[實用長文] 喺節目度用颱風速度講過一次中美洲唔同地方嘅簽證情況，都知冇人聽得明。其實我出發前有起碼一半嘅準備時間都係用咗去搞簽證，認真一句，真係好。膠叉。煩。為咗唔使之後想去嘅人經歷咁多膠叉，我試下喺度整合一次。 首先中美洲有呢七個國家: 伯利茲 (Belize)、危地馬拉 (Guatemala)、薩爾瓦多 (El Salvador)、洪都拉斯 (Honduras)、尼加拉瓜 (Nicaragua)、哥斯達黎加 (Costa Rica)、巴拿馬 (Panama) 揸特區護照要申請: 1. 美國簽證 中美洲全部國家見到你有美國簽證都會暗叫一個good字，無論係直接過關定係用黎再申請另一個簽證過關都會容易啲，同埋由香港去中美洲都一定要經美國飛，喺美國轉機，都係要有美國visa。 上美國領事館網站填一份好長長長長長嘅online form，再去seven交錢，之後就可以約時間見領事，見完幾日到有得攞 2. CA-4 簽證 CA-4 = Central America 4 = 中美4國 =危地馬拉 + 薩爾瓦多 + 洪都拉斯 + 尼加拉瓜 佢地有一年覺得自己好friend，整咗一個聯合visa CA-4，supposedly是旦一個國家批四個國家都入得，90日限期。 四個國家都大冇香港大使館，所以想搞CA-4，一係出咗發之後先去墨西哥親身搞，一係就出發前喺台灣搞。危地馬拉駐台灣大使館可以俾我地郵寄申請，有美國簽證的話，速遞所有文件 (包括回來機票、6個月入息證明、香港passport等等) 過去再匯埋錢之後即日就批到 3. BNO 經過一系列事件之後好多香港人都想去整定本BNO，依家又多一個原因喇，中美洲國家一般對英國護照都係免簽證嘅，拎住本BNO好多國家都好有機會魚目混珠，不過講得係魚目，即係佢都有權好醒地發現其實BNO唔係真英國passport，發現咗咪，收檔囉～ 有呢啲嘢就表示: 伯利茲 : 本身特區護照免簽證30日，入得 危地馬拉: 有CA-4，入得 薩爾瓦多: Supposed有CA-4入得，但係我出發前打過去薩爾瓦多駐台灣大使館，佢話佢地唔承認其他國家發出嘅CA-4，我地想去，就要搵一個薩爾瓦多friend同政府講佢邀請我地黎，我地先可以申請，咁我鬼有薩爾瓦多friend咩，所以要去到先算，唔知BNO幫唔幫到手 洪都拉斯: 有CA-4，入得 尼加拉瓜: Supposed有CA-4入得，但係上網睇全球人類都話如果你係特區護照，就算有2000個CA-4都唔會入到尼加拉瓜，但係BNO就多數都會過到 哥斯達黎加: 有美國簽證就免簽，所以入得 巴拿馬: 有起碼用過一次黎入美國境嘅美國簽證先免簽，我地喺美國轉機用咗一次，所以入得 拿，我依家去完哂成個trip，梗係知薩爾瓦多同尼加拉瓜簽證嗰度最後係點樣啦，不過節目未做到嗰度，我老老土土都要保持返個懸念，所以，睇到嗰集你就知架喇，yeah #50日背遊中美

《女孩只為尋覓一個會陪自己煲韓劇的男孩》李專 或者妳的男朋友很man，脫掉上衣的話，肌肉拍得住張繼聰，身上散發的外在雄激素，就連路過的狗乸見到也會失禁。 或者妳的男朋友擁有紳士的品格，體貼溫柔，事事不用你操心，根本就是「好腰好腎好男人之王2014」的繼承者。要是妳大搖大擺拖住這個絕世荀盤出街，恐怕你們被包圍了。 儘管如此，但若然妳對他說：「不如陪我睇韓劇」，他會怎樣？ 他會說有事走先，然後先去法庭申請人身保護令；再去日本駐香港大使館尋求政治庇護。 沒錯，叫一個男孩陪自己睇韓劇，等於睇佢點死。 悶死的死。 對於韓劇，甚至整個韓流，他總是有種傲慢與偏見，不明白妳為何中晒毒，覺得應該帶妳去看異鄉人醫生，醫醫個腦。 當妳看《來自星星的你》，哭得慘過哭喪的時候，他總是嘆氣：「都唔明你，套套韓劇咪一樣。好似子華神咁講：『一對戀人要撮合，會要有「車」有「瘤」。畀車撞同有腫瘤。』」 當妳說李敏鎬好型好靚仔的時候，就算連對方是誰也未搞清，他亦會冷冷地說：「個個泡菜仔咪一樣樣，畫晒眼線。根本同認非洲人一樣，永遠唔會知邊個打邊個。」 其實妳很想告訴他，你說的韓劇劇情早就out了，已經是上個光年的事情。 妳很想告訴他，我寧願你幽我一默：「係嘅，李敏鎬係幾靚仔，不過妳最後都覺得我最正，所以揀我。」 可是，妳沒有將心底話道出，因為妳明知他不會聽見妳的聲音，只認為韓劇就是「女生的AV」，所以寧願把它們埋在妳的秘密花園裡，然後自我安慰：「沒關係，是愛情啊。」 久而久之，妳喜歡甚麼韓星、聽甚麼k-pop、看甚麼韓劇，一律不會告訴他，反正說完，他也不會明白、不會了解，等於對牛彈琴。 不過，妳懂的，其實妳在賭氣，心裡深深不忿。 為甚麼？為甚麼你不明白我？ 為甚麼你不懂尊重我的喜好？ 為甚麼你永遠一句ban埋嚟，否定一切？ 我不期望你好像我這樣迷戀韓風，但我很想你知道我喜歡甚麼，因為你是我最親近的人，而非路人甲乙丙。 當我煲劇煲到情緒高漲，急不及待跟你分享，很想你會明白我說甚麼 。 沒錯，keyword就是「明白」。 說到底，女孩只渴望對方明白自己多一點，了解多點自己的喜好而已。 或者，今時今日，對女孩來講，尋覓到一個肯陪自己煲韓劇的男孩，三個字。 嫁得過。 __________________________________________________ ○ 當我煲劇煲到情緒高漲，急不及待跟你分享，很想你會聽懂我說甚麼，而唔係講完你都唔明。 FB Page： 李專 Lee Chuen（每日18:45上載文章） IG：lee.chuen #字 #文字 #中文 #愛 #愛情 #感情 #情感 #感覺 #hkgirl #hkig #覺得 #累 #hkg #圖文不符 #hkiger #852girl #hklife #852 #hklife #hongkonggirl #hongkonger #hkboy #韓劇 #韓國 #李專