我被賣入馬戲團（下）
　　
上集：https://bit.ly/3kLcJG9
　　
想要逃離呢種生活，只有自救。

好彩，經歷咗呢兩年，班主對我嘅戒備都放鬆咗好多，直情當我係動物咁。

佢已經忘記咗，我係一個有智慧嘅人。

我唔係一隻馬騮，有香蕉就會甘心留低，展現自己嘅醜態。
　　

我略施小計，就喺馬戲團度走甩咗。

我知道我嘅身高同外表，同城市格格不入，無論我幾努力，呢個城市永遠都唔會容納我，所以我毫不猶豫咁返去森林裡面。

其實，我只係想問父母一句：「點解要賣咗我？」

無論佢哋點樣答，我都唔會再依靠佢哋，畢竟我十歲啦，喺我嘅部族嚟講，已經係獨當一面嘅男子漢。

我只係想要一個答案。
　　

我哋部族都住喺呢個森林，所以一路上，我都有遇到同族嘅人。

但奇怪地，數量少咗好多，好似部族突然間少咗好多人咁。

我一心想返屋企，所以冇同其他族人搭訕。
　　

但當我返到去我條村嗰陣，見到嘅嘢令我震驚。

條村仲喺度，所有建築都仲喺度，但一個人都冇。

我衝返去屋企，傢俬上已經封晒塵，但我父母嘅衣物同日用品仲喺度。

即係話，佢哋唔係自願搬走，而係所有村民，喺呢兩年間消失晒。
　　

我衝番出去，路上見到第一個族人，即刻向佢打聽。

我好心急咁問：「你好，我想問，你知唔知XX村發生咩事？」

「XX村？」族人皺起眉頭，努力思索緊XX村喺邊。

「喺東邊，村口有棵半枯嘅大樹……」我努力形容我條村嘅特色。
　　

族人輕描淡寫咁答：「哦，東邊。東邊嘅村俾人屠得七七八八啦。」

「屠村？」我唔敢相信自己對耳。

「係啊，屠咗好耐啦，你新嚟㗎？」族人好似唔信我唔知咁。
　　

族人見我迷茫，就解釋：「幾年前，有啲巫醫話，我哋族人八歲就可以結婚生仔，證明我哋嘅性器官特別強。只要食咗我哋，就可以強身健體。」

「食？我哋都係人嚟㗎。」我目瞪口呆。

「巫醫仲話，我哋生得特別矮，所以唔算係人，算係動物多啲，可以放心捕食。」
族人繼續講：「所以，各大部族都嚟捕食我哋，好多條村都被屠村，依加部族已經少咗一半人啦。」
　　

我忽然記起，父母賣我之前半個月，有個隔離村嘅親戚嚟探佢哋，關埋房門傾咗好耐。

親戚走咗之後，父母就終日愁眉苦臉，又唔肯講咩事。

再之後，就賣咗我。
　　

依加諗番上嚟，父母一定係喺親戚度聽到，其他部族要捕食我哋嘅消息。

但佢哋一世都喺森林度生活，根本冇辦法離開。

商人雖然要賣我去馬戲團，但都係一條生路，總好過成為其他人嘅食物。

所以，父母將我免費賣咗。
　　

我哋只係生得比其他人矮，成熟得比其他人快。

野蠻人捕食我哋，城市人嘲笑我哋。

文明與否，背後嘅諗法都係一樣：同大多數人唔同，就唔當你係人。
　　
—完—
　　
真人真事改編自俾格米人的經歷，這些種族成年男子的平均身高少於150cm，居住在非洲的熱帶雨林。

因為基因、飲食、氣候等原因，俾格米人發育的階段不同於其他人種，他們在8-9歲時，身體器官已發育如成人，會結婚生子。

非洲的一些巫醫散播謠言，聲稱食用俾格米人的身體部位，可以令自己變得強壯，令俾格米人成為了被獵食的對象。

現時，俾格米人已經瀕臨絕種。
　　

新書《真實虛擬一鏡過》已經出版了，現正發售中，
詳情可點擊這裡：https://bit.ly/3eTPuHL
你的支持是我最大的動力！
　　
#短故 #短篇 #小說 #陳美濤 #廣東話 #粵語 #tomatochan #我被賣入馬戲團

我被賣入馬戲團（上）
　　
八歲嗰年，我被父母賣入馬戲團。

時至今日，我依然唔明白，佢哋點解會賣咗我。
　　

我係屋企嘅獨子，自細父母就好錫我。

我哋生活喺一條平靜嘅村落裡面，男耕女織，生活唔算大富大貴，但平淡而幸福。

最主要喺，家家戶戶嘅情況都差唔多，大家都係咁，自然冇咩問題。

我好清楚我嘅人生，我已經同村中嘅女仔訂咗婚，下年就會結婚，建立家庭，有自己嘅小朋友。

一切順利嘅話，十八歲就可以做阿爺。
　　

但所有嘢，喺商隊經過後，就唔同咗。

一隊商人路過我哋條村，佢哋個個都生得好高，最矮嗰個都有175cm。
我爸爸先得140，我哋全村最高嗰個都係150……

總之，班商人對我哋嘅身高、習性，非常好奇，提出想買個小朋友去馬戲團表演。
　　

隔離有個三歲女仔被父母賣咗，呢個我明，佢父母重男輕女，生咗四個女都仲未有仔，養咁多小朋友，搞到生活好拮据，決定賣咗個細女。

但我父母關門商量咗一陣，居然決定賣埋我。
　　

商人買咗個三歲女仔，就嫌我太大啦，已經八歲，喺度壓價。

我未嚟得切開心，父母居然話，唔收錢都要將我賣走，只求佢哋對我好啲。

商人就好開心咁接收咗我。

無論我點樣哀求，點樣講我已經訂咗婚，父母只係含淚望住我。
　　

最後，我夾硬被商人帶走，帶到城市嘅馬戲團裡面。

城市嘅人都生得好高，身上嘅衫好靚，玩嘅食嘅都係我冇見過嘅。

但我冇機會享受呢啲新嘢，我就好似一隻動物咁，被困喺一個籠裡面。

我嘅左鄰係識跳火圈嘅老虎，右里係一隻咩都識嘅馬騮。
　　

我唯一可以見到太陽嘅，就係表演嘅時候。

我同啲動物一齊出場，大家驚訝於我生得咁矮，更驚訝於我已經訂咗婚，係一個男人。

馬戲團班主毫不猶豫咁扯開我條底褲，暴露我已經成熟嘅性器官。

觀眾指指點點：「嘩，八歲已經可以娶老婆啦喎。」

「不過，成年都仲咁矮嘅？聽講佢哋全族人都係咁矮，冇得高㗎啦。」
　　

赤裸咁俾人指指點點，令我無地自容。

但我被困喺個籠度，邊度都去唔到。

甚至連我想用手遮一遮我嘅下體，班主都會揮鞭警告我。
　　

呢個時候，班主遞咪畀我，問我個部族一般幾歲結婚生仔、幾歲做阿爺、平均身高幾多。

每當我答一次，觀眾就會嘩然一次。

好明顯，我個部族嘅習性、族人嘅外表，都同城市人唔同。

但我都係人，點解我就要俾人擺喺個籠裡面，任意觀賞同嘲笑？
　　

好快，我就發現，佢哋冇當我係人。

因為當我答晒所有問題，班主丟咗一條香蕉畀我，示意我食。

冇錯，啱啱馬騮表演完，班主都係咁樣丟香蕉畀佢。

喺佢哋眼中，我只係一隻馬騮，一隻比較似人嘅馬騮。
　　

自此之後，我就過住呢種冇尊嚴嘅生活，只有動物係我嘅朋友。

喺屈辱、孤單嘅時候，我都會思考，父母賣我嘅原因。

為咗錢？但我哋又冇收商人嘅錢。

為我好？但商人已經講明，係賣我去馬戲團。

養我唔起？我哋條村風調雨順，屋企都冇經濟困難。
　　

我做咗兩年馬戲，終於意識到，唔會有人嚟救我。

想要逃離呢種生活，只有自救。
　　
下集：https://bit.ly/3kScBF7
　　
Patreon訂閱即時睇下集，快人一步：https://www.patreon.com/tomato28
　　
#短故 #短篇 #小說 #陳美濤 #廣東話 #粵語 #tomatochan #我被賣入馬戲團

小樽學習計畫20m week 1總結
.
休息了一段時間
感覺能量滿滿💪🏻
休息是為了走更長的路❤️
希望這條路可以一直陪著小樽，走下去💃🏻
.
按照小樽的進度修改了一下學習計劃
本週的主題水果中
大部份小樽本來已經會指認和說出的
加上食物是為食樽的主場
所以相對來說比較輕鬆💃🏻
小樽似乎對西瓜非常著迷🍉
問他晚餐吃什麼，他回答‘‘瓜瓜’’
問他爸爸生日送什麼禮物好，他回答‘‘瓜瓜’’
問他籃子裡裝了什麼，他依然回答‘‘瓜瓜’’
好吧，萬能的瓜瓜🍉
.
本週成就
1.中英文指認7種水果
樽媽在家進行雙語教育，比例大概是80%中20%英文，樽媽英文程度不是一般的差😂所以在半夜努力補習背誦下，固定每天早上有大約半小時英文互動時間，閱讀英文繪本時也會使用英文，其餘時間多數使用粵語，
每認識一種新的物品，樽媽會用中英各介紹一次，之後按出現的時間使用中英文，當他聽到其中一種語言會指認時，樽媽就會刻意多說另一種語言，直到聽到中英文都可以指認.
此做法只係個人使用，各位媽媽請自行衡量
2.用中文或英文說出7種水果
說的語言方面，小樽更傾向說出發音比較簡單的語言，例如會說banana，而不說香蕉，會說瓜瓜，而不說watermelon，暫時覺得還可以接受，只要和家人能夠溝通就可以了
3.習慣切水果的環節，爬上高凳之後，就會自己取出刀和砧板
4.
.
自我學習
1.完成6塊拼圖
2.原地跳起，落地並保持平衡，偶爾會失敗
3.開始出現畫圈的塗鴉軌跡
4.等待全家人一齊吃飯，自己切水果也不偷吃
5.騎著平衡車可以緩慢移動一段距離，開始玩滑板車
⭐️開始出現2歲反叛期的先兆，拒絕say no的次數增加，出現越叫越走的情形
.
感謝大家一直關注小樽既學習計畫❤️
更詳細的學習紀錄👉🏻@littlebottle_project01
.
更多關於小樽學習計畫👉🏻#小樽學習計畫1.0
.
#1歲 #2歲
#早教 #早教遊戲 #手眼協調 #在家玩 #在家自學 #在家早教 #學齡前 #幼兒遊戲 #幼兒遊戲diy #bb學習計畫 #幼兒學習計畫
#playathome #homeschool #babygames #messyplayhk #sensoryplayhk
#hkbb #hongkongbb #香港bb #hkbaby #hkbabyboy #育兒 #親子 #親子日常 #育兒日記
#小樽bb #樽子裡的生活

新的一年新的打卡熱點吧～
各自都有自己的特色～ 棒棒

出糧掃街-望德堂篇
今集交俾兩位望德堂之子同我地掃街

-凍冰冰鎮燻蹄、爽叉
-超級低糖椰撻、仿翅撻
-台式飯團
-Conil鍾意好喝的湯
-葡國仔千層酥
-抹茶雪糕、香蕉雪糕
▼ ▽ ▼ ▽ ▼ ▽ ▼ ▽ ▼ ▽ ▼ ▽ ▼

不要按這裡：instagram.com/bacalhau.ent/
馬介休最喜歡的FB Page：facebook.com/bacalhau.ent
入黎傾計：facebook.com/groups/bacalhauent/

#澳門美食 #馬介休 #出糧食好啲

@打咩JASON @CONIL之哇
--------------------------------------------------------------
歡樂嘅秘訣就係呢度！【歡樂馬介休YOUTUBE頻道會員】
https://www.youtube.com/channel/UC1WLQD_3Lblql-PFN6Qgcqw/join

快快訂閱【歡樂馬介休YOUTUBE頻道】
右上角紅色訂閱按鈕啊BB

速速讚好【歡樂馬介休FACEBOOK專頁】
https://www.facebook.com/bacalhau.ent/

慢慢追蹤【歡樂馬介休INSTAGRAM專頁】
https://www.instagram.com/bacalhau.ent/

齊齊聊天【歡樂馬介休FACEBOOK群組】
https://www.facebook.com/groups/bacalhauent/
--------------------------------------------------------------

澳門打令裝修舊到唔想去！銀河紅伶似迷宮咁亂！澳門女仔冇人玩Tinder！(香蕉俱樂部 D100 強尼 杜浚斌)

澳門打令裝修舊到唔想去！銀河紅伶似迷宮咁亂！澳門女仔冇人玩Tinder！(香蕉俱樂部 D100 強尼 杜浚斌)

相關影片:
1. 大女為醫阿婆變反面契機，鬧交後如斷六親！母親要脅去死都唔理！(香蕉俱樂部 D100 強尼 杜浚斌) (https://www.youtube.com/watch?v=21tR7RlT15g)
2. 後生老公好想生，老婆唔想大肚偷食避孕藥！牽涉隱性婆媳糾紛！(香蕉俱樂部 D100 強尼 杜浚斌) (https://www.youtube.com/watch?v=5Lbs1FCF5dc)
3. 結婚廿年生一對仔，爛賭老公幫馬會舖草皮！前會計師老婆有冇錯？(香蕉俱樂部 D100 強尼 杜浚斌) (https://www.youtube.com/watch?v=kI9EdlfbIZ4)



#香蕉俱樂部 #澳門 #打令 #StayHome #WithMe #跟我一樣 #宅在家