《近況：下》 近來重新審視我與社交媒體的關係，特別是本帳戶。我發現我喜歡觀察自己過往分享，憶起當時心境、人生目標，甚至是推算當時自己對人生的一些看法，從而分析多年來的微妙變化。 例如，我會透過觀察自己數年前在這裏的分享，留意當時主要敘事什麼，對什麼事情會感到喜悅，從文字推敲那時的我在渴望、追求什麼，然後再對比現在的我，看看自己又擁有什麼，看看有沒有一些有趣的發現。 有些壞習慣總是改不了的，例如囤積雜物。與此同時有些目標達到了，例如成功做到我想做的行業。 在此記錄一下八月發生的人與事，看看未來的我看到這個 post 之後，又會有什麼解讀。 （所以其實依個 post 係寫比未來嘅我睇，not necessarily 係俾你睇嘅 :p 當然你想睇我都非常歡迎） 圖2 — 八月一：即興的精彩 朋友 M 前一晚臨時來我家飲酒和 sleepover，結果一傾就傾到清晨六時才捨得去睡覺。隔天差不多一點才起身，去了中環吃 Baked，然後到大館走了一圈並等朋友 F 出現。F 出現後說西九 M+ 開張了，想去走一走。去到方發現原來未開，但精品店已在營運，而且碰巧 F 有朋友在精品店賣花、又有其他朋友在附近。之後也在西九公園逗留了一會兒，發現有個有趣的展覽，鼓勵小朋友問「為什麼」，牆壁上貼滿了不少有趣的問題，例如：「為什麼有國家？」之後再走到油麻地電影中心看文藝短片The Human Voice，然後到廟街逛了一陣子才回家。 圖2 — 八月二：友人生日 與朋友 C 為獅子座的朋友 A 慶祝生日，然後到我家把酒談天。話說起來，我們尚未為貴係 CH 處女座圍爐取暖召集人的朋友 C 慶生。我哋幾時再約？ 圖3 — 八月十：素食友人 與素食朋友 K 到油麻地常悅素食吃晚飯和 catch up。其炸茄子非常出色，外脆內軟，非常香口，最有趣是炸完重新拼出茄子形狀，再用白菜模仿茄子頭部，既好睇又好食，色香味俱全。其他菜式正常發揮。之後在街上流連、飲珍珠奶茶、吹水，然後被朋友 K 笑本人感情煩惱多舊魚。 圖4 — 八月十三：最後會面 最後一次見 CP。本想好好記錄一下過去八個月的心境變化，但可能過咗海就係神仙，回頭看其實也沒有什麼大不了。所以當日心情平淡得很，平淡得任何形式的敘事都顯得矯情，因此僅送上那天門外這張有關冥想課程的 poster；我未決定報唔報名好。 圖5 — 八月十四、十八、二十：好多第一 八月十四號上載了人生第一段 YouTube 影片。同月十八號去了本年第一個船河派對。當日聽說有朋友的朋友在隔離船（literally 停泊喺我哋隻船隔離嘅一隻船），所以我游了過去打招呼、結識新朋友。同月二十號人生第一次到維園游水，然後誤以為維園泳池有露天池；同晚到朋友 M 家食飯、慶祝朋友生日及唱K。 圖6 — 八月廿五：李小姐與五進制 有種幸福，叫食肉朋友肯陪你食素。與朋友L 先生 catch up，到上環的 Miss Lee 吃晚飯。價錢進取，就算中上環都係咁話。炸椰菜花有驚喜，其他非常一般。之後到了久仰大名的 Quinary（我第一次去）。果然名不虛傳，每杯雞尾酒皆精心炮製。我點了一杯很補的「雅」，有紅棗，味道獨特，是烈酒一杯但非常易入口，所以更殺人於無形。說着說着，沒多久就微醺了。可能是酒，也可能是聽着 L 分享甜蜜近況聽得自己也陶醉了，也可能純粹是未言心相醉。儘管如此，最後還是到時間吧喝多兩回才捨得回家；主要是我的主意，我認我爛玩。 圖7 — 八月廿六：神奇小子與中環街市 晚上與朋友 M 看《媽媽的神奇小子》。確是很催淚，不足30分鐘就感動流淚了。幾位飾演蘇樺偉的演員皆表現出眾，尤其是演青少年版的馮浩揚。我唔講咁多你快啲去睇，如果未落畫嘅話。之後到中環街市走了一圈，碰上朋友新鋪開張，打了幾張卡。最後又在時間吧結束當晚行程。 圖8 — 八月廿七、廿八：連續糜爛兩日 連續兩晚在朋友 S 先生之家渡過。第一晚是港式台灣麻雀。熱身賽一家贏三家，但正式開始後不夠半小時就出銃混一色小四囍（你開心就好）。後來密食當三番，最後落後唔夠二百算係咁。第二晚玩七級豬笑到傻，感謝「大贏家」M 先生為大家帶來歡樂。及後唔夠喉，與眾人先後到了銅鑼灣及上環。 圖9 — 八月廿九：戲劇與演唱會 下午到葵涌看《攣攣成人禮》。整個會場當然都是同路人。看完後人生首次到葵廣掃街，氣氛幾好但太多人我頂唔順。然後再到新蒲崗試食 Mum Cafe（以前位於逸東酒店）六點未夠就要排長龍實在係誇張，雖然真係好好食，所有嘢都好精緻但係有啱啱好，尤其是係個蒸蛋，一流。（依間餐廳好食到可能遲啲可以拍片講。有興趣請留言。）晚上再到九龍灣看My Little Airport。由中學聽佢哋聽到大，好多個都係集體回憶。 雖然已經喺另一個 post 都講過有關 MLA 演唱會，但近一星期再聽返佢哋嘅舊作品，先發現原來佢哋嘅有唔少舊歌簡直是見證住香港政治多年來的變化。例如是早期的《瓜分林瑞麟三十萬薪金》、《失業抗爭歌》到近期的《煙》以及恐怕不會發行的《吳小姐》，都一一反映了香港不同時候的政治環境。 果然，透過記錄和創作，就可以將改變和時間的流逝一一捕捉起來。

快一歲了！送給兩個寶貝女，尚聆、尚言的生日禮物... 《Mum-mum二千金》 作曲: 爸爸 作詞: 爸爸 主唱: 爸爸 尿片: 媽媽 愉快嗎 上年 在今日 變咗爸爸 活於幸福童話 是我吧 兩個女呀 害怕嗎 自己 舊有 習慣要放下 換咗尿片未吖 搵媽媽 是妳在照亮我們的家 爸爸待你好 辛苦 也照做 沿路 向著 終點 加快腳步 未剃鬚 天天都禱告 祈望 快樂會 盡快 得到 BB 快啲 食mum-mum Daddy daddy dum 連地殼在冧都掛住氹兩位千金 而溫暖感覺在滲 像天使降臨 兩 個 倍感興奮 難得 見到妳咋嬌 纏住我在叫 還未夠 尚要聽那 言語中的歡笑 唔識聽 唔重要 父女的心照 愛 看 妳 嘣嘣跳 對住 呢兩粒 豆釘 新手 爸爸 有啲 驚青 抱住 驚扭親條頸 天氣凍 又驚佢病 唉 媽媽: 「奶樽呢???」 永遠唔知埞 算吧啦 爸爸 唱歌 俾妳聽 BB 快啲 食mum-mum Daddy daddy dum 連地殼在冧都掛住氹兩位千金 而溫暖感覺在滲 像天使降臨 兩 個 倍感興奮 如今 我感覺渺少 難及妳重要 還未夠 尚要早晚 聆聽妳的心跳 仍朝早偷看手錶 幸福的分秒 誰在叫 唔重要 沉睡了也在笑 如果你喜歡，幫我share出去可以嗎？等大家感受一下爸爸的快樂 :) P.S. 希望尚聆快啲退燒，爸爸錫番

🌸#girlsfoodies佐敦#girlsfoodies西式#girlsfoodies酒吧 🌸​ 【💛 #GF_List 】​ 🉑：外賣自取 ​ ⭐評分: 4/10​ ———————————————​ 係Eaton Food Court嘅小酒吧～大家可以淨係叫酒，亦都可以嗌埋佢嘅主食。本身想食mum veggie都比佢吸引咗，賣相幾靚仔，但食落一般，可能食得辣嘅會鐘意。 —————————————————— ▪️麻辣脆雞漢堡 ($128 包鬼佬啤 )​ ▪️墨西哥粟米雞肉捲餅 ($68 + $38 Asahi生啤500ml ) 想講兩樣嘢都食到我好痛苦，利申翻我唔係好食得辣，呢兩味嘢實在太重口味，有小小搞唔掂🤣 墨西哥粟米雞肉捲餅，入面有燒雞塊、紅腰豆、生菜同粟米，佢仲附送一碟仔醬汁比你點，但其實係唔撚洗點的，因為本身已經好鹹好鹹。個汁係Chipotle Sauce (墨西哥辣椒醬)，比想像中更苦辣，個醬仲要多到一路食一路漏，愈食愈分唔到乜係鹹、乜係苦、乜係辣⋯⋯😂 完全食唔到餡料嘅味，塊皮又浸到濕哂。我覺得可以唔洗咁多醬，或者加d沙律醬中和下，會比較有層次，依家直頭有啲難食🥺 麻辣脆雞堡個漢堡包體好鬆軟，包包底面都烘過，夠挺身有咬口～入面除咗辣醬，仲有啲沙律醬、同埋清爽嘅紫椰菜。夾埋一齊加埋麵包，一啖咬落去係幾好食嘅。不過辣醬嘅後勁會係你吞咗之後標上嚟，越食越辣。我一路食用咗兩包紙巾抹眼淚同鼻涕，好似以前睇獎門人啲嘉賓咁⋯⋯ 個脆雞超失望，最初一嚟仲以為比錯煎漢堡扒，又乾又黑又硬😅發生過乜事 炸薯條嘅份量好多，佢係連埋薯皮嗰種，不過就唔算炸得好好，比較硬同乾。最搞笑嘅係佢附送嘅竟然唔係茄汁，而係辣椒醬，第一下唔知點咗落去，即刻燒著個口。唔知店員係唧錯，定係有咁搞笑嘅做法？🤔 沙律菜嘅份量都幾多，但完全冇醬汁，只係一堆乾淨嘅菜。 整體飲酒ok，食物質素一般。 ✨ 花樣年華 📍 香港逸東酒店LG樓逸東美食廣場 ⏰ 1200-2200 ​ ​ #黃店#黃店系列#花樣年華#米豬連#良心小店#黃色經濟圈#脆雞堡#麻辣脆雞堡#yellow西式#香港酒吧#墨西哥粟米雞肉捲餅 #墨西哥捲餅 #佐敦美食#yellow酒吧#麻辣脆雞#薯條#鬼佬啤酒#黃店酒吧#酒吧黃店#eatonhk#逸東酒店#佐敦黃店#九龍黃店#漢堡