【 紅天機 ── 點解香港出唔到金裕貞？】 _ 世界好大，香港娛樂影視發展都可以好勁。 _ 說的不是廿幾三十年前無綫（TVB）的輝煌盛世，而是現在。 _ 由香港起家的「黃Viu」創立至今僅6年，然而發展之快超乎想像，合作夥伴更遍布亞洲，除了外購劇集，2020年起更將發展重心移向自家製作內容，上年便參與製作Nichkhun主演的泰國浪漫喜劇《My Bubble Tea》，以及型格美女Linn主演的奇幻愛情劇《Voice in the Rain》，到今年再開多瓣拍埋韓劇，金所泫主演的《月升之江》便以「Viu Original」名義在2月推出，而金裕貞主演的《紅天機》則是新鮮滾熱辣剛剛正式上架，逢周一及二更新，現時已播放至第四集。 _ 《紅天機》改編「韓國小說天后」廷銀闕（《懷抱太陽的月亮》、《成均館緋聞》原作者）同名作品，以架空歷史的「端王朝」為背景，講述主角紅天機（金裕貞飾，童年版由李南京飾演）出生時雙目失明，後來因捲入神魔角力而奇蹟地復明，可是貴族少年河藍（安孝燮飾，童年版由崔乘訓飾演）卻意外失去視力，魔王更被封印到其體內。差不多20年後，本應失散的兩人如命運安排般重逢，一個成為了天才女畫師，在帛瑜畫團工作；一個擁有雙重身份，既是書文觀主簿（類如中國古代的欽天監，故又名河主簿），又是暗地經營古畫買賣商的「月星堂」堂主，兩人再次結緣的同時，神秘事件亦接連發生。 _ 年僅21歲的金裕貞絕對是《紅天機》最大的賣點，亦是觀眾最關心的地方，「金裕貞」三個字於八月第四周（首播前一周）和九月首周輕易拿下韓國Gooddata調查公司「韓國演出者熱搜排行榜」第一位，加上相比廷銀闕另外兩套舊作，今次在愛情綫以外，奇幻成份明顯更強，照計應該能夠吸引劇迷，事實上收視也如此，每集皆創新高，由第一集的6.6%，升至第四集的9.6％，成為同時段（月火劇）冠軍，可是首兩集的劇情鋪排輕重上頗失預算。 第一集人、神、魔合力搞了幾場「大龍鳳」甚有睇頭之後，竟然花了大量篇幅描述年輕版的紅天機和江藍如何邂逅，文戲太多就會變得譖氣，為免悶到瞓著，只好靠Fast Forward跳過這段，結果首集70分鐘，去到臨尾兩分鐘才輪到金裕貞。第二集亦略嫌拖戲，無端端又加插一幕安孝燮「曬肌」，認真離題，去到最後一段才出現打鬥場面，幸而故事播到第三、四集愈來愈順，加上有孔明飾演的三王子「亮明大君」相當搶鏡，與金裕貞甚有火花，令追看度大增，而後者個人表演的機會亦愈來愈多，譬如照顧失心瘋父親（紅恩吾）時表現的心疼、對付騙徒的機智潑辣，以及畫出幾可亂真的高仿畫的得戚樣，樣樣都恰到好處毫不過火。 _ 撇除標緻可愛的靚樣，金裕貞擁有的最強武器，便是其超越年齡的演技，但韓國領土裏並非只得金裕貞有此威力，金賽綸、金所泫便是與她既出名又有同級配置的後生女，她們合稱「三金」，廿歲頭，大把世界。反觀香港，剛剛踏入雙十年華又好戲到令人難忘的女藝人，一個都冇。 _ It’s all about time，金裕貞起步得早，4歲做童星拍廣告，5歲正式演戲，其後數度在劇集中飾演女主角的童年時代，在13歲靠《懷抱太陽的月亮》（2012）爆紅前，已經演過超過20套劇集、10套電影，2014年更擔大旗於《秘密之門》做女一，對手是演技超卓的韓石圭和李帝勳，而劇集亦令她贏得「第21屆SBS演技大賞」的新星獎，之後接拍與朴寶劍共同主演的《雲畫的月光》（2016），人氣更愈來愈勁。 _ 香港女演員大多廿頭才出道，紅得再快都要等多兩三年才企穩陣腳，被迫「大器晚成」，但培訓少，港姐出身的參與完短短三個月的「速食班」，便要提槍上陣，演戲根底遠不及5歲演戲的紮實，而童星出身的莊錠欣（Elkie）或多或少本應有機會做到半個金裕貞，11歲參演無綫劇集，作品十隻手指都數唔晒，興許香港市場細，未夠魅力留住人才，她2016年便轉戰韓國追女團夢，加入CLC做領唱，人氣三級跳，去到今年2月才正式離隊決定作個人發展，若她選擇回港而非主攻內地市場，就不會撞正中央整頓娛樂圈，令自己的前景充滿變數。 「黃Viu」以自家製作、OTT平台打開了香港以外地區的門戶，利用有別於過往劇集賣埠的方式「做大個餅」，根據《彭博》（Bloomberg）一篇引述研究公司Media Partners Asia數據的報道，截至今年六月底，「黃Viu」在東南亞市場的付費訂戶人數多達530萬，成功超越Netflix，躋身區內第二大串流平台，與坐擁620萬用戶的龍頭Disney+僅少90萬人，換句話講，香港影視界短期內產出不到十八廿二的「港版金裕貞」、「港版金所泫」絕對不緊要，永遠無法復刻40年前《靚妹仔》（1982）林碧琪也沒相干，因為來到2021年，世界好大，要贏、要企到最後，也不是只有一種方法，將來的事，誰人能夠預料？ _ （11092021） _ #游大東 #游大東影視筆記 #韓劇 #紅天機 #金裕貞 #安孝燮 #孔明 #郭時暘 #홍천기 #김유정 #안효섭 #공명 #곽시양 #ViuOriginal #黃Viu煲劇平台 #Viu @kimyoojunghk @goddessyoojung @spaulight.0219 @hyoseop_hk @rencontrer_paulahn_chinesefans @hkgirltalkdrama @viuhongkong

「居酒屋神話：一個碗盛的誕生…」可能你會 懷疑點解日本人每餐飯都會用到咁多碗碟， 仲要唔同大細、花紋、就連筷子托亦都好講究。 對比香港人黎講，一隻碗一對筷子走天下啦， 呢種咁極緻、對美感既追求，認真值得我地 去學習。於是今晚就係天后新開既居酒屋 「碗盛」，真正感受日本料理文化，自然成為 人生贏家，呢鋪仲勁過吳亦凡呀！👇 - 📌お 酒 - ▪️ さ け · 𝐂𝐨𝐦𝐛𝐨 𝐒𝐞𝐭 - $𝟏𝟖𝟎 ▫️ 一開波緊係飲返兩杯醒下先啦，呢個「清酒· 三連貫」分別有唔同口味既3 ꜱʜᴏᴛ 100ᴍʟ ꜱᴀᴋᴇ， 味道由淺到濃開始飲。第一款ꜱᴛᴀꜰꜰ推介由「神藏」 開始，呢隻入口偏甜，味道輕身，果香非常突出； 第二款「望」性質中性，味道亦屬於甜身少少， 好適合送前菜、沙律呢類冷盤；最後「雁木」 係最辛口，最爽身既一種，連埋串燒濃味既野食， 相對係最夾，整體我覺得係幾抵飲，值得推介。 - 📌先 付 け - ▪️ 沖縄 · もずく漬 - ▪️ ごま棒棒鶏 · サラダ - ▫️ 前菜方面我覺得佢地幾有心思，好似 「沖繩·水雲漬」呢類平時居酒屋好少有得嗌， 水雲其實係日式髮菜，配搭醋漬食落特別開胃， 而且可以降低膽固醇，對腸胃好有益ᴛɪᴍ； 而「麻醬棒棒雞·沙律」份量十足，每一款雞柳 肉質嫩滑，配搭大量胡麻醬，份外惹味。 - 📌串焼き | 焼き物 - ▪️ つ く ね - ▪️ 盐焼 · うなぎ - ▪️ 盐焼 · き鶏手羽 - ▫️ 輪到串燒環節，第一款必食「免治·雞肉棒」， 放落用左師傅自家製既醬汁連埋日本蛋撈勻一齊食， 裡面雞軟骨粒增加唔少口感，但又唔會太肥膩； 「鹽燒·白鱔」肥美肉厚，以鹽燒過，食落外層 帶脆，同時保留到滑嫩質感，仲有魚肉鮮甜味， 幾好食；「鹽燒·雞中翼」一食落雞皮燒到夠哂 香脆，又夠入味，真係忍唔住想嗌多串！ - ▪️ オ ク ラ 焼 - ▪️ シソわさび·豚バラ肉 - ▫️ 串燒唔好比佢停！仲有「燒 秋 葵」燒得岩岩好， 唔會過腍反而相當爽口，加埋面頭木魚花，口感 十足；而「紫蘇芥末·五花腩」一聞到都ꜰᴇᴇʟ到 果種油香四溢，加上肉質金黃酥脆，配搭紫蘇 芥末將個味道提升到另一層次。 - ▪️ 牛カルビ焼 - ▪️ チーズおもち - ▫️ 最後試埋「燒牛小排」，入口相當又夠軟腍彈滑， 點埋蘿蔔蓉醋，口感更加豐富；「芝士年糕」 咬落糕裡面既芝士味香濃軟綿，煙煙韌韌， 真係叫人欲拒還迎呀！ - 📌和 食 二 款 - ▪️ 长崎·ラーメン - ▪️ 汁煮アワビ·やまいも鉄板焼き - ▫️ 拉麵就食得多啦，反而「長崎·拉麵」真係第一次試， 一上枱比個份量嚇親，絕對夠哂兩個人食。成碗麵 比鮮蝦、豬肉、魷魚、流心蛋、魚片、大量蔬菜 蓋住，香味濃郁，加上麵條口感爽彈，呢個一定 要試；最後「汁煮鮑魚·山芋鐵板燒」賣相好似 大阪燒咁，面頭既鮑魚好有咬口，而底部燒過既 山芋，紫菜、蔥花、日本燒汁同埋沙律醬， 鹹甜之間連埋清酒一齊食，特別滋味。 - 📎 碗 盛 | ᴍᴀᴛᴀɴᴇ 📍天 后 清 風 街 9-11 號 寶 德 樓 地 舖 @matane_hk #Lankistyle #LankiTinHau

十二道蜆味出巡🏃‍♂️ 🍞黑炭黑蒜蓉包 $80 🍕芫茜酥皮蝦比薩批 (6吋) $135 🍛西班牙海鮮飯 $260 🍹It is not Popcorn $110 🍸Whisky Sour $80 首先上枱嘅係蒜蓉包，一共有六大片，麵包上嘅蒜蓉味幾重幾香，黑蒜養生唔錯。 個薄餅批特別在用酥皮製成，一層層好鬆軟，而且上面鋪滿芫荽同四隻大蝦，熱辣辣咁食夠晒滋味。 至於海鮮飯有蜆肉、青口、蝦，布滿喺risotto上面，仲有啲芫荽，鮮甜、清新、香口。 兩杯cocktails，雖然話不是Popcorn，但就充滿強烈嘅爆谷味，入面仲有調咗牛奶、榛子、焦糖同Vodka🥃。 另一杯酸酸甜甜，係混合咗檸檬汁同糖漿嘅Whisky， 杯口邊亦都圍咗糖霜係面🍬。 一嚟到就見到好多謝霆鋒嘅相🎞，都有啲明星坐鎮。 環境有少少懷舊歐陸色嘅感覺🏰，又用上紅磚，感覺寫意。餐廳名稱由來係直接取自街名16 Shell Street🐚。 不過當日柒咗，相機漏咗帶SD卡，最後用手機影相🤡😹唔知大家睇到啲質素會唔會覺得差咗？🥲 📍16 Shell - 炮台山寶榮大廈地下B舖 @16_shell 📮Follow @fm.feed ➡ to discover more appetizing foods #hkfood #foodporn #foodiehk #hkfoodblogger #foodphotography #foodstagram #hkeats #hkfoodhunter #hkfoodie #likeforlikes #followforfollowback #discoverhongkong #香港美食 #相機食先 #美味しい #美食摄影 #食べるの好きな人と繋がりたい #16shell #天后美食 #炮台山美食 #hkcafe #seafood #海鮮 #謝霆鋒 #hkbar