#SharedomoLife 激光矯視分享
我由小學四年級已經開始四眼,每朝訓醒一起身就係搵眼鏡,唔帶眼鏡係半盲咁滯。自從上年見我家姐做左激光矯視就開始心動,有frd子話一齊做就即刻狗衝了🤣
.
激光矯視分以下兩種:
1)角膜切割激光矯視手術 (LASIK)
比較舊嘅技術,要分開兩個步驟,傷口比較大...
#SharedomoLife 激光矯視分享
我由小學四年級已經開始四眼,每朝訓醒一起身就係搵眼鏡,唔帶眼鏡係半盲咁滯。自從上年見我家姐做左激光矯視就開始心動,有frd子話一齊做就即刻狗衝了🤣
.
激光矯視分以下兩種:
1)角膜切割激光矯視手術 (LASIK)
比較舊嘅技術,要分開兩個步驟,傷口比較大,但視力會回復得比較快。
.
2)小切口透鏡切除術(SMILE)
SMILE就係比較新嘅技術,傷口細好多,但做完手術要少少時間先會去到最佳視力。
.
我喺係養和醫院嘅陳蔭燊視力矯正中心做嘅,首先要去預約做一個詳細嘅眼部檢查,佢都幾full架,要等起碼一個月先有位。成個檢查大約要三個鐘,收費大約$1000。做完檢查就會抽醫生,醫生會話俾你知你適唔適合做手術/適合做邊類手術。
.
我抽中嘅係鄭澤鈞醫生(超級nice),由於我近視都頗深(分別六百幾度再加一百度散光🤓),加上我角膜偏薄,所以醫生建議我做LASIK。
.
大約一個月之後返去做手術,之後見醫生會幫你滴麻醉藥水,姑娘會講解手術過程,跟住就開始啦😹呢到我唔仔細形容手術過程啦,因為我覺得知少啲會無咁驚🤣成個過程都會有姑娘睇住你嘅,同埋環境比平時醫院輕鬆好多,所以我都唔太緊張。手術都好快做完,唔計等待嘅時間,加埋大概15分鐘已經做完😂完全唔痛,亦都唔使驚自己會唔小心眨眼,因為醫生會用個模固定,唔會俾你眨眼🤣
.
手術完唔係太開到眼,一定要有人陪你返屋企。當晚麻醉藥退左之後會有啲痛,我食左止痛藥之後一覺訓到第二朝😹第二朝起身就唔痛,同埋睇野已經超高清!頭兩個星期都唔可以化眼妝,落妝都唔係好方便,建議大家買定卸妝濕紙巾,減少有水入眼嘅機會。我星期三晏晝做手術,請左兩日半病假,星期一已經如常返工(我愛返工)。
.
手術到依家兩個月啦,頭一個月夜晚睇光源會有眩光,例如直望街燈嘅時候啲光會散開(有啲似散光但只係直視光源先會,平時睇野無事),過一段時間會好轉。另外就係我返工長對電腦都會有少少眼乾,但都舒服過以前帶con好多🙂
.
手術後有五次覆診,醫生會因應你嘅情況開眼藥水/藥膏,藥費另外計嘅。手術價錢係$22000(可以免息分期,smile同lasik同價,所以係養和做smile係超抵),計埋驗眼$1000,同埋覆診藥費(我暫時覆診三次加埋俾左$400到),全包價大約$24000啦我諗!
.
如果你1516諗緊做唔做嘅話,唔使諗啦!做啦!唔使戴眼鏡戴con實在太爽啦!!!快啲加入高清1080p嘅世界!
.
有咩留言問me🐱