【 Dear Jane Pendulum Tour 2021 】 _ 再一次親身體驗看Live Show的魅力！ _ 事緣成軍15年的Dear Jane，在紅館舉行第二次演唱會，事前沒想過買飛入場，畢竟四子的音樂風格跟自身的聽歌口味不算很夾，而且一直以來都有種「硬係覺得首首歌都差唔多」的錯覺，在「唔多熟書」的情況下，擔心就算「成功爭飛」也不會太過投入，倒不如將機會留給真正的支持者。但「睇騷命」這回事從來難以預料，興許有「綜藝之神」眷顧，就在開騷前夕，有幸收到朋友邀請，可以欣賞他們的頭場演唱，結果縱觀全晚出乎意料的好看，離場一刻心情滿足而暢快。 _ 首先要讚賞的是舞台設計。演唱會名為「Pendulum Tour」，Pendulum即「鐘擺」的意思，故中央天花位置，懸掛了一個類似圓錘倒吊的立體發光模型，在開場之後持續於舞台左右兩邊搖擺，令歌者和觀眾都很快投入整個演唱氣氛。去年初派台的《銀河修理員》唱到街知巷聞，成功將Dear Jane的知名度推向另一個高峰，估計創意團隊以歌名引發聯想，將舞台「上空」變成浩瀚無垠的宇宙，垂吊的「鐘擺」一下子化為恆星，旁邊隨即出現多顆衛星，配合各種燈光設計，視覺效果一流，使得整個演出更加賞心悅目。 _ 當然，睇騷嘛，演唱才是主菜。親耳聽過才夠膽講，主音阿Tim（黃天翱）的拉闊水準穩定，從他在台上突然爆出那句：「呢個騷係屬於大家，大家記得要Have a Fxxking Good Time!」足以引證他（也包括其餘三子）當晚心情靚爆，作為表演者，情緒高漲的確有助提升演出水準，配合現場觀眾的超熱情反應（程度絕對遠超想像），令全場氣氛從第一首歌《最後一間唱片舖》開始便「High爆」，一直延續至散場，加上部份現場演奏的音樂經過重新編曲，三者結合所帶來的滿足，都是「齋聽」錄音室版本難以代替。 _ 另一方面，嘉賓也見驚喜，其中SOPHY（王嘉儀）與Dear Jane合唱《給防護罩一吻》根本就是靚聲示範，真心希望她簽約幻國文化之後，能夠有更多人看到她和欣賞她，不過相比之下，第二場（22/9）請到MC $oHo（蘇致豪）、KidNey（許賢）和Kayan9896（吳家忻）站台獻唱《係咁先啦》，才是真正讓人大聲尖叫，此舉將是兩家公司（華納唱片與試當真）聯乘合作，將網絡熱話（《外賣修澧賢》、《哪裡只塞駿業里》和《不許你主音一人》）一下子與現實結合（O2O），是為本地新世代娛樂事業經營模式的上佳示範，如果可以跟其他觀眾一起合唱「走先喇／係咁先喇／下次再玩啦！」，整個畫面，真係諗到都覺得興奮！點解我是看頭場，而不是看第二場？好葡萄呀！ _ 【《Dear Jane Pendulum Tour 2021》第一場歌單 】 1. 《最後一間唱片舖》 2. 《Yellow Fever》 3. 《不許你注定一人》 4. 《到此為止》 5. 《永遠飛行模式》 6. 《寧願當初不相見》 7. 《咖啡因眼淚》 8. 《2084》 9. 《身體語言》featuring Miss Janni 10. 《給防護罩一吻》featuring SOPHY（王嘉儀） 11. 《人類不宜飛行》 12. 《哀的美敦書》 13. 《約翰與洋子》 14. 《別說話》 15. 《草戒指》by Howie 16. 《世上唯一雙細胞》 17. 《I Wish》（陳凱詠原唱） by Jackal 18. 《神奇的糊塗魔藥》（林家謙原唱） by Nice 19. 《網絡安全隱患》（Serrini原唱） by Howie 20. 《Let It Go》（Idina Menzel原唱）by Tim 21. 《Mad》featuring AGA江海迦 22. 《理性與任性之間》by AGA江海迦 23. 《未開始已經結束》 24. 《經過一些秋與冬》 25. 《只知感覺失了蹤》 26. 《哪裏只得我共你》 27. 《二十年後的歌》 28. 《遠征》 29. 《聖馬力諾之心》 30. 《銀河修理員》 _ 📸 @sunny_liu _ （23092021） _ #游大東影視筆記 #游大東 #Dearjane #dearjane演唱會 #dearjanependulumtour2021 #紅館 #演唱會 @warnermusichk @warnergochan @9588hk @c_plus_music @c_plus_music @dicdic320 @dearjanegroup @dearjanegrounded #23092021 @official_sochiho @official_huiyin @kayan9896 #係咁先啦 #走先喇係咁先喇下次再玩吖 @rabeeayeung @edmondhui @ballshing

. 身為一個人老公嘅JNY同埋千千萬萬人老公嘅193，打破一般流行情歌嘅框框，合作推出一首chok到飛起嘅型格情歌——《你是我的Bae》。

旋律抓耳歌詞亦都好洗腦，大約聽3次，全日腦海裡面就已經「You are my bae, you are my bae…」loop個不停，三爺話當初收到呢首歌嘅時候已經覺得好好聽，出街後甚至連舊朋友都忍唔住whatsapp佢盛讚，仲表示好聽過三爺首《睡到三點》。（笑） 《你是我的Bae》其實係製作人JNY solo project裡面嘅頭炮，而今次呢個solo project嘅合作單位眾多，除咗三爺，可公開嘅情報裡面仲有林家謙、TomFatKi、石山街、蛋撻頭等等，另外仲有兩個三爺口中「估唔到佢哋會合作」嘅隱藏人物留待大家拆禮物～JNY更表示每一個合作都有唔同嘅曲風同感覺，希望俾大家見到廣東歌嘅無限可能性，而三爺嘅呢一站，就係負責chok住唱型格情歌喇。 講到MV裡面兩個捏車爭女仔，JNY同三爺都不約而同話現實中唔鍾意爭，而已婚嘅JNY就隨即醒目補充「如果對象係老婆就梗係要爭」。雖然自言係被動派，但三爺表示如果真係好鍾意嘅話都會主動去追，因為唔主動對方可能隨時被人追走，「想要咪去咯，最多𤓓咗啫，咁咪𤓓咯，咪樣衰咯⋯⋯不過so far都冇乜試過嘅（笑）。」 談及歌曲target嘅觀眾，三爺曾經喺訪問中揚言呢首係俾「老MK妹」聽嘅歌，但深思後又笑說其實應該target最後生嘅MK妹，因為佢哋10年後仲可以課金支持咁話～不過認真mode嚟講，佢哋話其實《你是我的Bae》係適合所有年齡層嘅歌，因為無論邊個年紀都需要情歌，小至十零歲學生妹，大至七老八十嘅銀髮「老MK」都一樣能夠談情。 畢竟情歌那麼多，有型hiphop廣東話情歌真係唔係下下有貨，所以無論係追人定被人追緊嗰個，都可以chill住聽下呢首chok情歌，幻想下如果你係MV女主角，你會揀怕醜內斂嘅JNY，定係活潑進取嘅193？ @jnybeatzz @deniskwok193 #你是我的Bae #JNYBeatz #郭嘉駿193

【 拉闊快問快答 ─ 林家謙篇 】 _ 香港樂壇2021下半年最矚目演出、商業電台主辦的《拉闊音樂會風火雷電：林家謙 ╳ 姜濤 ╳ 柳應廷 ╳ TYSON YOSHI》，將於9月27日在亞洲國際博覽館舉行，由於四位歌手人氣爆燈，加上是次演出不設公開售票，令搶飛難度高達1000%。雖說絕不鼓勵買黃牛，然而拍賣網站照樣有人開天殺價，據報道指，有人轉讓兩張門票標價$9,000，更有人一張飛以$6,300出售，但仍然算「平」，剛才（9/9）到Carousell瀏覽，見到以下一段「天價」宣傳帖文：「927拉闊音樂會Block B兩張連位，門票在手，因工作請不到假，忍痛割愛出售，林家謙、姜濤、柳應廷和TYSON YOSHI合作演出，HK$9,999！」更癲的是：另邊廂有人願意同價收飛！「豪氣」兩個字說穿了其實不怎矜貴，身處亂世還是留個錢傍身，要花「成皮嘢」睇騷？這些機會不是屬於我的。沒期望便沒有失望，既然親身到現場看他們四人演出的機會不高（戴定頭盔：也不能說100%沒機會），不如看宣傳短片《拉闊快問快答》，安慰自己：睇咗當睇咗！（冇打錯字）第一集，有請林家謙！如果要揀「甩頭髮」還是「甩Beat」，他會怎樣選擇？ _ 短片由 @cr881903 提供 剪接： @woodeastung _ （09092021） _ #游大東 #游大東影視筆記 #拉闊音樂會 #風火雷電 #林家謙 #姜濤 #柳應廷 #tysonyoshi @keung_show @jeremylaous @tysonyoshi @terencelam0903 @terencelam_fans @terencelam_forever @terencelamlam.fans @terencelam.cover @jer.terence_ @nickyjai #09092021 @9588hk @c_plus_music @28music.journal @crhotz