https://www.patreon.com/posts/47997751

【燒山單挑游學修：燒山叫後生仔放棄電影夢，同佢叫人放棄香港移民海外係一撚樣】

作為燒山KOL嘅我來遲了，但唔緊要，相比起抽水飲頭啖湯，我寧願仔細啲整理好我嘅想法出黎。又，唔好比個標題誤導，其實我係想講電影多過政治

再三強調，燒山真不愧係全港最名符其實KOL，因為佢真係有將自己嘅發言變成全港性話題、「關鍵意見」嘅能力，響Club House講完幾句，然後就引伸成為一個網絡話題。

如果你無聽過上述呢場風波，咁我就先響呢度做幾句簡介：話說燒山響佢個仔蕭定一主持嘅香港電影業講座入面豪言：「1980年代嘅電影黃金時期係天時地利人和撞出黎，今日年青人想回復當日光輝個機會率係零」； 然後當游學修唔忿氣表示其實佢地唔係要1980年代果種成功，香港電影仲有好多可能性果陣，燒山就再加多句：「而家Youtube拍片果啲只會係家家酒，如果你要成功，就係要80年代果隻成功，話唔係只係響度呃自己」。

好多人都借啲意抽世代鬥爭水（例如攬炒爸），但我更想講嘅係電影果部份。先利伸，有關燒山果個「香港電影已死論」，至少有一小半我係認同嘅：咁事實上如果今時今日你覺得香港電影仲未死，就一定係自欺欺人。先唔好講《殺破狼3》呢套垃圾戲都可以拎九項金像獎提名，《十年》一套咁Raw嘅短片集竟然可以攞倒最佳電影；甚至而家一年你要搵套睇得入眼嘅港產片都唔係易事。

而香港電影已死嘅原因，部份亦真係同個業界氛圍、人才缺乏有關：熟手嘅幕後番哂大陸拍戲，你香港咪難搵隊有經驗嘅Crew拍嘢囉；而家電影業界嘅所謂「明星」同「幕後人才」，客觀黎講同港產片全盛時期亦真係無得比。

除此之外，我仲覺得香港電影太執迷於「本土情懷」都係一個衰亡原因。好多港產片一推出黎，就成日打住「支持本土」呢個牌頭叫人入場，好似香港人唔撐香港電影就一定要覺得內疚咁，但導致好多港產導演好執迷於點樣搞本土Gimmick而多於拍好套戲，結果卻係連電影好多基本元素都無做好。假如啲觀眾仲係只要因為佢係「本土」電影就走去盲目追捧，班香港電影人又唔走去打番好個基本功，唔好搞到套戲岩岩慘慘仲要沾沾自喜以為搞咗套傑作出黎。

不過又話說回頭，燒山對於「香港電影已死」嘅推論，有兩個大錯特錯嘅地方。首先燒山之所以係燈神，係因為佢完全缺乏想像力。燒山讀歷史好叻，所以佢響分析同講故仔技巧上面係非常之強；但相反佢對於未來嘅推論，都係建基於佢過去嘅認知，仲要係偏頗嘅認知，所以當面對一個急劇轉變嘅世界，佢就全部錯哂。

燒山起初又話電影嘅定義就係人物刻劃故事，後尾又話唔可以將所有故事講成係電影，本身就係自相矛盾：佢成日開口埋口愛奇藝，無理由唔知戲院執笠、全世界電影製作搬哂上串流網站經已係國際趨勢？花木蘭連戲院都無上過，但呢套垃圾戲幫迪士尼賺嘅錢仲多過戲院上嘅《天能》，咪臭係同你講個世界成功嘅標準係會變架囉！

燒山以前話過佢自己拍戲一係講卡士、二係講排場，因為佢深明電影要賣座，就係一靠卡士二靠宣傳，套戲質素反而求撚其其就OK，所以先會用「大陸電影要200架車出發拍攝」黎大尻班o靚仔。但事實卻係雖然唔多，小規模製作而成功嘅例子卻係存在：記唔記得1999年套《死亡習作》？人地套戲成本隨時平過你堆電影，但就有兩億半美金票房你吹咩？

仲有與其扮Young睇《進擊的巨人》，真係唔撚該你走去睇下人地套《屍殺片場》啦！21萬港紙Budget，拍撚到有幾十億日元票房呀，有無你口中果啲兩百架車拍攝團大龍鳳呀？當日我睇完呢套戲經已講，香港唔少呻窮港產本土電影Budget少，但明明少過你地嘅《屍殺片場》，唔好講好唔好睇呢部份，有好多地方例如劇本、場境、細節位就係拍得精緻過你地班香港電影人，呢啲根本就唔關錢甚至技術事，純粹就係有無心同態度問題！

不過最重要嘅分野，即係燒山口中所謂「80年代嘅人材輩出」、「香港再出唔倒下一個周潤發同周星馳」，其實並唔係人材嘅差別，而係你投胎啱唔啱時辰──好心真係唔撚好再吹八九十年代有幾多好睇嘅港產片啦，垃圾你估少？

即係燒山果套《飛狐外傳》，當日係睇到我屌哂鬼離場，《神龍賭聖》呢啲垃圾，竟然都可以收過千萬──當年港產片產業之所以興盛，正正係因為拍埋啲二三流電影一樣可以呃倒人入場，好多老闆見亂尻咁拍都有錢賺，咪係咁bump水入個產業度囉，咁全香港最優秀嘅人材都因為錢而被吸引加入個產業，又可以不停Trial & Error累積經驗，咪終於餚倒有雙周一成出黎囉，燒山係咪唔撚記得咗最初周潤發有個綽號叫票房毒藥？比佢地響今日出道呀，拍兩套票房唔撚得，經已肯撚定比你燒山走去拍片一沈百踩啦！

最後，今時今日香港電影已死，唔代表將來唔可以復活。喂台灣、日本當日電影業都試過衰到貼地架，九成票房比荷里活電影攞哂，連本地人都覺得睇本土電影係一樣好老土嘅事──如果果陣啲電影人都學你燒山咁覺得台灣／日本電影已死，去番以前個或然撚係0，大家放棄唔再加入電影圈，咁今日就唔撚會有邦畫/洋畫票房分庭抗禮嘅奇跡出現，就唔撚會捧得出個魏德聖出黎，兩個地方嘅電影就唔會咸魚翻生啦！

原來唔想講政治呢度都要講多兩句：燒山呢種心態，其實同而家班冚家中剷嘅思維係一撚樣：喂而家共產黨夾硬黎，解放軍有槍有炮，香港人可以點jack，咪唯有移民走路囉！仲留響香港你咪on9囉！但個個好似你燒山咁諗，少少犧牲都唔制，樣樣都現實計到盡，呢個世界就唔會有革命成功啦屌你！

飛雪連天射白鹿 笑書神俠倚碧鴛

除咗書劍恩仇錄我冇睇過之外，其他都係初中嘅時候睇晒，真慚愧。我記得幾年前大陸套《笑傲江湖》，改到不堪入目，東方不敗愛上令狐沖......

唔知于品海點睇金庸死咗呢？當年明報指定佢做接班人，佢光速將明報賣咗，結果金庸大失所望。

佢喺明報學到嘅媒體技巧，成為左而家嘅HK01

一代武俠大師辭世！

大師的14部作品，即《書劍恩仇錄》 (1956)、《碧血劍》 (1956)、《射鵰英雄傳》 (1959)、 《雪山飛狐》 (1959)、《神鵰俠侶》 (1961)、《飛狐外傳》(1961)、《白馬嘯西風》(1961)、《鴛鴦刀》(1961)、《倚天屠龍記》(1963)、《連城訣》(1963)、《天龍八部》(1966)、《俠客行》(1967)、《笑傲江湖》(1969) 及《鹿鼎記》(1972)，書名首字連結起來，便是：

「飛雪連天射白鹿，笑書神俠倚碧鴛」

按此看更多金庸生平：https://fortuneinsight.com/web/posts/32033

#FortuneInsight #金庸 #查良鏞 #金庸逝世 #FI
—————————————
如欲收到最新的財經資訊，請在本專頁cover photo下方，按『Following』（追蹤中）➔『See First』（搶先看）

Follow instagram：
https://www.instagram.com/fortuneinsight/

Fortune Insight公開專欄招稿，若你有意成為FI專欄作家，請投稿至info@fortuneinsight.com，附上個人照片及簡介，文章會由FI編輯部潤飾、刊登。

若有任何財金市場、初創、商業的新聞稿或廣告合作，歡迎inbox或電郵給我們。