【龔成問答信箱】（Q22341-Q22360）

Q22341：

睇咗你好多專欄，幫人解決投資/人生上既問題，比左好多好既建議，可以幫下我嗎？

你好。龔成老師!係你既讀者，第一次來信給你。

本人38歲。已婚。想在5年之後財務自由，做自己想做既事，做兼職減少工作時間，想之後幾年生小朋友，多些時間陪BB，老婆。

現在有點迷惘，唔知下一步點做好。希望老師幫忙分析下，產資應該怎樣分配，為日後鋪路，本人投資方面比較保守。

本人每月收入，人工$1.8萬+收租$1.3萬，每月支出(1萬) + 供樓(5千) + 月供股票(1萬)

。現金178萬
。人民幣27萬(定期)
。股票約95萬(同媽媽各佔一半)=47萬
。股票債券基金16萬︰
景順環球消費趨勢基金4萬
瑞銀中國股債基金(每月派息5%)12萬
。單位自住(己供完)
。單位收租(己供完)(市值約700萬)每月$1.3萬
。單位爸媽住(市值約660萬)每月供$5000(欠144萬)

月供股票︰
中華煤氣$2000
香港交易所 $2000
領展$2000
建設銀行 $1000
騰訊 $1000
阿里巴巴 $1000
小米集團 $1000

股票約 $956 939($478 469)
0002。中電控股/500 2500
0006。電能實業/500 2000
6823。香港電訊/1000 2000
2638。港燈/500 2000
0003。中華煤氣/1000 1025
2800。盈富基金/500 226
0823。領展/100 164
0005。匯豐/400 924
1398。工商銀行/1000 10000
3328。交通銀行/1000 5000
0939。建設銀行/1000 18971
0388。香港交易所/100 223
0270。粤海投資/2000 2000
0941。中國移動/500 1000
1310。香港寬頻/500 2000
4246。ibond/100 300

0700。騰訊/100 106
1810。小米集團/200 631
9988。阿里巴巴/100 144
9626。Bilibili/20 40
9888。百度/50 50
3033。南方恆生科技/200 400
3032。恆生科技ETF/200 400
6993。藍月亮/500 500

1)想日後每月有3萬左右被動收入， 應該點樣操作？

2)想喺五年內供完層樓(因為想無負擔)，好定還一半比較好？定係用現金做其他操作好？

3)這個股票組合可以加/減什麼股票，會更好？

4)月供股票應否繼續？有冇供錯股？

#好多問題請多多包涵#80後百萬富翁支持者

龔成老師︰

1) 如果你希望每月有3萬蚊現金流，以股息率6%計，你需要本金600萬。你可以透過投資有增長力的優質資產，去累積這個資金。

而你現有物業，已經可以為你創每月1.3萬現金流，因此你最終只需要額外340萬，基本上你就可以創造到每月3萬現金流的效果。

你現時持有不少物業類資產，未來時間，你應集中在優質股部份，去令成個財富組合更平衡。

2) 現時按息好低，唔建議提早還款。你應該用這些資金，去做投資增值，或者買其他收息資產，個創造財富效率，會更高。

當然，如果你財富已足夠你財務自由，你都可以考慮將額外資金，先還款都無問題。

3) 你現時組合好亂，雖然這些股票都有質素，但隻數太多。長線你要集中翻係10隻左右，最多都係15隻好了，否則你好難定期審視和管理。

由於你現金、定期、債券和股票，加總已經可以有340萬這個金額。所以投資上，唔需要太進取，可以維持現狀，在這5年間，再進行適度增值去提高個本金，咁就可以。

持股中，嗶哩嗶哩(9626)和百度(9888)都有質素和潛力，但風險都係會較高，故不宜持有太多。

到5年後，你就慢慢將組合中股票，換成收息資產，咁去支援你財務自由的生活，就可以。

另外，你債券基金部份，表面上係穏定收入。但你要留意翻佢個回報，有多少係保證，同時會否出現賺息蝕價的風險。

4) 月供股票，大致可以。

現時大市只在合理區，我建議你再多動用50-80萬，去買入一些平穏增長股，去進行適度增值。如果想保守些，你可以將部份投入收息股，都係可以。

至於餘下資金，我地就等大跌市出現，才去掃平貨。

例如收息股，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

------------------------------------------------

Q22342：

老師，你點睇未有盈利，但股價升既股票？

龔成老師：

要深入分析，投資者要了解，企業現時是否發展理想，就算無盈利，都要有一些發展，例如產品、生意有增長、技術提升，市佔率正擴大。

如果無這些因素支持，而市場不斷對將來作無限幻想，只要企業發展有少少不如預期，股價都可能大跌，因為之前的價位無足夠實際因素支持。

------------------------------------------------

Q22343：

有不少人認為即將會有股災，假如目前就算分小住購入，都是損失啊！稍為等待是否更好呢？

龔成老師：

第一，無人能預測到股災，能預測的就不是股災。

第二，只要是優質公司，就算短期股價下跌，企業價值完全無變，你是完全無損失的。

------------------------------------------------

Q22344：

sir,我在$18.5買了5千股3067,求救

另外，我看你的fb,得知你持有1177 ，我也跟着在7.65買了一萬股的1177，現在如何辦？好恐慌
多謝你

龔成老師：

恆生科指ETF（3067）有質素，你長線持有就得，最好長期月供，你唔好太著重短期價格，要睇長線，起碼持有3年，根本唔洗理短期股價。

中生（1177），我有貨，長線，根本完全無野要擔心。

（你的問題都幾大，心理質素好弱，都幾擔心你，因為以我過往做銀行及證券行的經驗，這類人是最不適合投資的。）

------------------------------------------------

Q22345：

龔sir，看到您專欄，知道您對股票投資有獨到見解，想在此方面向您請教：

本人42 歲，有自己投資股票，但以短炒為主，數年前亦在高位入市，致現金股票虧損了約二十多萬。我暫時的存倉有：

1. 005 HSBC 4000 股 （這股佔我虧損一半金額）（平均買入價75）（收了5-6 年息）

2. 0941 中國移動 1000 股 （平均買入價 60）

3. 1336 中華保險 3000 （平均買入價 40）

4.1398 工商銀行 5000 （平均買入價 5.94）

5. 2318 中國平安 500 （平均買入價 87.4）

6. 6127 昭衍新藥 & 9888 百度，均是新股獲分派一手，惟2 隻現也虧損

7. 9988 阿里爸爸，抽新股獲分派一手，暫時是所有股票中有些點微利的......

本人買了數份銀行的儲蓄保險，預期在65 歲可拿回約二百萬現金 （投資合共約一百萬港元）

本人月入約4 萬，每月支出約1.8 萬，有一層未補地價居屋自住。現有約70-80 萬流動現金。

本人期望可以55 歲時有錢可買一層細私人樓自住或出租，請問在投資組合上有何建議？本人正考慮買入一些穩定收息股如煤氣、中電、港燈、電能實業等...不知是否合適？還是您有其他更好建議？

本人在工作出來不久已嘗試投資股票，起初以短炒為主也有不錯斬獲，惟憾15-16 年股災虧損，之後在股市30000 點時高位入市（特別是滙豐），致現今的情況....

非常感謝您閱讀此訊息，也謝謝您賜教！

龔成老師：

建議你之後長線投資，全球最賺錢投資者巴菲特的方法，都是長線的。這是投資的王道。

至於你現時的持股，並不是無質素，但買入價一般都唔平，反映你未有企業估值的能力，建議你之後用平均入市法，例如分注或月供，能減少一次過在高位買入的風險，當然，都要好好提升投資知識，學習選股，計算企業價值。

另外，如果有些個別股佔你組合比例較多，宜減。

匯豐（0005）你可長線收息，但預佢增長力不強，如果你持貨多宜在上升一定水平後減持。經濟好轉後，佢股價都會上翻D，你到時可減部分，餘下再守。

中國移動（0941）你可持有，但預佢增長力不算強。

新華保險（1336），只是不過不失，不宜持有太多。

工商銀行（1398）你可持有，但預佢增長力不算強。

中國平安（2318）雖然中短期較弱，但長遠仍是不差的。

阿里爸爸（9988）可長線。

百度（9888）如果貨不多，無問題，可長線。

昭衍新藥（6127），都有D發展力的。

這股潛力度都有，但業務始終有不確定性，建議小注投資好了。都可以長線的。

另外，同一行業不能多過30%，同一股票佔組合比例不能多過15%，你長遠要跟這指引調整翻。

如果你想55歲完成目標，你可以用「先增值，後現金流」的策略，你42歲，可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

建議你的比例，平穩增長股：潛力股
7：3
（如果你投資實力較強，可增加潛力股比例）

平穩增長股：指數基金。另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、比亞迪（1211）、中生製藥（1177）、三星FANG ETF（2814），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q22346：

月供港鐵，平安好醫生，小米可以嗎？49歲

謝謝老師

龔成老師︰

平安好醫生(1833)和小米(1810)都係有質素，但都是潛力股類。佢增長潛力較大，但風險都會較高。你朋友49歲，不應投資太多這類股票，最多佔組合2成好了。

若月供，我建議佢集中係平穏增長股類。港鐵(0066)係其中一隻唔錯的平穏增長股，可以選擇。

以下係其他平穏增長股，你可以比你朋友參考下。如果佢對這些股票，認識不太多，可以集中供指數基金。

再加平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

現時大市只在合理區，每月儲蓄唔好盡用。要留有一部份，等大跌市機會出現時，可以用來掃平貨。

------------------------------------------------

Q22347：

早晨龔Sir, 可以問下你俾d意見嗎？ 我現時有份marketing 工作月入穩定，可是壓力越來越大，常常OT,我身心累到沒有精神時間處理投資，和女兒相處時間又小，

但我都很多開支，供保險，養父母等都須用上3/4, 餘下可能得番$5000，有時洗費大咗都沒錢儲，所以點想都唔敢遲職，我想問學股票或全職投資取代正職的做法是不可取對嗎？

因為應商也是要希唔定積蓄才可考慮。

龔成老師︰

其實做全職投資者，係我書本《80後千萬富翁》講述5條致富之路，其中之一。

要做到全職投資者，投資對你而言，不單要係興趣，而且更要成為你強項。若你現時對投資無乜了解，你就要先由一個「基本知識投資者」，慢慢開始提升自己。

你要花大量時間，努力去看相關書籍、睇年報聞、睇新、、上課程，去學習如何分析一隻股票。

到你累積到分析50間企業和長期實戰經驗，你就可以變成一個「有實力的投資者」，以算有做全職投資者的基本條件。

但要突破至最高層次的「真正專業投資者」，已經不單是投資知識的問題，因為要突破，就要擁有很強的分析力、很強的眼光、很強的心理質素。這些要更長時去磨鍊，才會做到。

你以前作為目標，係可以。但當現時未有太多相關經驗時，最好都係有份基本收入，用作支付你日常洗費和定期投資之用。

之後，再邊工作，邊學習。到你應為時機合適，或者你被動現金流，已足夠支付你大部傻份開支時，就可以考慮慢慢變成一份全職投資者。

至於你現時工作，從你生活和投資學層上分析，都唔係太理想。但畢竟你開支較多，如果你一時間無法找到相近收入的工作，最好暫時維持現狀較好。

------------------------------------------------

Q22348：

呀sir你好!想請教一下你，我而家29歲，月入6萬-10萬（睇生意而家）

月供緊︰
小米一萬
五千煤氣
2500金沙中國
2500 銀河娛樂

因為儲錢比較近期先開始，暫時有30萬股票係手，都係小米 京東健康 同埋銀河娛樂

想係31歲前買樓，想請教一下你 點部署會比較好

目標：買600-800萬樓，想9成按揭

多謝你呀sir 會繼續睇你page，遲少少希望上埋你堂

龔成老師︰

假設投資回報有10%（連股息再投資），你每月投資$20000 + 30萬股票，2年後大約會增值至85萬，相信足以支援你首期。

但問題係，雖然你現時持股都有質素，但2年係一個短時期，好易會出現股價上的波動，影響最終回報，你要明白這個風險。

若你想保守少少(但回報都會少左)，可以將部份月供資金，改為月供收息股。收息股增長無你上述股票咁高，但股價相對較穏定，再加上有一定股息。

另外，小米(1810)雖然有質素，但唔建議太集中去供任何一間企業。建議你抽走佢部份月供資金，去投資其他優質股。

以下是一些適合股票，若你2年要動用資金，收息股會較穏陣，而平穏增長股，增長力會較高，但波動性都會比收息股高少少。你可以因應自己風險承受能力，去作出選擇。

除了投資優質的平穩增長股外，同時，可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q22349：

龔Sir你好！我有幾個問題想請教你一下：

今年買股票明年才收息，咁應該係睇周息率還是預測息率呢？

為什麼預測息率通常都是高過周息率呢？這是否純屬估計今年盈利增加, 而預示明年派息金額會比今年為高嗎？

點解經濟通和A A Stock同一隻股票同一個股價，息率會有少少分別呢？計算方式有冇咩唔同呢？咁應該睇邊一個才更加準確呢？

另外上一堂聽你提到Vtech303算不算是工業股嗎? 因為有9％股息那麼高，如果作為我上面配置表中10％穩健的收息股作長期收息是否穩陣和適合嗎？

謝謝龔Sir解答並祝週末愉快

龔成老師︰

"預測息率"只係一個估算，你可以作為參考，我實際派多少，要到明年才知道。但投資定平貴時，若你用股息率作估值，我地應主要參考"周息率"。

至於"預測息率"高於"周息率"，主要是預期來年派息會增值。但這只是估算，而且每個網站估算方法都會有所不同，所以這指標只宜作輔助性質。

而經濟通和A A Stock同一隻股票同一個股價，但息率有分別，這是正常。因為佢用邊個時間股價、匯率等，都有機會造成影響。

你做分析時，只要係用同一網站資訊去作比較，咁就可以，用那一個網站都無問題。

偉易達（0303）算係工業股，產品未算係高端科技，但都要一定技術，故都略有競爭力。增長力就不算強。本質正面，長遠投資價值有的。

以佢過往正常的經營環境來講，佢派息比率高達9成，成立於70年代，業務是電子產品，這麼高的派息，反映管理層明白這公司已過了最高增長的年代，之後只會是平穩增長。

公司已不需要每年投資發展，反而管理層、大股東，偏向想收息，因此這是重派息多過重發展的公司。

雖然佢係某些業務做得不錯，但發展心不強，同時大環境並不是高速增長，故相信佢之後都會平穩。近年這公司的生意，都是平穩增長，如果比較幾年前的盈利，都是差不多。

這股係一隻有投資價值的收息股，都有平穏增長力，此股適合你。但不能太過大注，大約佔你組合5-10%就好了。

------------------------------------------------

Q22350：

阿sir你好，因為工作需要黎緊要讀一個碩士學位，想問下應唔應該借學貸確保自己有錢投資？

因為如果我借左黎交學費之後將自己既錢攞去投資喺大型etf （voo qqq 果類）或者穩健/收息型既公司（823，apple果類），

只要佢地年回報率/股息率高於學貸既利息率，理論上我既資產喺讀緊書既時期都係上升緊。

同埋如果借錢係咪應該將還款年期拉到最長？因為宏觀經濟喺大機率情況下會長期通脹，變左我拉長黎還既話越後期還果舊錢既實際購買力其實會越低？

唔該阿sir！

龔成老師︰

碩士課程，你可以睇翻個息率高唔高，如果唔高，其實應該借貸(用較長年期)，再用空出來資金去投資增值，咁個效益會較好。

你所講股票，長期平衡回報相信都有8-10%，如果學貸息口明顯係低好多，咁就會創造出投資效益。

但記住，這個回報我係用長線去估計，中短期都會有波動。所以，你要預算好還款部份。唔好諗住靠這些投資去還錢，因為可能係你要開始還款時，剛好大市在不利環境。

若你要套現，就會變成賤賣資產，令到正向投資效益不能產生。

------------------------------------------------

Q22351：

龔城老師對不起，我之前打錯左，比亞迪係242入，唔係142入，請問應該點做？以下係我嘅資產分佈⋯⋯

100股700 $519.5
100股700 $539.5
100股700 $567
100股700 $557.5
100股700 $527
100股700 $581
100股700 $542.5

200股3690 $211.2
100股3690美圑 $248.2
100股3690美圑 $232
100股3690美圑 $238.4
100股3690美圑 $241.6
100股3690美圑 $366.4
100股3690美圑 $298.2

500股1211比亞迪
$247.2
500股1211 $248.6

500股2269 藥明生物
$129.6

100股9988.HK 阿里巴巴 $197.7

謝謝

龔成老師︰

比亞迪(1211)你係$142，定$242入，其實都唔影響你是否持有的決定。只是心理上影響你。

你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你持股都有質素，係值得持有的股票。

但問題是全部都係"潛力股"，佢地雖然有增長潛力，同時風險都較高，不宜持有過多。

若你算年青，潛力股可佔約5成，餘下應用以下平穏增長股。若你投資經驗較淺或年紀較大，潛力股比重，要再下調。

你美圑(3690)和騰訊（0700）佔比好高，而沽出部份，換至其他股票平衡下，咁會較好。特別係美圑(3690)佢不確定性較高，不宜持有太多。

未來時間，你就要加大翻平穏增長股部份，令組合更平衡。

平穏增長股：指數基金、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

------------------------------------------------

Q22352：

老師請指教 持有︰

長實1000（51.00)
吉利 3000（25.00）
長城1000（29.00）
京東健康400（165.00）
美團 100（322.00）
比亞迪500（225.00）

共蝕3萬幾，應該再等候? 可以長期持有??

龔成老師︰

你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你持有的股票，都有長線投資價值。中短期股價波動，係正常，你照持有就可以。

但你上述股票，都係偏向潛力股較多。若你係年青至中年人士，都係可以。但若你年紀較大，這個組合風險就有點過高。

另外，我見你不少股票，買入價都偏貴。如果你唔係咁識估值，去定平費，最好用分注或月供策略儲貨，以平衡價格波動的風險。

------------------------------------------------

Q22353：

龔老師, 你好！朋友拜讀老師的註作和分享，獲益良多，因而我也開始留意龔老師的分享。我想請教一下，我以下這個財務狀況，要怎樣投資，才能達到兩年後，獲利30萬的目標：

現有投資和資本：

中電（500股）, 2235
恒生銀行（100股）,
勝捷（1000股）,
本金 $50000 （可著量加碼）

因重返校園，没有收入。

中電以$65買入，恒生以$118買入，勝捷錢招股價買入。中電和恒生打算長期持有。

感謝老師幫忙！

還有，set左小米以目標價$26買入兩手。

龔成老師︰

現時你持有的股票，中電（0002）恆生（0011）可持有，雖然你年齡可以進取少少，而這電股增長力不算強，但如果佔組合比例不過多其實可以的。

至於勝捷企業（6090），佢於新加坡及馬來西亞開發、擁有及管理特建工人宿舍。並開發、擁有及管理英國、澳大利亞、新加坡、美國及韓國特建學生宿舍。

佢財務數據只是中等，增長力不強，近年盈利大跌，企業的獨特性唔算高，投資價值中等。

雖然不是劣質，但長遠當股價上翻D時，可考慮賣出。

至於小米（1810），你預$24為合理區頂位。

我地投資股票，等同投資一間企業，就算再優質股票，都要時間成長。2年只係一個好短時間，好大機會會出現股價波動。

而且，我地一般希望做到架合理回報，係每年增長10-15%。你現時這個目標，用股票投資去做，風險會好大，較難達到。

如果你無其他增值方法，建議你按部就班，透過月供和買入優質股，去為自已資產作增值。

除了上述持股和計劃，你可以因應自己年紀，去再月供一些股票，去做財富增值。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金(包括現有5萬)，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q22354：

你好，龔成老師，我係你學生黎㗎，上左你投資班！有個小提意，你而家因為幫人愈來愈受歡迎！你又真係好好人，咩問題都答！

其實我想話有個小提議，不如你另外開一個Facebook group，只係for有上過你堂既人先可以join

咁個個group既人可以係group問你上堂教既問題，你又唔會太怕一d無上堂嘅人攞到你既心得！咁我覺得對你公平d！

你得24小時，你救唔到全世界既人，順便都要救下上過你堂d人！haha只係小提議而已！

龔成老師︰

多謝你意見，其實回答問題，的確係會比較費時。因為FB中問題，我99%都係會回答。

但我設立FB平台目的，除了幫助同學，解答一些課堂上的問題外，都希望可以幫到一些投資者(非同學)，找到正確的方向。

所以，我暫時都會保留平台，跟同學或者讀者交流投資心得。

到真係吃不消時，才再算，哈。

------------------------------------------------

Q22355：

龔成老師你好, 我40歲, 丈夫每月給予$18,000家用, 扣除日常開支, 餘下大約$10,000. 現時持有股票如下:

9988_200股@177.9
1398_5000股@4.19
0175_2000股@23.75
3067_2000股@16.2

0135_8000股@6.903
0939_10000股@6.00
6837_2400股@12.55
0005_1600股@69.5

自從一年多前看你的專頁便開始月供股票, 本年6月份前只供2800和2638, 每月供款合共$5,000. 6月份調整每月供款金額為$6,500, 月供股票如下:

0002 每月供款$2,000 (自本年6月份開始供)
2800 每月供款$3,500 (自一年多前開始月供, 目前大約有3000股)
2638 每月供款$1,000 (自一年多前開始月供, 目前大約有4800股)

現金約有60萬, 計劃4年後送女兒到澳洲讀書, 希望能在這4年內有一筆資金可讓女兒留學4年的費用, 即大約160萬,

故來信請教龔成老師給予一些投資建議, 以達成目標.

龔成老師︰

你現時持股，都係有質素。但如果你目標係想做增值，現持部份持股只是收息類(1398, 0939, 0005, 2638)，增長力較弱，你就不宜持有太多。

而且，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

你現時銀行股(1398, 0939, 0005)，係超左標，加上佢地只係收息股，建議沽出部份，換至較有增長力股票。

另外，昆侖能源（0135）和海通證券(6837)質素只係中等，不宜持有太多。現貨可持有，但暫時不要加注了。

新資金和月供，可以集中投資在一些「平穏增長股」和「潛力股」。你每月$6500儲蓄做月供，其餘先儲起，係正確策略。但港燈(2638)增長力弱，建議換成以下股票。

選股上，你可以投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

現時大市只是合理區，你現有60萬資金可以先投入10-20萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

假設投資回報有10%（連股息再投資），你每月投資$10000 + 80萬資產(股票+現金)，4年後大約會增值至160-170萬，故這樣安排相信很大機會達至你的財務目標。

------------------------------------------------

Q22356：

龔sir你好，本人41歲，有兩個小朋友，在職月入$55000，先生42歲月入$70000，自住物業購入$475萬，欠$300萬，月供$20000，每月花費頗多，最多只能淨$15000-$20000.

股票只有滙豐，少於十萬.現金大約$180萬.

以前買過基金及股票輸過太多，所以唔敢亂買，現有小朋友既顧慮，並希望可以盡快退休陪小朋友。

所以好想請教一下龔sir我嘅情況應該如何安排比較合適？謝謝你

龔成老師︰

由於你以往在投資上，都輸唔少錢，相信係有一些核心性問題存在。譬如一些錯誤的投資觀念。

記住，正確和正常的完全不同的事，多人採用，並不代表係正確的方法。

首先﹐股票是企業﹐你要分析企業的本質去投資股票。買股票也不是「賺差價」，而是享受企業成長以及產生的股息。

往後，你只要以「長線投資優質股」，作為投資目標。我好有信心，你會結束過往一直虧損的狀況。

以你41歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注(約2成)。此期間，你最好是努力提高投資知識，才慢慢增加翻潛力股比例(最多4成)。

如果你想再保守D，可以全數100%投資平穏增長股，都係可以。

大市現處於合理水平，那180萬資金，你可以再用多40-60萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

到你累積到一定金額，你就可以將佢地，慢慢換成收息資產(如收息股、A級債券、年金等)，去創造穏定現金流，支援你退休生活，咁就可以。

------------------------------------------------

Q22357：

我現年50，股票有大約160萬，分佈如下：

60000股煤氣
500股港交
23000股建行

1000股電能
5200股領展
60股蘋果

自住物業仲有4,600,000按揭，每月人工大約46,000，

問題如下

1. 煤氣好似升得比較，建唔建議用一半＄換港交所？

2. 又或者有冇其他建議？我希望可以做到一年多啲被動收入

3. 同埋如果想買多一層樓收租，細單位，應該點樣部署

龔成老師︰

1) 我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你現時50歲去計，雖然都可以增值，但就要保守少少。港交所(0388)和APPLE這類波動性較高股票，不宜持有太多。

另一方面，我地創造一個財富組合，除左因應人生階段外，都會講求平衡性。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

你現時持有股票，都有質素。但煤氣(0003)，佔你組合比重太高，點都要沽少少，換去其他行業會較好。

2) 以你年紀，可以用以下股票作增值，去先累積起一筆財富。到你將近退休前數年，就慢慢換成收息股，去創造穏定現金流(即股息)，來支援退休生活開支。

3) 方法一樣，都係透過以上股票，去增值這筆資金。

但現時租金回報率不高，從投資角度，投資優質股會較好。而且，你已有一間物業，再加一間會比較偏重左係物業之餘，都會令你負債進一步增值，造成風險。

以你年紀，總負債最多只好佔總資產一半，所以是否再加一個收租物業，你要自己衡量。

------------------------------------------------

Q22358：

呀sir..想請教下點睇平安好醫生？哩排日日跌，係本質變左定係仲可以keep等佢升返？感謝

而家持倉哩幾隻，請問有無咩建議
（1211、1833、1810、3067、1919、1448、1177、1083）

龔成老師︰

平安好醫生(1833)本質上，唔見有明顯改變。近期大市較弱，這類未有盈利，市值很大程度建基於"未來"的企業，好多時都會有較大調整。

此股有質素，你可以照持有，只要佢佔你組合，唔係好大比重，咁就無問題。

而其他持股，都係有質素，照長線持有係可以。

但組合配置上，就較大問題。你而家組合，太偏重左係潛力股(除了1083唔算係之外)，佢地雖然有增長潛力，同時風險都較高，不宜持有過多。

若你算年青，潛力股可佔約5成，餘下應用以下平穏增長股。如果你投資經驗較淺或年紀較大，潛力股比重，要再調至2-3成以下。

未來時間，你要根據自己人生階段和投資經驗，去加大翻平穏增長股部份，令組合更平衡。

平穏增長股：平穩型指數基金、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)。

------------------------------------------------

Q22359：

龔成老師 你好。小弟今年38，政府工月入42k。有兩個小朋友，居住完全無問題，我由6月中先開始睇你個page和買了你好幾本書睇，真係覺得好有道理完全改變咗我嘅理財觀念，

其實之前對股票投資係0經驗。但我有跟著你的方法月供股票，但由於開支比較大，每月只可存3000左右現金用3000做月供，2k盈富、1k小米、1k金沙。

再入咗2手3067、1手0808、2手0493。雖然剛起步入市好少～但我覺得係要行出第一步，令自己真係參與其中先會有動力繼續落去。

老師現在我有一個問題就係現在我月供金額比較少，現在銀行有個低息貸款，如果我借15萬5年每月還款2900剛好就是我月供嘅金額，

我想用15萬加大月供嘅金額由2k2800加到4k,小米和金沙各2k，請問這個借貸投資方法可行嗎？謝謝

龔成老師︰

你現有持股和月供計劃，大致都可以。

但留意國美零售（0493），從過往分析，質素只是一般。企業連續出現虧損，品牌價值遠不及從前，優勢不強，雖然正加強網上網售網絡。

唯一的賣點是創始人黃光裕回歸，可能帶公司變強，但發展仍有未知數，如果以這刻的業務、發展、現價，整體的投資價值唔算高。

當然黃生可能帶領公司變到好唔同，但這點真的無得計。以理性分析，這刻投資值博率，只是一般。你持貨唔算多，可以守住再觀察，但不要再加注。

至於貸款去投資，唔係唔得。但我會視之為最後皇牌，到大市真係好平，先會動用。

但現時大市只在合理區，唔係最平宜，明顯未係理想時機。即是說，這些借貸投資不是不能用，但要等到有把握才會用會更好。

所以，若你真係打算借這15萬。現階段最多只可動用部份，而且入貨時必需分注進行，等到大市有大跌，才好大注入貨。

或者，你用來加大月供金額至4K，去平衡風險，都係一個可行方法。但你現明白當中風險，咁就可以。

------------------------------------------------

Q22360：

成哥，請問3898何解6個月升了一倍，因晶片関係，它是影子股嗎？不足收入長期月供股，是嗎？請指教。

龔成老師︰

中車時代電氣（3898）係中國鐵路車載電氣系統供應商及集成商。

佢的產品可分為兩大類：（１）車載電氣系統：包括列車牽引變流器、輔助供電設備與控制系統、列車行車安全裝備。（２）電氣元件：包括電力半導體元件、傳感器及其他相關產品。

佢主要客戶為鐵道部及其地方鐵路局、中國主機廠及城軌運營商。

佢向主機廠及城軌運營商提供新造機車車輛的車載電氣系統，以及向鐵道部的地方鐵路局及城軌運營商提供作維修及更替用途的車載電氣系統。

業務不是無質素，但增長力一般是較大的問題，企業價值無乜向上，盈利亦很普通。

佢近半年大升，除了其半導體部份外，其母公司中國中車(1766)，被美國從制裁名單中刪除，都係利好原因。

但現價已被推得太高，由於此股質素只是中等，增長力不強，不宜用作月供。想投資的話，建議有好明顯回調出現，才好考慮小注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

0327新加坡聯合早報

*【上任後首場白宮記者會 拜登誓阻中國超越美國成全球最強國家】
美國總統拜登在上任後的首場白宮記者會誓言，將促使中國按照國際規則行事，並且要壯大美國國力以確保在與中國的競爭中占上風，阻止中國超越美國成為全球最強國家。拜登在這場記者會上還拿中國國家主席習近平與俄羅斯總統普丁做比較，指兩人都崇尚獨裁統治。拜登說：“他和普丁屬一類人，認為專制是全球未來的潮流，民主在日益複雜的世界裡無法發揮作用……他骨子裡沒有民主意識，但他是個非常聰明的人。”拜登重申，中國領導人“必須遵守國際規範，公平競爭，公平做法，公平貿易”。他表示，美國會繼續對新疆、香港等議題發聲，也會針對南中國海和臺灣等議題向中國問責。
https://www.zaobao.com.sg/news/world/story20210327-1134430

*【拜登下月召開氣候峰會 邀中俄等多國領導人出席】
美國總統拜登已邀請40個國家的領導人，出席下月由他就任後主辦的首次全球領導人氣候峰會。報導指獲邀的領導人包括俄羅斯總統普丁及中國國家主席習近平。這次的峰會將於4月22日（世界地球日）及23日，透過網路會議舉行。拜登今年1月就職後首日，便簽署重返《巴黎氣候協定》的行政命令。
https://www.zaobao.com.sg/realtime/world/story20210327-1134510

*【季辛吉：中美需要就新的國際秩序達成一致】
季辛吉在一個線上活動中稱，目前全世界面臨的危險程度比一戰前更高，因為中美兩國武器方面的科技水準可能導致後果非常嚴重的衝突。季辛吉稱美國與中國這樣一個很快在某些方面更加領先的對手談判是很艱難的，同時也肯定中國在爭取科技創新期間所展現出的組織能力。
https://www.zaobao.com.sg/realtime/china/story20210327-1134509

*【日船主定下目標今晚讓長賜號脫淺】
據《日本經濟新聞》報導，在蘇伊士運河擱淺的長賜號的船主日本正榮汽船公司定下了目標，要在今天晚上讓這艘巨型集裝箱船脫淺。自長賜號23日擱淺以來，油槽船的運費幾乎翻了一番。正榮汽船公司發言人說，讓長賜號脫淺的工作正在進行，但她也沒把握。“我們無法估計這項工作何時會成功。”
https://www.zaobao.com.sg/news/world/story20210327-1134432

*【俄趁機再推銷“北方海道” 以避開蘇伊士運河】
巨型集裝箱船長賜輪在蘇伊士運河擱淺打亂亞洲與歐洲的貨運，俄羅斯趁機推動船舶使用“北方海道”，避開埃及的這條運河。俄羅斯總統普丁長期以來主張船舶沿俄羅斯的西伯利亞海岸航行，如今，長賜輪不知何日方能脫淺，俄羅斯把握機會，再次“推銷”其“北方海道”。由臺灣長榮海運公司承租的長賜輪為日本正榮汽船公司所有。這艘在巴拿馬註冊的巨型集裝箱船本月23日在沙塵暴中擱淺於運河，阻礙了地中海和紅海之間的水路。全球一成以上的海運貨物通過蘇伊士運河運輸。
https://www.zaobao.com.sg/news/world/story20210327-1134433

*【朝鮮證實成功試射兩新型戰術導彈】
朝鮮證實，週四成功試射了兩個新型戰術導彈。專家指出，朝鮮今年1月已公佈增強國防力量的計畫，因此朝鮮按照自己的計畫，將繼續走自己的路，不會退讓，也不會期待美國轉變態度。朝中社報導，朝鮮國防科學院25日成功進行了新型導彈試射，兩個新型戰術導彈精准擊中了設置在朝鮮半島以東600公里處海域的目標。
https://www.zaobao.com.sg/news/world/story20210327-1134434

*【美指責中國利用社媒煽動打擊拒用新疆棉企業】
美國指責中國利用國有社群媒體平臺以及煽動抵制商品的行為，打擊拒絕使用新疆棉的企業。據彭博社報導，美國國務院副發言人Jalina Porter在週五的簡報會上說，中國已將拒絕使用新疆棉的美國、歐洲和日本企業作為打擊目標，相當於是一場由企業及個人消費者共同參與的、國家發起的聯合抵制行動。波特說：“我們支援並鼓勵企業遵守聯合國關於企業與人權的指導原則，尊重人權。”
https://www.zaobao.com.sg/realtime/china/story20210327-1134507

*【菅義偉下月初訪華盛頓 日美將構建強韌產業供應鏈】
日本首相菅義偉下月初訪華盛頓，日本媒體公佈了兩國首腦聲明內容，兩國會以維護兩國的“經濟安保”，表明“聯手構建強韌的產業供應鏈”。據報導，該聲明也將包含東北亞安保課題，除了要實現朝鮮半島無核化外，雙方還要寫入“臺灣海峽和平”。《讀賣新聞》引述多名不具名政府人士消息，指此前在東京舉行的外長防長“2＋2”會談已為兩國首腦的聯合聲明打了草稿，其內容不僅圍繞傳統的軍事安保，也標明日美將攜手為“經濟安保”佈局。
https://www.zaobao.com.sg/news/world/story20210327-1134435

*【布林肯：美與盟友合作 比近年任何時候都重要】
美國國務卿布林肯訪歐三天行程在週四結束，他在布魯塞爾最後一天訪問表示，美國與盟友間現時的合作比近年任何時候都重要，並強調美國與北約及歐盟的關係是克服未來挑戰的關鍵。另外，布林肯承諾，在全球分配安全有效的冠病疫苗問題上，會與歐盟和北約合作，確保做好應對疫情的工作。
https://www.zaobao.com.sg/news/world/story20210327-1134437

*【埃及兩客運火車相撞 32死近百人傷】
埃及昨天發生客運火車相撞慘禍，造成至少32人死亡，近百人受傷。出事地點在首都開羅以南365公里的索哈傑省內，出事火車撞後翻覆，車廂毀壞不堪。當局說，一列火車上有人啟動了緊急刹車，導致後面同方向行駛的另一列火車撞尾。數十輛救護車趕到現場將傷者送去醫院。
https://www.zaobao.com.sg/news/world/story20210327-1134431

*【RKI：德國目前疫情浪潮或將比前兩次更糟】
德國負責疾病防控的科赫研究所（RKI）說，目前有明確的信號顯示，德國目前的冠病感染浪潮可能會比前兩次更糟。RKI負責人Lothar Wieler說，如果人們利用復活節來減少接觸，那麼至少可以緩和第三次浪潮。
https://www.zaobao.com.sg/realtime/world/story20210326-1134364

*【美國CDC前主任：冠病病毒系從武漢實驗室中逃出】
美國疾病控制與預防中心（CDC）前主任Robert Redfield接受美國有線電視新聞網（CNN）訪問時說，他認為這種情境比其它任何可能性都大，包括該病毒從動物身上傳給人類後爆發或源自活物市場的可能。曾任職於川普政府的雷德菲爾德說，冠病病毒最有可能“源自實驗室--你明白的，逃出去了”， “其他人都不相信。沒關係。科學最終會搞清楚的。”
https://www.zaobao.com.sg/realtime/china/story20210327-1134517

*【島上七成居民若已注射 接種疫苗遊客7月起到普吉島免隔離】
泰國政府正式批准普吉島商業團體的提議，即只要島上接種冠病疫苗人數達到當地總人口的七成，從今年7月1日起，已接種冠病疫苗的外國遊客登島後可豁免隔離。這是泰國重啟旅遊業的試點計畫，普吉島若試行成功將推廣至其他旅遊熱點。
https://www.zaobao.com.sg/news/sea/story20210327-1134411

*【首批阿斯特捷利康疫苗5月底到期 印尼加速推動接種計畫】
印尼接獲的第一批阿斯特捷利康冠病疫苗將在5月底到期，當局決定加速推動這款疫苗的接種計畫。阿斯特捷利康疫苗因成分問題而受穆斯林質疑，讓印尼政府推動接種計畫困難重重。據印尼時代新聞網報導，衛生部希望接下來一個月每日能夠接種50萬劑冠病疫苗，等更多疫苗運抵後，再增加至每日100萬劑。不過，令當局頭痛的是，阿斯特捷利康疫苗疑似在製造過程採用豬的胰蛋白酶，許多穆斯林因此認為這款疫苗可能違反宗教教義，拒絕接種；印尼近90%的人口是穆斯林。
https://www.zaobao.com.sg/news/sea/story20210327-1134417

*【菲律賓新增9838起確診病例 疫情暴發以來的單日新高】
菲律賓過去五天就有三天的新增病例為單日新高；過去10天的新病例是累計病例的十分之一。據Worldometer世界即時統計資料，菲律賓累計病例70萬2856起。該國當天也新增54起死亡病例，累計1萬3149起。菲律賓大學的一個研究團隊此前警告，該國的冠病病毒繁殖率已增加，到了三月下旬，該國每日的新增病例可能達到1萬至1萬1000起。
https://www.zaobao.com.sg/realtime/world/story20210326-1134378

*【挪威將延長暫停使用阿斯特捷利康疫苗】
挪威說，當局將延長暫停使用阿斯特捷利康冠病疫苗至4月15日。挪威官員表示，當局需要更多時間調查該疫苗與血栓可能存在的關聯。挪威公共衛生研究所感染控制處處長Geir Bukholm在聲明中說，延長暫停使用阿斯特捷利康疫苗是一個困難但正確的決定，當局相信有必要進行更多調查。歐洲藥品監管機構（EMA）上周說，阿斯特捷利康疫苗“安全有效”，並表示該疫苗與發生血栓的較高風險並無關聯。然而，EMA說，無法“絕對地排除”阿斯特捷利康疫苗與罕見的凝血疾病的聯繫。
https://www.zaobao.com.sg/realtime/world/story20210326-1134372

*【三國際組織發表聯合聲明：海員和空服員應優先接種疫苗】
世界衛生組織、國際民航組織及國際海事組織發表聯合聲明說，海員和空服員應該被視為“必要工作者”，以優先接種冠病疫苗。聲明說，海員和空服員必須經常跨境流動，因此，他們可能需要在入境一些國家時出示接種疫苗證明。三個組織呼籲各國將海員和空服員納入必要工作者名單中。
https://www.zaobao.com.sg/realtime/world/story20210326-1134371

*【韓國延長防疫措施至4月11日】
韓國政府3月15日已再度延長同等防疫級別至28日，對策本部當天發佈的“保持社交距離調整方案”又將期限延長至4月11日午夜。至此，該高強度防疫措施已持續近兩個月。具體來看，繼續禁止五人以上私人聚會（直系親屬家庭聚會和婚前雙方家長見面等例外）；禁止首都圈餐廳、咖啡廳等公眾聚集設施晚10時以後營業；參加婚宴喪葬等聚集活動的人員規模限制首都圈99人以下、非首都圈499人以下；首都圈和非首都圈參加禮拜的人員規模分別限制在宗教設施可容納人員的20%和30%。
https://www.zaobao.com.sg/realtime/world/story20210326-1134325

*【受疫情及行管令影響 馬國18歲可投票政策延至明年9月後】
這項宣佈隨即招致在野黨、國陣領袖，以及非政府組織，尤其是青年組織抨擊，指責國盟政府“老人政治”當道，剝奪年輕人的政治參與及選擇權。
https://www.zaobao.com.sg/news/sea/story20210327-1134412

*【美股週五攀升 標普創收盤歷史新高】
美股週五（26日）尾盤拉升並收高，標普500指數創歷史最高收盤紀錄。銀行股與重啟概念股普遍攀升。道瓊指數上漲453.40點，漲幅1.39%，收在33072.88點；納指漲161.05點，漲幅1.24%，收在13138.73點；標普500指數漲65.02點，漲幅1.66%，收在3974.54點。道指本周上漲1.4%，標普500指數收高1.6%，而納指則跌0.6%。
https://www.zaobao.com.sg/realtime/world/story20210327-1134513

*【軍警繼續開槍鎮壓示威 世行：緬甸今年經濟料萎縮10%】
緬甸全國各地昨天繼續發生反軍人示威，軍警一樣開槍鎮壓。世界銀行警告，政局動盪對緬甸的經濟破壞大，預料今年將出現10%的萎縮。緬甸各地週四又有至少九個示威者在軍警鎮壓中死亡之後，第二大城市曼德勒、附近的實皆（Sagaing）、東南部的克欽邦和西部欽邦多個地點徹夜有燭光抗議活動。天亮後，曼德勒的示威者高舉著“公民不服從運動”布條，再次走上街頭示威。
https://www.zaobao.com.sg/news/sea/story20210327-1134415

【龔成問答信箱】（Q19841-Q19860）

Q19841：

老師你好！內容好長，希望你唔好介意，我真係好絕望，想聽下你意見/鼓勵

上年疫情初期開始學習投資時開始留意你，感激每日喺Facebook有你嘅好意見同鼓勵說話，又適逢股市大升，7個月以黎投資嘅港美股都有增長

雖然唔多，但對於一直搵唔到工又唔知自己想做咩嘅我黎講，已經係好滿意嘅成績。

可惜早前出現GME事件時，我參與左，其實我都唔係後期換火棒班人，我第一注時股價先$25，之後每日花盡時間心血望住佢，直到升到$500時我都一直睇住，雖然持股唔多

但賺到嘅已經多過過去7個月其他股票嘅總盈利，我知道呢場遊戲點都有完結嘅一日，我一直提醒自己唔好貪心，要盡早離場

可惜當日盤前我分注370, 400, 450三個價位放左部分之後都仲一直升，結果望到上到500時我就收左手，驚放完又望住佢升會賺少左...

點知當日開市就發生限制交易事件...往後幾日其實我都仲有機會400/ 300 / 200離場，但我當時好嬲好唔甘心

覺得限制交易唔公平，又睇左好多其他人叫strong hold打倒大鱷等言論，就一直望住佢狂跌都唔甘心放, 中途仲喺145同63蚊加左注

我依家依然每日望住佢，即使休市嘅日子都係，見到佢停滯唔上唔落真係心很累...

我自己其實已經知道係輸左，我深底𥚃面知道無可能再發生所謂空頭平倉股價再爆升嘅可能，但同時間我無辦法接受喺呢個價放左佢...

到而家我仍過得好痛苦，每日諗起自己曾經擁有過嘅一下子無左，每日都自責後悔，問自己當時點解咁貪心，點解錯過離場機會...我真係釋懷唔到

我知道你無乜研究開美股，但可唔可以比D意見我？我本身已經係好情緒化嘅人，GME事件後，我每日嘅情緒更加波動，搞到自己做咩都無哂心機

連其他股票都唔想再理，除左每日自責，我已經唔知可以點做

龔成老師：

第一，無人能捉到最高位，不要怪自己以為好易完成但其實很難完成的事。

好多網友都會用我講類似的情況（不是GME），佢地持有某股大升，之後回翻，然後就會自責點解唔高位賣出，大家事後都變孔明，以為自己能在高位賣，但當身處其中，其實好多野都是未知的。

我持有比亞迪（1211）12年，多年前由十幾二十蚊，見佢上到$88，其後見佢有$88跌近9成，去翻$12！

正正就是你無左財富的感覺，比亞迪當時已是我最大持股，我的財富當然大幅貶值，我同自己講，過往的無辦法，最重要是將來，理性分析現時應該持有/加注/賣出，在投資世界，理性是最重要。

我上了一課，經歷財富的大起大跌，心理質素大幅提高，現時，你的事情已發生，你要理性面對，好好學習，你停在自責是改變不到事實，之後努力學投資及賅錢更好。你能在投資7個月，就上了這麼好的一課，其實是好事，有D投資新手只經歷大升市，不斷贏錢以為自己好勁，這才令人最擔心。無輸過的人先最高風險！

第二，你的做法是「投機」，我一向都不建議的。

中短期股價，可以與企業價值無關，而長遠，就會去返企業價值，GME這企業的實質價值其實不高，不過由於投機行為，會令到股價大上大落，而投機行為，你就要有心理準備，會十分波動，同時出現很多不能預期的事情發生，沒有所謂不甘心。

長遠來說，股價最終會回到企業的價值，你要睇下點樣理性處理。

如果你能理性面對，你就是上了重要的一課，對日後投資有好大幫助。過幾年後，你會發現現時的財富只是少數，同時多謝自己能上了一課。

如果你是情緒化的人，其實不適合投機。就算投資，都最重買一些穩健類股。

------------------------------------------------

Q19842：

我見老師會推薦3067比人
其實3067同3032、3033、3088有咩分別？

3067現價高其他三隻ETF成倍，我真係唔明

我上網睇過分析呢四種ETF，但分析唔多，我新手又唔係好明，所以又來請教老師

因為我正計劃幫我兩歲囡囡啲利是錢投資，唔多，約2萬
初部計劃50%盈富基金、50%科技指數

你認為好嗎？

龔成老師：

其實佢地都是追蹤同一指數，即是「恆生科技指數」之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

所以，佢地長遠的表現，其實是十分接近的。佢地是由不同的基金公司搞的，但本質是一樣的。

3067由於管理費較低，所以我一般較建議這基金。至於你見佢價格數字大，只是數字的問題，如果化成投資回報%計，長遠表現與其他3隻是一樣的。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

你長期投資2800+3067，可以，最重要是慢慢分注入，同時長線就得。

------------------------------------------------

Q19843：

我今年36 已婚 穩定工作 月入約$53k 丈夫沒有工作 沒有打算要小朋友

上有兩位長期病患已退休父母

供兩層樓 月供約$23k 其中一層租出 每月淨租金約$10k

現持股票約$40萬 當中包括高位入既4手alibaba （比買入價下跌33%）及3手中人壽
（比買入價下跌9%）餘下為2手tencent 20手CCB 同4手fortune reit 以上3隻現價比買入價高

我可以承受中高風險 希望有一個高增值既中長線投資組合 目標係50歲前可以財務自由
我會唔會太大想頭？

補充 父母家用$5k 自己加老公開支大約$10k
約有5個月薪金現金在手

龔成老師︰

由現時到你50歲，都尚有一定時間，都可以做出一個唔錯架財富增值效果。

策略上，你可以投資"平穏增長股" 和 "潛力股"。現有持股中，建行（0939）和置富（0778）主要係用來收息，增長力唔高，建議沽出部分。

由於你先生尚在待業階段，而且有2位需要額外照顧的長輩，建議在投資前，先留下一筆等同半年之生活費和退休父母的若干醫療費用，咁會較穏當。

現時，你先用每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穏增長股︰盈富（2800）、金沙（1928）、恆基（0012）、平安（2318）、中銀（2388）、港鐵（0066）、煤氣（0003）、長建（1038）、粵海（0270）、領展（0823）。

增長力較強的，可選安碩恒生科技（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園（1448）。但佢地波動性和風險會較高，你要自己平衡。

餘下的另一半現金，我地就等機會，當大市出現較大回調，就加大力度掃貨，然後作長線投資。

------------------------------------------------

Q19844：

老師，請問投資黃金股（1818）（2899）/ 黃金ETF （2099）是否長遠發展穩定？

龔成老師：

都有，但又未必能成為投資組合的核心。

我講一隻，紫金礦業（2899）佢主要從事黃金及其他礦產資源的勘探、採礦、生產、冶煉及銷售。

但你要留意番，雖然這類資源股雖有投資價值，但只算中等。

原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。

------------------------------------------------

Q19845：

你好 龔成
我最近發覺事業好迷惘

做咗好多年會計
可否給我意見
謝謝

龔成老師：

你最重要睇「長遠發展」。

唔好比過去的情況影響，你問自己，5年後10年後，想自己變成點，做甚麼工作，事業上去到咩位？

你要睇翻自己的興趣，能力。有D人會入錯行，有D人只是做錯公司，只要轉另一公司就有發展，所以，用長期的角度分析，同時用闊少少的視點作考慮。

------------------------------------------------

Q19846：

老師，我50歲，剛上緊你堂仍在學習中

目前想知道如何计算股价在平 合理 及貴區 才能出擊
N 年前嘅基金是月供形式還有10 yr 要供 每月供4000

現供組合
1. FSSA 大中華60%
2. Blkrock global allocation 20%
3. Aberdeen Global innovative Equity 20%

這樣分配ok?
另外仲有一份AIA 基金已停供
裏面Value usd21k

想賣出換碼

問題 分配那個組合好

100% 水桶3
50/50 水桶2 / 3
請老師再比意見

龔成老師：

計算基金的平貴，其實有點難度。如果是個股，你可以上堂的方法進行，但基金則是一個股票組合，相對不易。

很多時我地要計佢追蹤的指數，又或佢最大%的10隻股現時平貴

我無特別研究基金，因此好難確定話你基金好與壞，你可以比較這些基金與大市，分析佢的表現如何。特別是「FSSA 大中華」，因為佔你組合比例多，如果過往表現一般，就未必值得太集中。

至於你之後的配置，以你的年齡情況，可以：
50/50 水桶2 / 3

其實已經是一個平衡的組合。

現時大市處合理區，可以一邊投資一邊留現金，而餘下現金的運用，就是等大跌市時出手。

------------------------------------------------

Q19847：

運用老師上堂教的，自己嘗試計9988（阿里爸爸）的估值，大概合理範圍$175-$230,

9988屬於水桶1，覺得現價合理區頂，打算現價入1注，每跌5％再1注，共3注，之後長線持有，這樣的分析及投資策略對嗎？

龔成老師：

你的計算大致正確，我自己計佢的企業估值都接近，不過由於佢股價波動性較大，所以範圍比你闊。

不過，估值是無絕對答案的。

由於阿里（9988）的股價上落都唔細，因此，見你的將5%入一注，調整為8%-10%，風險度會較好。你可以現價先入一注先。

------------------------------------------------

Q19848：

龔sir, 請問你2021年的股票市場應該點樣步處？我有30萬現金作長線投資，應該投資邊個類型股票？有邊d係倍升股？可唔可以俾d意見我？

希望兩三年後可以翻一倍，呢個目標會唔會太離地？謝謝你解答。。你本新書會幾時出呀？

龔成老師：

新經濟股2020年上了不少，反而舊經濟股在2021年有可能表面會好轉D。當然，我地唔能夠只集中某一類股，而是要建立一個平衡的組合。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067），但就要明白波動性比上述會高左，同時風險大左，你要自己平衡，要慢慢分注入，不要急。

一般來說，3-5年有一倍回報，不是不能的。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

《80後千萬富翁》預期4月出版！

------------------------------------------------

Q19849：

老師，我報左你個網上課程，睇到第五課，入面你有講到股票賣出時機，市場樂觀積極，成交額非常大，之前一日大概成交額係1000億，但近期都成2000億一日，好多股票都一直破頂，身邊啲朋友好多都話賺到錢，甘既情況係咪你所講既賣出訊號？

另外我一邊睇你個課程，有順便計算返自己既資產，係呢度想同你講聲多謝，因為識左你之後開始左月供股票同投資知識，令我呢兩年都有唔錯既回報，而家我資產有67萬，令我好有信心可以達到5年儲夠100萬既目標。

我留左15萬等大市大跌時買入優質股，每月月供盈富同港鐵各$2000，之前有月供比亞迪，但$100果時停供左，而家想轉供3067，但銀行暫時未有得月供，所以我考慮梗係咪可以直接買入？

但佢一手先千幾蚊，如果我每個月買一手，手續費都蝕埋，所以你認為咩價位先至係合理區？我見你都有講而家係貴，我而家儲埋打算係合理區既時候直接買10手～得日後有得月供再轉返月供。甘既方法可行嗎？

另外，想問問你，認為應唔應該得到儲夠100萬先再考慮買樓，因為我唔想將全部錢放晒去買樓度，希望同時可以留有股票繼續增值，但如果等到儲到100萬先買樓，會唔會其實都浪費左時間

因為我而家每月租屋都佔左我$7500，係咪應該買細價樓，將租金既錢直接用黎供樓會比較好？之後先再慢慢儲錢～將100萬個目標再延後達成。

唔好意思太多問題，再一次多謝你改變左我只係識儲錢放銀行既諗法，令我本來認為自己呢世都冇可能買到樓既諗法轉變為應該幾時可以買到樓。

我已經同朋友約好左，等我讀完書，即刻去報讀你個股票班

龔成老師：

分析大市的成交，能幫我地了解這刻大市有幾狂熱，但這只是其中一個指標，不是分析的唯一指標。同時，不能只睇一日，而是一段時間，都處於大成交。現時，新經濟股的確有點熱，中了部分指標，因此投資要較為小心，甚至你持有一定的貨，可以賣部分（當然，如黑優質的，就點都要有貨在手，不能盡賣）。

我相信，你保持正確的投資方法，要完成$100萬目標不難的！

你可以保持供盈富（2800）港鐵（0066），同時每月入一手，或隔月入兩手3067，這已經是一個平衡的作法，但要記住，一定要同時留現金，因為新經濟股唔平。

物業方面，如果無急切的需要，其實可等你有$100萬以上的資金先進行。你到時要買入物業後，仍有資金剩，不能用盡。同時到時再分析樓價，以及你到時的情況。

遲D股票班見。

------------------------------------------------

Q19850：

龔成老師您好：

我是股票新手，
每月存 $4000
現金有 $25000
請問有什麼股票方向可建議？

謝謝
目前32歲 以累積首期為方向

龔成老師：

由於你現時現金唔多，加上你新手，建議你$25000留現金先。

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。你可以每月供$4000盈富（2800）。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

如果你不想做月供股票，你可以買入一手盈富，然後餘下持有現金。等你有更多知識再投資其他股，這樣會較為穩健。

------------------------------------------------

Q19851：

Hi ~ 好佩服你對投資嘅認識同分享，都好想做到資產增值

喺我做research嘅時候

見到唔少人話香港嘅舊經濟股已經唔值得再投資/買
唔知你同唔同意呢個講法

龔成老師：

舊經濟仍然是有投資價值的，只不過增長力不及新經濟，而我地應該建立一個「組合」，不同類別的股票都有。

你試想想，市民長遠的消費結構會怎樣？大家消費在網上類別會多左，但會否令用電？用水？交租的錢少左？不會的！

只要大家仍會在舊經濟消費，這些企業就會有得益，企業就有價值。

因此，這只是一個增長力問題，新經濟增長力快，而舊經濟，其實較穩健，因此平衡組合是重要的。

------------------------------------------------

Q19852：

請問你介唔介意分享一下你心目中水桶一股票名單？
我想儲緊，留意緊水桶一名單

同時會看這些年報
還是哪些50隻優質股/博升股書內就是？

之前有新聞話「電動車成主流要克服寒冬，北京零下20度Tesla不能關門比亞迪直接死火」，點睇？

龔成老師：

其實具睇，你睇《50優質潛力股》《50值博倍升股》已經是。

較值得留意的潛力股：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177）。

至於電動車問題，其實預左有問題，因為所有新產品初期，都有這類情況，好正常的，我地最重要是睇長期。你要分析，這些事情，在3年後是否仍有問題？還是已經克服了？

我地投資，一定要以長期的角度去分析。

------------------------------------------------

Q19853：

龔sir你好，有啲投資上問題，希望你可以俾啲意見

1)我依家手上持有3988(14000股),對比入市價，蝕緊2萬幾，咁我應該放定係繼續持有，會比較好？

2)由於依家收入唔穩定，有5萬左右流動資金，有啲投資會比較適合？希望能得到你解答

龔成老師：

1）要睇你的投資組合及目標。

如果你輕年輕，投資應該進取少少，中行（3988）只是收息股，未必最適合你。相反，如果你較年長，本身保守，只想收息，就算長期持有中行都可以。

2）你可以將甘中一半投資盈富（2800），餘下一半持有現金等機會。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19854：

老師 華虹半導體是優質企業嗎？它的增長力是不是開始減弱了？合理價大概多少
謝謝

龔成老師：

華虹半導體（1347）有質素，發展不差。質素無變，不過近年已上升了唔少。

佢主要從事半導體產品的生產及貿易，開發及提供晶圓工藝技術組合，包括嵌入式非易失性存儲器及功率器件，以及ＲＦＣＭＯＳ（射頻互補式金屬氧化物半導體）、模擬及混合訊號、ＣＭＯＳ圖像傳感器、電源管理及ＭＥＭＳ（微機電系統）等多種其他技術。

佢客戶主要為集成器件製造商與系統及無廠半導體公司。中國因為想發展這方面的技術，政策在長遠會對這公司有利，增長正面。

這股長線持有無問題，但現時估值有少少貴，如果投資，最好回翻D先。或小小注買入後等跌先正式入。

------------------------------------------------

Q19855：

老師 請問阿里健康 合理價係幾多？

龔成老師：

阿里健康（0241）這是潛力股，佢營運醫藥電商、互聯網醫療等業務。

「醫藥電商業務」，這業務主要有兩種業務模式，由自營電商和天貓代運營，涉及非處方藥品、醫療器械、計生用品等。

另外，就是「互聯網醫療業務」，阿里健康與國內多家二三級醫院建立合作關係，患者可以通過阿裡健康、支付寶等平台，做到線上掛號、問診、諮詢用藥等等的服務。

阿里健康利用醫療AI系統「DoctorYou」去進行營運，該系統包括臨床醫學科研診斷平臺、醫療輔助檢測引擎、醫師能力培訓系統等，輔助醫生睇病。

業務上，有好大的潛力，不過，本質波動，股價上落大，消息多，市場炒作多，這類股風險都不少。最大問題是無人能正確估值，市場現時只是估估下，推將唔到佢將來的價值。

這類股只建議小注持有，但你預佢股價上落大。現價略貴。

------------------------------------------------

Q19856：

成哥，我持有了10000股968信義光能,買入價15.74,現在價20左右,我覺得這股有潛力,因為買入了一星期已獲利差不多30%,現在見他下跌心情十五十六

我是不是KEEP住長線持有就OK?麻煩您

龔成老師：

我地不是睇買入價或獲利多少，而是這股長遠質素，長遠對你財富組合貢獻多少。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價略貴，這股股價上落都大，要注意金額。如果你持貨好多，可減少少，如不過多，全部長線。

------------------------------------------------

Q19857：

龔sir, 自从2017年跟你意見開始月供至今，已經達到7成我ge短期目標。好多謝你ge寶貴意見！

我已家ge情況係：
1）現金12萬在银行現金戶口 - 係6個月ge 應急钱。

2）月供1萬 ：
a) 2800 - $5,000
b) 0066, 0388, 2388, 1928, 0823 - 各$1,000

今年每個月可儲多$2,000. 我想分散我ge組合包括中國etf 。

我想请問龔sir - 2822 (CSOP A50 ETF) 同 3188 (CAM CSI300) 邊個會比較適合。

我43歲，目標月供到55歲。
多謝你寶貴時間回覆。

龔成老師：

以你現時的年齡，財富仍有增長力，你保持之前月供的計劃，長期進行就得，能帶比你平穩增長的作用。

如果新加入，你可以考慮華夏滬深三百（3188），佢範圍較廣，風險度會略好。

如果你能承受風險，可同時考慮加入恆生科指ETF（3067），只要金額不太多，就可以，這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

不過這基金好多銀行都無得供，可能要自行分注。

------------------------------------------------

Q19858：

阿sir, 我已經42歲，見你本買樓書for 90 / 00 後，我人工$21500 左右，請問我仲有無機會買樓，會否難了點？又有無什麼策略？我有三十五萬在手，每月可儲7千元？又或者有什麼意見？

有13萬是股票,1萬ibond, 其他cash

有私人借貸19.8萬

股票有恒生一手，vtech 4手，長建一手，陽光五手，港燈一手，金沙一手，領展三手

龔成老師：

42歲，仍可以買樓的，唔好比自己的年齡限制，不少銀行仍可以做到30年按揭的。

第一，你私人太貸如果利息高，就還左佢，反正你有現金。

第二，你現時持有的股票不差，但組合應該加翻少少潛力類股。

第三，你現時的現金唔算多，宜加大儲蓄力度。

如果你要買樓，就要進一步努力儲蓄，另一點都是重要的，就是想方法提升你的收入，否則較難進行。

我希望你定一個3年的計劃，努力儲蓄、投資、想方法提高收入（如果現時工作突破不大，要考慮轉工，要從長遠的角度分析）。

投資方面，你可以將每月$4000投資，每供股票或分注買入，盈富（2800）及其他優質股都得。你要有目標，一步步完成。

------------------------------------------------

Q19859：

老師你好，想請教，我27歲，月入四萬，存款有20萬，一個月可儲3萬左右，短期的目標就30歲有150萬。之前有買阿里巴巴同騰訊，但現已沽出

騰訊現價太貴不敢考慮，想再買入阿里巴巴並長期持有，應該如何投資較好？買左書想研究一下投資組合，唔该

龔成老師：

要完成目標，我相信你可以的，保持儲蓄$3萬並投資，就不難做到，但你要加強投資知識。

第一，我地不是炒差價，是長線持有。

第二，你要建立一個「財富組合」，當中有不同類的股，要優質，要平衡，要適合你，買入後長線。

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此潛力股比例不應太過多。

騰訊（0700）有質素的，你可以睇位入翻。

至於阿里（9988）面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

整體上，阿里，長遠仍是有發展，賺錢能力雖然有少少減，但長遠會同政府同意一些監管方法，以及找到合理的賺錢模式，你預阿里現價約在合理區中上部，這股可長線。不過，中短期會波動。

如果未有貨，現金足，可以這刻分注注，買入後跌1成以上再加注。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q19860：

龔sir，問收息股：
置富778、陽光435，邊隻較好？

龔成老師：

兩隻都是有質素的，都可以長線投資作收息，其實可以共同持有。

置富（0778）會穩定少少，如果想股價上落較少及收息較穩定，可考慮這股。其實陽光（0435）都很理想的。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

這是連香港也被封鎖的一則新聞。

本選段可觀之處:
1. 有代表性，有福爾摩斯，有基度山伯爵。
2. 請看本頁下面之人物介紹及詞語解釋，特別注意財新網的報導錯誤。
3. 思考點:
盜國賊在外國也猖狂至此，
A香港呢?
B這豈不是侵略外國, 破壞和平, 帶來災刧?
徐氏配音室2018.8.7製作

人物介紹及詞語解釋(出場序)﹕
王健 ---------- 死者，死前為中國頂級大企業海航集團董事長，2018年7月3日死於法國普羅旺斯奔牛鎮大教堂，從12米高牆跌下，當時住在距案發現場787米的Le Domaine de Capelongue 酒店
魯艷麗 -------華鑌所安排的，為王健做翻譯的小姐，她驚恐地報警，後遭恐嚇噤聲
劉志華 ------- 前北京市副市長，在獄，曾奪得郭文貴的盤古大觀地盤，但被郭告發他貪腐，被判死緩
盤古大觀 --- 地產商郭文貴得意之作，為北京地標之一，位於水立坊之旁，2008年北京奧運前趕工建成
裴楠楠 ------- 中國軍人，中國國家副主席王歧山的近身警衛，常常同王歧山家族成員同坐王家的私人飛機出外(郭文貴以前視頻報過在乘客名單之中)，王健之死前後住在Le Domaine de Capelongue 酒店及出現在酒店走廊的監視錄影紀錄之中，郭文貴指他是殺手之一
田丁 ---------- 中國建設銀行黨委書記兼董事長田國立之子，王健之死前後住在Le Domaine de Capelongue 酒店及出現在酒店走廊的監視錄影紀錄之中，郭文貴(好像也有)指他是殺手之一
陳鋒 ---------- 現任海航集團董事長，王健任董事長時他是董事會主席，王健死後一兩天去到奔牛鎮協助處理後事
姚慶 ---------- 中國國家副主席王歧山的妻子的兄弟的兒子，上一代黨國領導人姚依林的孫兒
孫瑤 ---------- 中國國家副主席王歧山的養女
華鑌 ---------- 法中基金會主席，王健之死前後住在Le Domaine de Capelongue 酒店及出現在酒店走廊的監視錄影紀錄之中，郭文貴指他是殺手之一
維基亞/維克亞 ------- 法國人，可能是替華鑌、田丁等人在Le Domaine de Capelongue 酒店訂房間的Daniel Vial的中文名
胡舒立 ------- 中國的財新雜誌的老板/總編輯，以民主進步面目出現，常有獨家消息在大貪官被捕前夕報導其貪腐，其時王歧山是中紀委書記，故廣泛認為是王歧山王提供的消息，乃至，有人認為，財新就是王歧山權貴家族發放消息和影響輿情的喉舌。
學軍 ---------- 王健之妻
王偉 ---------- 王健之兄
財新 ---------- 中國的財經雜誌，老板/總編輯為胡舒立。是財新在案發翌日第一時間報導王健之死的。其撮要在此﹕
http://companies.caixin.com/2018-07-0...
內容同及後的中國官方，如新華社發稿和海航集團訃告極其一致，但多處不符事實。報導稱，王健看見很美的薰衣草景色，是為了取景拍照衝上矮牆，不小心在牆的另一邊跌下十幾米而死，而當時死者家人在場。郭文貴的調查團隊大量證人和證據，證明薰衣草景色只在教堂前面，而王健跌死在教堂後面的高牆，而後面只看到連綿的綠色山坡，完全沒有薰衣草田；再者，王健之妻及兄長，當時均不在現場。報導又稱，王健被送到醫院，死前對醫生說﹕「腳痛」。查實，附近所有醫院當天並無接到華裔傷者及在醫院死亡的紀錄。報導再稱，死者死後從醫院被送到附近火葬場，事實是在現場證實死亡，在其妻堅持不立即火葬下，從死亡現場直接送到二十多公里外的太平間(反而沒到幾公里內的三家太平間)。
孫景皓 ------- 王健之死前後，另一名住在Le Domaine de Capelongue 酒店的中國人
長髮女子 --- 王健之死前後，另一名住在Le Domaine de Capelongue 酒店的中國人，亦出現在酒店走廊的監視錄影紀錄之中；她2017年曾到郭文貴紐約住所樓下要求上樓找郭，被拒，當時樓下大堂的錄影紀錄與Le Domaine de Capelongue 酒店的監視錄影紀錄對照下可見是同一人

來源視頻﹕
https://youtu.be/M9Z5xG65c_Q
之 57:51 至 1:17:00

把花生留住，請付費支持：轉賬至滙豐銀行 023-280233-838，抬頭 HONG KONG INTERNET RADIO LIMITED
花生網頁: www.hkpeanuts.com
PayPal 付款賬號: hkangrypeanut@gmail.com
FB專頁: https://www.facebook.com/hkpeanuts/

今集我們回到 Home Base Server，第13集，正所謂13不祥，係時候打下凋零怪！打凋零怪又有什麼好得過約幾個朋友一起在晚上靜雞雞打呢？

Home Base 是一個 Minecraft 私人、只接受邀請 (invite-only) 伺服器, 暫不接受任何申請。

睇返上集:
【Home Base】#12 - 村莊新河畔景色
https://www.youtube.com/watch?v=r7CIIuE7PyU&list=PL761czjQk3S_4vXtCIZ15UI3zYnib7uH1

=======================================

Home Base 玩家名單:
The One Lock 永樂: http://youtube.com/theonelockchannel
翼 WingsThunder: http://youtube.com/wingsthunder
嘉神 Garson: http://youtube.com/garsongv
黑 Black: http://youtube.com/Ph0enixB1ack
承 Seng: http://youtube.com/deepseakseng
水母 JellyFish: http://youtube.com/jellyfish01486
亓子 KitsKKO: http://youtube.com/user/KitsKKGameLife
水月歌: http://youtube.com/adayiu0v0
TDTSUN: https://www.youtube.com/channel/UCY9PeBQN8xtENZ6EesRzHzQ
企鵝 PenguinK1A: http://youtube.com/PenguinK1A
Zer0: http://youtube.com/user/johnXzer0
嘉寶 Kab: http://youtube.com/c0810891
易拉架 Elijah: http://youtube.com/immortalobjects
Kason: http://youtube.com/user/kason1995
茶壺: http://youtube.com/jackdontlie

=======================================

【Minecraft PE】手機版 官方紅石解迷地圖 #1 - 紅石銀行！
https://www.youtube.com/watch?v=2MN-u0Uq-eo&list=PL761czjQk3S8rFVew8gtl7Ge-mjczRy0p&index=1

【Minecraft】 競技拍 Game 63 - 競速推土 [永樂視角]
https://www.youtube.com/watch?v=X4k1ruVTaAw&list=PL761czjQk3S_ZFngJgWtFwsEacKacjo-_

----------------------------------------­----------------------------------------­-----------
讚好 我的 Facebook - http://www.facebook.com/TheOneLock
Follow 我的 IG - http://instagram.com/TheOneLock
瀏覽 我的 網頁 - http://TheOneLock.weebly.com
----------------------------------------­----------------------------------------­-----------
=======================================

Credits:
Music - Minecwaft Triginta Milia Camena by Errolh & 1Lock
Production Music courtesy of Epidemic Sound: http://www.epidemicsound.com