#eatying九龍城 🏠火鍋頭 @ 九龍城龍岡道17號地舖及1樓 —————————— 火鍋湯頭: #椰子雞湯 $188 法國玫瑰龍蝦 $238/隻 貝盛(北海道野生元貝+韓國北寄貝+刀貝) $198 桂花蚌 $108 頂級本地手切肥牛 $238/例牌 —————————— 九龍城俾我嘅感覺就係好多好嘢食😋 因為我學校喺附近，所以我都間唔中嚟呢頭搵食。 今次都係我第一次喺九龍城打邊爐，整體都非常滿意呀！ . 首先，我真係好鍾意呢個椰子雞湯湯底🤤 湯滾咗之後，我趁未落雞件之前先試飲幾啖湯，飲落好清甜，椰味香濃🤤 椰子雞湯嘅雞件有半隻雞咁多，雞件索哂椰子湯底嘅味，所以就算雞胸位我地都食埋🙈 平時我打邊爐落咗牛肉同火鍋配料之後，就覺得個湯底變得好油膩，所以平時打邊爐打到一半左右開始我就唔會淥菜食😂但今次我係直接飲湯飲到最後，只係中間有撇過一兩次油🤣 實在太好飲了，即使加咗兩次湯，湯底依然保持鮮甜椰香🤤所以唔洗怕加湯之後湯底會變淡呢。 . 而且，我都好鐘意今次叫咗嘅海鮮，都好新鮮呢！ #玫瑰龍蝦 雖然size上係比其他龍蝦細少少，但食落都幾多肉，肉質爽彈，夠鮮甜，仲有龍蝦膏添🤤 店家會預先將龍蝦切一半，同朋友一人食半邊就啱啱好😆客人亦可以好方便咁起到龍蝦肉出嚟食。 #貝盛 嘅三款貝類海產都好食，本身新鮮不特止，加上又吸咗椰子雞湯嘅味道，真係雙倍鮮甜🆙 #桂花蚌 原來係海參體內嘅一條肌肉(事後上網google番先知🙈)真係淥兩秒就食得🤣次次準備落嗰陣，就同時準備夾埋佢上嚟🤣口感好爽，幾特別，平時真係好少食，所以我都幾鐘意😛 . 本身猶豫牛肉要牛味濃啲嘅「本地手切肥牛」定油脂豐富啲嘅「手切安格斯肥牛」($208/例牌)，我地最後揀咗前者。 就真係睇你想食邊種牛啦，我地呢款牛望落都知唔會太肥，所以食落肉質就唔會太軟滑，食落有牛味而冇乜油膩感。 想豪啲嘅仲可以叫「手切本地牛頸脊」($328)👻 . 另外都有叫#響鈴($58)同招牌手打墨魚丸拼蝦丸($88)。 響鈴真係即叫即炸；蝦丸食得出真係好足料。 今餐亦有叫飲品，我叫咗酸梅湯($58)，夠四五個人飲了。我一個人飲，好似斟極都仲有好多咁🙈飲落唔會過酸，幾好飲。 . 今次人均六百蚊左右，食到超級飽同滿足呢😝 #eatying港式 #eatying打邊爐 * * * * * #hkig#hkfoodie#hkfoodies#hkfood#hkfoodblog#hkfoodblogger#hkfoodbloggers#foodie#香港小食#香港美食#相機食先#手機食先#食好西#食左先講#食在九龍城#打邊爐#火鍋#火鍋頭#hotpot#huoguotou @huoguotou