《我做外賣仔的日子》

呼，尋日又做左半日外賣仔，比起第一次做，第二次做明顯有好多唔同既感受，就好似愛情咁，第一次約會總係令人感到新鮮，但新鮮過後，就需要面對現實了，同各位報告下感受，去點：

1）是日都係半日，六個小時，地點係尖沙咀區，南至海旁，北至窩打老道，東至尖東，西至柯士甸站

2）總單數，13單，收入，360蚊

3）當晚約左大學同學食飯，消費400……俾錢個一刻，我好想再打開個apps去補多一鐘，令當日收支平衡

4）極度懷疑系統係有新手優惠，派得特別多單，暗示你聽，好好搵啊，記得做多D！

5）上星期因為被退單，有蝦餃、薄餅、雞翼、肉醬意粉食，原來術語係叫福利餐，而今次我已經成長喇，所有派送成功，無任何福利……

6）是日來回柏麗大道三次，短期內我都唔會再想行呢條路……

7）尖沙咀區比起旺角區舒服好多，我指環境，明顯綠化同公園長椅都有唔少，整體無旺角咁壓抑，而且搵廁所係相對輕鬆好多

8）請叫我渡船街小霸王，呢個範圍，我送左五單，雖然每單既等待時間都有五至十分鐘，但送餐距離極短，短到點呢？就係間餐廳係樓下但客戶都唔想落街咁既距離，每單都有25蚊以上，當時我感覺原來賺錢就係咁簡單

9）距離短，錢好似好易搵，但計返數，原來重點係唔停手地做先係搵到錢，今次只有一次同時拎兩份外賣，比起上次連續3次搵住3個外賣比，感覺到付出幾多，收獲幾多

10）是日最遠派送，係尖沙咀I Square去佐敦永安，仲要係4人餐，果斷搭巴士，車費6.8，點知去到佐敦再次陷入漫長等待，早知慢慢行過去……

11）無單既時候，我企左係譚仔門口，希望譚仔可以賜單比我，點知旁邊有個南亞同事都係度等緊單，你無聽錯，自從成為外賣仔之後，我係街上面見到外賣仔都會心諗，又有同事開工，會給予佢地一個加油既微笑！

12）閒來無事同南亞同事吹開水，佢都係步兵，已經做左兩年，比起我呢個做左兩日既，佢絕對係大師兄，佢一日最少做12個鐘，鋼條既身型，比起我呢個行半日就去按腳既廢柴，我諗佢做完12個鐘都仲可以去兼職按腳多幾個鐘！送外賣用腳，手唔攰可以再用埋佢

13）南亞同事月入差唔多三萬，同幾個同鄉夾租，每月2500，佢夢想係搵到錢開間雜貨店！感覺就好似香港人移民硬係想開埋小食店賣雞蛋仔，文青總係夢想開間Cafe咁

14）問佢公餘有咩做，佢話打排球，剛好小弟年輕都係排球校隊打過學界，但我見佢差唔多一米八，壯碩既身型，強勁既臂彎，我婉拒左佢邀請我閒時打友誼波，我怕比佢打死

15）傾傾下系統派單比佢先，佢同我講，因為佢係老鬼，同地點有多過一個人都會派單比佢先，我當時心諗，頂，你唔早講，佢用一個朋友，你返印度食蕉既表情同我講，下次同到佢班南亞兄弟就記得唔好一齊等

16）佢工作好認真，真係當係職業，而我就係玩味性質，原因好簡單，因為佢係巴基斯坦搵幾千蚊都做到成隻狗咁，依家派外賣比起以前搵多成十倍，感覺好似當年我去澳洲工作假期比當地人問我點解咁鍾意返工，當時我答佢，香港做麥記20蚊一個鐘，澳洲做又係20蚊一個鐘，但係澳紙既分別

17）是日太無聊，所以我係七仔特登買d平時唔飲既冷門或者新飲品，林家謙代言既清。麥茶都唔錯，紅茶花傳既檸檬紅茶幾好飲，但原來成15.3g糖……

18）尖沙咀區送The Austin同Grand Austin最花時間，要落隧道來回，荒島黎，但大型屋苑既保安服務真係做得比較全面，拉門既都好有禮貌，同日送窩8，樓下阿姐真係有少少無禮貌，唔係對我，而係一個順豐哥哥佢拉住貨入黎，佢嘈左幾句，但順豐哥哥無理佢就入左lift

19）今次我比上次做多左樣野，想睇下分別，就係我今次拎到外賣，同送到樓下，我都會Msg客人同佢講我出發喇，我差唔多到喇，送到我都會msg佢地用餐愉快，到底呢個行為會唔會令我多左Tips呢！！？？

20）答案係無既，可能我既服務仲未夠好，但我又覺得咁send個msg比客，都係認真對待呢份工作，令客人多左一份安心，自我感覺良好，下次我會再接再厲睇下點先有tips！

21）收到張單係送食材，蕃茄薯仔豬骨，應該係煲湯，平時我自己買只係50蚊左右，但有人用差唔多高一倍既價錢去享受服務

22）外賣呢樣野，真係一種時間同金錢既交換，有人分分鐘幾十萬上落，佢花費幾十蚊去慳返時間搵更多錢，或者休息，一路送我一路覺得係對整體社會發展係好事，因為人可以做更有價值既事

23）感覺到外賣都不斷升級緊，係外賣盒、外賣速度、包裝等等都感到比幾年前好太多，以前你食個麵要分湯？真係叫都未必有！依家分湯好多唔講明都會分比你，感覺外賣自取同埋派送對於一個人食飯都係一種趨勢

24）睇返譚仔上市資料，幾年前堂食外賣比重都係8：2，依家已經差唔多6：4，世界唔同左，仲記得當年沙士打開左網購既潮流，而上年疫情就改變左堂食習慣，有好多野唔迫到埋身真係唔會成長

25）是日趣事，我左手拎住電話，右手拎住外賣，個客開門之後我遞左電話比佢佢呆左；一個上身赤裸既男人拎外賣，我覺得睇到佢身體要加錢囉

26）暫時對我講，送外賣都係有趣既，而我分析過，因為我係兼職，又唔係靠佢養家，收工時我計一計數，360蚊，如果我等佢開飯既，我真係要加多半日做到夠數先可以收工，而唔係收工仲去食餐比今日搵既錢更多既飯，今次已經比起上星期無咁腳痛，唔駛按腳，但起左水泡，

27）興趣同職業，真係兩個層次，將興趣變成職業係一種漫長既過程，唔係人人做到，當你既興趣超過左一定既數量，就會量變引起質變，即時變質，需要一個覺悟！

28）我會唔會繼續做？會啊，下星期六強勢回歸旺角區！每次有人問我都係咁答，依家每個星期有人比錢我做gym，真係唔做就蝕啦！

29）但同時我係送外賣既時候諗，其實全職炒散真係幾適合我，黎緊我會有新動向，試下其他唔同既工作，分享多少少大家平時成日見既職業，當真係做既時候係咩感受，如果你地有咩特別職業想我去破地獄既，歡迎留言！

30）兩次既步兵經驗，我升級喇！步兵將會轉職成騎兵，點樣升級得快d！比個like啦！like數就好似經驗值咁，令我有動力去冒險！！！！

💛良心親民日式料理🎌
.
葵涌石籬商場對面嘅💛良心小店🌟山下無雙🌟，主打價錢親民嘅日式料理🇯🇵，主食絕大部份都係幾十蚊就有交易，CP值很高！😍
.
🧡三文魚親子丼 $98
整碗丼飯都鋪滿了三文魚刺身粒和三文魚籽，相當足料！😉刺身和魚籽鮮味十足，仲幾肥美！💕
.
🍤炸蝦卷 $40
炸蝦保持脆口，仲加埋雙色蟹籽🦀，賣相和味道都唔錯，誠意十足！🤩
.
✨鰻魚卷 $58
鰻魚味道濃郁，肥美可口！💗
.
🍢免治雞肉串 $32/2串
🍢雞軟骨串 $20/2串
即叫即燒，香口惹味，價錢仲要包2串，抵食！👍🏻
.
📍山下無雙日式料理 @uniquesushi1
葵涌石籬大隴街103號昌榮樓地下1號舖
.
#山下無雙日式料理 #日式料理 #抵食 #性價比高 #刺身 #抵食日本菜 #抵食黃店 #日本菜 #黃店 #日本菜黃店 #黃店日本菜 #葵涌日本菜 #葵涌美食 #葵涌黃店 #黃色經濟圈 #黃店地圖 #香港人美食 #良心小店 #良心食店 #打卡美食 #打卡餐廳 #hkfood #foodstagram #hkfoodie #hkfoodblogger #相機食先 #香港美食 #foodieyvonne黃店 #foodieyvonne葵涌 #foodieyvonne日本菜

#黑洞觀塘出沒
#1245 壹.01 （👈🏻向左滑睇餐牌）
觀塘好似長期keep住有新鋪開🙈
呢間餐廳主打台灣菜
有免費wifi 無限時任坐🤭
最近仲做優惠🈹價錢都幾親民
-
🔸芒果滷肉飯（ $58 ）
好有特色 估唔到芒果同滷肉係夾😯
整體滷肉肥膏偏多
所以飯底比較油😢
大食/肚餓嘅朋友仔可以揀多飯🍚
仲唔使加錢
-
🔸蜜汁紫菜排骨飯（ $60 ）
私心推介💓超大塊排骨‼️
啖啖肉啱晒食肉獸🤪
重點蜜汁加紫菜好惹味😬
-
🔸蜜汁台灣腸（$15 ）
平時食嘅台灣腸都偏硬
呢款口感似一般腸仔🤨軟身小小🤏🏻
但蜜汁味保留到台灣味😎
-
🔸酥炸花枝丸（$15 ）
花枝丸炸完唔油✅
咬落食到花枝粒 幾爽彈😗
-
🔸鹽酥雞球（$16/單份 ）
入口微辣🫑
味道有啲似KFC炸雞粒
同黑洞平時食開嘅鹽酥雞有啲唔同😹
-
🔸零冰全手作芋頭鮮奶（半價$19 ）
消暑優惠 所有特飲半價🤑
底部大大pat芋泥🤩
飲之前將佢同鮮奶搞勻😉
奶味濃郁 仲好豐富口感
-
🔸古早奶茶（半價$15 ）
黑洞揀咗少甜啱啱好😚
茶味比較突出 奶味唔多
啱晒鍾意茶底濃嘅朋友仔☺️
-
地址：觀塘駿業街56號中海日升中心2樓D號舖
好味：3.5/5
抵食：3.5/5
再食可能性：3/5
-
#foodiehk#hkigfood#hkfood#食好西 #hkfoodlover#hkfoodstagram#hkfoodie#香港美食 #相機食先 #hkigfoodie #飲食日記 #飲飲食食#新假期 #香港人#hkfoodshare#hkfoodpic#手機食先 #852food #香港打卡 #foodhk#hkfoodstagram #食左先講 #一路食一路post #香港好去處 #hkigfoodie #觀塘美食 #觀塘 #kwuntongfood #台灣美食 #午餐吃什麼

上星期Apple發佈了不少新產品，Samsung剛剛也舉行了發佈會，一次過發佈了多款新型手提電腦，包括有Galaxy Book和Galaxy Book Pro，還有可作一般手提電腦使用或是打開成平板的Galaxy Book Pro 360。
三部新機中以Galaxy Book Pro 360最貴亦最頂級，有13.3吋（$11,980起）和15.6吋（$12,880起）兩款。可360度旋轉的輕觸式屏幕支援S Pen，其實感覺跟之前推出的Galaxy Book Flex2 5G頗為相似，不過以同樣13.3吋款式比較 ，Pro 360就更輕更薄。實試S Pen書寫仍是一貫的順暢，機身整體設計亦相當簡約，手感很不錯。
Galaxy Book Pro的賣點就是極輕薄，13.3吋版本就只有11.2毫米厚，重量更只有870克，大概只是4部S21 Ultra的重量，以手提電腦來說真的相當輕薄。Galaxy Book Pro同樣設有13.3吋（$10,280起）和15.6吋（$12,880起）兩個型號，15.6吋亦只重1.15公斤，厚13.3毫米，號稱是Samsung旗下最輕薄的手提電腦，除了不能反轉屏幕和使用S Pen外，設計和硬件配置大致跟Pro 360相若。
Galaxy Book就是最便宜的入門款式，只有15.6吋一個型號，亦相對較重和厚，但$7,780的價錢就比之前兩部便宜得多。值得一提的是，今次新系列電腦亦特別強調與電話及其他產品的連繫，以求建立一個自家的生態系統。用家可利用應用程式簡單連接電話和電腦，在Galaxy Book上就可操控電話大部份功能，包括打電話、傳送相片、開啟不同應用程式等，實試操作順暢，在辦公室應該頗實用。
就如iPad可作為Mac的延伸屏幕一樣，Galaxy Tab可用作Galaxy Book的屏幕，並可作同步顯示或延伸模式，實試連接簡單，操作流暢沒有太大時延。
最後是在Apple AirTag發售同時，Samsung亦推出了SmartTag+，同時配合藍牙低功耗及超寬頻技術，利用AR擴充實境時更會顯示失物的距離、方向及大概位置。SmartTag+更有反向搜尋功能，只要按下SmartTag+的按鍵，電話亦會發聲振動，單個購買$328。

最細即影即有相機Polaroid Go
經典即影即有相機寶麗來Polaroid最近推出全新相機Polaroid Go，新機可以說是歷年最大的改變，機身大幅縮細，成為目前世界上最細的即影即有相機。機身尺寸為83.9 x 105 x 61.5毫米，比一般即影即有相機細了很多，雖然體積縮細，不過仍保留雙重曝光、自拍模式和閃光燈等功能。
全新的相紙尺寸也比一般細，維持了正方形顯示區域，每套Polaroid Go相紙分兩盒，每盒8張相紙。全新的Polaroid Go相機和相紙都非常迷你，出外影相就更加方便了。Polaroid Go官方售價$1,099，Polaroid Go相紙16張$188。

真骨雕幪面超人Black開箱
S.H.F.的真骨雕幪面超人Black剛推出，瞬間就炒至近千元兼賣斷市。長方盒印上角色大頭，是真骨雕的專屬包裝，設計簡約不花巧。配件方面，有5對可更換的造型手掌，一對替換的觸角。真骨雕即由骨骼開始雕塑，呈現最像真的可動特攝英雄模型，並還原皮套的質感。這次幪面超人Black非常像真，近距離可以看到黑色的部份有細緻的紋理，各部位都雕造出皮套的摺紋效果，腰帶上色細緻，腰間關節更露出生化肌肉。
不過背後肩膊位的關節輕微被肩甲阻礙活動，肩膊以軟膠造出生化肌肉包裹關節，美觀之餘扭動亦非常暢順，但扭得太多可能會爆膠。髖位的關節則沒有特別包膠，只是下腹位用上軟膠，方便擺姿勢。手肘位的關節亦有精細的生化肌肉塗裝，扭動幅度頗大，拳頭幾乎可以貼肩，膝關節也有生化肌肉塗裝，摺叠幅度極大。頭部採用有光澤的塗裝，嘴巴的金屬色和滲線亦很有水準，可輕鬆擺出各種經典姿勢。官方定價7,700日圓（約550港元），但香港的賣價接近$1,000，值不值就得看你是否粉絲了。

iOS 14.5戴口罩照解鎖
iOS 14.5正式推出，最實用的功能就是可使用Apple Watch解鎖iPhone。疫情之下戴口罩要用Face ID解鎖電話非常麻煩，而更新之後只要你有Apple Watch就簡單得多，在設定中「Face ID與密碼」，開啟「使用Apple Watch解鎖」就能使用。
啟用後，當Apple Watch處於解鎖狀態，而iPhone偵測到用家戴着口罩時，就會觸發解鎖，速度算快。每次解鎖時Apple Watch都會彈出通知和震動，以免被別人偷偷解鎖。要注意此功能並不會認人，只要Apple Watch在範圍內，任何人都能解鎖你的iPhone。不過用家可以即時透過Apple Watch鎖定iPhone，之後就一定要輸入密碼才能再次啟用此功能，同事實測大概2米內都是接收範圍。
此外，iOS 14.5更新後iPhone終於支援5G雙卡雙待。另外，用家也可以在「私隱」中開啟或關閉第三方App的廣告追蹤權限。
行咇易及針卡掃描App
香港政府近年開發不少電話應用程式，今個星期又有新作。香港警察專用的「行咇易」，會用於加快前線行咇核實身份的流程，利用光學字符識別技術，自動辨識身份證。據講可由過往的4至5分鐘，加快至大約15秒，消息指專用電話是Samsung Android電話。計劃將在5月上旬分階段試行，警方指，程式不能讀取智能身分證晶片內資料，而且不能拍攝亦不會儲存任何圖像，只會點對點傳送到中央伺服器，而且電話只供警務人員當值時使用，背面刻有警徽圖案，由警務人員互相監察。
除此以外，政府也推出應用程式「驗證二維碼掃描器」，供食肆用手機掃描顧客疫苗針卡上的二維碼，已注射一劑疫苗螢幕會顯示一個剔號；已注射兩劑疫苗，並已相隔14天會顯示兩個剔號。資訊科技總監林偉喬指，應用程式不會讀取到市民的個人資料，只會識別到市民是否已注射疫苗，因此餐廳也不會知悉市民的個人資料。不過程式目前並未在App Store和Google Play上架，只能在食環署網站以APK的方式供食肆負責人於Android電話下載。

迪士尼整合頻道 Disney+登陸香港有期
迪士尼曾經表示Disney+將於2021年香港啟用，雖然一直未有確切消息，不過最近官方宣佈於10月1日起，關閉旗下於香港及東南亞的18個電視頻道，當中主要包括FOX的多個娛樂、電影台及體育台，以整合媒體網絡業務，不過衛視中文台、電影台及國家地理頻道、野生頻道則不受影響。

中國上海有自由高達
去年7月日本Sunrise宣佈「中國鋼彈項目」，將在日本以外地區建立首座1:1高達立像，選址上海金橋LaLaport購物中心。雖然於安裝高達平衡翼時，被網民拍到有些微起火，不過在4月26日官方也正式宣佈完工，預計調整1個月後，5月28日便會有立像的展演。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#Samsung #Smarttag #即影即有 #Polaroid #幪面超人Black
#果籽 #StayHome #WithMe #跟我一樣 #宅在家

｜單車阿伯日踩11小時一車送90個飯盒 跑馬地雞蛋檔老闆5米高移動發泡膠塔 80歲伯伯去公園操肌後生鬼仔挑機都輸
"元朗有一間茶記叫波記，開了近30年，主力賣38元包湯及飲品的快餐。由於價錢平，外賣生意極多，差不多是全個元朗區接外賣生意最多的茶記。而由於外賣多，所以店內請了4個全職、2個兼職外賣單車手，差不多整個元朗區都送。「這班車手，我叫他們『靚仔』或者『0靚仔』，每個都很踩得。以前好難請人，如今有人來做我便請了，我們直接自己聽電話，直接自己送，你說是否快過外賣公司？」老闆娘陳小姐說。6個車手中有2個是高手，其中一個是店內年紀最大的東叔，日踩11小時，每日走至少40轉，耐力最強；而另一個就是阿開，今年55歲，雖然體重只有約100磅，但每次外賣的數量不但最多，而且速度最快。每次送外賣，他們的烈火戰車都像「掛燈籠」般，掛起一袋二袋的外賣膠袋。
https://hk.appledaily.com/lifestyle/20200520/Q3L6B4H6TYUQXMKGPKSRF5WFME/

正所謂 「大隱隱於市」，高手，總是隱藏在我們身邊。
每日下午四點，跑馬地集祥街的斜坡，總有突然長出五六米高，高過二樓伸出的招牌，搖搖欲墜的發泡膠箱塔，幾秒後「呀」一聲倒塌，幾分鐘後，又長出來無限Loop。
「有咩咁巴閉，你哋要嚟影我呢？呢度太多人識我喇！啲人當我係傻嘅就有。」
「平衡力而已，膠箱嚟，一啲都唔重，冇技術，個個都做到。」
「我無聊，自娛㗎咋！」但口罩下的腰果眼加魚尾紋，看出他鬆毛鬆翼的心理狀態。
徐先生（56歲）在跑馬地長大，街坊都叫他「蛋哥」。蛋哥說自己都是打工的，每日四點多就幫菜檔搬發泡膠箱到幾十米外，斜坡下的垃圾房回收，但街坊「篤爆」他說，他是隔籬雞蛋檔老闆。蛋哥自小就跟爸爸在跑馬地街市賣雞蛋，以前集祥街是一個街市，後來社區整修，幾個攤販夾份搬入地舖經營，變了「大興食品公司」，裏面有菜檔花檔豆腐檔雜貨舖同雞蛋檔，恰如民間小街市。
https://hk.appledaily.com/lifestyle/20200430/XQJ2LXI64HOJLZAAKDXB6JO5YQ/

在西環卑路乍彎公園，每朝都聚集了一大群長者晨運，他們大部份都只是玩玩園內的健體設施，或隨意揈揈手腳，志在鬆鬆筋骨，與老友記吹吹水，打發時間。但在公園的角落，卻有一個頭髮斑白、下巴蓄有一大把白鬍鬚、穿着白色短袖底衫的老伯，在馬騮架上起勁地做引體上升，做完十多下，又爬到雙槓上做掌上壓。他做完一連串高難度兼姿勢標準的動作，沒有谷到面紅，只有少少索氣。誰又估得到這個老而彌堅的老伯，原來已屆80歲高齡！
https://hk.appledaily.com/lifestyle/20190402/7BYTKIMJG3I4KVX3AQEP4RXDC4/ "

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#單車 #跑馬地 #雞蛋 #西環 #街市
#果籽 #StayHome #WithMe #跟我一樣 #宅在家

法國小餐館 #LesPapilles 推出全新春日餐單 香港罕見 #南法 食材 帶味蕾走一趟南法春日之旅 #LesPapillesHK

3月，春意盎然的月份，趁著春暖花開之際，位於銅鑼灣登龍街的法國小餐館Les Papilles推出全新春日餐單，以香港少見的南法食材，以及大廚於傳統南法菜式變奏出來的巧思，帶你的味蕾感受一趟幸福的南法春日之旅。



Les Papilles主廚Jeff Chan曾於南法米芝蓮二星餐廳Le Jardin Des Sens總店跟法國著名廚師兄弟Jacques Pourcel 及Laurent Pourcel受訓一年，擅長南法菜式，更善於在傳統菜式原有基礎上，加入亞洲元素及他的獨特見解和創意，創出極具個人風格的法國菜式。簡單如餐前的自製紫菜法包，食譜調製至適合香港人的口味，麵包皮不會太硬及煙韌，反而外皮脆、內鬆軟，大廚更因南法盛產紫菜而靈光一閃，將紫菜加入法包之中，配合海鹽牛油同吃，倍感鹹鮮。

#西餐 #法國菜 #法菜 #登龍街 #銅鑼灣美食 #芝士 #西班牙紅蝦

前菜的西班牙紅蝦薄片配鷹嘴豆蓉、薄荷醬，傳統上，在南法煮這道菜式都會以鷹嘴豆蓉做配搭，但大廚別具一格地以法國芝麻醬、本地腐乳加入鷹嘴豆製成鷹嘴豆蓉，反覆嘗試無數次後，終於試出黃金比例，細膩的腐乳香味反而更突出西班牙紅蝦薄片的鮮甜。大廚特意棄用羅勒而改用薄荷做青醬，以及將橙汁濃縮成香橙油醋汁，令整道菜彷若春天微風拂臉般清新不膩。



另一道前菜法式帶子燴海鮮，以忌廉、蛋黃、巴馬臣芝士及麵包碎點綴的煎焗帶子，口感固然外脆內嫰，但此道菜靈魂在於其天鵝絨醬（Veloute sauce），也即法國菜中五大母醬（mother sauce）之一，以慢火熬煮45分鐘的白魚骨湯底加入忌廉及牛油麵糊（Roux），質感濃稠，加上燴煮螺肉、青口、蜆等海鮮，令真正鮮味綻放於味蕾上。



顧客亦可選擇濃雞汁燴鮑魚片配羊肚菌忌廉汁，層疊南非鮑魚、法國藍腳雞及羊肚菌，燴以法式香濃雞汁，口感細緻。



主菜三選一，不得不提法國經典名菜：馬賽海鮮湯（Bouillabaisse）。傳統的馬賽海鮮湯是當地漁港的平民小食，不過近年賣相越趨精緻，反而少人注重細節，「如果不用這幾款魚，充其量只能叫魚湯，不能叫馬賽海鮮湯。」大廚Jeff堅持從馬賽當地空運春夏當造的3款魚：海鰻、飛魚、赤鮋來製作馬賽海鮮湯，這3款魚多骨且體形細小，不過魚味濃而鮮甜沒腥味，以兩公斤魚熬製4小時後，再將煮腍的魚肉磨蓉加入湯裡，最後只得出1公升魚湯，鮮味極度濃縮，加入用蒜蓉、蛋黃醬、薯仔、藏紅花製成的藏紅花蛋黃醬（Rouille）後，口感更是濃郁；湯裡也有鱈魚、鱸魚、青口、虎蝦等不同海鮮，非常足料啖啖鮮。



另一道主菜法國阿貝倫羊鞍、玉米蓉、普羅旺斯燉菜、迷迭香汁，羊鞍是南法阿貝倫出產的，比起紐西蘭及澳洲羊的羊味更重，口感更滑，肉色也更粉嫰。同時，由於阿貝倫的羊吃穀草混合飼料，運動量足，因此油脂比例均勻，不似蒙古羊般羶，卻另有一番恰到好處、引人垂涎的羊羶味，如果想吃到質感軟腍多肉汁的完美口感，建議選擇煮至半熟（medium），配上口感順滑的玉米蓉同吃更佳。



餐廳亦進口了多款法國芝士供客人選擇，諸如莫爾比耶（Morbier）、山羊奶芝士（Mothais）等，而且由於南法飼養的羊皆非常高質，餐廳更特別引入一款綿羊奶芝士 (Perail) ，口感柔軟，帶有奶的香甜，細嚐下也會滲出果仁香味。甜品的紅寶朱古力法式千層，使用世上第四種朱古力：紅寶石朱古力製成，紅寶石朱古力擁有天然的粉紅色，也蘊含莓的味道，令整個法式千層味道酸甜有致，為這趟春日之旅劃上完滿的句號。



所有價錢均收加一服務費



Les Papilles

地址：銅鑼灣登龍街44號登輝大廈地下

電話：3114 2389

營業時間：星期一至六中午12:00至晚上11:30

Facebook：https://www.facebook.com/lespapilleshk
@lespapilleshk #lespapilleshk
Instagram：https://www.instagram.com/lespapilleshk/
#canonphotography #BLOG #blogger #HKBLOG #hkblogger #HKFOOD #HKFOODBLOG
#hkfoodblogger #HKIG #HKIGFOOD #HKIGFOODBLOG #hkigblogger