【#當這地球沒有牠】
香港雖然地少人多，不過喺自然資源方面係得天獨厚，每年冬季，我哋都可以見到超過六萬隻候鳥來港過冬，其中最有名嘅候鳥係黑臉琵鷺，佢哋都係米埔自然保育區最具標誌性嘅風景線，但同時都係全球瀕危物種類別之一......
—————————————————
黑臉琵鷺AR體驗：
1️⃣ 開啟AR文章連結內紫色「啟動AR體驗」按鈕
2️⃣ 點選右上角「相機」圖示
3️⃣ 點選「允許」使用動感感機器和相機
5️⃣ 即可立即體驗AR黑臉琵鷺‼️
快啲同依位「黑面舞者」影番張合照啦！
👉🏻 即睇內文：https://bit.ly/3oRTj2G

早個星期，電影公司問我有冇興趣睇呢套法國電影《孤雁和你飛》？我諗咗一陣，首先我其實對於雀嘅電影係冇興趣；第二對法國片始終都有啲避忌（長氣沉悶），但我都係決定帶埋朋友一齊入場欣賞下！心態係，一來我知道係一個真人真事改編嘅故事，我睇新聞都不知講過幾多次一個男人為咗帶領候鳥懂得遷徙，以輕盈航機扮作母親帶領牠們，二來我想睇吓新聞兩段寫完嘅故事，點拍一套兩個鐘嘅電影？！心態就係想睇你點死！
點知點知點知，往往呢啲電影先帶到俾人驚喜！拍部雀嘅新聞性電影，意外地感覺好好睇！
當中有幾個難得之處，整套電影實地喺歐洲拍攝，每個畫面都相當靚，完全係覺得導演有心捕捉最靚嘅歐洲鏡頭，睇風景都已經值回票價！
個劇本寫得好紮實，溫情友情起承轉合、故事性戲劇性全部寫到恰到好處，並無矯揉造作，亦冇不合情理的橋段！
而我覺得成套電影由男女主角到小朋友主角到所有角色，其實可以用醜樣嚟形容，但個個都做得好好先至係關鍵！嗱！識法文嘅唔好話返比啲法國演員聽我咁講！
人人都話動物同細路仔係最難拍戲，呢套兩樣有齊，但係拍得非常之好！當然啦，以香港人性格，要佢睇呢種類型嘅電影都係比較難！但真係可以心靈解放兩個鐘，試吓入場！

有陣時出街玩未必需要一家大細，我間唔中就會單獨同阿仔兩個麻甩去拍下拖，真正感受下獨享的父子情時空。

前排有機會同佢拍住拖去到一個香港好獨特嘅私人屋苑入面嘅濕地公園，放下空去探訪下好多香港唔同種類嘅候鳥。為咗令旅程變得深刻有意義，我亦順便同佢一齊做咗一本屬於我哋自己嘅旅程天書。

#自主玩學天書探索旅程
#濕地「候花園」
#ParkYoho