終於可以鬆口氣去玩啦💃🏻🕺💃🏻即興山頂睇日落、遊樂場、晚餐加夜景✨ 經過3個星期密集學車，阿娘真係攰到嘔！！今日終於考完車，合格左。。。一半🎉🥲要再補考嘅路試要排期排到下年二月！！即係下年先再挑戰啦💪🏼 💕多謝奶油爸應承做我一世嘅司機～ 💕多謝奶油仔呢排日日話教我揸車，仲話大個要車我返工，唔洗我咁辛苦～咁我等多你16年啦☺️ 好似生左奶油仔之後，第一次挑戰下湊仔以外嘅野（其實都係因為個仔先去考😌）。雖然過程緊張，又唔係太享受，不過都叫踏出左自己都估唔到嘅一步。由細到大，好少可會做自己唔鍾意嘅嘢，的確仔仔俾左好多動力我去改變💫 #革命尚未成功同志仍需努力 #不過我要休息到下年先有得再努力 #toddler #育兒 #親子 #hkmama #hkmum #hkbaby #香港媽媽 #親子blogger

復活節假期開始喇！🥳🥳🥳 又放假喇！疫情好轉左，大家有冇plan定同小朋友去邊到玩下？ 呢度有機械人玩呀！可以讓小朋友同機械人互動，呢個機械人仲識同你開玩笑架🤣🤣 👦🏻去片睇下： https://youtu.be/rFbUzX9bRgE 另外仲有新開的 #花花世界感觀遊，可以讓小朋友聞下各種花的獨特香味！ 🚌🚗🚆 Timtam仔最鍾意當然係玩 #模擬揸車車，我都一齊玩，真係好好的親子遊戲！ 仲有 #海底潛艇 帶小朋友去深海探險，認識深海世界的生物，夠晒刺激！ 估唔到而家仲有 #跳舞機 玩添呀😂😂 睇吓仔仔最美張相，好玩到跳起🤣🤣 #和小朋友上stem #從遊戲中學習 #太多野玩 #玩唔哂 #放電好去處 #親子好去處 #復活節好去處 #假日好去處 #TimtamFamily #Timtam仔的成長日誌 -------------------------------------------- 👨‍👩‍👧‍👦 其他親子好去處： ⭐️玩轉香港首個Legoland 探索中心： https://www.facebook.com/1524904844208620/posts/4150795164952895/?d=n ⭐️鴨脷洲竟然有🌸櫻花睇？香港花卉展🌺｜鴨脷洲 8大打卡景點｜鴨脷洲美食 | https://youtu.be/tveVa_p4vQk ⭐️堅尼地城海濱長廊 ｜日落夜景一樣靚｜打卡好去處｜小朋友放電好地方｜狗狗公園 ｜ https://youtu.be/1EQakgrM-Q8 ⭐️【親子好去處 】🌈 玩轉8個挑戰 🌈 香港仔郊野公園 🌳 行山有野玩、有古蹟睇、仲有動物睇！ https://youtu.be/PEaXbnUs9UI ⭐️荔枝角D2 place powerplay arena: https://www.facebook.com/1524904844208620/posts/3614364495262634/?d=n ⭐️百樂酒店下午茶自助餐： https://www.facebook.com/1524904844208620/posts/3781376611894754/?d=n 🔹🔹🔹🔹🔹🔹🔹🔹🔹🔹🔹🔹🔹🔹🔹 💪🏼💪🏼努力剪片分享更多親子好去處比大家！小朋友是時候要走動走動喇🥳🥳 Youtube: Timtam Family FB: Timtam仔的成長日誌 IG: http://www.instagram.com/cheerfulchristy #

#gfmurmur9062(part1) 長文慎入（多謝會睇曬同俾意見嘅朋友仔先） 本人26，佢都差唔多。舊年年初，一時好奇down咗交友app嚟玩，係喺交友app度識佢嘅，之後加咗佢ig，發現佢外形真係完全就係我中意嗰個type, 好man好型（雖然唔高），而且對動物有愛心，同屋企人感情好好。嗰時雖然仲未見過佢真人，但就已經深深淪陷，基本上每日都會去睇佢ig, 所有posts都睇過曬嗰種。因為真係好中意好中意，所以我都keep住每日主動搵佢。一開始佢覆得比較慢，基本上兩三個鐘先覆，咁大家唔熟，又冇咩好傾，覆得慢都正常嘅。 之後因為一個event大家約咗出嚟見咗一次面（佢係澳門人，但喺澳洲生活咗十年），嗰次我真係超緊張，但又要扮淡定，因為我唔想佢咁快知道我中意佢。而且一開始直覺已經話俾我知，我唔係佢嗰個type，佢唔會中意我，所以都做好心理準備唔會有next step. 其實第一次見完之後，發覺佢同我想象中有啲唔同，無想象中咁man咁有距離感，反而好傾得，好似好耐無見嘅朋友catch up咁，但我唔中意佢有時講嘢比較粗俗（爆粗），所以嗰次之後，我就已經諗住大家做下frd就算了。 但係每日睇佢啲posts, 始終無法抵抗佢外形上嘅吸引力，所以都仲未抽到身。兩個禮拜之後，我好傻咁主動提出去澳門搵佢玩，諗住相處多一次睇下有咩感覺。嗰日食lunch嘅時候我知道咗佢準備緊IELTS準備去澳洲，聽完之後我好唔開心但都係要扮冇嘢。之後坐佢車去其他地方玩，男仔揸車真係好型，坐喺佢副駕嘅時候就已經諗緊“如果我哋係男女朋友關係就好了”。行街嘅時候有時佢會同我行得好近，仲會有肢體接觸（拉扯打鬧嗰種），我行到攰嘅時候佢又會話“咁不如我孭你啦”，dinner嘅時候又偷影我，總之有好多小動作同語言都令我覺得佢可能都對我有啲意思。食完飯之後我哋仲行咗啲小街小巷睇下夜景，冇咩人而且又有啲浪漫嘅環境之下，我以為佢會有啲表示，點知到我嗰晚走嘅時候都完全冇，除咗一個goodbye hug. 嗰日唯一嘅收穫係知道佢同我一樣中意廣東歌同影相，總算搵到sth in common. 喺澳門返嚟之後嘅第二日我成個人都好down好唔開心，因為我知道，我真係中招了，但佢應該凈係當我係frd. 點知當我down咗成日之後，嗰日傍晚佢就msg我話下次去香港玩。嗰刻我就好似突然之間由地獄升返上天堂咁，開心到傻咗，因為我覺得佢有咁嘅提議，啫證明佢真係應該對我有啲意思。我哋好快就約咗兩個禮拜之後（4月中）喺香港玩，我哋book咗間Airbnb一齊住。Daytime行街食嘢影相嘅時候感覺都似frd多啲。印象比較深刻嘅曖昧moment係，dinner埋單嘅時候我爭住要睇下張單幾錢，佢唔俾，我搶到之後佢話“咁不如連個人都俾埋你了好唔好”，嗰下我好傻咁係咁up頭，我諗佢應該知道我中意佢了，甚至應該好耐之前就已經feel到。 另外仲有啲曖昧moment嘅，比如我贊自己影佢影得幾好嘅時候，佢輕輕咁搣我塊面話“咁叻呀”；比如佢話佢條頸好痛嘅時候，我叫佢瞓喺張床度我嚟幫佢按摩，按完之後隻手都幾攰，佢就嚟按摩返我隻手；佢刷牙同我化妝嘅時候，佢又係咁眼甘甘咁望住我。我真係覺得佢對我應該都有feel，所以嗰晚我基本上無點瞓過，第二日又一早就醒咗諗緊表唔表白好（本身係諗住5月底佢生日嘅後一日，我去澳門睇張敬軒演唱會嘅時候先表白嘅，內容都已經一早就打好了）。 糾結咗兩個鐘之後，最終都決定死就死，因為如果表白成功嘅話，嗰日就會係我哋拍拖嘅第一日。表白之前特登開speaker狂loop佢嗰時好中意嘅《有一種悲傷》去吵醒佢，亦都係幫自己壯膽，亦都乘機問咗佢拍過幾多次拖（佢話五六次，對於我嚟講算多咯，不過都預咗嘅，畢竟佢咁靚仔），佢亦都有問返我（我凈係拍過一次），更加令我覺得佢應該都對我有意思。之後，終於，將自己部電話遞咗俾佢，等佢自己睇我一早就打好嘅表白長文。佢睇嘅時候我搵藉口話要化妝行開咗，因為唔想喺佢隔離俾壓力佢。我化完妝出嚟之後佢無咩表示，我都估到答案係咩了。 雖然俾佢睇之前已經做好心理準備，但佢嗰個當冇事發生過嘅態度同埋之後又係咁追問我幾時開始中意佢、幾時決定嗰個moment去表白，真係令我覺得好hurt好尷尬。反正嗰日成日嘅氣氛都好尷尬，直到我哋say goodbye各走各路之後，我忍唔住喊咗出嚟，覺得自己好傻好白癡，可能佢只不過係flirting但我就玩認真。嗰晚佢仲有繼續send啲post俾我，應該就係暗示下次再去玩過食過。但我仲sad緊，睇到啲post就更加嬲，有啲惱羞成怒之下我好直接咁問其實佢究竟想點，跟住佢問返我“does it have to be frd or unfrd”，我真係唔知覆咩好。之後兩三日我哋都無搵對方，但我又好傻咁諗，點解自己咁唔型，人哋唔中意自己就要嬲咗人，做frd咪做frd咯。 所以我又send咗一段嘢俾佢話I’m ok to be just frd. 之後幾日聯絡都係少咗，始終有啲尷尬，但一兩個禮拜之後又好似之前咁日日互相send post俾對方。但5月底去澳門睇演唱會嘅時候就無再約佢出嚟，因為驚見到面會尷尬，亦都唔想自己越踩越深。 (#gfmurmur9062:part2續) ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫———