［有錢收你都唔收？好啦，唔好收］歐盟卒之唔再迫愛爾蘭收返143億稅

FT原文：Apple wins landmark court battle with EU over €14.3bn of tax payments　（https://on.ft.com/3fsjVTM）（免費link！）（＊）

TLDR：幾年前嘅鬧劇，歐盟要蘋果交返稅畀愛爾蘭，愛爾蘭堅持唔肯收！而家卒之成功爭取，唔使收。蘋果慳返143億歐元—都等於一季嘅純利，唔小嘢。

1. FT呢張圖真係揀得好。其實埃汾都好重視揀圖，同一單新聞，我揀邊個cap，都好多學問

2. 故事望落好似幾簡單，就係蘋果有143億歐羅嘅稅可以唔使交。但成件事起因係乜起因，又有乜影響？就要講多啲。

3. 就由支旗講起，愛爾蘭（定你以為係象牙海岸／科特迪瓦？）

4. 點解關歐盟事？因為蘋果爭嘅錢，唔係爭美國，係爭愛爾蘭。而愛爾蘭係歐盟成員。

5. 蘋果爭愛爾蘭政府稅，未交咯。但成件事最好笑係：愛爾蘭政府之前一路唔肯收！是真的！（https://bit.ly/3gZsaqT）所以你唔好以為係蘋果拖數歐盟幫愛爾蘭追！而係歐盟之前一定要愛爾蘭收返啲稅！夠唔夠奇怪？

6. 成件事嘅元兇係：愛爾蘭好低稅率，蘋果近乎冇乜點交稅。而歐盟覺得咁樣有問題，一定要愛爾蘭收返，要蘋果交返！

7. 個故事就係，其實我都寫過，好多公司都將歐洲總部設在愛爾蘭（https://fbook.cc/3CJr）。並唔係市場大，而係因為，稅低！

8. 舊文舉嘅例係飛機租賃公司。而其實更重要嘅係，一大堆科技公司，歐洲總部都設在愛爾蘭！Facebook呀，UBER呀，AirBNB呢啲公司，基本上總部放邊都冇乜所謂，咪搵最低稅嘅地方。全部盈利打晒入去，至少歐洲嘅盈利係。

9. 有幾低稅？愛爾蘭原本嘅稅率，收12.5%，已經比歐洲（甚至全世界）絶大多數地位為低。唔止，畀科技公司，甚至係低到2%。仲唔止，仲要咩研發呀之類，仲有得扣稅。所以實際上，蘋果在愛爾蘭嘅effective tax rate，低過1%

10. 咁，又關其他人乜事？就關事咯。如果愛爾蘭唔入歐盟，都仲可能吹你唔脹（但應該都唔係，仲有其他盟）。入咗歐盟嘅，咁你即係搶生意啫，人人咁高稅你咁低，咁啲公司實走晒你度，人才又去晒你度（所以記住，愛爾蘭啲人才，係因為低稅先走過去，未有呢樣嘢前，唔記得勞工質素有幾高）。其他人仲得了？

11. 講白啲，其實同合謀定價一樣。唔畀減價搶生意。不過係政府帶頭。人人都要收咁高稅，唔畀收平。

12. 個理據就話，愛爾蘭收咁低稅，就等同國家補貼。而聽聞呢，呢類東西，係禁止嘅。但凡乜乜貿易協議一定嘈呢啲。但實行起上嚟就極其複雜。美國話中資銀行平錢借畀國企係補貼，之但係聯儲局直接買債又唔係補貼？中東三寶（航空公司）啲超平油超低稅又畀人話補貼。日本津貼農產品（民主嘛，要拉農村票）又係補貼。有排拗，亦益咗好多律師。

13. 最搞笑係，其實最初歐盟判蘋果要交稅返畀愛爾蘭，美國係出嚟鬧的！就梗係唔係維護企業。而係蘋果長年將啲錢泊在海外—你交咗畀愛爾蘭政府，我咪冇得等你調返嚟時抽稅？！（順手講埋，當時係奧巴馬。反而後來侵侵上台係減咗呢啲嘢，所以啲科企有掉返錢返美國）

14. 講到尾，其實你低稅，就等同樣Beggar thy neighbor　以鄰為壑（到底有冇人用呢個中文詞？）。不過愛爾蘭當時包裝係吸引人材，就梗係好多人讚好。同樣地，美國加關稅就梗係Beggar thy neighbor，不過亦好多人讚好。

15. 而當然，愛爾蘭都係計算啫。你入歐盟，咪又要跟呢個玩法。唔順超嘅，可以脫歐的（當然我懷疑脫歐都係可以照搞你，例如你見波音同AirBus都係互鬧足幾十年）。咁你有冇見愛爾蘭話脫歐丫？留低，咪要跟規則

16. 一個關鍵係，愛爾蘭早早用歐元，而英國唔係。當然你好多戀英網友會話歐盟左膠呀歐元區崩潰咁。但事實係，2010咩歐債危機時已經咁講，事隔10年，你見咩意大利希臘，有冇放棄用歐元？有冇一個國家放棄用歐元？反而係大把國家仲爭住入歐元區

17. 順帶一提，理論上，港紙同美國脫勾，掛歐元都得架！

18. 講多兩句，其實全世界其他政府，都會針對呢啲低稅地方。基本上tax heaven 就畀人當係洗黑錢天堂，無非亦係為咗$。除咗公司外，富豪亦都可以避稅，去第個國家做公民。早排仲有單嘢，某富豪因為封城，在某國留得太耐，結果要交足稅。

19. 做銀行做稅務嘅，會知咩係CRS Common Reporting Standard，亦係為免你走稅。因為而家（至少早幾十年係）全球化，你要走嚟走去太易。

20. 亦都所以，如果真係好小心呢，去咩台灣嗰啲，我就建議你唔好開匯豐　星展　花旗　之類嘅戶口。原因？台灣收稅都唔少，利息要收稅，好似仲有資本增值稅。你在香港啲東西，畀銀行見到，可能幫你報去台灣。所以識玩就搵啲最十九嘅銀行，咩彰化銀行　土地銀行　嗰啲就perfect．咪撚貪台灣星展啲台妹靚呀

21. 你睇，又塞錢又你袋，真係幫你慳返唔少錢。快啲去訂片啦。今次好似冇乜人訂！問嗰時又個個話一炮過！唔係200蚊嫌貴嘛？但時間長一個開喎。

22. 最後講股價，你見嗰143億歐羅嘅稅唔使交，咁蘋果講緊一季嘅盈利都係咁上下數，無啦啦多返一季盈利，都幾好。不過你見股價都只係升少少，一來呢舊數係one off。二來科技股近日都弱。三來之前股價都升咗唔少了，一度挑戰400蚊但未成功（399.8就跌返落嚟）。而家講緊係17000億美金市值嘅公司—有幾誇張？舊年咁上下時間，先寫緊　four comma club（ https://fbook.cc/3CJq），10000億市值（1 trillion，1,000,000,000,000，咪四個comma），嗰刻只得微軟一間係會員，但其實蘋果更早入會，只係嗰刻跌出咗。

（＊）拿，真係賣大包手快有手慢冇。FT當然要錢訂，埃汾都有訂，但當然唔少人覺得貴，或者又驚畀咗錢未必有好多時間睇。明白嘅。作為訂戶呢，FT容許埃汾一個月免費share 20篇文，咁我可能留返幾篇畀公司同事。其他得閒我就會貼呢度．不過，掃興在，條link只可以開三次！所以只有最快嗰三位先可以（咁你可以一條友開三次咁仆街嘅）。另外，嗰個月用晒免費link，我就唔會再免費link三隻字，免得你入到去又見到係科水（但當然，如果有3個人快手過你就冇計，所以記得mon實）

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

👜網購已是大勢所趨💻

不要以為我老公很好送我驚喜😅😅
其實是朋友買了先寄我家暫存🙈

🥰我很喜歡這段話 …
自己掙的是應得，他人給的是驚喜！
做個獨立的女人，才能任性的寵自己
其實東西不一定要人送，自己能力買到才任性。

但想要說是Hermes 現在也可以網上訂包了，買到好顏色小可愛的也是不難啊🥰包裝太好了啊，發貨是神速🚀🚀。

說起了包裝呢，最近有段小插曲，有客人收到老媽子幫我寄的貨品用了一些「環保♻️物資」如買菜膠袋，循環用過的紙盒🤣🤣🤣其實順豐自去年暫停提供包裝服務需要另收費包裝已是明確地反映包裝物料的浪費。部分客人說笑老人家很環保♻️當然也料到有不喜歡的。我在這問題上日後會有相應措施，希望會改善一下這包裝的問題🤔

最近忙一些新的發展，將會有好消息告訴大家。很多支持我的朋友一直建議我做的終於能實現了。🥰

德國生活 #德國代購 #beautyholic #mamalife #hkgers #instabeauty #hkigers #selfincentive #hermesevelyne #beautybloggers #welovebeauty #德國人妻 #instashop #hermès #familyfun #德國人妻代購 #shopaholic

//支持本Page請Click入內文比Clap，已為Medium收費會員請直接Click入內文閱讀，謝謝！//

//今日上水有人響警署放火魔法又比人屈係鬼，證明捉鬼天屍就係要搞散場運動先心息//

和理非班捉鬼天屍響元旦日最自豪嘅，就係響當日遊行下晝兩點左右，聲稱「捉倒」一男一女響中國人壽舖頭爆玻璃，聲稱聽倒黑衫人叫「自己友」條友直頭當咗自己係英雄，然後民陣仲要加多腳話果兩名黑衣人「同平時接觸嘅抗爭者好唔同」。但其實呢個就正正係一個黃屍捉鬼嘅範例。

點解呢一男一女會被屈係鬼呢？

1. 因為遊行未正式開始經已進行破壞，正常勇武唔會咁做；
2. 當有途人問及一男一女係咪手足時，兩人支吾以對；
3. 當二人被包圍要求確認身份時，開始慌忙逃走
4. 有受訪者稱睇見二人往放暴警方向逃去，並向防暴警聲稱「自己人」，

有人話四點夾埋就係一個有Full Picture嘅臥底破壞，但當你拆開逐個黎睇，你係會發現破綻百出：

第一，早咗裝修就叫係鬼？我之前都寫文講過，依過往勇武同和理非之間嘅默契，行完先郁手係比較理想做法，但掉番轉講，太早郁手你最多咪話佢唔理想、要求下次改善囉，幾時變咗自己唔鍾意嘅嘢發生就一定係鬼做？

咁會唔會聽日開始，有黃屍用開匯豐覺得無咗ATM唔方便，就所有裝修匯豐ATM嘅都係鬼？後日直頭唔鍾意裝修，就所有裝修都係鬼？ 黃屍幾時變咗宗教審判庭，可以為咩係鬼落定義？

第二，自6月以黎落場咁多次，前中後線抗爭者我接觸唔少，可以話係五花八門咩人都有；口齒唔伶俐、性格古怪嘅唔在少數，即係而家好多人嘲笑嘅陳梓維咪就係其中一個囉。甚至乎可以講，勇武派唔少都不擅言辭。

再者，知唔知勇武派響出手一刻，究竟要立刻要承受幾大壓力？由佢扑爛第一塊玻璃開始，經已揹住刑事毀壞、破壞社會公眾安寧、非法藏有攻擊性武器三條罪響身，面對嘅隨時係以年計嘅監禁；

然後包圍佢果班捉鬼天屍，一時又話要搜袋、一時又話要Check手機，然後仲要全程直播影住，每一樣嘢都係令佢增加暴露身份嘅危機──知唔知點解有啲抗爭者比你班天屍圍住果陣咁順攤比你搜袋呀，係因為佢地仲未郁手呀，郁撚咗手仲要比你班友圍撚住，點知捉鬼果班會唔會係臥底假扮架？就算唔撚係，比你班天屍包圍果陣突然有防暴衝過黎拉人點算？唔撚通靠你班和理天屍頂住？分分鐘和理天屍為咗自保，仲可以推兩個人出去送死！

所以慌忙逃走，根本就唔係啲咩內心有鬼，而係自保嘅唯一方法！

第三，果個所謂「自己人」嘅證言，個撚個黃屍信到十足十，但其實只係出於某位受訪者把口。李司棋話：「呢度唔係法庭，我對眼就係證據」，問題係有記者係影住哂成個黑衣人破壞、被圍堵、逃走，但全部都無影倒講「自己人」呢啲對白──片就無，你口講就話有，點解我要信你？如果講過信字，事後有義士PM岳義士承認自己當日就係裝修其中一份子，點解唔係信佢而係要信你班黃屍？

第四，至於話佢地故意走向防暴方向，然後警察全無郁手，呢啲又係影片完全無影到：以我所知，其實當時警方根本未有封鎖到成條馬路，佢地只係繞過防暴警嘅另一邊馬路離開，所以根本唔存在叫「自己人」之後再有警方接應呢件事。

第五，反而電台果班聽眾愈吹愈勁，9噏到乜嘢「再嘈我就掹槍」，喂，我地睇過咁多個臥底郁手嘅片段，有邊個唔係有槍就直接掹出黎指嚇市民？其實自從抗爭開始後，好多和理非黃屍出於本身對勇武嘅厭惡，基本上對所有破壞都疑神疑鬼，佢地會將一啲幻想出黎嘅事件當真咁講（例如七一衝立法會果日，經已唔止一個黃屍話見倒有黑社會響現場煽動群眾）、甚至認為講錯都無所謂，因為呢啲係「善意的謠言」，假都好，只要對佢心目中嘅運動發展有幫助就無問題。

當然去到呢一刻，我無話百份百肯定在場果兩位究竟係咪真義士，但更大嘅問題卻係，當唔可以肯定佢一定係鬼嘅時候，一班和理天屍一口咬定佢地係鬼嘅如果會係點？

跟住又令我諗番起早前大埔槍擊案被捕嘅18歲少年，響上庭前透過連登攬炒爸發表宣言：

「寧願全世界知我係手足，都唔願意俾人話係鬼。」

當初睇見呢句嘢我係感到非常震撼，因為當日呢件槍擊案發生時，雖然我無話到義士係鬼，但都曾一度懷疑究竟單案係咪真嘅：然後我諗當日如果同班和理天屍一樣，走去有理無理捉埋一份鬼，我諗我呢一世都唔會有資格抬頭面對一班義士。

警方派臥底混入人群，對於咩人最高風險？當然就係勇武派人士：你睇近日大圍捕，駛乜臥底郁手，一頭一尾街頭「截龍」，所有市民就立刻變成待宰羔羊，任拉任鎖；只有會反抗、會用武力嘗試衝破警方圍捕嘅勇武派，先至係臥底行動之下最高風險人士。

但點解警方一而再、再而三響各個抗爭運動入面混入臥底之後，勇武抗爭者仍然不停透過民間記者會、網上文宣不停叫人唔好捉鬼？

1. 因為勇武義士係有行動嘅榮譽感，就算唔想暴露身份，都希望外人認同自己嘅貢獻；任何詆譭勇武行動對佢地黎講都係一種污名化打擊。

2. 歷史上有無真係成功捉鬼？係有，包括機場成功捉倒疑似公安；仲有將軍澳捉倒疑似臥底警被獅鳥。但相比之下，捉錯鬼嘅比例卻係遠遠比前者多。仲有，就算捉倒鬼又點？你班和理天屍捉完咪又撚係放生人地；仲要勇武派想出黎獅鳥果陣，天屍就立刻化身成阻膠阻9住哂放生隻鬼走，咁你捉黎有撚用？

3. 元旦遊行晚上，和理天屍亂咁捉鬼，被屈義士響被搜袋、除口罩同埋Check手機之後已直接講咗：「而家比人起哂底、見哂樣，以後唔駛再出黎抗爭」。

喂，點解抗爭義士每次比人影大頭都咁緊張、搞到要私了？就係因為怕身份曝光比警察搵上門。而家你呢班捉鬼天屍，響直播鏡頭面前要求人地除乜除物比你搜袋，咁同班影大頭嘅藍屍大陸佬有乜分別？

元旦遊行當日有一位戴助聽器被屈係鬼嘅義士，結果搞到比人起哂底，原來佢份職業係唔容許上街抗爭嘅，班捉鬼天屍有無為自己嘅所作所為後悔過半秒？係連句So99ry都無。

然後當高風險嘅勇武派已三番四次呼籲唔好捉鬼，但和理天屍完全唔理、捉鬼行動仲要變本加厲之後，剩番落黎只有一個可能性：就係和理非原教旨主義者，想借住捉鬼行動搞分化、瓦解勇武派：

不停捉鬼立刻產生嘅一個效果就係，唔少勇武小隊宣佈退出抗爭前線，而理由亦非常簡單：只要和理天屍繼續不停捉鬼，前線義士將會置身於一個極其危險嘅被起底、被圍堵嘅環境，而做完之後仲要被屈係破壞行動嘅內鬼，仲邊有人再願意出黎為香港人冒險？

然後當勇武派愈來愈多退出前線，香港抗爭運動又再回歸番6月9日之前準時集合，準時解散嘅行禮如儀式集會，最開心嘅，當然又係以蕭若元、劉細良為首，成撚日話衝擊係鬼、勇武係中咗政府嘅局、堅持《逃犯條例》修訂撤回同勇武抗爭無關嘅「和理非原教旨主義者」囉！

結果好諷刺地，成功止暴制亂嘅唔係特區政府、亦唔係警察，而係呢班和理天屍。佢地充份明白「堡壘要從內部攻破」嘅精髓，口講「同情後生仔」、「不分化不篤灰不割席」，但實質卻係借住捉鬼黎肅清自己唔鍾意嘅勇武派。

所以呢班捉鬼天屍，無論係有意定無意，其實就係將勇武派義士當Condom、就係借住捉鬼同勇武派分化割席嘅敗類；當半年黎苦苦相勸都唔聽嘅時候，如果再唔做啲嘢清剿呢班天屍，抗爭最終必被搞散。