［Buy now, pay later］BNPL，金融潮語。其實都潮咗大半年，不過香港咁上下啦。鬼媒講咗年幾兩年Content Creator，都未見香港有乜媒體專門整個beat

1. Buy now, pay later，「屌，咪即係花唄」「有幾撚有創意呀？我中華古已有之」「不過馬雲得罪人之嘛」。其實認真的，唔使括號，花唄都興咗N年，鬼佬而家先開心大現BNPL，完全係reinventing the wheel，不過記住講個英文縮寫就有人覺得好巴閉，Bullshit as a service，Baas．（話時話，Kyle Bass收咗皮未？港紙爆煲冇？）

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

2. OK，正經，「咪即係信用卡分期，有幾大發現呀？」。又唔係喎

3. 首先，香港人好撚有錢，同埋好有信用，香港人係好好嘅債仔，你見啲友真係斬人打劫呃同事呃老婆穿公司櫃桶底都會供樓的！

4. 當然，除咗香港人有錢，客觀亦因為香港丁屎咁細，你走得去邊？唔似美國或以前大陸（而家有晒監控另一回事），改個名換個車牌去第個城市又一條好漢。

5. 所以你見香港批信用卡成功率極高，私人貸款極易借，仲要供樓利息低。一個普通打工仔，一百幾十萬信用卡額絶對唔係難事。

6. 我想講嗰時我在英國讀書？出咗信用卡（開名啦，匯豐），500英鎊信用額。「喂你係學生冇收入點同，唔好偷換概念」。但你可以睇下普通一個香港大學生銀行批幾錢信用額畀佢？（＊）

7. 我知全世界都低息，係呀我唔知呀可？港息大約都跟美息，但，你見美國有冇可能一兩厘供樓？你有冇諗過，香港供樓銀行收你咁平息，賺乜？「cross selling」，「美國唔識cross selling呀？」（咁當然，再三留意返，香港人好撚有錢）。

8. 真相係，香港嘅delinquency rate （拋個英文好似專業啲）極低。即使咩亞洲金融風暴或沙士或乜，你睇報紙咩負資產又跳樓，但，個delinquency rate都係極低—come the 忽on，負資產不等於delinquent！死還死七孔流血還七孔流血！甚至跳樓都不等於delinquent！別傻了星矢，你還有老豆還有老婆！

9. 但認真，咁低嘅delinquency rate，銀行咪圍到數，所以點解香港銀行嘅net interest margin咁低都仲有錢賺。剛睇業績，中銀香港淨息差1.10%，你諗下仲要出糧仲要交租仲要預你啲友燒炭，但居然都仲係賺唔少錢，可見delinquency rate幾咁低。美國？你可以睇下2008嗰時，啲次按有幾多delinquent，求撚其掉低鎖匙就兩腳一伸走人foreclosure，而美國啲銀主盤邊有香港咁正，可以賣原價咁滯（大把銀行拍賣銀主盤有賺添）

10. 同樣原則，你可以應用落去信用卡，私人貸款。

11. 當然仲有，再講一次，香港人好撚有錢。我冇統計過有幾多巴仙嘅人有信用卡，你睇卡數目唔準，因為有啲好似我咁嘅仆街一條友十幾張卡（又如何？）。但，目測香港嘅信用卡滲透率極高，「我Patreon啲讀者好似全部有」（＊＊）

12. 講返，冇去過美國（係呀，我使唔使識整光刻機？ASML NVIDIA又新高啦屌你），但BNPL同信用卡，就真係唔係同一回事。可以係complement 亦可以係substitute （＊＊＊）

13. Patreon會寫，有啲人只用信用卡，有啲人只用BNPL，有啲兩樣一齊。但，咩人係傾向用BNPL？你估到了：非白人（Hispanic或黑人），低收入人士，同埋……年青人，

14. 拿，學嘢？呢啲就學嘢啦。

15. 不過，「不如講返冧把」，Affirm就升五成啦，一舊水咁滯。「但2月嗰時140蚊」，而家先返返年頭水平，你買隻垃圾中移動941跑贏佢一截。估值都係好重要的。

16. 最重要係，Amazon雖然同Affirm合作，但冇話exclusive 喎。Amazon嘅作風啦喎，就行內皆知了，你做過佢對家都知。

17. 至於其他Fintech嘢？韓國嘅KaKao Bank，一上市大過晒韓國所有銀行嘅市值添，亦令呀大股東變咗富豪，同啲財閥平起平坐。你諗下，韓國喎，幾不可思議？

18. 香港？有！「咪螞蟻金服」，嗰時上市成功嘅，肯定大過晒所有銀行，分分鐘係全世界最大嘅金融股（而全世界最大嘅銀融股唔係銀行啦下）。

（＊）話時話，我好想知道，到底唔同大學甚至唔同科嘅學生，信用額會唔會唔同？拿，醒你呀，拎去做final year project啦。理論上呢，「好似醫科生應該信用額高啲」「你點折墮點包尾做個醫管局非合約都五六七皮啦」。不過我估實際上銀行don’t care，同埋費事你話歧視。不過，「如果見到係唔同大學唔同信用額仲好玩」「我覺得教大應該高啲」。同埋，如果真係。拿，真係醒你呀，認真少少拎嚟做MSc dissertation都得（MPhil PhD就未咁求其），「至少認真過我嗰份」又，我份dissertation真係相當垃圾，但我都don’t care，因為我換得去倫敦結算所實習嘅機會，雖然真係坐嗰邊只係幾日。

（＊＊）呢度示範咩係survivorship bias．冇信用卡又點訂你Patreon呢大哥。「其實可以用Paypal」「但冇信用卡又點有Paypal呢老細」「其實係得的」

（＊＊＊）有啲人讀經濟就讀死書，以為A同B一係complement 一係substitute，或者兩者之間 0-1。錯，同樣兩樣嘢，唔同情況下，可以係complement亦可以係substitute．例如？你一拖二咪知！「你有本事可以搞到變complement的」「重口味啲嘅，老婆同外婆都得」

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［點解嘅點解嘅］呀豬豬，你唔使畀我睇，你自己望下，你銀包張信用卡，係咪4字開頭？「嘩，你點知架，好犀利呀～～～～～！」（＊）

原文：Japan facing credit card number shortage as people stay home and shop　（https://bityl.co/3BtX）

TL；DR – 日本人人在家網購，政府又鼓勵無現金交易，結果唔夠信用卡冧把用！

1. 係喎，你拎你銀包張信用卡出嚟。係咪4字開頭呢？街頭魔法王呀。

2. 其實相當無聊，好多人都知，但要明白世上無知少女（或少男）很多。唔係話咩高估自己，但有時唔好低估人地嘅無知。我記得有次我示範用VLOOKUP，啲廢老同事驚為天人。覺得我電腦「好勁」。實則真實識我嘅都知我完全係腦盲，在男性中，電腦嘅嘢10分滿分，我應該排到1或2分（視乎你計唔計啲在老人院嘅阿伯）

3. 講返，信用卡就主要唔係電腦嘢，係銀行或數學嘢。信用卡，或者廣義一般嘅銀行卡，當然有套埃嫂系統。如果信用卡，MasterCard 同 VISA就16位數字，JCB都係16位（＊＊），AE就15，銀聯就16-19位。大來……咩嚟的？三十歲以下應唔會識。

4. 其實唔好以為16個位好見使。因為頭六個數字係識別發卡機構嘅。VISA卡就一定係4字頭，而聽聞VISA卡嘅market share超過一半。舊文寫過，VISA係全世界最大市值金融公司，大過所有間銀行（https://fbook.cc/3ETw）。

5. 所以你估人地信用卡4字開頭，中嘅機會超過一半。蝦條留返自己食得了，想回報嘅記得訂閱Ivan Patreon（https://bit.ly/31QmYj7）。仲有大把好嘢

6. 咁剩返，Master就係5字頭（其實只係51-55，又呃多包蝦條啦），AE就34或37，銀聯62，大來？你肯定你街頭魔法嘅對象用大來？咁你鍾意畀老嘢包養都得嘅，職業無分貴賤（？）。但其實一般有人提起「大來」，我都會一臉天真咁問「係咩嚟架？」「哦，好似有啲印象，睇youtube見香港舊廣告有提過」。正如有人問我知唔知咩係BlackBerry，我都話：「知道！好食的！不過有啲酸」。亦正如有人問我知唔知當年藍莓幾錢，我都答：「因為對眼力好又防癌所以炒到好貴？」。本人是trash talk 之王。

7. 記住，16個數字，發卡機構已經霸咗頭6個位。而最後一個字，係check digit，同你身證份個括號一樣，唔知嘅自己Google（＊＊＊）。即係，16個位，得返9個位用—其實都唔係好多。所以中國醒，十幾億人，而銀聯卡係用到19個位嘅（＊＊＊＊）！印度？唔知喎。「印度有冇信用卡的？
8. 」
9. 講咁耐，就係想講，日本，而家唔夠信用卡數字用！

10. 就我片面理解，日本，並不是十分流行用信用卡嘅。當然大城市都用到，但目測普及程度不算極高。韓國就真係鄉下食豬手都收卡。無意講孰優孰劣或歷史背景，只講事實。

11. 當然仲有，在日本好多時有得碌卡我都唔碌，費事啲匯水呀手淫費呀嗰啲。而且日本人服務十分好（可能背後問我老母啦下），永遠唔會好似香港咁，你畀張五百蚊佢都jeep jeep 聲（呢個真係香港非物質文化遺產，聽到呢個jeep jeep 聲我就知有香港人），亦唔會問你「有冇兩蚊」，更唔會「冇得找」—喂至少人地講冇得找都係好有禮貌！仲講日文！幾優雅！我話你知，在日本呀，黑社會都講日文架！正如在意大利，啲乞兒都講意大利文！幾優雅！在日本買支151 yen嘅coke zero（證明我成日做）就可以找返一大堆散紙，很好（得，我知你想講後面啲人屌我嘛，但人地找錢好快的）

12. 咁相信呢，真係因為人人焗留在家，又開始有WFH（幾年前對好多日本公司嚟講，不可想像），就多咗好多人用信用卡

13. 仲有一點，日本政府舊年，力推無現金交易，有得儲分。所以亦多咗人碌卡，如是我聞。

14. 其實幾年前已經有人諗到呢個問題（唔使好天才都估到啦），就已經叫話加多幾個位。但當然要使啲錢，然後就日本作風，不變應萬變。慢慢嚟。同埋係將啲舊號碼循環再用，即係香港啲電話咁。之但係，就會有機會有詐騙咯。但聽講日本人好誠實嘛（聽講德國人都好誠實，所以有WireCard，講真的，換著係尼日利亞或大陸公司，一早有人質疑，呢啲就係盲點）

15. BTW，非車主，但其實，啲車牌會唔會唔夠用？我細個老豆車牌好似C定D字頭，而家去到乜？WW？之後點？係咪派晒就正式回歸大陸，港XXXXX咁？

（＊）只啱毒撚用。你係吳彥祖嘅，應該估人地底褲咩色，或者上床用乜式都得。

（＊＊）JCB嘛，應該好多人知，日本嘢。當然又係日本八十年代經濟起飛嘅象徵，同日本獨有自己一套電話制式類似，「好似銀聯咁」。香港都有出JCB卡，但極少，東亞同AEON（香港上市公司呀，有機會講下）。台灣反而就好多，台灣人戀日，又加上歷史，互為影響。你計及台灣人嘅人工同財富，台灣人去日本嘅發癲程度，應該勁過香港

（＊＊＊）關於呢個check digit 中學雞年代好多都市傳說，無知真可怕，正如有人堅持話打街頭霸王可以在總統山拎鎖匙打澳洲佬出一陽指，後來就變成You must defeat Sheng Long to stand a chance。呢位同學，而家就變成一個fake news 撚

（＊＊＊＊）無數例子，中國有呢啲late mover advantage，因為起步太慢，一跳就跳走咗。一開始設計就已經知道16個位唔夠銀聯用。
———————————————————
Ivan Patreon 狼耳街華人，一個星期至少三篇，一個月一舊水唔使，兩星期已超過400人訂，仲有兩篇免費試睇：https://bit.ly/31QmYj7
————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？
簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

《花椒之味》：香港民族P牌建國心理戰

香港電影永遠承載香港人之集體意識，不論創作者係有意識接收然後加以轉化，抑或只係無意識透露內心想法，文本呈現都有討論嘅價值，以自己方式合理解讀都係觀眾嘅職責。由鄭秀文主演嘅《花椒之味》表面上係講因為生父離世而引發嘅家庭關係思考，但實際上係講緊主角如何面對過去，認清只有獨立至係快樂之路嘅故事，因為個體人格獨立，處理好自身情緒同家庭問題，從來都係民族健康獨立嘅首要條件。放眼東亞，觸目皆是尚未健全之民族主義，日本有日本人之堅不可摧但精神分裂，韓國有韓國人之長期受壓而強弱不定，而台灣則有台灣人之溫吞猶豫因而顯得行事迂迴，香港民族反而係包袱最輕而起步點又相當高嘅民族建國P牌仔。家庭乃係社會嘅基本結構，情緒則永遠係人類嘅長期困擾，梳理清楚，相信觀眾自然會明白到麻木過後更要精進嘅道理。

喺分析鄭秀文飾演嘅主角之前，首先要為香港人已經唔再留戀過去而拍掌，因為戲中由鍾鎮濤所飾演嘅生父，既非象徵英國，亦無意暗示華夏，直接指向大約成長於七十年代嘅香港人。嗰一輩人仍然未學識何謂愛，只係盲從社會主流去成家立室，但又成世人都唔知自己想要嘅係乜，對於家庭只係情義嘅載體呢一點，可謂近乎無知。佢不擅溝通，對曾經有過嘅三個家庭都不負責任，對主角嘅付出亦極之廉價，就連間餐廳都有經營不善嘅問題。呢類人喺香港其實相當常見，佢地遠離華夏食人族，喺香港土生土長，逐漸享受到自由嘅好處，亦意識到善待他人之必要，但始終未理解自由所附帶嘅義務，亦未明白善良首先要施之於家人，至可以推恩於其他人。於是，生父嘅形象即刻變得鮮明而容易理解：做老公做得失敗，係因為佢對愛情同親情都未有深刻體會，由始至終都係顧及自己感受多於家人感受，不斷轉換對象逃避現實，因而無法獲得三個血親嘅衷心敬愛；而做老闆反而過得去，則係因為佢對自己都係缺乏要求，所以自然接受餐廳嘅分工混亂，亦輕易接受他人未有完成崗位職責之事，結果就滋養出唔算深厚但尚算融洽嘅僱傭關係，獲得外人眼中嘅好人形象，如此形象連貫而完整。

因此，主角喺生父病死後，湧上心頭嘅只有一時迷惘，而非悔不當初，因為生父之失德失格，無論如何都已經係既定事實，亦係主角嘅切身體會。三個角色因為喪禮而聚頭，一齊發現生父之面目模糊，正係佢地建立友誼嘅契機。呢種實際上只係新友情嘅疑似姊妹之情，因血緣而起，但絕非因血緣而建立，事關友情之所以形成，完全係因為佢地三個從共同經歷之中發現大家都係努力尋找自我嘅人。生父令佢地誕生於世上，但從來未有肩負應有之責，所以佢地都係靠自己成就自己——如樹之自知，反映於佢對婚姻有所追求，拒絕未婚夫「我可以結婚」而非「我想結婚」嘅思維混亂，一幕已收以小見大之效；如知改名換姓，精進球技，咁啱遇到事業樽頸而陷入低潮，但最後都發現自己精進嘅榜樣原來係一手湊大自己嘅媽媽，生父廉價支持根本可有可無；而如果就係相當典型嘅一類中國青年，因出國留學而稍為恢復善性，識得飲水思源，再次驗證婆孫關係已經走出華夏食人族自相殘殺之傳統，釋懷收場。香港人、台灣人、中國人三個角色各自步入成長下一階段，都係因為自己諗通，而生父只係佢地人生之中曾經存在而且有待整理嘅一小頁，影響之微小，近乎波瀾不興。

香港人成日假定台灣比香港更有條件獨立，但事實係香港同台灣都各自面對緊獨立之路上嘅唔同處境，而台灣民族組成比香港民族複雜，共識因而更難凝聚，自然仍然處於一種心態上獨立但仍然無法輕易回答出「何謂台灣民族性」嘅狀態。戲中如知酒後哭訴，「如果我們很努力了，但世界沒有因此而更好的時候，怎麼辦？」反映嘅係佢仍然未達到專業運動員應有嘅心境，獨自面對結果，受一時成敗所困擾。戲嘅中段，如知母女發生爭執，由於尚未察覺到生父之廉價鼓勵只係自己幻想補完而成，如知一度以生父更識得講好聽說話去刺激媽媽，令媽媽相當傷心，但到最後佢都係明白到媽媽至係願意同後生共同成長嘅好家長，只係表達方式不當，而生父則係長期缺席，從未愛過自己——隔住電視睇佢桌球比賽，已經係生父唯一願意付出嘅所謂父愛，視佢為曱甴，可謂合情合理。對照如樹始終堅持生父確實係傷害咗大家而拒絕認陌生人為父，如知仍然會因為所謂血緣紐帶而同後父保持距離，自我尚未完全確立，甚至仍然未意識到自己之所以成為後來嘅自己只因受媽媽言行身教而耳濡目染，角色成長又隱約折射出台灣民族之困局。

主角對生父有相當清晰嘅認知，花椒之味不痛不癢，正如佢對生父嘅感情只能止步於麻。由未婚夫變成好朋友（劉德華飾）之後，好朋友繼續堅持如樹生父確實愛過如樹，因為佢自己對如樹所抱持嘅正係類近嘅情感，但如樹清楚知道，愛應該光明正大，可以宣之於口，double negative之修辭，已經係婚姻隨時觸礁嘅預警。認真對待婚姻，寧缺勿濫，其實係香港人剛烈民族性於愛情方面之體現，睇喺旁人眼中或者顯得港女，但如此愛情觀絕對比戲中任何人都要成熟，至少佢自己遇唔到真愛，佢都唔會禍及無辜。而麻醉師（任賢齊飾）之出現，亦有突顯出如樹的確頭腦清醒嘅烘托之效，因為佢欠缺明確目標，遠赴敘利亞不過係憑空想像，不切實際，實際上佢只係喺目前工作崗位感受唔到工作嘅意義。而且，佢一時又鼓勵如樹揸大膽車，一時又斷定如樹唔適合揸車，忽然又慫恿如樹退而求其次唔好堅持自駕遊，角色飄忽不定之特質顯而易見，同一心考好車牌嘅如樹又再形成強烈對比。概而言之，如樹之所以同前者無法成婚，同後者亦無法擦出火花，並非因為佢諸多要求，而係因為佢好清楚過好自己一個人嘅生活，好過因為不甘寂寞而隨便進入一段未必值得經營嘅關係。

於是大家不妨回顧電影開首，如樹係點樣應對cold call同埋婚姻不忠嘅客戶。接到cold call，一般人嘅反應多數係唔聽、直接收線或者真係中招入局，但如樹則係對答自如，令對方知難而退；聽到對方訂機票酒店同第三者出遊，一般人可能會有批判嘅神情，但如樹已經散發出見慣不怪嘅氣場，亦懶得同同事分享，足證佢具有相當消化能力，達到花椒程度。然而，大家必須留意嘅係，如樹之麻木，大異於佢生父之麻木，因為前者係因敏感而麻木，而後者則係因膚淺而麻木，兩人價值觀係截然不同。如樹重視溝通，通情達理，進退有度，麻木一面只係顯示於對待俗務同唔合格嘅人，三個角色合力研發配方之積極聚合，自強不息，正係如樹有血有肉之明證；而由一開始坐喺副駕，去到揸大膽車，再去到結局P牌上路，亦係如樹未有死於習慣而且自信未有受挫嘅例子。P牌代表嘅係通過考試，淨返嘅就係路面實戰，而只要交通規則有法可依，自由之旅自然一路順風，隨心所欲。

香港民族自主權移交之後，亦有飽受華夏食人族風尚衝擊而顯得麻木嘅傾向，一度失去活力，失去自我，但發洩過後，總要成長，至係香港民族內心深處嘅樂天本質。如樹知道生父唔可靠，但亦唔再苛責，因為佢明白命運自有安排，所以專注做好自己，但求問心無愧，就如同香港民族新生代亦已經唔再忙於埋怨上一代人安於逸樂，不思進取，因為大家都已經知道所謂泛民左膠都係全體嘅共業，承受得起，至會進化成更好嘅人。香港上一代人身處於佢地嘅時代，置身於佢地嘅空間，總難免受到局限，民族建國思潮自然不成氣候，但香港民族初生代因理解而成長，已經唔再停留於過去嘅麻木，而係趨向緊自主嘅積極。一年過去，如樹再次目睹大坑舞火龍，睇透上一代人好逸惡勞自有前因，發現自己亦有好逸惡勞之民族特質，但佢已經意識到好逸惡勞本身並非壞事，因為有目標嘅人自然會為尋求樂趣而付出，而更廣闊嘅自由天地，只有勇於開拓嘅人至會成就解鎖。香港人從來都係貪玩易悶，抗爭要多變，要流動，要靈活，但正因為有反省，有承擔，而且身受其害，大家都因而認知到只有獨立至可以保衛福地樂土——天高海闊任我行過後，始終要有家可歸，而屋企代表重門深鎖定係安身之所，完全係在乎人嘅選擇。

香港獨有嘅歷史軌跡，令香港人必然成為香港民族，故此獨立建國唔係唯一出路，而應該係快樂之路。如果大家只係想像獨立係不得不選擇嘅路，以無路可退嘅心態去接受獨立主張，咁就會成日落入灰心喪志嘅境地，因為獨立根本唔係active choice。然而，香港獨立事實上就係一個順理成章嘅active choice，大家只係怕P牌建國之後又再經歷辛苦而裹足不前，但若然大家真正明白到人格獨立同民族獨立嘅關係，亦有能力想像建國之後自己可以如何自處，咁獨立就唔會係超重嘅負擔，而係無窮嘅樂趣。麻辣火鍋之味之難以複製，源於生父因曾經錯過而加入紅酒調味，而主旨花椒之味應該如何感受，如何運用，則在乎香港民族觀影之後帶走得到幾多刺激，幾多領會。反送中之後，大家知覺唔再麻痺，方向日益明確，民族建國則係下一個心理關口，只要過到，光明好快就會重臨香港，重臨東亞。

https://gnimmm.com/2020/05/25/fagara/

考牌連買車的費用對剛踏足社會的年青人來說一點都不容易，所以好多人選擇分期買新車或二手車，也有人

每款車都有捧場客，以HYOSUNG GT250R為例，是一款既經濟，專給新手操車及粗用的入門V2引擎大包圍。而牌齡只有1年的阿軒，考慮到經濟能力，但又渴望玩大包圍，所以不久前Trade in自己的綿羊仔，換來HYOSUNG GT250R操車。
（拍攝當天，幸好本誌及時發現車子的行車証過期，所以從代理借來試車牌，並由他人代駕。所以騎士們，特別是新牌騎士，要定期檢查牌照屆滿日期。）


大家好！我叫軒仔，之前駕駛綿羊仔，最近幾個月轉玩HYOSUNG GT250R。

由於父親都是駕駛電單車，聽他說曾經在香蜜湖及珠海比賽，可是自己當時還未出世，所以只能夠從照片看到父親穿著皮衣的樣子。由於從小便看見父親駕駛電單車，他在我七歲時也送了一部國產minibike給我玩，父親現在還有一部二衝NSR，所以在耳濡目染下，一到18歲立即向他借錢考車牌，幸運地一Take過。

由於自己收入不高，考取車牌後花了幾仟蚊買了一部綿羊仔代步。老實說，當初非常渴望買大包圍，可是考慮到父親有部跑車，他總會給我玩，所以才買綿羊仔。可是他遲遲沒有給我駕駛NSR的機會，說我沒法駕馭，又怕我跌爛架車冇錢整，所以幾個月後Trade in了綿羊仔，換了YOSUNG GT250R。

為甚麼我會換YOSUNG GT250R？是因為可以負擔車價，就算停泊在街道上也不用擔心被偷，即使跌車也不會太過心痛，而我自己也喜歡她的外觀。老實說，我當然想過買其她入門跑車，可是二手價也不便宜，就算有錢買，買了以後也難以負擔600多元的停車場費，更何況車位難求，又擔心停泊在街道的安全，或許待儲夠錢再考慮。

其實Trade in這部HYOSUNG GT 250R時，我只係考慮車價及外型，就算她採用V2引擎，不少人說很特別，還認為比採用單汽缸的跑車利害，可是我沒有駕駛過其她車，所以沒法分辨單汽缸引擎或V2引擎的分辨。但總體來說，HYOSUNG GT 250R的車速在香港很夠用。雖然HYOSUNG GT 250的車身比較大，可是操控十分容易，座高又低矮，我的雙腳可以輕鬆著地（車主身高170cm），就我考獲車牌後已有一段時間沒有駕駛棍波車，但是HYOSUNG GT 250R是一部很容易上手的電單車。。

雖然HYOSUNG GT 250R的座姿十分俯伏，是典型賽車座姿，長時間駕駛很容易疲累，但自己卻十分享受，很有滿足感。此外，自己曾於斜路起步時離合器控制不佳，導致跌車，撞毁包圍、牛角及風鏡。心痛一定有，可是維修及零件費用較估計低，這對經濟力不高的我來說重要。

我曾經試過打電話去運輸處想問個究竟，但好像是沒有直接電話打到去的...於是我花了好多時間排了好多次隊，終於得到一個詳盡的答案，特此分享。

運輸處網https://bit.ly/2SEorq8

instagram. https://bit.ly/2SCliY2
My Shop. https://bit.ly/2IrMHDf