【深夜綠文】分享我的寄書流程及進度

各位讀者好，詳細跟大家分享一下我寄書的過程，因為我知道大家也很關心何時收到書呢。

首先是書本運到來我家，我簽好名，再用公文袋包裝好。

但並不是立即就可以寄出，因為還要填上或更改大家的資料，再把運送單印出來貼上公文袋，然後就終於可以寄書了？

不是～

因為大家的訂單分為【郵局自取】、【平郵】及【順豐到付】，然後有買一本、兩本、三本或更多的。

所以，還要一天去郵局，一天去順豐；一批是一本的，另一批是兩本的；一批是郵局自取的、一批是平郵的⋯⋯等等。

而最大問題是，我這位小胖子的力量，只能一天搬300本書去寄，順豐則可以上門收件，但我一天也大概簽好300本、入單及包裝。

所以簡單來說，我一天可寄300本郵局或300本順豐。而其他時間則是友善的客服，回覆大家的查詢。

以前一般來說，一至兩星期都可以寄出了，但今次很感恩地，總訂單有7000多本。但同時很抱歉，要大家等很久，尤其因為之前新年假及燙金工序的延誤。

我再一次跟大家道歉。

我會加快進度的。

我暫時寄出了大概有1000多本，依日期來說的話，其實不是一個很好的標準。

因為

31/1 的訂單數是729。
1/2 的訂單數是621。
2/2的是500。
3/2的是1027。
4/2 的是984。
5/2 的是1010。

接下來大概每天都平均幾百，再緩緩達至7000。

所以假設是6/2買的，已經快等了一個月，心想何時會收到，但雖然只相隔幾天，前面還有3000多本要排隊⋯⋯

這大概就是我的運送情況，希望可以讓大家了解，不過我不是想叫大家體諒或耐心等，只是純粹分享一下我的寄書生活，大家可以照樣查詢及催單的，我很明白。

謝謝大家，我會不時Update進度的。

海外的朋友放心，因為寄送更需時，所以我也會陸續寄出的。

如果大家想快點取書，不想心掛掛何時收到，歡迎報名我3月份的簽書會，即場取書更有小禮物送！如已付運費也會即場退回。

【en.official.hk X 莎比亞 】週末【綠】市集

日期：3月27及28日
地點：旺角奶路臣街38號麥花臣匯CGA電競館地面
時間：13:00 - 20:00

報名連結：https://forms.gle/CqJosWwGKsCT2qEu7

到時即場會出售我四本著作《深夜綠文》、《原來比單戀更寂寞》、《戀愛幸福學》、《吵架了還想再擁抱》

數量有限，我不會搬太多書去，建議先預購留貨：https://sapeiar.boutir.com/

《致各位買咗月曆同埋打算買嘅朋友仔》

首先已經陸續回覆同埋整理大家order，星期五六日交咗payment record嘅朋友請預計我地會星期一或二寄出，但係有少少問題見到大家有疑問，而家綜合一下。

1）落單流程

Add to cart 👉 Proceed to checkout 👉 填名、地址、電話、電郵👉右下角有個place order 👉 place完會見到account number👉幾乎同一時間你就會收到一封電郵👉稍後可以直接將存款record by 呢個電郵回覆👉因為咁樣就等於自動話埋比我聽你個order number，減少漏單嘅機會，反而inbox好容易會miss咗大家msg。

當你Attach咗入數紙去回覆電郵之後👉系統又會喺一至兩日內再send個電郵比你👉同你講明幾時寄出，大約幾時收到。

如果你send完payment record黎都未收到回覆，只係我手腳太慢㗎啫，答應你呢個星期六日一定清晒所有訂單msg同埋電郵，驚你地以為我係「全新串燒保2.0」🙈

2）收唔到電郵

可能喺junk box，可以去望一望，再冇就inbox我吖❤️有收到email盡量email覆，因為會減少出錯機會，冇咁亂。

3）幾時會寄出月曆

收到你地payment record後，我會一至兩日內寄出，你地都會相隔一至兩日內收到，我希望大家星期五（12月20）之前收晒，假設你已完成付款程序。

4）寫名問題

我一直都避開用簽名呢個字眼，因為費事你串我扮歌星😂大家可以by入完數之後個confirmation letter話我知需唔需要寫你地個名，有朋友想我寫，有朋友咩都唔使寫，甚至有朋友話：「哎....你寫我個名得喇，你唔使簽....」

Ok, fine，你串吖嘛，齋寫你個名囉😭😭😭😭

Anyway，簽名個樣就好似幅圖咁喇❤️（唔知點解，我feel到大家會叫我唔好簽唔好搞事）

5）海外訂單

我地預留咗少少畀海外朋友之後用paypal結算，但真係唔多，請見諒，應該星期一會出條link。

6）順豐寄貨

有幾位朋友仔問可唔可以唔用順豐，我理解既，不過因為順豐可以上門收件，我地人手唔夠，冇辦法運幾百件月曆出去郵局或儲物櫃，最大原因係之前印刷廠10月24號先推單，我地重新搵香港廠以致太遲印起，希望大家體諒🙏🏻。

郵局平郵唔可行，因為入唔到郵箱，冇tracking number，如果係寄掛號，成本連埋包裝，單係郵費一個月曆已經會超過40，同埋做唔到運費到付，亦做唔到上門收件。

有人提議面交，抱歉，唔可行；有人提議搵人上門收件，但我同員工都係喺自己屋企寄件，唔希望佢哋幫我做嘢而要透露私人地址，以上種種希望大家諒解🙏🏻🙏🏻🙏🏻

＝＝＝＝＝＝＝＝＝＝＝＝＝＝＝＝＝＝

最後想分享我同一個傑出員工嘅真情對話：

「死喇，我驚賣唔晒。」

同事：「我唔擔心喎！」

沾沾自喜，原來我嘅員工好相信佢老闆，不過循例想聽下讚美說話：「唔擔心？點解呀？」

同事：「因為印月曆啲錢都唔係我既。」

@!#$%^&*(!@#$%^^&*()

#你聽日唔使返工喇
#因為聽日係星期日