市集後記/ 話你知，今次係我第二次擺市集，第一次係呢個ig仲係摺摺子嘅四年前。頂，四年前嘅我連dse都未考，四年後嘅今日仲有一年就u grad。時間過得好快，有啲上次有來支持嘅人，今次已經變咗陌生人；有啲上次冇來嘅，今次就出現咗。講咗咁多，其實我只係想講：我好耐都唔會擺一次市集，可能等多四年後先會再見到我擺（哈哈），所以每次都係好獨特好深刻嘅記憶，好多謝每個支持我嘅人！ 首先多謝我嘅最佳拍擋韓小姐。我其實數學感係負數，之前返pt做收銀試過收多咗成一百蚊錢，個客望住張單呆咗，所以有讀accounting嘅韓小姐來幫我收錢計數，簡直係超幸福嘅事😭我知我預備得好hea，搞到有好多不便，但佢都冇怨言，捱住曝曬咁默默幫我計數mark數揾散紙...... 多謝妳！！！！ 仲要多謝每個來支持嘅朋友。多謝ELFss，我知美孚真係好偏遠，但你地都特登過來撐場，你地杯芝士奶蓋幫我吊咗成個下晝命😭又喺我放飛咗個攤嘅時候幫我手做住檔主sell野先😭仲有熊和熊貓一起去嘅淑慧子，雖然我唔知你主要係撐pieber定掛住我😏但我會當你係想見我多啲☺️仲有多謝雖然冇影相，但順便過來支持我，做我臨收檔嘅最後一個客嘅人。其實仲多謝隔離檔密友pieber，頂全日冇影過合照，但多謝你成日幫我唱錢又借散紙俾我，都多謝你幫我影相留倩影☺️仲有多謝喺背後辛勞付出嘅思齡姐。 頂，點會唔多謝你地呀！多謝特登來支持我嘅followers～有特登調時間一早來搶schedule嘅忠粉（一個鐘都冇schedule就沒有了，有啲難離難捨），有喺筲箕灣專程過來支持我嘅熟客，有搶唔到schedule覺得可惜嘅followers，有同埋爸爸媽媽來買市集限定postcard嘅後生仔女（細過我就叫你後生仔女）...... 仲有來唔到市集但一直好supportive嘅忠粉們！雖然我好黑好膠，簡直就係一舊黑膠（唱片，sor想搞gag），但多謝每個欣賞我、肯定我，一望到我啲畫會大嗌「好靚呀！」嘅人（有個女仔講咗好多次我啲畫好靚，我好開心）～我會繼續努力，唔會出名，keep住呢個可以同客人有密切交流又唔會太工廠化嘅規模！yeah！講完！ Btw哈比盈好鍾意着長裙，雖然着出來矮矮的，呵呵呵。

今日拍左條網上問功課係關於 Maths - Core 大家有興趣可以睇下 問題節錄 vertex of y=f(x) is (3, -4) f(x) = g(2x+1) find the vertex of y=g(x) ______________ y=f(x) 的頂點為 (3, -4) f(x) = g(2x+1) 求 y=g(x) 的頂點坐標 答案︰ https://youtu.be/iD7ozv2h2go ----------------------------- HKDSE Mathematics 數學天書 訂購詳情及表格:http://goo.gl/forms/NgqVAfMVB9 ------------------------------ HKDSE 數學 Core 各天書 的內容: https://www.facebook.com/hy.publishin... HKDSE 數學 Core 特別快車班 28堂 (共7本天書) 完成整個 HKDSE 數學 Core (中一至中六) 要考的所有課題， 適合任何考 HKDSE 的同學上課 (中四至中六都合適) (p.s. Herman Yeung 所有天書，中英對照) ------------------------------- Please subscribe 請訂閱 : https://www.youtube.com/hermanyeung?s... ----------------------------------- Blogger : https://hermanutube.blogspot.com/2016... Facebook : https://www.facebook.com/hy.page YouTube: https://www.youtube.com/HermanYeung Instagram: https://www.instagram.com/hermanyeung_hy ----------------------------------

杜氏數學YouTube 40000訂閱，忙住搞條慶祝片，身體又差咗陣，隔咗一排無寫《數學外掛懶人包》 ，今日正式復工👏 . 上兩回提要：用坐標系統將【線】定位，其實都只係幫條線上面嘅【點】定位。鑑於線係由無限點組成，要表達無限樣嘢就唯有靠代數x同y，以（x,y）代表嗰無限點嘅坐標。線唔同，無限點嘅坐標，都會有唔同嘅規律。正如唔同廁所，就會有唔同人入去，男廁由男人用，女廁由女人用。 . 詳細自己爬返Post。 . 今日會示範用呢個思維，去研究直線方程！當你讀通呢個思維，所有坐標Topics近乎無嘢溫、無嘢背，學霸就係咁讀。 . 📣Are you READY!? . 舉個例，你發現有條直線，穿過兩點，分別係A(1,2)同埋B(3,8)，請問點樣將呢條直線定位？ . 若然你「挑！」一聲，然後背式，寫條直線方程出嚟，心裏鬧我咁淺都攞嚟講，請你出去！呢度唔歡迎你，你至叻！到你讀到隻狗咁，唔好問我點樣讀得輕鬆啲；到你見到陌生題型，唔識做，唔好問我點算。因果報應，抵你嘅！ . 言歸正傳，首先，我地要承認一件事，就係：我地係無直接嘅方法，將一條線定位嘅，我地只能夠幫一粒點定位。 . 問題係依定條直線上面，有無限咁多粒點，實在寫唔曬出嚟，就唯有用（x,y）表達。 . 之但係，點點都可以叫（x,y）架，薛家燕額頭粒痣可以話佢喺（x,y）！究竟喺AB呢條直線上面嘅點嘅x值同y值，有咩咁特別先？係特別到直線以外嘅點無呢個特質嘅！ . 🤔係咩呢？直線上嘅點有咩特質呢？ . 答案就係：無論你拎邊兩點嚟計斜率（Slope）都會相同－－喺同一條直線上面，即係喺同一條斜路度，咁梗係一樣咁斜啦！ . 換言之，若然我拎嗰無限點（x,y）同A(1,2)去計斜率： . (y - 2)/(x - 1) . 再拎B(3,8)同A(1,2)去計斜率： . (8 - 2)/(3 - 1) = 6/2 = 3 . 兩者都係計緊同一條直線斜路，斜率一定相同。既然相同，即係可以拎個等號連繫兩者： . (y - 2)/(x - 1) = 3 . 再化簡佢，就係平時見開嘅樣「3x - y - 1 = 0」。換言之，喺AB呢條直線上面嘅點，佢地坐標嘅x值y值必定會符合「3x - y - 1 = 0」，唔符合嘅點就唔喺條線上面。情況就好似腳板底一定要寫住反清復明，先至係天地會嘅人咁，無寫就唔係。完。 . 任你求其揀兩點嚟連直線，用上述嘅方法計方程，最終嘅答案無獨有偶都一定離不開「乜x乜y乜=0」，所以教科書通常就會咁寫【Ax + By + C =0】嚟代表直線嘅定位。 . 點解學校會有咁多課要教？因為佢直線教一課、拋物線教一課、圓圈又教一課，BlaBlaBlah。查實換湯不換藥，只係【唔同線，啲點有唔同特質】僅此而已。 . 只係【唔同線，啲點有唔同特質】僅此而已。 只係【唔同線，啲點有唔同特質】僅此而已。 只係【唔同線，啲點有唔同特質】僅此而已。 . 直線特質：相同斜率；拋物線特質：有頂點、可以向上或向下無限走；圓圈特質：與圓心保持半徑距離；諸如此類，查實又連繫到軌跡（Locus）嗰課。 . Aim High嘅同學仔，想搞掂埋啲陌生坐標題，一定要諗通呢套思維。每個數學高材生都一定係咁諗，直頭已經內化咗成為本能，所以佢地咁諗，但未必咁講到個原理出嚟，你唔識，佢地會好唔理解點解你咁都唔識，其實因為佢地已經內化咗呢個思路。 . 馬上畀個讚好，分享去自己嘅班group，諗到卡關嘅歡迎你問我，今次嘅《數學外掛懶人包》係咁先，下次都會繼續講坐標，教返啲學校理應要教你而又無教嘅概念，以後唔怕陌生題型。我嘅理念係：幫香港年輕人花最短時間考好數學，跨過迂腐嘅考試制度，留返啲時間發展人生，做自己真正中意做嘅事。