#Yahoo搜尋人氣大獎2020頒獎典禮 😊 #星夢團隊 成績表🤗🤗🤗 #人氣歌曲 @punkhippie #劫後餘生 #人氣電視劇集歌曲 @hubertwu #凡人不懂愛 #人氣電視劇集歌曲 @hana_kuk #你喜歡說謊 #人氣急星 @shi_ga #圖片搜尋次數最多的香港男藝人 @fredcheng83 🎉🎉🎉🎉 謝謝 #yahooHK 的支持🥰 今年繼續努力🦾🦾 #周柏豪 #胡鴻鈞 #菊梓喬 #連詩雅 #鄭俊弘 足本播放： https://hk.tv.yahoo.com/hkbuzzaward #Yahoo搜尋人氣大獎2020 #Yahoo搜尋人氣大獎 #時刻激勵 #激勵時刻 #YahooBuzzAwards #Yahoo

簡單介紹羅文之後，聽日就更深一步同大家介紹羅文，希望大家多多支持！ 【你不能不認識的羅文——十問（二）】 1. 當年香港吹緊日風，佢有無鍾意嘅日本歌手？ 答：有，佢好鍾意西城秀樹（同梅姐一樣哈哈哈哈），羅文嘅歌例如《讓我奔放》、《好歌獻給你》都係改編自西城秀樹嘅歌。亦有人話佢好鍾意澤田研二，但係就唔太肯定，不過的確有人攞佢同澤田研二嘅表演風格對比，話有d類似。 2. 咁佢有咩出名嘅歌呀？ 答：太多喇，《家變》、《幾許風雨》仲有家傳戶曉嘅《激光中》同埋《獅子山下》。70年代電視劇主題曲大行其道，而佢就係靠《家變》、《前程錦繡》、《小李飛刀》呢三隻電視劇主題曲而開始紅。 3. 咁佢幾時開第一場演唱會？ 答：《羅文演唱會》，1978年，喺利舞台。果陣紅館仲未開架！當時有汪明荃做嘉賓，一個鐘頭d飛就賣曬。半年之後再開一個真係自己一個，無嘉賓嘅演唱會。 4. 咁佢有無喺世界各地開過演唱會？ 答：有，美國、英國、加拿大都有！當年只係1979年。佢係 第一個 喺英國Royal Albert Hall表演嘅香港歌手。 5. 聽講佢有用組合嘅形式過台？ 答：無錯，而佢嘅拍檔就係沈殿霞——肥姐。 1971年佢哋組成「情侶合唱團」，不過要等肥姐無戲拍先有得登台，其他時間就無咩嘢做。佢哋仲出左一隻碟叫做《沈殿霞 羅文 No.1》！至於點解叫「情侶合唱團」？肥姐就話係當年有個姓關嘅記者幫佢哋改嘅。「情侶合唱團」主要都係唱國語歌，其中一首佢地經常合唱叫做《一條橋》，特輯《肥肥繽紛三十年》同埋肥姐2001年嘅演唱會演唱此曲嘅片段大家仲可以上網重溫。肥姐演唱會佢哋合唱完呢首歌之後羅文更加忍唔住感觸落淚。肥姐安慰佢：「錫曬，錫曬！唔好喊啦！」。（文末有link可以睇翻） 肥姐話羅文出去登台嘅時候食唔慣當地嘅嘢食，淨係食肯食木瓜，翻到香港個人皮膚變左黃黃地色，笑死。 6. 其實佢真係做左好多「第一」！ 答：無錯，除左係第一個喺英國Royal Albert Hall表演嘅香港歌手，佢仲係： -第一個喺利舞台開個人演唱會嘅香港男歌手 -第一個係美國Lincoln Centre表演嘅香港歌手 -第一個公開全裸寫真嘅香港男藝人 -創作左第一套粵語音樂劇《白蛇傳》 -第一個喺大陸公開獻唱嘅香港男歌手 -第一個喺香港文化中心開演唱會嘅歌手 -第一個非日本歌手攞日本電視台《全日本歌謠選手比賽》冠軍 （其實仲有好多） 7. 佢有無好似梅姐哥哥佢哋咁樣告別樂壇？ 答：有，1996年開完《羅文的光輝舞台》演唱會之後。 8. 咁佢有無收徒弟？ 答：有，包括容祖兒同埋鄭伊健。 羅文仲有做容祖兒第一場演唱會《容祖兒美麗在望慈善演唱會》嘅嘉賓，一齊唱《問誰領風騷》同《激光中》（文末有link）。容祖兒嘅《最後一課》都係為左紀念羅文。 9. 羅文嘅最後一場演唱會係？ 答：1999年《羅文俄羅斯創世紀音樂會》，同佛羅內斯交響樂團合作(The Voronezh state Philharmonic Orchestra) 。佢一直好想同管弦樂團合作，入左英皇之後同佛羅內斯交響樂團合作左《情繫佛羅內斯》呢隻唱片，聽聞當年係有一個香港人去左佛羅內斯做指揮，所以特別有意義。做完唱片之後就請佛羅內斯交響樂團黎開show。 10. 佢離世嘅原因係？ 答：肝癌，離世嘅時候57歲。 如果羅文仍然在生嘅話，佢已經75歲。 第一頁相片：羅文《我的挑選》唱片封面 第二、三頁相片來源/版權：文化博物館 第二頁相片連結（左上角）：https://www.hkmemory.hk/collections/Roman_Tam/All_Items/images/201710/t20171010_86842_cht.html 第二頁相片連結（右下角）：shorturl.at/cqFHP 第三頁相片連結（左上角）：shorturl.at/jsyQ9 第三頁相片（Joey演唱會）連結（右下角）：https://www.youtube.com/watch?v=3IpmQju_Djg 【截圖】 參考網站：https://www.hkmemory.hk/collections/Roman_Tam/about/index_cht.htmlh 羅文、肥姐《一條船》表演： 《肥肥繽紛三十年 》：https://www.youtube.com/watch?v=ZDoxNFZ9yIo 肥姐2002年演唱會：https://www.youtube.com/watch?v=6GMtUiz08qQ #羅文 #百變羅文的二三事

姜濤18－19年業績公布！《全民造星》新一屆冠軍早前誕生，亦即係代表上屆冠軍姜濤小朋友要卸任喇！上市公司要整 annual report，今次本台都幫姜b 整份年報，同各位股東（姜糖）總結吓佢喺過去一年嘅工作同表現。#好我地去片 #姜b2018至19回顧 . . －姜b大事年表－ 18年10月：姜b大熱奪冠，袋咗100萬（詳見財務報表），正式入行 18年12月：獲圖片搜尋次數最多香港男藝人 19年1月：首次有姜糖落示愛燈箱廣告 19年4月：2O歲^^～踏入二字頭 19年4月：有傳半年大賺兩球 首登雜誌封面 19年6月：出處男單曲《一號種籽》 19年6月：處男拍劇《退休女皇》 19年7月：處男開騷 三場個人音樂會 19年9月：出第二首單曲《亞特蘭提斯》 19年9月：拍住 Ian 合作處男音樂電影 19年12月：入圍叱咤我最喜愛男歌手五強+歌曲五強 19年12月：出第三首單曲《一天多一點》 19年12月：Mirror 出道一週年首次簽唱會 20年1月：奪叱咤新力軍銅獎、新城勁爆人氣偶像 20年3月：出第四首單曲 20年4月：去台灣拍劇 #做乜搞到好似選美卸任感言咁 #全民造星音樂響起 響過去嘅一年，姜b 履行全民造星冠軍嘅任務，歌影視三棲發展，做個港產本土偶像，帶比好需要後起之秀嘅香港娛樂圈一啲新衝擊。過去一年，姜b 極受廣告商歡迎，拍過嘅廣告包括：電腦軟件、珠寶、迪迪尼、電器、護膚品、化妝品、香水、銀行、保險、牛仔褲、運動衫、波鞋、餐廳、電話、床上…用品…… 真係差唔多成條西洋菜街都俾佢代言晒，我地嚟睇睇姜濤喺2018至19年嘅財務報表： 收入：冠軍獎金，+$1,000,000.00 港元（當中70%進貢最大股東姜媽媽，好乖） 支出：- $700,000.00 港元 其他：??? . . 鳴謝姜糖「潛水艇」提供同 fact check 以上資料，但由於收入同支出屬於高度機密，恕 audit 部門未能完成財務報表。不過呢，呢班姜糖股東真係好愛佢，幾次喺燈箱同雪糕車落廣告同姜b 示愛，有班咁錫佢嘅粉絲，姜濤嚟緊要加油，快啲變大藍籌喇！ @keung_show @mirrorweare #姜濤 #keungshow #keungto #姜糖 #潛水艇 #一輩子姜糖 #我愛姜濤 #一周年財務報告