-- #1102 🇭🇰 銅鑼灣 🥳 素食自助餐 💚 Vegetarian Buffet -- Lunch或者下午茶大概70至80蚊就可以埋單，但晚餐要百幾蚊，好奇點解差咁遠問職員，佢哋提到晚餐款式一定比較多，另外會送冰鎮素咕嚕肉，燉湯。星期六日晚市仲會送素鮑魚。👌 另外，餐廳環境都幾多梳化位，整體幾乾淨舒服。🤩 素食餐廳整體黎講選擇算幾多，但未必樣樣整得似個個嘅口感，或者啱食，但明白始終素食嘅製作同一般食物唔一樣。 -- 👉👉 有咩食? 咩時段咩價錢? 👉👉 -- 🍴 素食自助餐 HK$168 / 位 💲價格為 星期一至五 晚餐時段 90分鐘 . 🍽 餐廳有自取嘅位置係無限添食。🥢 自助攞嘅款式，前菜、冷盤、炸物、熱食、湯品、飲品、甜品等等。 . 素冰鎮咕嚕肉，燉湯就每按人頭份量提供。😛 個人原本都鍾意食冰鎮咕嚕肉，但齋真係第一次食，汁冇坊間嘅咁甜。三人份量唔會另外畀冰做裝飾，所以就冇咁凍，但係都keep到個凍凍地，脆口嘅口感。😂 如果想打卡就約齊4個人去食啦! . ☺️ 比較特別係素壽司、個人對壽司無太大興趣，所以無試，但外貌覺得佢幾得意，朋友食咗話材料係蛋類或者蒟蒻。🤤 另外，串燒個口感做得幾似，但沙嗲醬比較淡。仲有素叉燒，叉燒嘅汁好好食，而且做到叉燒燒完有啲位少少脆脆哋嘅感覺。 . 🍨 甜品我鍾意食佢嘅焦糖燉蛋，椰汁芋圓。 佢燉蛋不定時會出爐， 食到有少少薑汁嘅味，但唔會好重，所以唔洗怕薑嘅辣。😛 椰汁芋圓，椰汁唔會話特別甜，所以都唔係好濃， 材料除咗芋圓仲有珍珠，但珍珠分量仲多過芋圓。 -- 📌 另收加一服務費 -- 美味指數 🌕🌕🌕🌖🌑 樣貌指數 🌕🌕🌕🌑🌑 抵食指數 🌕🌕🌕🌗🌑 服務態度 🌕🌕🌕🌘🌑 餐廳環境 🌕🌕🌕🌗🌑 -- 🏠 素一 📍 銅鑼灣Tower 535 地庫B04號舖 -- 📎 #OS之為食銅鑼灣 📎 #OS之為食港島線