【#理財有道】日常消費都可以獲黃金回贈？
#黃金 #回贈 #tiips #儲分 #經濟一週 #ED_V

✈️未用晒今年啲假已經Plan定下年點樣去旅行，年年用盡啲假係好多香港人嘅「人生目標」。點知今年不似預期，無得出走真係好慘🥺！ 旅游達人 慢旅行 x 西文 試過自己一年出走七次，分享咗個旅行攻略俾大家，下年準備衝衝衝可以留意返！

1.一年出走七次，緊係以短中線為主：台灣、泰國同大家最愛嘅日本，每次最多去一個星期，夠玩又唔會無晒啲假！

2.唔好跟公眾假期攻略，避開peak season，咁就唔驚機票酒店貴啦！

3.利用格價平台比較機票價錢，兼且收集飛行里數換機票。

4.自己規劃旅行路線同行程，慳返啲時間做自己鍾意嘅事。

5.出走前計劃一個簡單行程，將每個景點嘅遊記寫低。

計我話，最緊要其實唔係出走嘅數量，而係旅途嘅點滴！Tag 定一齊即興出走嘅Frd子🤭 希望疫程快啲平息，可以一齊飛！

#我要真旅行 #一人一個旅行遇到嘅趣事

受籽想旅行邀請，啱啱同里數博客始祖 粒粒玲子 飛行 里數 自駕遊 Lovelovelings Travel Asiamiles 同埋 不定棋 Boarding Gill 係蘋果果燃台做咗個live講里數。都係大家傾下計吹下水，請笑納😆

💬留言飛語｜#儲里數優惠全攻略
每次買機票要用好多錢，如果可以用飛行里數換機票，咁就最抵喇！想知點樣喺日常開支消費賺盡里數？用邊張卡先最抵玩？最近有咩迎新優惠？籽想旅行搵咗里數達人里先生，分享最新最筍儲里數優惠全攻略，大家有任何關於里數嘅問題，歡迎入嚟問，嘉賓會即場解答。

嘉賓：里先生（里數達人）、粒粒玲子（旅遊博客）、不定棋（旅遊玩家）
==============
🍎 新聞有價，齊撐訂閱
9月2日起，每日HK$1.68：http://bit.ly/2YV7EhB
==============
【每周送10萬】升級壹會員獨家尊享
立即參加 #10萬火急大抽獎
http://bit.ly/30nAN63
*推廣生意的競賽牌照號碼：52302-9

今時今日大家都鍾意用飛行里數換機票去旅行，用信用卡積分換飛行里數係其中一種最容易儲里數嘅方法。不過原來同一間銀行嘅積分用唔同嘅方法去兌換，可能會換多好多里數。今日介紹嘅方法就係其中一個例子。

匯豐銀行一向都可以用佢哋嘅信用卡嘅獎賞錢，以每1蚊獎賞錢換10里亞洲萬里通飛行里數，不過每年要俾$300年費先至可以兌換。

但係近期佢哋同Moneyback 易賞錢 合作，雙方嘅積分可以互相兌換，將獎賞錢兌換到Moneyback 易賞錢 之後再轉換為亞洲萬里通，每1蚊嘅獎賞錢就可以兌換到12.5里，比之前多咗百分之二十五，連$300年費都慳埋，仲要即時到帳唔駛等。聽落好似好複雜，但係其實要做一啲都唔難，今日就等我做次俾大家睇！

首先你要下載匯豐銀行嘅 Reward+ 同埋 Moneyback 嘅 易賞錢 呢兩個手機應用程式。之後打開 Reward+、以你嘅流動理財登入呢個程式。

去到主頁之後，揀下面嘅「我的RC」，RC 即係 Reward Cash，之後再揀「兌換獎賞錢」、跟住落嚟要先連結你嘅 Moneyback 易賞錢戶口，好似我咁揀「連結至獎賞錢戶口」、接受條款之後再確定你喺紀錄入面嘅電話同電郵，之後輸入11位數字嘅易賞錢戶口號碼，跟住就可以兌換，好似我今日兌換1000獎賞錢 咁就搞掂！

好唎，打開 Moneyback，你會見到頭先換嘅 50000 分已經即時到咗帳。

之後你只要去「積分互換」、揀「亞洲萬里通」、再輸入 Asia miles嘅會員登入作核實，之後揀埋想換幾多里數，入多次密碼，里數就即時收到！

另外，在推廣期內做兌換，仲可以得到額外50%或者最高2500分嘅Moneyback易賞錢，不過要留意嘅，就係呢個獎賞會喺幾個月之後先至入帳，計下呢度即係又多咗六百幾個miles用喇！

《Z世代達人》
麥卓華

#asiamiles #moneyback #HSBC

最新嘅科技資料、潮流玩意，都有《Z世代達人》麥卓華到處搜羅送到你面前！

亞洲萬理通公佈咗新嘅儲分同埋換機票嘅里數安排，標榜絕大部份嘅航班所得嘅里數都大幅增加最多達8成，換領部份熱門航線嘅機票所需嘅里數又減左，仲會增加可以兌換嘅機位數目，睇落好似好著數咁。不過原來係唔係真係咁So，都要睇下你平時點賺同點用D分，今日就等我同大家分析下！

今次最大嘅賣點，係大部份航線所賺取嘅里數都多咗。其實可能你都唔太識分之前里數係點計，咁等我再講下啦。

除咗FanFares 大部份時間係 O Class 係唔係都無里數之外，網上搵到嘅平飛，通常都係S、N、Q Class，以前係按實際公佈既航程嘅25%計算，以飛台北、新加坡同東京為例，舊制買Econ飛如果係呢3個Class只會分別得125、398、460 miles，如果買其他嘅Econ Class，就分別有 501、1592同1841，但按新制下，平飛嘅 S、N、Q Class台北就已經有330 miles，新加坡同東京就有 1000 miles，而貴嘅飛反而加幅就無咁多同埋再分開左兩層，M、L、V Class 台北有590、新加坡同東京就會 1800，而最貴嘅Econ Class Y、B、H、K 台北係 650 miles 同埋新加坡同埋東京就係 2000 miles。即係話，如果你喺旺季買到 M、L同V Class嘅Econ去東京，新制下係仲少左41 miles架！

換飛方面亦有較大嘅改變，由以往按來回或單程嘅航距去計算，改為全部以單程去計算，大部份經濟客位所需既里數都減左，去日本同新加坡現在來回由以往嘅 30000減到現在嘅 10000單程即係20000來回，而去澳洲嘅里數，亦用以往來回50000里減到現在嘅單程22000里即係44000里來回就可以了。

的而且確，成個計劃對大部份朋友仔來講，都係著數咗。

如果你好少自己真金白銀買機票，平時用信用卡嘅積分兌換大部份嘅里數去換經濟客位，咁就要恭喜你喇，因為在新計劃之下，積分無變，但好多航點都可以用較少嘅里數就換到！好似去新加坡或者日本，以前要30000來回，現在單程只需要10000里，即係20000來回，平時一年換兩套飛就直接變咗換三套啦！

如果你成日出trip都係真金白銀買飛，無乜用信用卡換里數，在新計劃下，就更加係大嬴家！假設你出trip嘅習慣無變，咁變相儲嘅Asia Miles就會多咗，同時因為換飛用少咗里數，一來一回，可能一年可以去多兩個短途trip架！

但如果你鐘意儲埋儲埋信用卡D分換里數一炮過豪張商務客位嘅飛，你嘅如意算盤就可能要打耐D先響喇。因為係信用卡嘅分數無變，但係商務客位嘅飛就貴左，好似長途去澳洲由80000來回變左45000單程即係90000來回， 如果當平均$8-$10消費先換到1里數計，你就要買多$80000-$100000野先可以補到呢個差價了！

所以如果你有里數在手，想換長途商務客位，就應該在6月22日新制生效前換喇。相反，如果唔急換短程既經濟客位飛，不妨等到6月22日以後先再換啦！

《Z世代達人》
麥卓華