我個仔去咗祭河神（下）
　　
上集：https://bit.ly/3mg9APm
　　
我只在乎一件事，佢哋鍾意搞咩咪搞咩，點解要殺我嘅小利？

原來，阿龍識咗一個靚女，動咗色心，又用雞蛋嗰套，想呃靚女性交驅魔。

點知靚女冇上當，阿龍實在心痕，就落藥迷姦咗靚女。

靚女梗係報警啦，警察拉咗阿龍，阿龍保釋之後，案件繼續調查。

阿龍搵唔到方法脫罪，居然諗咗一個奇怪嘅招數。
　　

阿龍決定用更嚴重嘅案件，轉移警方嘅注意力。

同時，阿龍睇咗一啲民間傳說，佢相信，只要將小朋友獻祭畀河神，河神就會保佑佢，唔再被警方調查。

兩個「聖妻」對阿龍千依百順，即刻執行佢嘅命令。

於是，「聖妻」捉咗小秀，佢哋三個一齊殺人、放血，將血抹喺河神神像上，再棄屍。
　　

下一個受害者，就係我嘅小利。

佢哋雖然對小利落咗鎮靜劑，但小利突然醒咗，不斷掙扎。

三個人好驚慌咁制伏小利，所以小利受咗好多折磨。

處理屍體嘅時候，佢哋因為疏忽，冇將血跡處理乾淨，所以好容易就俾警方追蹤到。
　　

我可以想像到，小利臨死前嘅恐懼同痛苦。

但喺阿龍口中，講起殺小利嘅過程，就好似殺咗一隻豬、一隻羊咁。

「你真係痴線嘅。」我嘅語氣仇恨又絕望。
　　

我以為，呢單案證據確鑿，案情令人髮指，阿龍三個人一定會被判死刑。

但估唔到，辯方就係話，阿龍係痴線嘅，當事人精神失常，唔應該承擔殺人嘅全部責任。

一個正常人，點會相信只要殺兩個小朋友，就會被神靈保佑，唔會再被官司纏身？

一個正常人，點會用殺人罪嚟逃避強姦罪？

而兩個女人相信自己係「聖妻」，聽晒阿龍話，更加係痴線㗎啦。
　　

好彩，三個被告罪名成立，被判處絞刑。

最令人心寒嘅係，阿龍行去絞刑台嗰陣，係笑住嘅。

佢話，佢唔係去死，係去成為新一任嘅神，應該開心至係。
　　

我諗，小利在天之靈，應該可以安息。

不過，我忍唔住諗，阿龍到底係咪癲㗎呢？佢嘅迷信同行事方式，好明顯同正常人唔同。

但就算佢係癲，因為痴線而做咗咁殘忍嘅事，就可以唔洗死？

究竟一個人有幾衰，係睇佢做咗啲咩，定睇佢行事嘅動機？
　　
—完—
　　
真人真事改編自新加坡「大巴窯殺童案」。

自稱靈媒的林寶龍誘騙女性，提供金錢和性服務，以換取治癒、美容及財運。

後來，其中一名被害人控告林寶龍強姦，他決定殺害兒童，阻擾警方再查下去。

在兩名「聖妻」的協助下，他們殺了一男一女兩個兒童，以祭祀神明。
　　

辯方律師求情時說，被告精神失常，無需承擔全部責任。

心理學家作證，斷定被告有精神分裂症、精神病性抑鬱症及輕度狂躁的症狀。

但法官同意控方的說辭，結果，三人被處以絞刑。

林寶龍沒有尋求赦免，面帶微笑地登上絞刑台。

不少記者認為，此案是80年代最轟動的案件。
　　
新書《真實虛擬一鏡過》已經出版了，現正發售中，
詳情可點擊這裡：https://bit.ly/3eTPuHL
你的支持是我最大的動力！
　　
#短故 #短篇 #小說 #陳美濤 #廣東話 #粵語 #tomatochan #我個仔去咗祭河神

書生捕獵團（上）
　　
落魄嘅書生，路過一個小鎮。

佢遇上一個富家小姐，欣賞佢嘅才華，以身相許，兩個人私訂終身。

小姐仲畀晒自己嘅私房錢，畀書生做盤纏。
　　

書生得到愛情同金錢嘅鼓勵，信心滿滿咁上京趕考，順利考到狀元。

赴過瓊林宴，打馬御街前。

書生不忘舊情，大紅花轎迎接小姐。

小姐成為官夫人，人人艷羨，兩個人幸福快樂咁生活落去。

耶！
　　

嗱，呢個就係「書生與小姐」嘅理想故事。

呢個故事我已經聽咗一百次，但故事依然未實現。

自我介紹一下，我叫露珠，係一個丫環，我自細就同小姐一齊長大。

小姐自然係富家小姐，靚女一名，老爺係做生意嘅，都算有錢。
　　

老爺點樣有錢都好，佢始終係商人。

係呢個年代，商人就係俾人睇唔起嘅，滿身銅臭。

所以，小姐自細嘅心願，就係嫁畀一個做官嘅男人，成為眾人艷羨嘅官夫人。
　　

小姐長大後，先發現呢個心願有幾難。

官員之間會聯姻，大家都要面子，根本唔會娶一個富商嘅女。

就算有啲官員等錢洗，大把巨富之家嘅千金，等住嫁去做官夫人。

相比之下，以老爺副身家，真係排隊都輪唔到。
　　

所以，小姐嘅計劃都有所變動。

既然冇可能嫁畀「已經做官嘅男人」，唯有喺男人未做官前，趁低吸納，建立感情。

換句話講，即係要溝考中科舉嘅男人，狀元榜眼探花嗰啲。
　　

小姐嘅「書生捕獵計劃」正式開始。

小姐吩咐我收集資料，了解路過呢個鎮，上京趕考嘅書生。

要了解佢哋嘅年紀、屋企有冇老婆、性格、愛好，最緊要係成績好，有潛質考中科舉。

有錢洗得鬼推磨，我哋好快就整理咗一本「書生記事錄」，仲不定期更新。
　　

小姐嘅目標，就係年輕單身、成績優異嘅書生，實現「書生與小姐」嘅美好未來。

計劃嘅第一步「勾引書生」，往往係成功嘅。

想像吓，當你一貧如洗，寒窗苦讀嗰陣，突然有個美麗嘅富家小姐，話仰慕你嘅才華，願意以身相許。

十個男人，九個都唔會拒絕。
　　

到目前為止，小姐已經成功勾引咗十八個書生，送埋盤纏畀佢哋上京趕考。

但問題係，到目前為止，仲未有一個書生考中科舉，返嚟娶小姐。

應該話，都有三、四個書生考中咗，但佢哋全部都唔認數，仲有人喺京城娶咗大官嘅女。

當小姐託人寄信去京城，要佢哋兌現承諾，勿忘白頭之約。

嗯，每一封信都石沉大海。
　　

有一次，小姐唔服氣，仲千里迢迢去咗京城，拎住訂情信物，搵中咗舉嘅書生。

但嗰個書生居然唔認數，話唔識小姐，激到小姐爭啲嘔血。

唉，冇良心嘅人實在太多啦。
　　

小姐好困擾，突然有一日，小姐問我：「露珠，你話我係咪應該……生個小朋友呢？」

一直以嚟，小姐雖然對唔同人以身相許，但自己都有小心避孕。

小姐嘅意思係，佢唔再避孕，咁書生中舉後，就可以抱住個小朋友，去逼書生認數。

「小姐，如果你生咗，但個書生冇中舉呢？個個都知你做咗阿媽，你點樣去識下一個書生？」

我一連拋出幾個問題，小姐啞口無言。
　　

呢啲道理小姐都明白，只係佢年紀愈嚟愈大，仲未搵到書生埋單，開始慌張。

我同小姐情同姐妹，見住佢勾引一個又一個嘅書生，一次又一次咁失望，我都好心痛。

我終於忍唔住講：「小姐，不如放棄啦。」

做官夫人雖然威風，但做唔到丫嘛。
　　
下集：https://bit.ly/3nXfac7
　　
Patreon訂閱即時睇下集，快人一步：https://www.patreon.com/tomato28
　　
#短故 #短篇 #小說 #陳美濤 #廣東話 #粵語 #tomatochan #書生捕獵團

一個月前，我收到劍橋大學香港及中國事務會嘅電郵，想我出席一個講座，類似係講香港嘅未來前景。

依家香港都搞到咁，一聽到呢啲題目我個頭真係好痛，仲要係啲上流人士政商名人精英聚首一堂，我真係好格格不入，我不上流，非常下流，想避之則吉。

我向一位劍橋畢業嘅靚女朋友打探，原來佢以前都係上呢枝莊，同我講話OK冇事，叫我去。加上又有羅永聰，都叫做識咗幾年，應該唔會害我嘅。真係唔知道原來佢有個名叫做Julian，都幾好聽

————————————
「思索香港」青年峰會 2021
CUHKCAS “Reflections" Annual Youth Conference 2021

主題：細思我城沿革 遠眺機遇未來
Theme: Past, Present, Future: Hong Kong’s Legacies, Uncertainties, and Opportunities

► Limited Spots!!! Click the following link to register NOW
https://forms.gle/aEMYazguzWkY5BLF8

► Click GOING on the Facebook event page to receive updates!
https://fb.me/e/3eNCO9tK5

*Places are assigned on a first-come-first served basis.
(Deadline: 23:59 15th August 2021)
_________________________________________________

峰會詳情：
日期及時間：2021年8月21日 (星期六) 0900-1730
地點：聖若瑟書院禮堂 (半山堅尼地道七號)
語言:：粵語，輔以英語

費用:
中學生 / 劍橋大學香港及中國事務會會員：港幣20元
大學生：港幣30元
公眾人士：港幣50 元
英國各大學公共事務會 (PASS/CAS) 委員 (只限Executive committee)：免費

Event Details：
Date and Time: 21st August, 2021 (Saturday) 0900 - 1730
Venue: New Hall, St. Joseph's College, 7 Kennedy Road
Language: Cantonese supplemented with English

Fees:
Secondary school students/ CUHKCAS members: HKD 20
University students: HKD 30
Public: HKD 50
Executive committee of UK PASS/CAS: Free of Charge
_________________________________________________

當日流程：

09:00登記 @ 聖若瑟書院禮堂外

09:45 - 10:15 開幕典禮
▻ 李國寶爵士致歡迎詞
▻ Lord Palmerston Essay Competition 頒獎儀式

10:15 - 11:45 專題討論一： 龍獅到紫荊：殖民遺寶還是餘孽?
▻Mrs. Rachel Cartland （前社會福利署副署長）
▻陳志雲先生 （商業電台首席智囊、前港英政府政務主任）
▻劉慧卿女士 （前民主黨主席）
▻呂大樂教授 （教育大學香港社會研究講座教授、香港研究學院總監）
嘉賓主持：石永泰資深大律師（前大律師公會主席）

11:45 - 13:00 午飯時間

13:00 - 15:00 專題討論二：「變革香港」－ 美麗新都會？
▻梁家傑先生（公民黨主席）
▻曾鈺成先生（前立法會主席）
▻曾智華先生（資深電台主持人）
▻周融先生（HKG報創辦人、前港台節目主持人）
嘉賓主持：張達明教授 （香港大學法律學院首席講師）

15:15 - 16:45 專題討論三：明珠蒙塵 － 香港當如何自處？
▻羅健熙先生 （民主黨主席）
▻劉炳章先生 （香港專業聯盟主席、前立法會議員）
▻陳君洋先生 （良師香港創辦人）
▻黃兆祺先生 （渾水）（財經專欄作者）
嘉賓主持：羅永聰先生 （前財政司司長政治助理、前港台節目主持人）

17:00 閉幕典禮

死佬fb : www.facebook.com/dieman02
下面有遊戲資料
請比意見~有意見有進步~
如果喜歡請LIKE
如果想繼續睇的話 請訂閱
==================================================

==================================================
關鍵字:恐怖遊戲,中文,中字,廣東話,粵語,香港,死佬,死佬打機機,廣東話