風雪交加攻頂記
零晨1點45分,
館裏面開始有鬧鐘響。
我同Elmo由沈睡中醒過嚟,
室外氣溫已經降到零下2度,
離開張床之後,
凍到睡意都無哂,
用要用冰水洗臉刷牙,
當堂成個人都醒唒。
要睇晨光一線,
必須六點前到達山頂等太陽由東方升起,
以我地琴日差d入住唔到山小屋計算,
仲有上山頂既路越...
風雪交加攻頂記
零晨1點45分,
館裏面開始有鬧鐘響。
我同Elmo由沈睡中醒過嚟,
室外氣溫已經降到零下2度,
離開張床之後,
凍到睡意都無哂,
用要用冰水洗臉刷牙,
當堂成個人都醒唒。
要睇晨光一線,
必須六點前到達山頂等太陽由東方升起,
以我地琴日差d入住唔到山小屋計算,
仲有上山頂既路越黎越窄,
預計人流會多到爆。
所以2點左右,
我同Elmo 已經開始出發,
漆黑嘅夜空,
只有幾隻螢火蟲向上移動,
Which is 少數人。
繼續嘅都係呼吸困難,
加上休息不足,
行動緩慢,
行左個幾鐘終於上到九合目。
凌晨四點,
見到Bowie同大佬彭已經換好衫,
蓄勢待發等住我哋一齊出發。
因為有好多人住九合目,
所以上到去嘅時候已經開始出現人龍,
要等前面嘅人上咗去之後,
我哋先可以跟住條隊上。
天氣又再不似預期,
竟然又落雨,
因為實在太凍,
啲雨變咗雪。
漆黑嘅環境底下,
你會見到好多着雨衣嘅人一直往上爬,
係,
係用手爬!
因為最後由九合目到山頂條路係斜到行唔到,
側邊左右兩邊都會有條大麻繩俾你扯住爬上去,
我會形容果條唔係路,
係一堆石頭。
加上落雪嘅關係,
所有石仔都變得非常濕滑,
勁多人仆街。
石頭上面有幾個工作人員,
不停咁叫登山者唔好半路停低,
因為一停低就會擋住晒後面所有人。
即使係咁樣,
我依然見到有好多人上到半路唔夠氣停咗喺度,
坐係啲石頭度,
最後俾工作人員拉佢起身,
逼佢爬上山頂。
而我都係其中一個,
Sorry 囉!
就係我坐喺石頭休息嗰幾秒間,
回頭望落山底嘅人龍起碼到七盒目,
手腳已經凍到好痛既我,
喺群眾嘅壓力底下,
一路流鼻水一路爬上山。
經過一個鐘頭之後,
我地終於到咗山頂喇。
但係你信我,
你爬到上山頂之後,
其實你已經冇晒mood睇嗰個咩晨光第一線,
我哋都算係第一批到山頂嘅人,
那那林壩定個靚位等日出,
不過真係好凍好眼瞓,
我係等嘅過程之中幾乎休克。
大老彭同Bowie 係咁叫我唔好瞓,
話驚我好似天與地咁,
瞓着咗就醒唔番。
嗰一刻,
我真係唔想睇乜鬼晨光第一線,
我啲手手腳腳已經凍到由痛變到冇晒感覺,
我淨係好想返屋企。
眼皮再打唔開就快進入睡眠狀態,
男士們見狀,
即刻拉大隊沖入山頂唯一有熱食嘅地方,
買麵豉湯飲,
但係淨係排隊都排左半個鐘,
個碗麵豉湯,
簡直拯救咗我嘅生命。
最後,
早上六點,
屌你老母,
初頭以為未日出啦,
原太大霧乜鳩都睇唔到個天都光晒。
Okay~
晨光第一線bye bye!
於是嗱嗱臨落返山,
因為我哋嘅飛機係5點返香港。
飲咗碗麵豉湯雖然好似救左我條命,
但係沿途下山嘅時候,
係一個廁所都冇,
加上條路剩係得石沙,
又係睇緊另一場表演,
就係睇啲人點樣線低。
基本10秒鐘就會見到一個人線低。
而我呢就忍住麵豉湯,
一步又一步連埋啲石仔滑落山,
一滑滑左四個鐘,
何其戇鳩!
落到山底已經12點喇,
食左小小野即刻仆上巴士,
坐咗三個鐘頭車終於到到新宿站。
然後我哋就要由新宿站趕去機場,
時間緊迫,
我好大力咁樣抱住elmo一下,
就同佢喺新宿站到告別左,
好多嘢都唔使講出嚟,
有你呢個朋友陪我癲係我嘅榮幸。
趕上火車之後,
其實已經攰到唔知講咩好,
剩返低我哋三個進入無言狀態,
落車火車之後,
又再衝向Check in櫃檯,
時間啱啱好,
入咗去冇耐就要登機喇!
係呢兩日裏面,
富士山嘅景色雖然好靚,
但係比我最大嘅滿足感,
係我哋嘅一份堅持。
有時人生中就係好多無奈,
想繼續前進又怕自己做唔到,
想退後落嚟又冇路可退。
人生路上總會有好多唔同嘅挫折,
猶如富士山上嘅石路,
但係你唔仆過,
你唔跌過,你唔挑戰過,
你永遠唔知道你自己原來都可以做到。
無論結果係點都好,
睇唔到晨光第一線都好,
但我永遠都唔會有遺憾自己冇試過。
最後要多謝多一次Elmo Bowie 同大佬彭,
冇你哋我都怕唔到上去。
Anyway,
『無爬過富士山的人是笨蛋,爬第二次的人都係笨蛋』
我留返係屋企睇日出都唔會做笨蛋。
未爬富士山嘅笨蛋,
你哋準備好未啊?
睇多D遊記先上山啊!
#日本 #旅行すきな人と繋がりたい #富士山 #人像攝影 #旅行 #bookshop #hkig #travelphotography #travel #travelblogger #traveler #vintage #iphonexs #vsco #utravel #japan #日本 #agoda #visitkyoto #写真好きな人と繋がりたい #shorthair #explorejapan #japantravel #japan #hkiger #旅遊日記 #遊記 #長文 #長文慎入
頂笨仔螢火蟲 在 漂浪島嶼--munch Facebook 的最讚貼文
嘉義頂笨仔螢火蟲大爆發!