慎入！這是一個網絡送死Post 今日睇到《立場新聞》嘅新聞，記者表示希望响選舉前席約倫敦市長Sadiq Khan做訪問，可惜四次都被「放飛機」，然後出文詳細講解時序。係人都知本人（暫時）係傾向支持保守黨，不過唔打算從工黨或者保守黨政治立場或者方向去討論呢件事，因為咁樣好容易跌入「工黨奶啦」或「保守黨幫香港人加油」呢啲自圓其說嘅心態。 坦白講，傳媒响選舉前約見候選人係好正常嘅事，而因為可以利用傳媒做曲線競選廣告，候選人多數都願意去迎合。作為响當地新建立嘅媒體，呢個算係一個好開始，不過，要清楚嘅係英國有無數咁多傳媒，剩係全國性印刷版嘅報紙，大大少少超過十份，計埋地區性免費或者收費嘅就多到數唔到（倫敦就特別多）。如果網媒嘅話，其本上就好似肉麻愛情故事語錄一樣「恍如天上繁星」。咁呢個就係業內競爭，而唔係「點解唔理我」嘅問題。 如果講到競選連任嘅Sadiq Khan嘅愛理不理「甩底」姿態同保守黨候選人Shaun Bailey好似黃大仙有求必應嘅態度好唔同，咁到底有無了解過倫敦市場嘅職務係咩？當地選民注重嘅議題係乜？現時競選嘅形勢同生態又係點？ 倫敦市長嘅職責同特首或者以前港督好唔同嘅，係交通、治安、社區福利（唔係市民福利）、旅遊推廣等等嘅民生事務，而廿個候人裡面最有機會嘅只有三個，民意支持度最高嘅仍然係工黨嘅Sadiq Khan（45%以上，容易啲明嘅就睇賠率1/50），排第二嘅係保守黨嘅Shaun Bailey（26%，20賠打外），而排第三嘅係自由民主黨嘅Luisa Porritt（8%，66賠過外），新進黑馬就係右翼藝人鬧交界KOL Laurence Fox（唔知點解民調好低但賠率都有60賠）。 先唔好講選情，剩係競選政剛，Sadiq Khan主要係希望疫情後注重投放資源簡化大型公共設施出入，推廣倫敦旅遊業順便幫助就業不足嘅市民重投工作。而Shaun Bailey需然都係後疫情民生議題，但就多咗一項針對現任嘅Sadiq Khan，要解決治安問題，除咗加強警力之外就係配合保守黨嘅政策令警察可以容易"stop and search"（左翼因為怕警權過大係唔多鍾意嘅）。Laurence Fox就再特別啲，反對市長「抗疫L」政策同倫敦左膠思潮。 唔想用「睇唔起香港人囉」去理解，因為係英國地方選舉視角問題。首先，香港人佔倫敦幾多人口？雖然「每一票係好重要」係人都識講，但競選現實係睇邊個，接近贏硬嘅Sadiq Khan要嘅係保住現有嘅支持者，响倫敦講慘講難生活，數到腳趾尾都未輪到香港人（亦相信無人想）。如果大家係Sadiq Khan，你會選擇同本地傳媒解釋自己唔係左膠，亦都重視治安同警務，還是同香港傳媒講「香港人加油」或者旅遊廣告一樣講晒廣東話咁「我代表倫敦歡迎你」？相反，作為挑戰者嘅Shaun Bailey就真係一票都不能少，咁緊係會有唔同態度吧。 講到尾，香港人去到英國（或者倫敦）生活，乜唔係應該當自己係一個英國人，選市長或者區議員改善整個社區嘅民生問題咩？點解要全個地區遷就「香港人乜乜乜」呢？咁係為個地區好，對地極少數嘅香港人著想，還是為聽句口號爽？地方政府喎，唔係下議院有外交、內政、房屋政策權㗎，如果硬係要嘅話，點解唔去聯絡唯一下議院補選嘅Hartlepool嘅候選人？再唔係，點解唔試下揾有機會或者可能成為蘇格蘭獨立後第一個總理Nicola Sturgeon，問下佢蘇格蘭萬一獨立後嘅外交姿態，或者會唔會特別照顧香港人？ 最後，可以好坦白咁講，唔好話香港人，就算整個華人社區，因為從來對社區或者政府參與度太底，現時响英國政治力量係細到睇唔到。如果要擴大影響力嘅話並唔可以永遠「賣慘」或者情緒勒索然後打飛機。大把來自其他國家移民（難民）無論响祖家或者响英國都慘到爆，況且永遠做求人嗰個係無用嘅，更可悲嘅係大把人排前面求緊，而齋有錢亦都唔係大晒，除咗要用時間融入社區，更現實嘅係要技術、金錢同政治技巧再加選票（唔係圍內，仲要令當地人投票支持）... #如果講真話希望有改變係放負的話 #呢個肯定係放負Post #可以批鬥我了

最近有好多關土地供應問題嘅討論，最新一個係政壇新貴紫荊黨有文章指香港嘅土地丶房屋政策停滯不前，已經威脅「一國」安全。 香港房價高係不爭嘅事實，但又點樣影響到國家安全？ 代表地產界嘅石sir 又同我地傾下呢個問題 @abraham.shek.92 https://youtu.be/zUHVZvPNKaE

【@businessfocus.io】林鄭：中央僅關心香港經濟民生 堅稱「一國兩制」特色 未受北京「指示」 . 特區政府周一（22日）深夜針對政務司司張建宗在英國《金融時報》刊出的訪問發佈聲明澄清，表明中央並未「指示」要集中處理房屋、土地等有關問題。行政長官林鄭月娥今早（23日）再對此事作出回應，堅稱在「一國兩制」下，香港民生與經濟相關事務由港府自行處理，並表示雖然中央在支持特區政府拓展經濟和改善民生問題等不遺餘力，但並不等同是中央「指示」，而僅是關心和支持。 . 據政務司司長辦公室昨日發佈的聲明稱，張建宗在《金融時報》訪問中並沒有説明特區政府被中央「指示」要集中處理房屋、土地與貧富懸殊等範疇，澄清上述議題均處於特區的高度自治範圍内。 . 對此，林鄭月娥今日出席行政會議前做出回應，期間多次強調「一國兩制」，她指由於張建宗認為報道中有幾處地方不太準確，尤其是與香港相關的稅制問題，基於香港身為國際金融中心的地位特此作出澄清。林鄭月娥表明，香港並非一般人口中的避稅港或避稅天堂，而是一個引以為傲的簡單稅制與低稅率地方。她直言，在「一國兩制」下，港府並未受到中央「指示」處理房屋範疇有關事務，堅稱這些都是由港府自行處理，同時亦是「一國兩制」的特色。 . 林鄭月娥補充，中央領導非常關心香港各方面的事務，在支持特區政府拓展經濟、改善民生上不遺餘力。她以自身參與多個爭取中央支持政策和措施的三年多經歷表示，這並不等同於是中央「指示」，並重申「因為我們畢竟是『一國兩制』」，這只是中央的支持與關心。 . 與此同時，林鄭月娥亦表示，對於全國人大常委會將於下周一及二召開會議，針對香港選舉制度改革方案進行審議感到高興，並透露港府正爭分奪秒地落實本地修例工作。她也稱，雖然「不太可能」在人大通過草案後翌日即刻提交相關修例草案，但強調會盡快提交。林鄭月娥透露，未來12個月内將有三場重要的選舉舉行，包括選舉委員會、立法會以及行政長官選舉，因此尤其是行政長官選舉必須在明年三月底舉行，好讓新任行政長官得以在明年七月一日上任。 . Text by BusinessFocus Editorial . #BF社會熱話 . @businessfocus.io 瞭解更多商業財經資訊 .⠀ #money #investment #business #finance #life #startup #startups #management #company #expert