【龔成問答信箱】（Q17601-Q17620）

Q17601：

Hi, 上完咗老師嘅堂都兩年了, 全因為你, 我開始咗月供計劃, 成功累積咗一小筆錢, 感謝你🙏🏼🙏🏼

我第一次見到自己買嘅股票1211, 1177倍升, 好開心! 但因為唔等錢用, 所以無放到, 決定長期揸!! 但依家有個煩惱, 就係倍升咗之後唔想同一隻供咁多, 所以依家想review 個月供組合.

我本身29歲, 近半年升咗職, 月入$58000, $10000俾家用, $6000供自己學費, $2000供媽媽同自己嘅保險, $2000娛樂/旅行基金, $7000生活費, $10000儲蓄(緊急開支/現金)

我個月供組合本來:
2800 $5000
0003 $2000
0027 $5000
0066 $3000
1211 $5000
1177 $5000

但有感 0003同 0066質素同增長力比以前差, 而且老師你叫減減1211同1177嘅供款額, 所以想改變個組合

改做:

2800 $5000
0027 $5000
1972 $3000
1211 $3000
1177 $3000
1810 $5000

咁會唔會平衡一點?

其實本身唔介意高風險一d, 潛力同值博率高d, 因為依家單身, 無家庭負擔, 打算都係5至10年後先買樓.

Btw, 遲啲得閒啲一定會報進階班, 同埋多謝你花時間去俾意見我! Thx!

龔成老師：

以你的年齡及情況，的確可以進取翻少少，正如股票班第二堂所教的配置概念，我地最重要是建立長期的組合，當中有不同類別的股票，新經濟不少都是水桶1、舊經濟則是水桶2，兩隻都有當中的價值，你只要照課堂所講的比例，以及配合自己的情況去調整就得。

你新的組合，可以進行，見到都是有質素的股票，同時比例都適合你，無問題。

總之，你每月月供的同時，能夠儲到一定的現金，咁就得。

好。遲D進階班見！

------------------------------------------------

Q17602：

老師， 我已經買咗您的幾本著作 《80後百萬富翁2》
《股票勝經》《50優質潛力股》2020版《選股勝經》《年報勝經》《財務自由行》

近排我會盡量將您的著作買齊 因為咁啱見到商務有8折優惠價 之前都無優惠價 好開心

非常佩服您十年如一日記錄自己的日常開支
每天都正能量激勵自己
鼓勵別人影響別人

從2019年12月由朋友
度識左你之後
我每一天都會追蹤你的問答信箱 好多時都見到您係夜晚11:00幾或12:00左右先將問答放上網

第二天好早又會放d好有用嘅資訊係網上
我覺得你好似鐵人 非常敬佩您 好感動
我其實有好多感謝的話想說 不過都係算啦費事阻你時間睇我嘅廢話

應該有好多人感謝你
我覺得你真係一個非常好非常好
心底非常善良的人
希望有一日係街上可以和你偶遇 就憑你把聲線就知道是你

最後祝你身體健康
龔成名就

龔成老師：

我20年前開始，睇好多成功人士與有錢人的書，在佢地身上學到好多野。

我都是由零開始，但因為前人的經歷與分享，到今天算是有少少成績，所以都好想幫人，因為我知有唔少人同我20年前一樣，好想取得成功，但又唔知點做，所以我想希望盡少少力。

你加油呀，我相信你已經行係成功的路上，只要不斷進步就得！記得保持進步，運用書中所教！

------------------------------------------------

Q17603：

龔sir，唔好意思又阻你，自從睇左你fb 同書之後成日同自己講唔好理股價短期升跌，如果公司係有實力就冇問題，要睇長遠

亦開始係生活上留意唔同行業ge股票，但我係初哥，冇物投資知識又未識睇報表哥d, 希望遲d有機會上到你ge堂。

疫情對旅遊業航空業打激都幾大，最近見到隻00694 北京首都機場股份，股價應該跌到係近幾年尼低位

疫情後長遠發展係咪應該較正面，到時航班量應該多番同正常番，想問下阿sir我甘諗有冇問題

同埋le隻股票值唔值得投資。另外想問埋阿sir 點睇788中國鐵塔，感謝

龔成老師：

方向雖然正確，但都要留意一些業務本質情況。

北京首都機場股份（0694），近年質素有少少下跌情況，受到北京大興國際機場轉場方案，令航空及客運量下跌，而這企業會採取新措拖去減低影響。

當中的轉場，以及新機場費用，會令這股的盈利減少而這因素都反映在股價上，所以你見佢近年的股價表現較弱（而不單是近期）。

整體來說，首都機場仍有佢地位，但質素的確有少少跌左，賺錢能力減，整體只屬中等的質素。

現價已反映新機場等不利因素，現時的估值合理，至於疫情因素，會令佢中短期弱，不過長遠來說，會慢慢向好，因此都有投資價值，但由於本身上述所講的情況，因此不建議太大注。

中國鐵塔（0788）有質素的，之前有少少炒概念，所以之前估值有少少貴。

這股本身有質素、有前景，中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入正不斷增長，盈利都保持向上，但股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

考慮到佢的質素、發展能力，這股算是合理價。

由於這股有發展力，可長線。

但如這刻買入，分注入可以的。

------------------------------------------------

Q17604：

龔成老師，想請教你我家人如果有 1500 萬留俾後人，應該怎去分配?

我在想是否應該學你2年分注買入盈富港燈中電這些收息股，滾大果筆錢，長期制做被動收入，好過直接一筆過分晒俾子孫，謝謝你寶貴時間

我媽媽那筆遺產主要目的是想有一舊錢俾我爸爸每月有穩定入息，其餘就是給子女自己用。

龔成老師：

以你上述的情況，我會建議穩陣少少。

你可以將這$1500萬，分成5部分。

第一部分投資股票，「收息股+「平穩增長股」。

收息股，你可以建立一個收息股組合，你可考慮港燈（2638）、香港電訊（6823）、工行（1398）、中電（0002）、置富（0778）、陽光（0435）、深高速（0548）等，大多有5%股息。

（你可睇下《50穩健收息股》當中仲有好多）。

同時，可以有部分（要睇你地的家人，風險度及情況），投資一些平穩增長股，你可以考慮盈富（2800）、恆基（0012）、中銀（2388）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。相信這部分對你父親方面有一定的作用。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以將$1500萬資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q17605：

老師 最近已經購入了一個東涌565萬的物業

黎緊會供樓真係未必會會好多現金係手 所以如果有儲到少少現金 都會想購入以上股票作長遠投資

會一直關注老師的面書多多學習 暫時叫完成左人生第一件大事 之後會繼續努力

都好多謝老師經常鼓勵大家 先令我有動力去踏出置業既第一步

如果黎緊有星期六/日既班都會考慮去報 因番工平日比較難抽時間上堂

龔成老師：

好！記得要留有一定的現金先，唔好心急將資金全投入在股市。

始終你現時有物業，要同時增加翻你的防守力，有基本的現金在手始終較好。做好這點後，就可以將資錢投資增值。

我間中都會開星期六班的，通常一年開1、2次，星期六下午時間。

下次可能在年底。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp，你可到時先決定報唔報，無所謂。因為而家已經有唔少網左留定位先。

------------------------------------------------

Q17606：

老師。我現時月供股票18000。5千平安 5千 2800（己4年）2千銀娛。

2千港鐵（4個月）2千港交所。2千1211 （1個月）我35了。想65退休後財務自由。問 這組合可行嗎？ 謝謝您

龔成老師：

可以，這是一個不差的組合，當中都是有質素的股票，同時有不同類型，組合平衡。如果想風險更為平衡，可以增加翻盈富（2800）的金額，當然，你最好同時有現金剩。

我相信到你55歲，已經會有一定的財富，到時可以重新配置一下，提高被動收入。

------------------------------------------------

Q17607：

成哥我持有中國國航4.82入左一注。坐緊。請問應等待嗎？

得睇書睇peg果到 你有教人計。但我唔明計出黎之後個數係點定義平定貴

龔成老師：

中國國航（0753）的質素，只是中等，唔算好有質素，這類股就算投資，都唔會太大注，如果你持貨太多，要賣部分，如不多，都可以持有的。

其實企業估值有好多方法，好多時我地幫企業計算要配合使用。而PEG的估值，只適用於「高增長類」股票，因此未必適合在這股身上。你預現價在合理區。

------------------------------------------------

Q17608：

老師，感恩與你結緣，日日追看你的網站。

近期1211升左，自己1516是否應放一半，留一半作長線投資。秘密講你知我的平均價是43元，之前見到50至低位37，因我鐵定老師的分析精準無比。其實賺錢固然開心，雖然未落袋，但緊記老師肺腑之言「現金不是財富」，但更開心係自己今次的決定無誤。

記得自己決定報名上老師堂時，我仲問朋友有冇興趣一齊上。大家都異口同聲話我癲，竟然相信一個講古佬，仲買咁多佢嘅書來睇。我無言，只是自己一把年紀唔想再輸，就算老師講未必係真，但學些理財概念也不錯，自己增值下又和小朋友講下，希望早點引起他們的興趣。

其實我最感動是你第八堂分享你自己的夢想。敢想未來才會更精彩。

多謝老師的理財心得，讓我知道書中自有黃金屋。多謝你。

龔成老師：

其實唔怪得你的朋友，因為坊間的「所謂專家」，都是亂講為多，但我自己其實最想「分享知識」，講個股只是一些輔助。可惜唔認識我的人，都唔會明白，無所謂。

正如我自己20年前不斷睇書，身邊人都笑我，話「如果睇書可以發達就無窮人」，但講這句說話的人，基本上都從來無認真睇過書。

我後來明白，致富的確有方法，但一般人就是唔肯花時間學，唔肯努力做，佢地寧願買六合彩，都唔會一步步進行長期的致富過程。

你的方向正確，保持進行就得，比亞迪（1211）有潛力的，但中間如果你覺得貴，賣部分都可以，平衡進行。長線投資要有耐心，能克服中短期的股價波動。

------------------------------------------------

Q17609：

成哥，我想問下小米（01810） 幾多錢先入手好？

我覺得佢上升嘅潛力都幾大，因為公司業績良好，同埋佢股價應該會受惠於中國5G而上升，係一隻優質潛力股。但係我唔係好清楚應該幾時入手

龔成老師：

小米集團（1810）其實有增長力的，因為佢的產品的確受歡迎，同時處於增長狀態中。

中短期當然會有不同的風險，但長遠來說，這企業仍是不差的，有持有的價值。

小米現價合理，分注投資可以。

------------------------------------------------

Q17610：

龔Sir您好，我是你股票基礎班和進階班的學生。謝謝你的分享和教導，增加了我理財的知識，亦令我更好的規劃購買股票的策略。給了我很多正面的影響。

我想問，我如何可以擴大自己選股研究的成果?

透過股票班學習了一些選股和分析方法後，現在選擇心水股票後，都會分析各種財務比率及合理值範圍。

然而，所有成果只用於購買股票中，好像未能完全善用自己的分析成果。除了幫助家人投資外，我暫時想不到有其他方法可以善加利用研究成果。

請問你以前也遇到過類似的情況嗎? 由於我沒有任何執照，所以幫助朋友買股票、公開評論股票，好像都是犯法。
如果我只對股票分析有興趣，對其他債券、期權、窩輪等衍生工具沒有興趣的話，我應該進修一些正式課程，考取這方面的專業資格嗎?

龔成老師：

我過往都有利用自己的知識，幫身邊人投資，即是做一些類似「基金」的模式，當然，你要明白當中的利弊。

因為從我的經驗，這會有好多麻煩野出現，所以在運作了幾年後，我結束了這個項目。

至於網上評論，如果你無相關牌照，小心犯法，具體的情況可以向證監會問下，坊間有人偷雞做，有些無事，但要坐監的都見過。所以，了解左法律先做。

另外，你可以發展你的事業，做銀行或同證券有關的行業，我相信你已經有一定的理財知識，如果想有效發揮，就可以進入這些行業，我相信你的知識能更有效運用。

近年有幾間理財公司，比錢佢地的員工上我的堂，鼓勵員工進步，因為員工學了相關知識，可以更有效應用在工作上。

------------------------------------------------

Q17611：

Hi sir
我現廿九歲，目前我的股票組合如下:

銀娛
太古地產
領展
港鐵
盈富
領航標普

目前總共約50萬本金，之後會一直視乎情況加注，目標是10年內將本金翻倍。請問在選股和配置上有問題或可以更優化嗎？

如果我很看好比亚迪，而現在冇貨，我應該入嗎？還是等佢回落至$60左右再想？

龔成老師：

現時你持有的，都是有質素的股票，可以長線，不過，你29歲，上述組合並沒有潛力股類別，你應該增加翻少少這類股在組合的比例。

阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

我會建議點都要加少少，但就唔好多，同時要留現金。

如果比亞迪（1211）在$6X，你可以入一注先，之後等跌先再入。

------------------------------------------------

Q17612：

老師，我買錯老千股，現時此股已將儲蓄輸掉（50k),現金都冇乜，來緊只有靠出糧時先再有儲蓄再草番

扣掉供款家用洗費 可以草8k, 你會建議都留做現金等大筆d 可以跌市入貨定提早開始月供優質股？

龔成老師：

你要從基本開，不要心急「我要盡快追翻輸的數」，投資一定要理性進行。

你這刻先要儲現金，等自己有基本現金先。之後，就可以做月供股票，儲優質股，到你有一定的現金在手，已經可以開始，總之長期進行就得。

你可以考慮盈富（2800）$2000。

另外再加1、2隻（每隻$1500）：銀娛（0027）、恆基（0012）、中銀（2388）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

最後，你一定要多提高知識。你的財富與你的知識成正比。

------------------------------------------------

Q17613：

老師，我現正閱讀第五本著作，如果閱讀了12本老師的書本後我的財務知識去到什麼程度？謝謝！

龔成老師：

如果你全部12本書都讀完，保證你的實力，比95%的散戶強，之後要多睇巴菲特相關的書，以及多睇企業年報，實戰應用。

------------------------------------------------

Q17614：

請問龔Sir最新優質股同買樓書係邊本?

用你上次教我的方法, 用盡吃奶的力終於上左車, 感謝你.由零開始只要有決心都可以成功.

雖說自住, 但港島區樓齡32年(大廈已做保養翻新), 實呎270, 買入價卻係5.25m, 希望平安無事供得起. 現時月供18k, 淨3k洗費1k備用現金, 應該要等搵到外快先可以儲蓄投資了.

但想請問新書會唔會有提及樓換樓, 以我case賣出換樓, 還按揭等的分析同秘訣?實在覺得呎價太貴.雖然環境交通唔錯設施配套成熟又近公司可以慳交通錢.但過幾年有小朋友都希望換大少少..

請問我咁會太急進嗎?因為覺得過左35年樓齡就無咩市場, 唔洗話要升..

咁樣樓換樓可行嗎?最重要係:如果要定個目標儲蓄金額去換樓(6.5m)應該定多少?

股票分配係咪照舊平穩增值0066+0823+2800就可以?(因為買樓, 所有股票清零了..在此多謝Sir介紹1211)

270呎有梗廚有廁有2房有廳及大量儲物空間), 都係我簡喱個單位的原因

龔成老師：

先在這裡恭喜你！你要先守有一定的現金，作防守用之後，之後先慢慢將資金用作投資。

你可以睇《50優質潛力股》（2020年版），同埋《5年買樓4部曲》。

你唔好太快想換樓的部分，只需要做好這刻就得，《5年買樓4部曲》都有教你細物業換大物業的過程，總之，一步步，你唔好太急追進。做好這刻先。

物業只要保養等各方面無問題，就算40年仍有市場的。

首先，你這刻儲多D現金。增加收入，努力儲錢。

下一步，投資股票，平穩增值，你所講的3隻都可以的，盈富（2800）比例可以較多。

你的方向已正確，之後保持進行就個得，同時，要努力增加知識，因為你的知識基礎仍來足夠。

------------------------------------------------

Q17615：

老師，我買左你本年報勝經黎睇，諗住wfh有時間努力一下。請問老師會考慮有網上教學班嗎？其實我想報但番工時間問題無辦法，否則要等調到95位先可以報了

另外，想看看老師對電子煙如6969的看法。

龔成老師：

遲些會搞一個關於資產配置的網上課程，希望今年內完成。

至於股票班，暫時唔會，因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

思摩爾國際（6969）有獨特性，這股有投資價值，有發展力的，不過現價唔平，你或者可考慮小注先，等跌先正式入。

------------------------------------------------

Q17616：

本人35歲 亦很喜歡自己既工作 對提早退休無咩諗法

本人已婚育有一子
兩公婆月薪共約7萬元 工作穩定
公司有宿舍可住
另加兩層收租物業

每月租不抵債 供樓需額外加二千左右
共欠銀行按揭約600萬元
我亦於上年出左皇牌幫另一半置業向銀行借貸30萬分五年還

最近見股市有較大波幅
優質股票亦到心理價位

想係呢個市到買一啲有質素既股票長揸
正考慮個人再借30萬開個股票倉收息
現有股票 0003 0017 1928 1113
約20萬價值

想問一下老師 我借多30萬建議如何
若我借30萬
總共50萬股票變動如下

公用股
0003我會買多小小溝淡 平均價17
再加0066 佔10萬左右
地產股

0017&1113 會轉0012佔8萬左右
賭股

1928會加碼到8萬左右

金融股

1398佔5萬

租務股
823&778佔8萬

零售股 科技
178&1810各佔5萬

酒店股
45佔5萬

龔成老師：

你現時的負債已一定水平，我擔心你風險度高。反而在現在組合中調整較好。

你的職業與收入是你的優勢，但都唔能夠太進取。始終你有家庭。

你現時兩物業加負債，以你的背景，已經是上限，我唔建議你太進取。

這刻，你應該集中在儲蓄方面，有一定的現金先，下一步就是適度投資。

上述持有的股，大部分都有質素，如果想增加組合回報，你之後應增加一些較有增長力的股。一些轉為收息及公用類的，你原有貨可持有，但之後就未必值得再加。

你現時的持股，已較多在酒店、地產、零售、旅遊相關，在長遠雖然部分有值博率，但唔建議過度持有。

------------------------------------------------

Q17617：

龔Sir.我係之前未接觸過任何股票或者基金 完全唔識點樣買賣股票 我想月供盈富3000

但不識如何買賣 想開始但又唔識點做 同埋交易係咪用銀行證券賬戶就可以？手續費會唔會好錫抵？

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過半年，有知識及少少經驗後，就可以利用你手上的資金，其中一部分，去投資股票。

------------------------------------------------

Q17618：

龔成老師，買了你本新書，5年買樓4部曲。同埋有幾個心態上問題想請教下你

1，專注問題，睇過你書，知道你係極度專注於致富，所以時間都花在礸研理財投資上。但我自己覺得好難，咩都想學，又想學投資，又想學琴，又學其他野，又想有啲時間娛樂，感覺自已好心散，樣樣做唔好。你是如果作出取捨?

2，我睇啲書話要遠離啲思想負面埋怨的人，剛好父母就是這類人，心情很易受影响，但搬出去住又貴，同埋你都建議同家人同住可儲多啲錢，所以好矛盾。

3,你說不要信用咭消費，但有時買電腦哩類工具都成6-1萬，一次過俾錢，感覺你嘅資產咪一下子冇左好多錢?能分期付款俾我感覺每個月用幾百錢蚊就買部電腦來用。

4，另外，諗住同家姐夾份一齊買樓，希望可以快啲成功，同親人一齊買樓有咩要注意地方（因為未睇你本書唔知入面有冇講）感謝你的回覆

龔成老師：

1）你要想想先後次序的問題，我地時間有限，所以要做左一些較重要及較有意義的事情先。

另外，你應該專注做1、2項野，至於其他，就只投入較少時間。如果你太過分心，只會無樣做得好，巴菲特講出他成功之道，就是「專注」。

2）家庭情況我地無得決定，但識朋友你就可以。

父母你可以「聽完就算」，因為我過往都是。我1X歲已同我屋企講，我會有「$1000萬」，阿媽不斷講「唔好發夢」，到2X歲，我唔會再同佢地講我的夢想（但都會保持正常關係，只是有些事，已無講的必要）。

我就是因為「唔理人」，所以先可以完成目標。

3）只要你是能「控制到消費」的人，適度去運用信用卡，都是可以，但如果你有「幾百蚊就可買某物品」的概念，證明你未能成功控制到消費

4）這是較麻煩的，一定要同家人講清楚條款，如何公平進行，如果出現某些情況（例如其中一方供唔到、其中元個想賣出、自己住等），應該點樣做。

最好大家共識後，能寫低記佢，或利用 WHATSAPP等比對方同意，最重要是「有記錄」，而不是純口頭講。

------------------------------------------------

Q17619：

老師想請教一下投資意見，無限感激。

本人35歲 年收入約200萬. 現有一層供斷的物業， 現金有700萬. 有一份 長線儲蓄保險 年供 4萬 ， 一年支出需要20萬。 不會生小孩。對生活追求不大，十分節儉。

因為不太懂得投資，不知如何善用資產退休。
工作壓力太大，很想40歲退休。 靠收息和積蓄生活。

請問如何安排資產管理。 謝謝

龔成老師：

以你的年齡，財富仍有增長力，但同時，由於你想40歲退休，所以又唔建議太過進取。現時你有物業，建議之後你以「平穩增長股」為主，加小小潛力股。如果資金足夠，而到時樓價大跌，你可以買多一層（到時先，唔急，唔一定進行）。

到40歲，進一步減少風險。集中投資在收息類的工具。

首先，你可以考慮指數基金，盈富（2800）、南方Ａ５０（2822）、VOO可以配置一定比例。

另外再加其他股：銀娛（0027）、恆基（0012）、中銀（2388）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：阿里（9988）、騰訊（0700）、港交所（0388）、舜宇光學（2382）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q17620：

我想問1936 你點睇呀？

龔成老師：

RITAMIX（1936）佢係一間馬來西亞公司，從事分銷動物飼料添加劑（例如話：氨基酸、添加劑、維生素、礦物質及酶），以及一d食品配料（包括小蘇打、礦物質、親水膠體、乳化劑及維生素）。

佢亦都有用自家品牌（包括ＬＵＴＡＭＩＸ、ＰＯＷＥＲＭＩＮ及ＧＲＡＩＮＰＨＯＳ），去生產四種主要預混料，包括維生素預混料、綜合混料、礦物質預混料及酶預混料，同時有係馬來西亞設有生產工廠。

生意算是穩定，但企業獨特性未算好強，行業中未去到強的位置。

質素算是中等，但見佢股價上左好多，擔心這刻反而貴。

除非有一定好充足的利好理由，否則，這刻要小心。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

<<覺得可以用free destination 機票留住後生仔喺屋企？free destination 公屋都唔得啦>>

旅發局尋晚係demonstrate 一次你睇：政府啲人係點做野架，連個抽獎名都可以搞錯做2020除夕大抽獎，政府啲人咪就係咁做嘢㗎囉。 一個抽獎都搞成咁，所以你明白點解香港而家搞成咁。除夕大抽獎係well demonstrated政府機構 handle一個project, 由構思，執行，公關，檢討，問責，每個方面都係失敗嘅。

尋晚個抽獎活動，好明顯係一個上咗年紀嘅上司構思出嚟。 抽獎結果會喺電視節目公佈，得獎者要喺指定時間登記。 好明顯呢個上司已經脫曬節， outdate 哂，想用個大抽獎誘使啲後生仔留喺屋企，唔好出街「搞事」，根本就妙想天開。莫講話後生仔唔會恨嗰啲禮物，就算係恨嗰啲禮物，都唔會咁聽話喺屋企電視機前面等抽獎咁戇鳩， 一定係出街9 fing, 搭正12點上網睇結果。覺得可以用free destination 機票留住後生仔喺屋企？free destination 公屋都唔得啦。

構思呢個大抽獎嘅上司，好明顯平時係用個嘴巴做嘢， 唔使佢落手落腳執行，當然佢係唔會諗呢個project 喺logistic同埋feasibility上面，係執行唔到。 籌備一個involve幾百萬人嘅抽獎，完全冇諗過簡化登記嘅程序，早啲開始登記，又要求人哋幾小時登記中獎，中六合彩頭獎都比幾日期限登記中獎啦，何況只係中一部iphone。

連登話陳易希收咗600萬，做呢一個大抽獎嘅project, 一個咁多budget 嘅project, 點會俾一間冇咩搞抽獎經驗， 又唔係收得平嘅公司中標？香港係人治唔係法治， 靠關係搭膊頭， 呢件事真係表露無遺。

所有嘅獎品加埋只係總值400萬，但係製作呢一個19抽獎嘅公司收600萬，呢啲咪唔cost effective 囉，有乜嘢理由個製作費係多過獎品總值， 政府機構構9 fing 錢冇kpi做project 咪就係咁囉。 拎咁多錢出嚟，抽中嘅人咁少，抽中亦唔係特別happy, 憤怒嘅人咁多，成本效益完全係負值。

咁亦都有啲人問，點解嗰個網站上面嘅資料錯漏百出，咁樣旅發局都會收貨，都會approve到？好似完全冇睇過就審批出街咁，其實大家唔需要咁意外，平時立法會嗰啲草案，民建聯議員冇睇過都會 approve 。

件事咁有問題，執行嘅嗰啲低級職員一定知，會畀人鬧到痴線，點解唔出聲進諫？呢個project, 好可能得幾條友執行， 趕到仆街， 大家都話唔到事， 上頭又多多意見， 啲低級職員，醒目嘅當然係食花生，點會出聲。

到個campaign roll out, 終於都仆街啦，於是又一晚改百鳩幾次規則，一出事就搬龍門，改規則，未finalize 就execute, 政府咪就係咁做野囉。

呢個抽獎最大嘅問題，係在於呢個project擺明注定失敗，而負責嘅人係唔需要負責㗎。 因為所有政府機關嘅人，都冇改過自身同進步嘅概念，有人又話大公司搞annual dinner抽獎都冇咁廢啦，大公司 員工做錯，係會畀老細diu同炒魷魚，呢啲政府機構，就算有人做錯嘢，都唔會有人負責。 當問責制係形同虛設嘅時候，又點會有人盡責呢？

講返呢個抽獎嘅禮物，其實你睇到份禮物，你就知道，政府啲management, 係唔知香港人想要啲咩， 香港人其實根本唔係咁鍾意去旅行， 只有屋企 冇溫暖嘅人先至咁想離家出走， 如果呢個抽獎係 想提供啲溫暖畀香港人， 點會提供一個獎品係鼓勵啲人離開香港？

我哋究竟想要啲乜嘢？ 我哋唔係想要啲人識搞抽獎，我哋係想要啲人識搞好香港呀。

創業，其實是把自己放入一個自立的險境當中，一個只要你不行動，就會自然滅亡的處境中，有如把一個人丟進水裡去迫使他學習游泳一樣。為了生存，你是被迫學會很多東西的。從經濟、管理、領導、財務、會計，因為問題會不斷的發生，你要不斷解決新的事情，而你沒有辦法和藉口去逃避。因為這就是你的公司，你打混和懶散的結果，以及錯誤的決定，會完全反射在你的自身。你會為你一切的能力不足或者錯誤，甚至只是運氣，而付出代價。

這環境就給你站在一個你以前不會的立場上，去想很多問題，去當一個所謂的資方。如果你也曾當過勞方，你便有過兩方面的經驗，對事情和經濟世界，從此會有更立體的認識。換句話說，只要經歷過創業，你對世界的觀點，是一定會有改變的，你會多理解了很多你從沒想過會理解的事情，學習了很多文明社會的運作方式與真相。

經歷過這些，你真正的得著，是能力與見識上的成長。創業的確有99%的機會失敗，但不要忘了，創業也有99%的機會，令你成長得比起當別人的僱員快。當然這有代價，風險，壓力以及痛苦，但如果你把創業失敗的代價，看成學費的話，他是很合理的。

而創業過後，哪怕是失敗，你去當一個員工或管理人員的能力與視野，也完全不再是以前的水準，你會比之前要強大很多，已經是不同等級的人了。

拿 20 萬元去讀一個兩年制的商科學士，其實也是一種創業，你用了兩年時間，賠了 20 萬元，然後學習了商業——失敗的創業，賠掉錢和時間，卻同時也是一次成功的教育。

舊時香港，店舖會請廚師煮伙食，工廠會請包伙食公司送餐，員工的伙食福利，就是「福食」。
六十年老店麥文記，店面細細已有30名員工打點，第二代掌舵人麥心睿維持阿媽教落的傳統，堅持另請煮飯姐姐為員工準備午餐晚餐，每晚頭尾兩輪用餐，日日都有「愛回家」式家常便飯，吃的不是水餃豬手，而是豉油雞、蒸魚……大時大節大手買入花膠鮑魚，買給員工回家煲湯，被家庭議會選為員工友善僱主之餘，員工個個大讚︰「中六合彩都唔走」！
另一邊廂，新派fusion中菜口利福，台灣出世澳洲出道的大廚Jowett，廚房前枱手足們的背景像聯合國︰韓國、尼泊爾、英國、法國、印度……福食時間，也是思鄉時間。手足要跟更表輪流負責煮福食，今日食泰國菜、明日食尼泊爾、後日食紅燒肉……每一餐飯也是認識同事們家鄉品味的時間。Jowett話呢餐實在意義重大︰「我每天在這裏十二個小時以上，比對着自己家人的時間還多，所以都像一家人，是Family meal！」
https://hk.appledaily.com/lifestyle/20190603/JEJR53ONW2ANAVQ2ADF3QLU3S4/

前港隊單車手胡健燊（Jack），2012年退役後，在中環蘭桂坊開酒吧 Club Qing 擔任酒吧經理，真身其實是福食大伙頭，他跟酒吧老闆 Kennis 斷言︰「我們吃的可算是中環最強福食。」
Jack 自小喜歡自己煮食，當年在歐洲集訓期間，先後在意大利、瑞士、比利時住上一段時間，也跟各國隊友們一同煮食，西餐、中菜通通無難度。酒吧前身是中餐廳，有一個設備完善的廚房，酒吧用不着，就成為Jack每天為同事悉心準備福食的地方︰「最緊要是記得大家返工更表，知道大家的喜好，才決定煮甚麼。」
熟成牛肉、炭煲老火湯、清蒸生猛海鮮、黑松露意粉…日常福食比起不少餐廳過年過節更豐富更誇張，Jack認為，廚師每天煮一樣的菜單，福食大廚則可以每天煮不同的菜式，煮食最開心的是，可以令到吃的人開心。
https://hk.appledaily.com/lifestyle/20190709/BA6N6SXF4IMM5ZOA5BPALTX6FI/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#包伙食 #福食 #Fusion #港隊 #中環
#果籽 #StayHome #WithMe #跟我一樣 #宅在家

《創業知識分享: 有錢人 vs 窮人的習慣》

從前有兩個細路，差唔多背景，長大後成就郤大有分別，為什麼呢?  原來兩個的爸爸，都有買蘋果，一大一細的習慣。答案在video: 

...... 

全文: 

從前有阿小明同小文，同一條村長大, 讀同一間學校， 大家都係由細到大家境清貧, 小明大個就做咗成功的企業家, 小文大個咗就做咗個乞兒。 

嘗試了解下點解咁大嘅分別嘅。 原來兩個都係阿哥，兩個都有一個細佬, 兩個都鍾意食蘋果嘅習慣，兩個都係同阿爸相依為命。 一個細個嘅時候， 阿爸買咗兩個蘋果返屋企，一個大一個細，就問阿哥小文:

「 你想食邊個蘋果呀?」

小文回答:「我想食大嗰個。」

阿爸就話:「你點可以咁貪心㗎。梗係想食細嗰個，留返大嗰個畀細佬啦! 」

咁就罰咗小文食細蘋果。之後，每次阿爸買蘋果返屋企，阿爸再問小文嘅時候,

小文就話

「我想食細嗰個。留返大嗰個俾細佬。」

阿爸就讚佢:

「乖啦! 獎佢食大嗰個!」

從此小文學懂咗講大話嘅習慣，大個咗， 偷呃拐騙樣樣學齊，最終失去曬公司，合作伙伴，朋友嘅信任， 生意失敗瞓喺條街度變成一個乞兒。

阿小明呢? 

小明細個嘅時候，阿爸一樣買咗兩個蘋果返屋企。一大一細。

 阿爸問佢，「你想食邊個呀? 」

小明回答:「我想食大嗰個!」 

阿爸回答:「 你可以食大嗰個，但你先要做晒功課，幫埋細佬溫習， 做埋家務先至可以食!」

做完曬嘢， 終於有得食喇。小明咬落大蘋果嗰刻， 的確感覺份外鮮甜。

小明從此就習慣咗「凡事要努力付出，才能享受成果。 」 大個咗佢就努力工作，去爭取佢所要嘅目標， 亦都把公司員工嘅獎罰制度定得非常鮮明， 上下員工目標一致嘅努力下，小明好快就成為咗個大企業家。

回望佢嘅朋友小文， 每日都係道困惑緊佢自己嘅人生目標係邊度? 

故事帶出乜理念? 

一個人嘅成敗，由細到大形成嘅習慣 (habits) 好重要。 根據美國著名會計師 Thomas Cortey, 佢用咗5年時間研究咗361個self-made (即係白手興家)嘅有錢人同埋窮人，有錢人嘅定義就係每年收入多過十六萬美金及淨流動資產多過320萬美金， 窮人定義就係每年收入少於三萬五千蚊美金及少過5000蚊美金流動資產。係2010 佢出咗本書叫做 Rich Habits: The Daily Success Habits of Wealthy Individuals. (有錢人每天成功嘅習慣)。 

書入面研究指出:

. 67%嘅有錢人會寫低佢哋嘅目標 goals， 窮人? 只有17%。 

. 80%嘅有錢人會專注達到佢哋某個嘅目標，窮人? 只有12%。 

. 81%嘅有錢人會有個每日 to-do list， 每日都完成起碼7成嘅工作。窮人? 只得19%有呢個 list。

仲有?  

. 44% 嘅有錢人都係好早起身。佢哋通常喺朝九至晚五嘅工作之前三個鐘頭就起身，包括做運動，準備好一天嘅工作。

.  佢哋基本上唔買lottery 彩票，即係香港嘅六合彩，94%嘅有錢人都唔賭錢，靠自己。窮人? 係美國 77%都買 lottery. 

. 72%嘅有錢人會每月義務工作起碼五小時。窮人? 只得12%。

. 71%嘅有錢人都係樂觀，窮人? 78% 都係悲觀。

你仲未有錢? 唔使急，呢個研究指出 80% 嘅有錢人，去到50歲先至累積到財富叫做有錢。52% 要去到56歲先至叫做有錢。 希望你仲有大把時間。

習慣決定你命運， 我每朝五點半就起身做運動， 7點送女返學，8點開始行街睇舖。 個個人都想食個大蘋果，你係小明定小文? 你又打算點去食呢? 

有錢人 vs 窮人習慣: 

. 有錢人 - 67%寫低目標 goals；窮人? 只得17%。 

. 有錢人 - 80%專注達到目標；窮人? 只得12%。 

. 有錢人 - 81%有每日to-do-list(每日完成7成)；窮人? 只得19%。

. 有錢人 - 44% 早起身(早工作三小時)

. 有錢人 - 94%唔賭錢；窮人? 77%都買 lottery. 

. 有錢人 - 72%每月義工起碼五小時；窮人? 只得12%。

. 有錢人 - 71%是樂觀；窮人? 78%是悲觀。

. 有錢人 - 80%是50歲才累積足夠財富叫做有錢。

. 有錢人 - 52%是56歲才累積足夠財富叫做有錢。

[本台抄返黎o既資訊]
意馬國際(585)宣布撤回對旗下從事動畫電影數碼制作的部門IPL作出的財務資助，並將申請清盤。

意馬國際(00585)2月9日發布公告稱，公司已撤回對從事動畫電影數碼制作的部門Imagi Production Limited(IPL)作出的財務資助，IPL合共聘用約250名僱員，除將留聘若干具備動畫制作過程所必須的系統知識及經驗的專家外，其他員工將不再獲集團聘用。因此，IPL將向香港法院申請委任臨時清盤人。

意馬曾幾何時以忍者龜風光過……

結果小飛俠就搞到傳聞蝕左3600萬.....幾乎連一注中o既六合彩都填唔到條數咁滯

而家神勇飛鷹俠就變左硬飛鷹……飛唔起喇