2020奧運有感 長文
今年奧運喺香港受到前所未有嘅關注，而運動員亦得到好好嘅成績

身邊都唔少人問點解奧運無香港排球？其實，奧運排球只能夠有12支參賽隊伍，所以門檻好高，經過一連串資格賽，優勝隊伍得到入場券，以男排為例，基本上整個亞洲爭一個位（日本喺東道主，所以有兩隊亞洲），而香港水平喺連參加亞洲資格賽都無

香港排球甚至其他大球水平同中日韓差咁遠咁有好多因素。 首先，鄰國人口基數大參與運動人數相對多，選材方面可以有更多選擇。 之後，從小無論喺專項上或體能上接受有系統訓練，然而香港喺無可能做到因為場地有限，校隊正常都喺練得一、兩日，仲未計要補課之類而缺席，試問連甲一球隊都無固定場地練波又點提升水平

說穿了，香港運動商業價值低，因為無人睇、無人留意，自然無私人機構投錢。政府對於團隊運動support非常有限，自2018年起，部分團隊運動代表隊成員有$4000資助，資助非常之雞肋，其實呢筆錢唔會令球員放棄工作而全心投入訓練，咁究竟意義喺邊到？不如提供多d場地、添購有用設備、請外教（嚟緊會有）、專業體能訓練 etc

當然我認為，如果要團隊運動成功唔可以單靠政府，喺香港得足球港超喺職業聯賽，而籃球以我所知部分球員喺有波糧。Simone Biles 講'We’re not just athletes or entertainment. We’re human too'
雖然運動員確實唔喺商品。 但喺當一樣運動唔商業化喺唔會有人投放資源落去。以排球為例，中日韓排球聯賽球隊都喺商界冠名，特別喺日本韓國嘅球手被打造成球星，影響力不亞於當地明星

當然水平要夠，先有觀賞價值。 往往佢地好細個就接受有系統嘅訓練，所以一般技術、體能都較好，當然可以打到職業嘅都只喺少數。 當参與人數夠多而水平夠，充撐成個聯賽。 再加上外援制度，提升成個比賽及球員水平

然而，香港人善忘，當年東亞足球曾經拎左金牌，製造過一輪話題，funding亦多左，但有幾多落到球員到呢，而對整個足球生態好似冇太大正面影響，一樣睇既人都喺唔多

所以團隊運動喺香港喺（絕對）唔會成功，足籃排要入到奧運簡直喺天方夜譚，最後只剩下精英運動。 當然，排球有好多樂趣，單項未必可以比到你。 打咁多，都喺想比大眾了解下香港團隊運動生態，可以多d支持一d喺國際舞台無可能拎到獎牌而繼續不斷努力緊嘅運動項目同運動員

《男排女將》19集，運動員無出路？Stephy的戲帶晒成集

在熱血、團結和勝利以外，《男排女將》也是個成長故事，當眾隊員大學畢業，要面對就業問題，生活壓力時，老生常談的「興趣可以當飯食咩」矛盾便會出現，今集的主題變成運動員出路問題，也是較傷感和無奈的一集。阿檸不斷求職失敗，連比賽也無心機參與，方丈成為金融才俊後，賺錢行先也變成無心戀戰，連阿神為了做臨時演員都放棄打波，全隊只餘下King、魚仔和QK繼續努力打排球，這個埸景，既現實又唏噓。就算對排球興趣十足，想做職業球員，現實中也只能和家瑜一樣，去泰國打職業賽。上網查閱資料，香港的優質排隊員，只有少數能到泰國和韓國當職業球員，關於做運動員出路困難問題，在香港看來短時間內難以解決。

昨天家瑜多幕演出實在感人，可謂帶足全程。自從黃金sir寧願走去非洲跳鱷魚潭，也要離開家瑜，令到她在球隊中，突然變成單親媽媽一樣，獨力難支，相當無助。高難度演出是五人退隊一幕，內心已經傷透，但又理解他們的困難，心情矛盾，仍然要若無其事，強忍淚水去安慰球員。尤其安慰阿檸一幕，唔捨得球隊解散，又體諒阿檸的困境，雙眼漸漸變得通紅，但又要控制住唔好哭出來，阿檸這場也發揮很好，講出大家對家瑜的歉意，與及現實壓力下的無奈，見到力圖要解散，這幕叫人神傷。和球隊告別後，她在房間中獨個兒痛哭一段，也是壓力爆表的反映，多年心血，仿似化為烏有，黯然神傷。雖然她不斷重複「天下無不散之筵席」，真正來臨的一刻，還是十分傷感。世事往往未盡人意，不過曾經享受過轟烈的過程，放下舊事再起步也是人生的過程。在Stephy從影的紀錄中，好像第一次做這種「阿媽」的角色，尤其是問候「十年後的力圖」一段，無限叮嚀，也甚感人，作為欣賞鄧麗欣的演出，今集應該相當滿意。

對煌隊的大戰，變成毫無睇頭，唔單止Bobby失望，大家都應該會失望，唔知今晚的「會長盃」，會否再來對決一次？在相當現實的一集中，大家看完家瑜一段訪問，突然又沒有現實困難，又一齊回到球場，的確太戲劇化，又突然變得唔多現實，不過，由於大家都期望力圖再次團結出戰，家瑜有個開心結局，應該唔會太介意了，今晚一齊追看結局吧！

＃Viutv #港劇 #男排女將 #鄧麗欣 #顧定軒 #陳卓賢 #盧瀚霆 #陳宇琛 #呂爵安 #邱傲然 #柳應廷 #王智德 #梁業 ＃李駿傑 #郭嘉駿

🚫嚴禁劇透🚫粗口自行過濾🚫
🚫免批評外表人身攻擊🚫

[1230隔夜超短劇評][ViuTV][男排女將][EP11]
✅ 熱血一集 最後感動
❎ 點解睇唔到Ian一鏡過殺波？
🍭「放心啦，我保護你」「你估你係韓國男主角咩？」

丙組最後一戰，估到都係重點一集。上到球場唔係太離譜嘅話點都會比一般集數好睇。有觀眾話拍運動好難拍，其實都係，因為演員唔係職業球員，好多時都唔可以次次就到姿勢就到位，所以拍佢哋落場比賽要多花心機：一shot拍佢哋跳起攞分，另一shot已經拍佢哋得分。但打過甲一嘅Ian應該可以做到一氣呵成，不過等咗好耐都冇一shot過佢扣殺得分嘅鏡頭，如果有氣氛或者好啲。

比賽中間flashback力圖喺之前點準備，flashback同現場穿插，好容易影響成個比賽呈現出嚟嘅節奏，一剪鬆咗就冇咗刺激感。今集穿插剪得合格。但King佢懷疑自己做唔到自由人，再去到魚仔爆佢話佢廢柴，如果出力啲營造吓個挫折，或者魚仔爆佢爆勁啲，咁去到後尾顧定軒話「我返嚟喇」嗰吓就冇依家咁無力、尷尬。同樣，力圖拎咗一局鐵定可以升乙組嗰吓，成班隊員放鬆晒，都營造得唔夠氣氛，Stephy畀盡去鬧佢哋都做唔到個效果。

不過贏波始終係令我激動嘅。Stephy演家瑜喺贏咗之後想喊嗰個樣，再到King代表成隊人送個丙組冠軍獎盃畀家瑜嗰吓，我都好感動眼濕濕。

打完丙組，即係開始備戰打乙組。又去返加人減人挫敗不信任嘅循環。希望上一個cycle做唔到嘅嘢，尤其係啲事件唔夠引出人物性格嘅問題會解決到。

📺 99台 逢周一至五 2130~2230

[演員表] 鄧麗欣 飾 蔣家瑜 / 顧定軒 飾 張競康 King / 陳卓賢 飾 余俊賢 魚仔 / 盧瀚霆 飾 陳逸朗 Bobby / 呂爵安 飾 楊洋（阿神） / 邱傲然 飾 凌鋒（阿檸）/ 柳應廷 飾 袁啟聰（方丈）/ 陳宇琛 飾 黃金Sir / 陳子豐 飾 Marco / 王智德 飾 Chris 1 / 梁業 飾 Chris 2 / 李駿傑 飾 Chris 3 / 余潔瑩 飾 安安 / 沈殷怡 飾 蟲蟲 / 李爾晨 飾 何晉新 / 林家熙 飾 Cirlcle / 李文星 飾 杉 / 杜港 飾 麥樂基 / 胡卓希 飾 阿Lo / 彭義廣 飾 阿Dee / 郭慧 飾 Ruby / 余世騰 飾 瑜父 / 黃翠儀 飾 瑜母 / 楊昕 飾Ada / 安南 飾 阿里 / 蘇家樂 飾 旭sir / 薛廷旭 飾 立

#1230隔夜超短劇評 #ViuTV #男排女將 #張志光 #陳淑賢 #張之彥 #黃穎珊 #黃竣培 #駱競茵 #鄧麗欣 #顧定軒 #陳卓賢 #盧瀚霆 #呂爵安 #邱傲然 #柳應廷 #陳宇琛 #陳子豐 #王智德 #梁業 #李駿傑 #余潔瑩 #沈殷怡 #李爾晨 #林家熙 #李文星 #胡卓希 #彭義廣 #蘇家樂 #薛廷旭