熱門Ptt文章

[爆卦]飛歌詞容祖兒是什麼？優點缺點精華區懶人包

雖然這篇飛歌詞容祖兒鄉民發文沒有被收入到精華區：在飛歌詞容祖兒這個話題中，我們另外找到其它相關的精選爆讚文章

在 飛歌詞容祖兒產品中有52篇Facebook貼文，粉絲數超過15萬的網紅谷Live，也在其Facebook貼文中提到， #谷Live新歌速遞 容祖兒 Joey Yung -《煙花紀》 https://www.youtube.com/watch?v=St5zkGugaj4 〈東京人壽〉提醒你冇人可保證，來年一定有伴侶與你共遊東京。 有伴相隨當然高與，但同行難覓，與其苦苦遷就，何不一個旅遊像獎賞，自己去經歷一場〈煙花紀...

　同時也有51部Youtube影片，追蹤數超過6,090的網紅瑞士kit姐 Asia Swiss kitjie，也在其Youtube影片中提到，??**訂閱 SUBSCRIBE : https://www.youtube.com/c/AsiaSwissKitjie ?Facebook : https://www.facebook.com/AsiaSwissKitjie ?Instagram: https://www.instagram....

「飛歌詞容祖兒」的推薦目錄

飛歌詞容祖兒 在 GirlStyle 女生日常 Instagram 的最佳解答

2021-04-16 10:58:04

【@girlstyle.mag】《聲夢傳奇》李克勤任導師自認「奶爸」 . TVB久違的選秀節目《聲夢傳奇》經歷可說是一波三折，早前外界曾盛傳因曾志偉接手掌管綜藝部門後，節目一度陷入停播的風險。幸好最後這個集合多名新秀的選秀節目成功重見天日，更邀來入行已有35年的資深歌手李克勤擔任導師。可是在最新一集...

飛歌詞容祖兒 在 舒文ZooMusic Instagram 的最佳解答

2021-03-07 06:13:13

Thankyou.. nice insights Posted @withregram • @delightcantopop #悅與歌2021新歌推介 撇開所謂「壟斷」、「霸獎」呢啲觀點，我覺得無可否認，容祖兒不論聲線特性、唱功定駕馭唔同曲風嘅能力仍然係香港女歌手之中數一數二。不論好似《心之科學...

飛歌詞容祖兒 在 舒文ZooMusic Instagram 的最佳貼文

2021-03-03 12:48:49

Nice write up Posted @withregram • @g.g.pop.music 【🆕 本週精選派台歌《煙花紀》】 － 🎵《#煙花紀》 主唱| #容祖兒 作曲| Kenix Cheang / 舒文 填詞| 許弘毅 編曲| Ted Lo / Kenix Cheang 監製| 舒文...

  • 谷Live

    飛歌詞容祖兒 在 谷Live Facebook 的精選貼文

    2021-02-23 18:46:43
    有 19 人按讚

    #谷Live新歌速遞
    容祖兒 Joey Yung -《煙花紀》
    https://www.youtube.com/watch?v=St5zkGugaj4

    〈東京人壽〉提醒你冇人可保證，來年一定有伴侶與你共遊東京。
    有伴相隨當然高與，但同行難覓，與其苦苦遷就，何不一個旅遊像獎賞，自己去經歷一場〈煙花紀〉。

    快樂可來自二人共鳴，亦可發自愉快心靈，只要學懂愛惜自己，快樂不快樂從來都可自主。容祖兒（Joey）2021年全新派台作〈煙花紀〉，由Kenix Cheang / 舒文@Zoo Music作曲，許弘毅填詞，將女性應有的自主快樂，透過爵士樂風，輕柔地演繹出來。

    Joey覺得這首歌來得正合時，因為要演繹歌詞中的睿智，需有一定的閱歷。曾經，自以為早就領悟為自己而活的快樂，自覺盡在掌握中，學識放下，活得瀟灑，但原來一切都是強裝出來。沒經歷痛點，怎知放下是治癒；沒吃過苦果，怎知釋懷是甘甜。

    女生在成長中，就是滿有愁善感，未有好好去留意當下的好。Joey覺得這首歌正正提醒現代女性們應有的態度︰「無論是快樂還是不快樂，都應由自己選擇，不用依賴別人。」學懂愛自己，才懂得愛別人；學懂享受這世界，才懂得享受每一刻所擁有。所以Joey特別喜歡「快樂自然自己付帳」這句歌詞︰「開心不開心都應由自己決定。」

    只有真正愛自己，才能在快樂心境中漫遊，所以〈煙花紀〉的歌詞就似一份遊記，當你完全明白，自然能身處當中遊歷。「煽動風景　耳畔很想／花快冒煙花　我便假想／哪怕風車轉到迷失去向」一幕幕怡人風景，伴隨音樂透射出來，難怪Joey覺得這首歌最適合在旅行時聽。「它令我想起某年自己放任地一個人去旅行，即使身邊沒旅伴，但能夠隨時隨地做自己喜歡的事已足夠興奮，令行程每一刻都是享受。」甚麼是一個旅遊像獎賞？Joey已一清二楚。

    曲：Kenix Cheang /舒文@Zoo Music
    詞：許弘毅
    編：Ted Lo/Kenix Cheang
    監：舒文@Zoo Music

    #容祖兒 #JoeyYung #煙花紀
    #香港製造 #MadeInHongKong #香港人撐香港音樂
    #2021新歌 #新歌 #廣東歌 #2021廣東歌
    ----------------------------------------------
    👍🏻 Facebook：https://bit.ly/2HZAgDL
    ♥️ IG：https://bit.ly/34PhuYx
    ⭕ YouTube：http://www.youtube.com/c/谷Live
    📍 MEWE：https://mewe.com/p/谷live
    🏆 谷撐音樂流行榜：https://bit.ly/3q6yB0l

  • Being Hong Kong

    飛歌詞容祖兒 在 Being Hong Kong Facebook 的最讚貼文

    2021-01-04 11:17:02
    有 68 人按讚

    Canto Pop ，定義香港時代精神。

    在疫症之前，每年初都是總結本地流行樂壇成績的時候，不同的流行歌頒獎禮即突現出過去一年來歌曲及歌手的認受程度，無形中也將一時一刻的時代心情及樂迷取向來一次回顧。

    即使頒獎禮不如既往，但音樂能慰藉人心的重要作用始終如一。自七十年代以來，Canto Pop成為本地主流後，曾造就出不少出色的歌手或創作人，在歌唱事業或創作生涯大放異彩，影響力曾遍及亞洲乃至世界上有華人的地方。憑歌寄意唱出六百萬人的心情同時，在這些歌手或創作人自身的經歷上，亦往往與香港一路以來的變化相連緊扣。數十年來香港創作過的Canto Pop數量難以清楚計算，此起彼落的歌手及創作人亦不計其數，當中能隨著年月過去而仍然留在大眾心目，甚至成為Icon般的存在，除了個人的能力和努力外，也因為他們或作品本身，往能寄寓出每個年代的港人的思想和心情，甚至定義著不同階段的香港精神。

    是許冠傑化身的草根心情，還是黃霑顧嘉輝標誌著七十年代起飛的獅子山下精神； 是「香港女兒」梅艷芳，是離世後仍然不減光芒的哥哥張國榮； 是少數能夠跨越不同世代，至今仍受擁戴的Beyond和達明一派； 還是曾讓少女們寄托著幻想與夢想的四大天王； 是唱出不同「港手」心事以至本身經歷就呈現女性不同面貌個性的Diva包括王菲、林憶蓮、鄭秀文、關淑怡、楊千嬅和容祖兒； 還是標誌著千禧年後歌比形像重要的陳奕迅，或者用流行歌唱出城市發展與變化的謝安琪，以至在九十年代開始，便用歌詞立體多面地描繪城市人各種錯綜複雜心事，甚至令廣東歌詞走出純消費的K歌，將層次和邊界擴展至無遠弗屆的兩位詞人林夕和黃偉文⋯⋯因為他們的存在，令Canto Pop 不再只是行完即棄的商品，更將數百萬人的心情和社會變化結合，成為定義本地文化以至香港精神不可或缺的一環。

    本期就係香港冬季號，特意邀來多位本地不同世代和風格的插畫藝術家，包括Marsmary、周俊輝、Jay Lau、Kylie Chan、Charlene Man、Siuloy和Keo Chow，以插畫重新演繹這些歷久彌新的Canto Pop Icon。Icon不只是形象，更是我們一直珍惜的香港精神價值，藉著插畫，與大家共勉。

    文章試讀：https://beinghongkong.com/2020-Winter-Issue

    訂閱詳情 #linkinbio

    #2020就係香港冬季號#廣東歌#Canto Pop
    #許冠傑#黃霑#顧嘉煇#梅艷芳#張國榮#四大天王#劉德華#張學友#黎明#郭富城#王菲#林憶蓮#鄭秀文#關淑怡#楊千嬅#容祖兒#陳奕迅#謝安琪#林夕#黃偉文

  • 君子馬蘭頭 - Ivan Li 李聲揚

    飛歌詞容祖兒 在 君子馬蘭頭 - Ivan Li 李聲揚 Facebook 的精選貼文

    2020-04-14 14:23:31
    有 146 人按讚

    ［快意江湖令狐沖，活得瀟灑許冠傑］

    1. 其實原本冇諗住寫，即使見到 Yickhong Lam寫咗-反正佢都講咗大部份我想講嘅嘢（https://bit.ly/2JZyZKD）。所以只係在個人Facebook寫咗幾句（即係，幾千字咁）。但今朝 陳祉俊 Christopher ChanPM我話覺得寫得好。嘩，咁就不如整理埋一篇啦（但可能整埋一篇反而失望）

    2. 正所謂Don’t make stupid people famous，一大堆目無尊長（我是廢老）嘅小朋友講，反而令我走去睇/聽許冠傑場show。感覺當然係唔掂，雖則歌神都七張嘢，但我見鬼佬嗰啲好似keep得好啲，表演當然係水準之下—但你話我死士都好，正係話你知歌神享福，唔使出嚟R撈，所以唔會係最好狀態。呢啲先係福氣。時時保持住戰鬥格嘅女人，好大壓力的說。有得揀都最好幸福肥

    3. 你講歌神唱得唔好，甚至啲歌唔好，詞唔好（呢個都有得挑剔？），通通miss the whole point。歌神係英華仔，港大畢業，中文高材生 -你估而家啲濕鳩副學士毅進仔？然後你啲中文Cret都未有嘅網友出嚟點評人地啲詞，真係茶餐廳阿叔頂住個肚腩教美斯踢波咁有喜感。歌神係無可爭議嘅歌神，從來唔係因為佢作曲填詞演出或者手結他特別叻（雖然填詞我覺得神級），甚至唔係因為佢啲歌極流行（雖然都係，但未必後無來者），或者好多歌迷（同上）。

    4. 歌神係神，係因為佢對廣東歌呢樣嘢嘅貢獻，甚至推遠少少，佢對成個所謂「廣東文化」，「香港身份認同」嘅貢獻。新一代講乜柒本土而去批評許冠傑，就真係搞笑。要不是歌神？你聽緊Kpop咋（其實而家都係）。呢啲種種，睇維基百科有，當然而家啲友係維基都唔睇的

    5. 但當然，新一代話無感，好合理。首先許冠傑嘅歌唔少係貼近民生，有人話維穩（唔通叫你去殺白皮豬？監躉局長派傳單都坐監呀），咩都好，但佢嘅歌詞係比較貼近社會—所以難免你幾十年後聽返無感。掉返轉，你唱《幻影》唱《Monica》可能幾十年都如一，我換個編曲呃你係新歌都仲得。所以本人話，都係古典音樂好，明明係幾百年前嘅巴哈，因為冇歌詞，中坑可以當Vanessa Mae（https://bit.ly/2wD6tLN），新一代可以當太鼓之達人（https://bit.ly/3cgKBos），有代入感。

    6. 所以，其實就係沒有誰比誰高尚。新一代無感，正常。但去批評歌神，就戇鳩。冇人叫你要好有代入感，出嚟吹奏歌神點勁。但點解就不能shut the fuck up？（而你就想叫我唔好批評新一代批評歌神）

    7. 但再講一次，其實無感係好正常，甚至唔使講社會變咗乜之類。網友話係阿爺嗰代，的確係。非正式統計，一個人最鍾意嘅，應該係佢十歲八歲，至到出嚟做嘢冇耐嗰期嘅歌。許冠傑退出歌壇係1992年。我就14歲，有幸小學年代都聽佢啲歌。但講緊係三十年前啦大佬。唔好話而家啲中學生。就算三十歲以下，應該係一無所知的。許冠傑個仔都仲老過我喎，咁你話佢係咪新一代嘅阿爺級先？

    8. 事實上最鍾意許冠傑嘅，係我老豆。而仲要係佢地讀書年代—亦都合理，家母家父六十出頭，許冠傑大佢地十年，計下係啱晒的。而我老豆老母亦都順利過度到去聽譚詠麟張國榮—去到四大天王就唔係佢地所愛了，生咗仔嘛，正所謂「文藝女青年這種病 生個孩子就好了」。正如四大天王之類，咪大我十年多啲。只係某啲原因，後來呢個咁嘅「流動性」冇咗。你見紅到去陳奕迅容祖兒嗰浸之後，就沒有然後了。拿，佢兩位就四十左右，我教書啲學生就三十幾，吻合的。但佢地一路紅到而家（算係），打後就唔知變乜了。喂，何韻詩都四張幾啦，《天使藍》都廿年啦喎

    9. 但又同時， Yickhong Lam提 出一個現象：
    會聽歐美60、70年代流行樂或搖滾樂既西方新一代，好似要比香港到今時今日會回溯70、80年代粵語流行音樂既要多。
    佢話唔知呢個觀察係咪真，我話係。佢話冇答案，我話答案好簡單：咪就係香港人自己都冇尊重過自己嘅流行產業咯，都話早十幾年，個個上選秀節目都唱英文日文蝗語歌，女文青全部以唔睇港片為榮。係呢幾年有政治理由，先由垃圾桶搵返個凍晒嘅condom，拎返啲變晒透明嘅精液，搽落自己度循環再用之嘛。你計老嘅，Beatles Queen之類仲老啦。但你同鬼妹（或架妹）講你鍾意，絶對冇問題，舊年都仲要拍戲出嚟J（https://bit.ly/2xpP1uo），啲精好暖，仲係白色—但香港你同人講鍾意許冠傑？下？？全世界得返我一個識唱「成條入晒眼淚水都標」？哦。

    10. 仲有一點，就真係live fast and die young。香港地，真係老就係罪，當然你可能搵到錢，但一定畀人咒你生仔冇屎忽（所以我唔生仔）。陰功，我見歌神畀人話覺得佢出嚟乞食—雖則佢個look的確比較頹。但，許冠傑應該十層八層（有人話係十層加八層）供滿嘅樓，大佬，你咪撚玩啦。有啲友真係以為自己放無薪假就有錢人都好唔掂。

    11. 許冠傑唔知邊度爆出嚟（甚至我估有新一代諗：原來仲未死？），本身亦有趣。許冠傑退出樂壇，1992年。不敢對歌神不敬，但在流行文化中，佢就好似死咗一樣—未必係壞事。佢退出，就好徹底。你冇見佢又出嚟唱下歌咁，亦不見佢去指點江山，冇上《我是歌手》，唔去《流行經典五十年》，冇幫佢個仔做宣傳，甚至戲佢都近乎冇再拍。就真係消失咗。可能真係好事，《急流勇退》，佢就真係做到咗。真係差不多高峰時自我收皮，不拖泥帶水，楢山節考咁。而許冠文都仲拍緊戲喎，就難免畀人覺得廢老阻住地球轉。你睇歌神N咁多年出嚟唱一次都要畀人鬧，證明啲新一代幾咁玻璃心。

    12. 真係唔係講笑，你要忘記歷史，歷史唔會忘記你嘛。許冠傑演《笑傲江湖》演令狐沖就演得好，因為真係做到金庸筆下嘅「遁入空門」。而你知，江湖腥風血雨嘛。正係因為許冠傑「死得早」，佢就永遠都係聖潔嘅。所以你見啲新一代出嚟噴一輪口水，主流（本人睇就係主流）意見都係反擊佢地。護航許冠傑嘅多，新一代亦都反正唔識就收聲，亦犯不著拎條老鹹魚出嚟鞭屍。要鞭嘅大把仲生猛有反應嘅可以鞭，鍾意姦屍嘅，可以試下打電話去取消有線。

    13. 《笑傲江湖》其實係乜，個名點嚟？有睇書或劇嘅應該記得，係歌嚟的。劉正風曲洋嘛，甚至可以話係成個故事嘅開始。你想退隱，但總有麻煩找上門。亦係無數咁多特工片拍續集嘅故事。

    14. 對比係乜？有人就有江湖啦。你講金曲之多，許冠傑其實不及倫伯張國榮，甚至不及張學友陳奕迅李克勤。計受歡迎，都可能只係阿爺級嗰班人，甚至有啲轉投咗倫伯張國榮。但許冠傑叻在，死得早嘛！如果仲在江湖，就好難獨善其身了。你上過高位就知（我冇，唔知），話急流勇退真係咁易？點解要讓個位畀你？錢固然搵夠，但我個仔呢？我個孫呢？另外，退咗落嚟，仲有啲人鍾意指點下江山咁嘛。就當你自己唔會，都有人會借你過橋。你見許冠傑一出嚟都畀人借嚟過橋啦（我相信佢並不特別要做維穩show）

    15. 所以，真係接近許冠傑地位嘅，其實係Beyond，黃家駒（我都算係歌迷，但都係唔好就咁叫家駒咁肉麻）。絶無半點不敬，但事後諗，黃家駒死得早真係可能係福氣。你睇Beyond打後咁多年嘅嘢，的確令人反胃。而「假如黃家駒冇死」，係一個幾好嘅自由創作題。但佢會變咗黃耀明？定係劉以達？定係BONO咁？定係劉華？都唔好咁老定。不過我估可能變埋許冠傑，話晒都街坊嘛。而如果佢變埋許冠傑，咁其實如果黃家駒變咗許冠傑，咁黃家強可能就變許懷欣，可能就冇後來嗰啲反大面呀食人血饅頭呀，「永遠高唱我歌，走騙千里」（或曰「走騙，千你」）嘅東西了。

    16. 結果都係寫得太長。最後講下，許冠傑嘅歌，的確反映咗當年嘅社會。甚麼《加價熱潮》《半斤八兩》好多人講過。但我更愛係《日本娃娃》（https://bit.ly/3batQeK）

    17. MV固然要劃出腸，紫色太陽鏡，就真係整個紫色太陽鏡出嚟。爭在我認唔到佢係咪真係跳上架TOYOTA。父權，自戀（不過係許冠傑就冇咁惡頂嘅），物化女性，仲有我地對日本妹嘅想像。嘻。當然，你係許冠傑咪真係 「1997個陣就無有駛怕，實行住原宿開間SUSHI BAR」，可以搵架妹洗衫煲湯DUM骨鏈背脊遞茶（see？當年已經粵文填詞，但人地係中文高材生）。許冠傑啲日文啦喎，照計好多新一代都好過佢，不過唔緊要，而家你一樣可以去飛田新地的。有錢嘅咪去吉原，貴啲咁咯。

    18. 仲有，萬惡嘅，《話之你97》（https://bit.ly/2K24weL）。呢度容許我自引舊文作結（https://bit.ly/2yTpY3f）。其實篇文講阿叻，但許冠傑只係香港另一面相。

    唔服？個別例子？咁我講多首歌。早少少，但一樣值得討論，就係歌神，許冠傑嘅《話知你97》，1990年嘅歌。許冠傑嘅地位形象，遠比阿叻為好，但《話知你97》表達嘅心態，同《我至叻》其實相當相似。許冠傑呢位香港之子，講嘅係「我話知你97 其實使乜驚到求神又拜佛」嘅盲目安心；係「已經預冇法走得甩（又冇Short Cut） 移民外國 亦係聽糟質」嘅無奈；係「咪匿响屋企 速速Call機 Call班知己 睇返齣無厘頭攪笑戲 卡拉OK 隊樽拔蘭地 High High地 高聲亂唱 再去旺角打機」嘅消費主義；係「明日懶鬼理 最緊要依家Happy 話知佢死」嘅今朝有酒今朝醉；係「斷估或者到咗97（實刮多筆） 人人暴發 My friend good luck」嘅金錢至上。 你睇呢一切一切，其實同《我至叻》，唔係好大分別，頂多係少咗浮誇惡俗。前途？政治？下一代？歌神冇提過啵。嗱，至少「我至叻」都仲講「示威投訴任你噏 唔係犯法點都得 基本法去昅一昅 肯定唔會俾人屈」。

    19. Oh, one more thing。應該冇乜人知，周潤發都演過令狐沖。但又如何？倫伯唱過TVB 《笑傲江湖》（呂頌賢版）主題曲添（https://bit.ly/2K15N5I），幾好聽的。證明都係自己選擇，冇咁多身不由己。

    20. 冇法唔分開兩篇，其實下一篇我會寫，許冠傑嘅電影。好似個個只係講佢啲歌。

    ——————————————————
    版務：收費專欄已推出，支持埃汾高質文章。幾舊水睇三個月，一星期三篇

    請去呢度訂：bit.ly/2wVXndj
    課程編號填: CC01
    科咗水後後有Login及Password畀你

    逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

你可能也想看看

搜尋相關網站