，亦係因為好多香港中產已頂唔順公營醫院爆煲，而透過醫療保險轉往私人醫療市場。過去響醫管局鼎盛事期，香港曾經有超過九成服務由公營醫院承包，但而家私家醫院已逐步增加至兩成。

海外醫生轉往私家醫院執業，一方面可以滿足私營市場短缺嘅問題甚至壓低費用，有助更多中產轉投私營醫療機構，另一方面滿足私家醫院對醫生嘅需求，變相亦令佢地向公營醫院挖角嘅意欲減少。最尾其實都係有助減輕公營醫院嘅負擔、壓抑政府醫生嘅流失。唯一響呢個政策上面受損嘅，大概就只有打算轉去私家醫院、或經已響私家醫院做緊嘅本地醫生。

所以分析香港醫療政策，你係要好小心去檢視，究竟邊啲反對輸入海外醫生嘅原因係真心擔憂香港醫療問題，邊啲背後係既得利益集團有關自身利益嘅考慮：林鄭避談英聯邦醫生免試問題，話唔想令醫療界「添煩添亂」、大多本地醫生支持海外醫生只能於公營醫院有限度執業，甚至點解醫科生學額增加速度遠遠追唔上市場需求，於我睇黎，全部都係醫生同政府嘅利益計算。

當然爭議性仲大嘅單程證審批同大陸醫護問題，我嘅睇法同主流民意都係有極大分別；但為免新年比人屌同埋「投稿優先」，都係留番下次先講，請請！

醫療費用極高是因為醫生太少，又不肯輸入外地醫生，深圳市給專才百萬元至數百萬安家費，香港則要求外地醫生考試。其實好簡單，只要畢業在前百名排名的醫學院，並以英文為學習語言者，一律免試再給安家費，引入數百名私家醫生，本地醫生在競爭下，醫療費用一定會愈來愈合理。案：公立醫院就應該識中文，但私家醫生無必要，因為病人自己選，在港的日本人會選個日文醫生，當然醫生本身必須識英文，因為要同其他醫護人員溝通。

輸入海外專科醫生刻不容緩，陳茂波、蔡堅牛頭不對馬嘴

https://youtu.be/c0WsudvGnkc

醫療費用極高是因為醫生太少，又不肯輸入外地醫生，深圳市給專才百萬元至數百萬安家費，香港則要求外地醫生考試。其實好簡單，只要畢業在前百名排名的醫學院，並以英文為學習語言者，一律免試再給安家費，引入數百名私家醫生，本地醫生在競爭下，醫療費用一定會愈來愈合理。案：公立醫院就應該識中文，但私家醫生無必要，因為病人自己選，在港的日本人會選個日文醫生，當然醫生本身必須識英文，因為要同其他醫護人員溝通。

https://m.mingpao.com/…/artic…/20180302/s00001/1519929004491

生BB，訓完氧氣箱，再照燈。直接挑戰銀包的底線！

訂閲我的頻道 ▶ https://www.youtube.com/c/cocogor?sub_confirmation=1