【 王雙駿《砂之器》編曲拆解 】 _ 每個歌手都有一個屬於自己的「世界」，而歌曲就是通往該處的大門鑰匙。 _ 細數 #柳應廷 幾首單飛派台歌：《水刑物語》、《迴光物語》、《風靈物語》，還有《狂人日記》，整體製作水準不俗，然而就是無法與之「接通」，直至最近《砂之器》派台，那串「鎖匙」總算出現了，除了 #小克 撰寫的歌詞、 @shengwong_ 執導的MV能夠打動人心外，負責作曲與編曲的「Carl叔叔」 #王雙駿 絕對將整首歌曲提升至極高水平，尤其是中段Music Break響起的鋼琴聲，是全曲最讓我有感覺的一節。透過「音樂研究所」的訪問，以及附設在短片解說，相信讀者能夠了解更多新歌的創作細節。 _ 採訪、撰文：音樂研究所 編輯： #游大東 _ 「做阿Jer呢堆歌係好飽，每一次都好滿足！例如上次做《狂人日記》玩到咁癲，我就諗：『今次應該點做好？』但原來當一班傻佬抱住同一信念，啲嘢自自然然就會生到，呢樣我覺得係最難能可貴。」 _ 多年來炮製過無數樂壇經典好歌，王雙駿（Carl）仍然抱著一個信念 ——要夠好玩。從《水刑物語》到《砂之器》，利用編曲說故事，細聽下每首歌的聲音細節也是相互連繫，這是他給自己設定的一個遊戲規則。 _ 柳應廷（Jer）的「重生」系列三部曲，不論在概念、歌詞、編曲及MV層面，也被樂迷稱之為上乘的藝術作品，而在王雙駿的眼中，創作過程好比充滿驚喜的實驗。談到《狂人日記》瘋狂的編曲，他形容最過癮的地方，就是有做電影配樂的感覺。拿着歌詞，幻想那部分是甚麼的畫面，配怎樣的音樂才好。 _ 「狂人其中一個特點，你永遠唔知佢開邊瓣，有時唔出聲，有時會發癲，所以我同阿Jer、吳林峰（作曲）、小克（填詞）就諗，不如成首歌係咁變。所以你一時聽到鋼琴獨奏，一時又有澎湃嘅鼓、電子音樂、管弦樂⋯⋯同埋bridge位（連接段）我專登編到好似另一首歌。有一日我同小克、阿Jer傾傾吓講起黎曉陽，諗起佢原來識『喉唱』（蒙古特有演唱技巧）同吹Didgeridoo（澳洲土著的吹奏樂器），後來我哋就搵埋佢錄音，一路錄一路試，再將阿Jer把聲擺埋一齊，出到嚟嘅效果好特別，感覺就好似狂人發完癲，然後去咗自我覺悟嘅境界。」      _ 完成《狂人日記》後，王雙駿表示自己心中已經有畫面，第二首將會是一首浪漫的作品，而歌詞卻是非常有深度。  _ 《砂之器》中個人認為最難忘的一段音樂，是Music Break那盪氣迴腸的管弦樂，是王雙駿改編自電影 《齊瓦哥醫生》（Doctor Zhivago／1965）主題曲《Lara’s Theme》的一段旋律。在這段動人音樂之前，是一段由人稱啤老師的歌唱老師馮夏賢所唱的搖籃曲，聲音聽起來很遠，回音很大，就像媽媽對著肚內寶寶哼歌，寶寶隔著羊水聽到的聲音。他對這首歌的感覺特別深刻，有幾次錄音幾乎感動得落淚。   _ 「因為我自己都係爸爸，好清楚媽媽要生一個小朋友，到底要犧牲幾多。我腦裏一直有個幸福畫面，媽媽哼著搖籃曲，摸住肚幻想，到底BB係點嘅樣呢？有趣嘅係，BB會俾反應，真係會聽到。所以當第一次Chorus（副歌）完咗，我擺咗一段鋼琴彈嘅搖籃曲，到第二次（搖籃曲）出現，就係Bridge（連接段）之後，我搵咗一把女聲嚟唱。」 _ 王雙駿說，關於女聲人選最初沒甚頭緒，湊巧地那段時間他和啤老師在談其他事情，靈機一觸，他便想起啤老師是個適合人選。雖然她並不是媽媽，但就教過很多學生，同樣亦是一位演員，於是乎膽粗粗邀請她幫手。頭幾次錄音，他依然未有感覺，直至啤老師見到一樣東西。「我錄音室擺咗隻啤啤熊公仔，佢見到就即刻問我：『我可唔可以借嚟？』然後佢就攬住當係一個BB，跟住一唱，我即刻毛管戙，就係要呢種感覺。」 _ 撰寫《砂之器》，王雙駿給自己設計了一系列遊戲規則： （一）要求《砂之器》第一粒音接住《狂人日記》最後粒音，聽起來就是（狂）風起了； （二）《砂》跟《狂》的曲調同為 C sharp minor（升C小調） ，直至chorus才稍轉至C sharp major（升C大調）； （三）「風起了」後一句響起風鈴聲，呼應着《風靈物語》； （四）承接《狂》，弦樂依然扮演重要角色。 _ 「今次呢首歌由我自己寫番，係因為既然自己set咗咁多規則，如果交俾人哋寫又未必知你想點，同埋對人哋都好唔公平。」  _ 訪問中王雙駿不時強調，揀選甚麼樂器、用聲都是有根有據，例如第一同第二個verse（主歌），聽起來已經有明顯分別，後者的Mood and Tone較為黑暗。「第二段Verse（主歌）嘅第一粒音，你會聽到一下重嘅Bass Drum（低音鼓），我特登將個Low End（低頻）較重少少，想營造嘅氣氛係，BB隔著媽媽肚聽到外面（傳嚟）嘅聲音，就係呢種聽落好遠又模模哋嘅感覺。 」 _ 《砂之器》，代表著王雙駿第五次與Jer合作。經歷一年幾的磨合，見證著Jer起初錄 《水刑物語》時極無信心，到後來慢慢進入狀態，發掘到他更多的音樂潛能，Carl打趣說：「我同佢講：『你條命係屬於辛苦命㗎喇！作品只會一首比一首難唱。』難度不在於要幾高音，而係情緒投入度要好高先得。但佢份人好鍾意思考，好有諗法，俾份歌詞佢睇，好快已經有曬畫面。」  _ 至於第六首作品，亦即是重生三部曲的最終章，王雙駿說其實Demo一早已經寫好，務請大家拭目以待！ _ （30072021）

《砂之器》編曲解構 完成《狂人日記》之後，其實已經有咗第三部曲嘅Demo，又由於我自己嘅執著，定下咗今年三部都要首尾呼應（係，完全冇問過小克 @diuhak 同阿Jer @jeremylaous 😅）喺諸多限制下，全世界只有自己肯同自己玩呢個遊戲啦⋯⋯ 第二部曲我覺得係要一首「浪漫」嘅歌去中和第一部曲嘅狂，而又可帶落第三部曲嘅XXX，而母子之間嘅愛係一早（二月底）大家已經共識咗嘅題目；花咗大概兩個月嘅時間去寫，都唔知寫咗幾多個版本🤯⋯⋯終於喺五月頭寫好，不過正值Mirror開show，所以冇通知阿Jer（因為佢實分心😏）我尾場喺後台只係問佢「你聽日有咩做？」，然後5月12號就send畀大家聽。 第一句「風 起 了」，如小克所講係緊接上一部曲最尾嘅「狂～～」，不過其實重有一個細節令我用呢三個音 - 3 2 1 （me re do），因為「狂」係 6 1 2 （la do re）所以加埋就係類似一個迴環 (嗱-到-喂-Me-喂-到）純屬自己個人貪靚⋯🤓當然陸續有嚟，成首歌最尾嗰三粒音「愛 永 久」係倒返轉嗰三個音，用上 1 2 3 （do re me）重未止，中間又嚟 -「重投入」1 2 3 對 「這萬年」 3 2 1。 編曲方面，主要都係想營造BB喺子宮內羊水中嘅環境，所以有啲朋友問有個好似「上鍊」嘅聲喺第二段verse度出現係想表達乜嘢？我嘅設計係好似一啲養份由媽媽經過臍帶輸送到BB體內同埋好似係母子之間嘅一啲用嚟溝通嘅密碼。 有追開「物語系列」嘅朋友應該會發現一開始已經有《風靈物語》嘅風同風鈴聲，再到副歌部分就有《狂人日記》嘅synth pad同《迴光物語》嘅synth lead。唱到「因果的樞紐」有一吓水滴聲，亦都係子宮內嘅聲音。隨後用鋼琴簡單地彈出一段搖籃曲來作一個比較溫馨嘅氣氛，然後又由major key轉入minor key的2nd verse。 進入第二次副歌時，鼓及弦樂加入推進預備進入bridge嘅高潮，呢段其實我係引用返《風靈》嗰段bridge嘅format去寫，想再一次帶出「輪迴」嘅感覺，我第一次睇到呢一段歌詞係好感動，而且立刻visualise到個music break要做乜！ 一個媽媽輕輕撫摸著肚皮，柔柔地哼著搖籃曲，安慰著肚裡嘅BB⋯⋯呢一個係我見過最美麗嘅畫面 （多謝太太😘）；而BB喺溫暖嘅羊水中隱約聽見媽媽歌聲嘅迴音、殘響，跟住好安樂地預備出生。「漆黑中 只有愛可衝破 漏光的缺口」 最後嘅一次副歌首先breakdown，係經歷瘋狂陣痛（music break）後，BB終於出世，整個世界就喺嗰一刻凝住了⋯ 再到「成長自立後⋯」呢個位，我偷偷彈咗Twinkle Twinkle little star入去，點知好多人都聽到😅 好嘢！👍🏻 與此同時跟《狂》一樣，我都加入orchestra嘅元素入去，woodwinds喺呢個時候就同strings一齊合奏將個氣氛再推高啲（呢段歌詞真係唔能夠辜負）！最後所有樂器停止，只剩低幽幽的鋼琴帶出最後兩句歌詞：「歡笑 可篩走 寛恕 篩不走 説聲對不起 讓愛 永久」 Outro我特登留著弦樂樂手們嘅呼吸聲，我自己覺得係音樂嘅一部分，唔需要Over polish。 另外有一樣想分享係，阿Jer唱嘅所有harmony都係本身曲嘅一部分，有別於一般只是「和音」嘅處理方法。每一個聲部就代表不同嘅轉世，所以特意寫得音域比較高，營造比較女性化嘅感覺。 大概就係咁，希望冇乜漏。😎 P.S. 有一個人一定要多謝，以上講嘅嘢係要靠佢 @frankiehung_fkh 最後嘅混音先可以做到個層次！BTW阿Jer一路以嚟嘅所有歌都係佢Mix嘅👏🏻 #砂之器 #重生系列第二生 #柳應廷 #說聲對不起讓愛永久 #人哋三個鐘編一首歌 #我三個鐘揀一個聲 #學海無涯 #好耐冇寫咁多字 #hongkongmusic #hongkongmusicians #hongkongcomposers #hongkongarranger #hongkongmusicproducer #

. . ✍🏻牙柳新歌《花Jer日記》之創作背景： 關注組一眾老婆s發覺，柳柳近排被一種特殊花香吸引住。既然俾柳柳炒知道咗，牙柳就將心底說話唱出嚟。佢去咗搵《造星2》Team B嘅隊友Eagle幫手，為柳柳創作咗呢首《花Jer日記》，幫柳柳表達佢心底入面對某位極高汁女神嘅情愫💗💗含蓄歌詞包括： 「遇上你的香氣～遇上你多芬芳～此生也難忘記～髮絲的優雅～清新的氣味～那天那初戀的細膩～請準我陪住你～」#咁sweet㗎咩 💡搞到牙柳三魂唔見七魄嘅，原來係女神嘅洗頭水香味。錄完今集《焦急推介》之後，佢去萬寧逐支索、逐支索… 終於俾佢索到！原來佢女神用緊Dove植萃花漾系列，之所以咁香，原來呢隻洗頭水好似幫你做spa咁，因為入面有看得見嘅花瓣*㗎🌸仲有發酵精華，平時damage晒嘅髮絲都幫你修護返，兩隻味～藍風鈴/石榴及花香調🌺🌺配埋另外兩款護髮油膠囊，仲唔又順又滑香噴噴？成office都聞到你陣香氣！ 由7月9到15號，去萬寧買2件**多芬植萃花漾系列頭髮護理產品（洗髮露或護髮油膠囊），即送你維他低糖檸檬茶6包裝，買滿$99**仲會有公仔麵麻油味即食麵5包裝^，啱晒等女神沖完涼洗完頭，煮個麵過佢吃，去呢度拎$10 coupon啦：https://bit.ly/3jzYEwl #牙柳決定拎住Dove植萃花漾系列洗髮露去同女神相認 #極高汁女神 #提示 #長髮飄逸 #戴黑框眼鏡 #全身黑色 #行霸道女總裁路線 #呢排忙女團 #唔係話佢係女團成員呀 #估到未姐 #片尾開估 #係你啦慧君 #係咪調教入面嗰個假慧君 #話時話 #牙柳而家個攣頭髮加highlight造型應該都幾傷下 #染電走唔甩 #仲要成日set頭 #啲頭髮都仲keep得咁健康豐盈 #原來係用咗Dove #不愧係髮質修護專家 #等我都買番支嚟修護下我啲受損髮絲先 #Dove植萃花漾系列 #花瓣洗髮SPA #藍風鈴 #使頭髮豐盈蓬鬆 #紅石榴 #煥活修護受損髮絲 #看得見花瓣 *產品內含酵母發酵產物等成分化成之花瓣 **不包括出位價及換購價產品 ^優惠細節、產品實際價格及實際存貨量均以零售商為準。數量有限，送/售完即止